تىلشىلەرىمىز لۋ جۇڭ، ليۋ دۇڭيۋە حابارلايدى. 3 - ايدىڭ 13 - كۇنى اۆتونوميالى وبلىستىق حالىق قۇرىلتايى تۇراقتى كوميتەتى 15 - كەزەكتى حالىق قۇرىلتايى 4 - ٴماجىلىسى ۋاكىلدەرىنىڭ كەڭەستىك جوبالارى مەن ۇسىنىستارىن ٴبىر جاقتى ەتۋگە تاپسىرۋ ٴماجىلىسىن اشىپ، اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى كەزىندە حالىق قۇرىلتايى ۋاكىلدەرى ورتاعا قويعان كەڭەستىك جوبالار مەن ۇسىنىستاردى زاڭ بويىنشا ٴبىر تۇتاس بىتىرۋگە تاپسىردى ٴارى 2025 - جىلعى اۆتونوميالى وبلىستىق حالىق قۇرىلتايى ۋاكىلدەرىنىڭ كەڭەستىك جوبالارىن، ۇسىنىستارىن، سىندارىن، پىكىرلەرىن ٴبىر جاقتى ەتۋ قىزمەتىن ورنالاستىردى.

وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم ماجىلىسكە قاتىناستى ٴارى ٴسوز سويلەدى. وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى رازيا ابىليز ٴماجىلىستى باسقاردى.

اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى كەزىندە حالىق قۇرىلتايى ۋاكىلدەرى حالىق ٴۇشىن مىندەتىن مۇقيات اتقارىپ، قىزمەت ۇقىعىن زاڭ بويىنشا جۇرگىزىپ، وسكەلەڭ ساياسي سانالىلىقپەن جانە كۇشتى بورىشتىلىق، جاۋاپكەرشىلىك سەزىممەن ورنىقتىلىق، دامۋ ۇلى جوسپارىن جاساپ، ناقتى، جارامدى شارالار ۇسىنىپ، زاڭ بويىنشا 155 كەڭەستىك جوبا مەن ۇسىنىستى ورتاعا قويدى، مۇنىڭ ىشىندە 18 ٴتۇيىندى ۇسىنىس تۇراقتاندىرىلدى. ماجىلىستە وبلىستىق حالىق قۇرىلتايى تۇراقتى كوميتەتى وبلىستىق حالىق ۇكىمەتىنە ۋاكىلدەردىڭ 141 ۇسىنىسىن، وبلىستىق پارتكوم كەڭسەسىنە ۋاكىلدەردىڭ 7 ۇسىنىسىن، اۆتونوميالى رايوندىق جوعارى حالىق سوتى مەكەمەسى ىلە قازاق اۆتونوميالى وبلىستىق بولىمشەسىنە ۋاكىلدەردىڭ ٴبىر ۇسىنىسىن، وبلىستىق حالىق قۇرىلتايى تۇراقتى كوميتەتى زاڭ قىزمەتى كوميتەتىنە ۋاكىلدەردىڭ 2 كەڭەستىك جوباسىن، 2 ۇسىنىسىن، وبلىستىق حالىق قۇرىلتايىنىڭ تۇراقتى كوميتەتى قورشاعان ورتانى قورعاۋ قىزمەت كوميتەتىنە ۋاكىلدەردىڭ ٴبىر كەڭەستىك جوباسىن، ۇسىنىسىن، وبلىستىق حالىق قۇرىلتايى تۇراقتى كوميتەتى ۋاكىلدەر قىزمەت كوميتەتىنە ۋاكىلدەردىڭ ٴبىر ۇسىنىسىن تاپسىردى.

