تىلشىلەرىمىز لي جيان، اراي حابارلايدى. 3 - ايدىڭ 14 - كۇنى 2024 - جىلعى جياڭسۋ مەن ىلەدەگى جاستارمەن ورەندەردىڭ ”جياڭسۋ - ىلە سۇيىسپەنشىلىگى“ اتىنداعى ون مىڭ شاقىرىمدىق شالعايدان كوڭىل توعىستىرىپ قول ۇستاسۋ، حات جولداۋ، دوستاسۋ قيمىلىن قورىتىندىلاۋ، ماداقتاۋ جانە 2025 - جىلعى قىزمەتتەردى ىلگەرىلەتۋ ٴماجىلىسى قۇلجا قالاسىندا وتكىزىلدى، جۋاڭ چىنشيا، ساۋ جيانيىڭ قاتارلى 691 وقىتۋشى، جيا ۋىنيىڭ، ماعىباي قاتارلى 1316 وقۋشى ماداقتالىپ ـ سيلانىپ، جياڭسۋ مەن ىلەدەگى وقىتۋشى ـ وقۋشىلاردىڭ ٴوزارا ىقپالداسۋ، ٴبىرىن - ٴبىرى جەبەۋ، ٴوزارا كومەكتەسۋ، ارالاسۋ، ىشتەسۋ، توعىسۋ ىنتاسىن بارىنشا جوعارىلاتتى.

ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، بـاس جـەتەكشى جاۋ چيڭحۇڭ، ىلە وبلىستىق ۇكىمەت پارتيا باسشىلىق گرۋپپاسىنىڭ مۇشەسى، جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس جەتەكشى لي جانچاۋ ماجىلىسكە قاتىناستى. ىلە وبلىستىق پارتكوم وقۋ - اعارتۋ قىزمەت كوميتەتىنىڭ، وبلىستىق وقۋ - اعارتۋ مەكەمەسىنىڭ، وبلىستىق وداق كوميتەتىنىڭ، وبلىستىق پوچتا بولىمشە سەرىكتەستىگىنىڭ جاۋاپتى جولداستارى، سونداي - اق جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابىنىڭ قاتىستى قىزمەتكەرلەرى ماجىلىسكە قاتىناستى.

ۇعىسۋعا قاراعاندا، 2024 - جىلى جياڭسۋ مەن ىلەدەگى جاستار مەن ورەندەردىڭ ”ون مىڭ شاقىرىمدىق شالعايدان شىنايى سالەم جولداۋ“ اتىنداعى قول ۇستاسا حات جازىپ دوستاسۋ قيمىلى جاپپاي باستالعاننان بەرى، جياڭسۋ ولكەسىنەن ىلەگە كومەككە كەلگەن ٴارقايسى اۋدان، قالالارداعى قىزمەت گرۋپپالارى، ىلە وبلىسىنا توتە قاراستى ورىنداردىڭ جانە بيڭتۋان 4 -، 7 - شىسى پارتكومى وقۋ - اعارتۋ قىزمەت كوميتەتىنىڭ، وقۋ - اعارتۋ مەكەمەسىنىڭ، وداق كوميتەتىنىڭ، ورەندەر كوميتەتى مەن ورەندەر قىزمەتى كوميتەتتەرى، سونداي - اق پوچتا بولىمشە سەرىكتەستىكتەرى بەلسەنە ارەكەتتەنىپ، سايكەسە سەلبەسىپ، دەن قويا ۇيىمداستىرىپ، حات - حابار الىسۋ، بارىس - كەلىس، اۋىس - كۇيىس جاساسۋ قيمىلىنىڭ ٴونىمدى ورىستەتىلۋىن پارمەندى ىلگەرىلەتكەن.

2024 - جىلدىڭ سوڭىنا دەيىن جياڭسۋ مەن ىلەدەگى(بيڭتۋان 4 - شىسى مەن 7 - شىسىن قامتيدى) جالپى جۇپ قۇراعان 708 مەكتەپتەن 112 مىڭ وقۋشى حات جازىسۋ، دوستاسۋ جەلىلەس قيمىلىنا قاتىناسقان، تەك ەكى جەردەگى جاستار مەن ورەندەردىڭ ٴوزارا جازىسقان حاتتارىنىڭ ٴوزى 200 مىڭ پارشادان اسقان.

شىنايى سۇيىسپەنشىلىككە تولى حاتتار، ۇقساس جاسامپازدىققا يە شاعىن تۋىندىلار جياڭسۋ مەن ىلەدەگى ٴار ۇلت جاستارى مەن ورەندەرىنىڭ جانە وتباسىلارىنىڭ ارالاسۋىن، ىشتەسۋىن، توعىسۋىن ىلگەرىلەتتى جانە جەبەدى، ٴبىر ٴبولىم وقۋشىلار جازعى، قىسقى دەمالىس كەزىندە جازعى، قىسقى لاگەر قيمىلدارىنا قاتىناسىپ، ەكى جەردىڭ وتباسىلارى اراسىنداعى تۇسىنىستىكتى ونان ارى تەرەڭدەتىپ، دوستىقتى نىعايتىپ، حات الىسىپ دوستاسۋدىڭ جەتىستىكتەرىن بەكەمدەدى.

مۇنىڭ ىشىندە كۇنەس اۋداندىق 6 - ورتا مەكتەپتىڭ 8 - جىلدىق 5 - كلاسىنىڭ وقۋشىسى ما رۇي باستاۋىشتىڭ 4 - جىلدىعىنان باستاپ حات جازىسىپ دوستاسۋ قيمىلىنا قاتىناسىپ، ياڭجوۋ قالاسى مەيليڭ ورتا مەكتەبىنىڭ 8 - جىلدىق 11 - كلاسىنىڭ وقۋشىسى حۋا جياچيمەن دوستاسقان. بۇل ەكى ساباقتاس باستان - اياق حات الىسىپ، جولداما جولداپ، ۋەيشيندە اڭگىمەلەسىپ، مەرەكە - مەيرامداردا ٴوزارا تارتۋ ۇسىنىپ وتىرعان، ەكى وقۋشىنىڭ اتا - انالارى دا جاقسى دوس بولعان ٴارى جىلدار بويى ٴوزارا قارىم - قاتىناس جاساسىپ، ”ون مىڭ شاقىرىمدىق شالعايدان ۇكىلى حات جولداعان جياڭسۋ مەن ىلەنىڭ شىنايى تىلەكتەس“ ەكەنىن شىن مانىندە جۇزەگە اسىرعان.

قيمىل باستالىپ بۇگىنگە دەيىن جياڭسۋ مەن ىلەدەگى جاس ٴوسپىرىم وقۋشىلاردىڭ رۋحاني الەمىن بارىنشا كەڭەيتىپ، ەكى جەردەگى وقۋشىلاردىڭ دوستىعىن تەرەڭدەتىپ، وتانشىلدىق سۇيىسپەنشىلىكتى تاسقىنداتىپ، كەڭ تاراتۋ قۋاتى مەن ىقپال كۇشىن قالىپتاستىرىپ، تاماشا قوعامدىق ونىمدىلىككە قول جەتكىزدى.

سول كۇنى جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى، ىلە وبلىسىنىڭ جانە بيڭتۋان 4 - ، 7 - شىسى پارتكومىنىڭ وقۋ - اعارتۋ قىزمەت كوميتەتى، وقۋ - اعارتۋ مەكەمەسى، وداق كوميتەتى، ورەندەر قىزمەت كوميتەتى جانە ىلە وبلىستىق پوچتا بولىمشە سەرىكتەستىگى 2024 - جىلعى  جياڭسۋ مەن ىلەدەگى جاستار مەن ورەندەردىڭ ”جياڭسۋ - ىلە سۇيىسپەنشىلىگى“ اتىنداعى 10 مىڭ شاقىرىمدىق شالعايدان شىنايى سالەم جولداعان قول ۇستاسىپ، حات الىسىپ، دوستاسۋ قيمىلىندا بەينەسى كورنەكتى بولعان ورىندار مەن جەكەلەردى ماداقتاپ - سيلادى. مۇنىڭ ىشىندە جياڭسۋدىڭ ىلەگە كومەك بەرۋى . نانجيڭ (جياڭنيڭ) قىزمەت گرۋپپاسى، جياڭسۋدىڭ ىلەگە كومەك بەرۋى . سۋجوۋ قىزمەت گرۋپپاسى، قۇلجا اۋداندىق پوچتا بولىمشە سەرىكتەستىگى، بيڭتۋان 4 - شىسى كوكدالا قالالىق وقۋ - اعارتۋ مەكەمەسى سياقتى 40 ورىنعا تاڭداۋلى ۇيىمداستىرۋ سيلىعى بەرىلدى؛ ۋ يوۋۋي قاتارلى 52 ادام وزات جەكە بولىپ باعالاندى؛ جۋاڭ چىنشيا، ساۋ جيانيىڭ قاتارلى 691 وقىتۋشى ۇزدىك جەتەكشى بولىپ باعالاندى؛ جياڭسۋ ولكەسىنەن ساي جينشۋان، ىلـە وبلىسىنان جيا ۋىنيىڭ، ماعىباي قاتارلى 800 وقۋشى ۇزدىك حات - حابار سيلىعىن؛ جياڭسۋ ولكەسىنەن جـاڭ ميـنرۇي جـانە ىلـە وبلىسىنان جياڭ فىنجياۋ قاتارلى 516 وقۋشى ”ۇلتتار ىنتىماعىنداعى كىشكەنتاي ۇلگىلى جاۋىنگەر“ اتاعىن الدى.

كىشى-گىرىم حاتتاردىڭ ٴسوزى قاراپايىم بولعانىمەن، تەرەڭ سۇيىسپەنشىلىك پـەن ۇنـدەستىككـە تـولى ەدى. جاۋ چيڭحۇڭ بىلاي دەدى: جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتىپ، كوپ بولىپ اقىل قوسىپ، جياڭسۋ مەن ىلەدەگى جاستار مەن وسپىرىمدەردىڭ ”ون مىڭ شاقىرىمدىق شالعايدان سالەم جولداۋ“ اتىنداعى قول ۇستاسۋ، حات جازىسىپ دوستاسۋ قيمىلىنىڭ ۇلگىلىك، باستاماشىلدىق رولىن ويداعىداي ساۋلەلەندىرىپ، ٴبىر پارشا حاتتى دانەكەر ەتۋ ارقىلى جاڭا داۋىردەگى ۇلتتار ىنتىماعىنىڭ ”ۇلكەن ساحناسىن“ ايگىلەپ، شينجياڭنىڭ ٴىشى - سىرتىنداعى، بيڭتۋان مەن جەرگىلىكتى ورىن اراسىنداعى قالىڭ وقىتۋشى، وقۋشىلاردى، وتباسىلارىن ٴوزارا ىقپالداسىپ، ٴوزارا توعىسۋعا جەتەكتەپ، ىلە وبلىسىنا توتە قاراستى ورىندار مەن بيڭتۋان 4 -، 7 - شىسىنداعى ٴار ۇلت جاستارى مەن ورەندەرىنىڭ ارالاسۋ، ىشتەسۋ، توعىسۋىنىڭ شىت جاڭا جاعدايىن جەدەل قالىپتاستىرۋ كەرەك.