ٴماجىلىس بىلاي دەپ اتاپ كورسەتتى: وتكەن ٴبىر جىلدا ”ۇسىنۋ، تاپسىرۋ، ٴبىتىرۋ، قۋزاۋ، باعالاۋدىڭ“ ٴارقايسى بۋىن ٴتارتىبىن جۇيەلىلەندىرۋ ارقىلى اۆتونوميالى وبلىستىق 15 - كەزەكتى حالىق قۇرىلتايىنىڭ 3 - ٴماجىلىسى كەزىندە ۋاكىلدەر ورتاعا قويعان 4 كەڭەستىك جوبانى، 168 ۇسىنىستى تۇگەلدەي ٴبىر جاقتى ەتىپ ٴارى ۋاكىلدەرگە جاۋاپ قايتارىپ، ۋاكىلدەر نازار اۋدارعان، بۇقارا كوڭىل بولگەن ٴبىر توپ ٴتۇيىندى، قيىن ماسەلەلەردى شەشىپ، ۋاكىلدەردىڭ قۇپتاۋىنا جانە تۇراقتاندىرۋىنا يە بولدى. 

ٴماجىلىس بىلاي دەپ باسا دارىپتەدى: يدەيالىق تانىمدى جوعارىلاتىپ، جالپى بارىستىق حالىق دەموكراتياسىن بەلسەنە امالياتتا ايگىلەپ، رەفورمانى ونان ارى جاپپاي تەرەڭدەتىپ، ٴتۇزىلىس - مەحانيزمدە جاڭالىق اشۋ ارقىلى قالىڭ حالىقتىڭ كەڭ كولەمدى، شىنايى، جارامدى دەموكراتيالىق امالياتقا ات سالىسۋىن تۇزىلىستىك، مەحانيزمدىك كەپىلمەن قامداپ، جالپى حالىقتىڭ بەلسەندىلىگى مەن جاسامپازدىعىن ۇزدىكسىز قاۋلاتۋمەن بىرگە، جالپى بارىستىق حالىق دەموكراتياسىنىڭ جاندى امالياتىن ۇزدىكسىز بايىتۋ كەرەك. ماسەلەنى باعدار ەتۋگە تاباندى بولىپ، تۋراشىلدىقتان اينىماي جاڭالىق اشىپ، ۋاكىلدەردىڭ كەڭەستىك جوبالارىن، ۇسىنىستارىن ٴبىر جاقتى ەتۋدى ىلگەرىلەتىپ، ۇيىمدىق باسشىلىقتى كۇشەيتىپ، ٴبىر جاقتى ەتۋشى ورىننىڭ جاۋاپكەرشىلىگىن ايقىنداپ، ۋاكىلدەرمەن قارىم - قاتىناستى قويۋلاتىپ، ٴبىر جاقتى ەتۋ ونىمدىلىگىن كۇشەيتۋ كەرەك. قۋزاۋ - تەكسەرۋدى، اتقارىلۋىن باقىلاۋدى كۇشەيتىپ، ۋاكىلدەردىڭ كەڭەستىك جوبالارىن، ۇسىنىستارىن ٴبىر جاقتى ەتۋ قىزمەتىنىڭ ناقتى ونىمدىلىگىن ۇزدىكسىز جوعارىلاتىپ، پارتيا، ۇكىمەت باسشىلارى باستاماشىلدىقپەن ٴبىتىرۋ، حالىق قۇرىلتايى باسشىلىق القاسىنىڭ مۇشەلەرى اتقارىلۋىن باقىلاۋ ٴتۇزىمىن قاتاڭ تياناقتاندىرىپ، ٴارقايسى ارناۋلى كوميتەتتەردىڭ (قىزمەت كوميتەتى) اتقارىلۋىن باقىلاۋ جاۋاپكەرشىلىگىن قاتاڭ تياناقتاندىرىپ، تاراۋلاردىڭ باقىلاۋىن كۇشەيتىپ، ناقتى يگەرىپ، قايتا قاداعالاپ، ٴبىر جاقتى ەتۋ كەرەك.  

ٴماجىلىس مىنالاردى تالاپ ەتتى: ۋاكىلدەردىڭ كەڭەستىك جوبالارىن، ۇسىنىستارىن ويداعىداي ىستەۋ − جالپى بارىستىق حالىق دەموكراتياسىن امالياتتا ايگىلەپ، حالىق قۇرىلتايى ٴتۇزىمىنىڭ ابزالدىلىعىن ايگىلەۋدىڭ ماڭىزدى جولى، ونىڭ جاۋاپكەرشىلىگى اۋىر، بورىشى داڭقتى. سانالى تۇردە شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جالپى بارىستىق حالىق دەموكراتياسىن دامىتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، ۋاكىلدەردىڭ كەڭەستىك جوبالارى مەن ۇسىنىستارىن ٴبىرجاقتى ەتۋ قىزمەتىنىڭ ساپاسىن ۇزدىكسىز جوعارىلاتىپ، پارتيانىڭ جالپى بارىستىق حالىق دەموكراتياسى جونىندەگى قۇن كوزقاراسى، پرينسيپتىك رۋحى، نىسانا - مىندەتى، سونداي - اق اينالىم ٴتارتىبى، ارناعا ٴتۇسىرۋ تالابى سياقتىلارعا كەپىلدىك ەتىپ، ونى حالىقتىڭ وزىنە - ٴوزى قوجايىن بولۋىنىڭ ٴارقايسى بۋىندارىندا تياناقتاندىرىپ، حالىق بۇقاراسىنىڭ مەملەكەتتى جانە قوعامدى باسقارۋعا قاتىناسۋىنىڭ ناقتى امالياتىندا تياناقتاندىرىپ، اۆتونوميالى وبلىستىق حالىق قۇرىلتايى قىزمەتىن ارناعا ٴتۇسىرۋ ورەسىن ونان ارى جوعارىلاتۋدى كۇش سالا ىلگەرىلەتۋ كەرەك.

ماجىلىستە «اۆتونوميالى وبلىستىق حالىق قۇرىلتايىنىڭ 2024 - جىلعى ۋاكىلدەردىڭ كەڭەستىك جوبالارىن، ۇسىنىستارىن ٴبىر جاقتى ەتۋ قىزمەتى جاعدايى جونىندەگى حابارلاندىرۋ» وقىلدى، وبلىستىق ونەركاسىپ جانە ينفورماتسيالاندىرۋ مەكەمەسى، وبلىستىق دامۋ جانە رەفورما كوميتەتى پىكىر اۋىستىرىپ ٴسوز سويلەدى، وبلىستىق حالىق ۇكىمەتىنىڭ ۋاكىلى مىندەتىنە العان ورىندار اتىنان پوزيتسيا ٴبىلدىرىپ ٴسوز سويلەدى.

وبلىستىق حالىق قۇرىلتايى تۇراقتى كوميتەتى ورىنباسار مەڭگەرۋشىلەرى ابليكىم نۇرانبەك، سۇن پىڭ، جاڭارسىن نۇراش ۇلى، وبلىستىڭ ورىنباسار باستىعى ليۋ چيڭحۋا، وبلىستىق سوت مەكەمەسىنىڭ، پروكۋراتۋرانىڭ باسشىلارى، وبلىستىق پارتكوم كەڭسەسىنىڭ، وبلىستىق حالىق ۇكىمەتى كەڭسەسىنىڭ، سونداي - اق ٴارقايسى ٴبىتىرۋدى مىندەتىنە العان ورىنداردىڭ جاۋاپتى جولداستارى، ٴىشىنارا ۋاكىلدەردىڭ ۇسىنىسىن مىندەتىنە العان وبلىستىق پارتكومنىڭ قاتىستى قىزمەت قۇرىلىمدارى مەن حالىقتىق ۇيىمداردىڭ قاتىستى جاۋاپتى جولداستارى، وبلىستىق حالىق قۇرىلتايى تۇراقتى كوميتەتىنىڭ ارناۋلى كوميتەتتەرىنىڭ جاۋاپتى جولداستارى، اۆتونوميالى وبلىستىق حالىق قۇرىلتايىنىڭ ٴبىر ٴبولىم ۋاكىلدەرى ماجىلىسكە قاتىناستى.