— 2025 ـ جىلعى شينجياڭ كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ماجىلىسىنەن، جۇمىس باسى كەڭەس سۇراۋ ماجىلىسىنەن كورگەن ـ بىلگەندەرىمىز

انار بۇلت \ شينجياڭ گازەتىنىڭ ٴتىلشىسى ۋاڭ يايۇن

”قايسىسى؟ اقتاۋ كوكجىلعا التىن كەنى؟ بۇل كەننىڭ ورنى مىنا جەردە“... 3 ـ ايدىڭ 18 ـ كۇنى اقسۋ قالاسىندا وتكىزىلگەن 2025 ـ جىلعى شينجياڭ كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ماجىلىسىندە، جۇمىس باسى كەڭەس سۇراۋ ماجىلىسىندە قىزىلسۋ قىرعىز اۆتونوميالى وبلىستىق جاراتىلىستىق بايلىق مەكەمەسى كەن بايلىعىن بارلاۋ ـ اشۋدى باسقارۋ ٴبولىمىنىڭ جاۋاپتىسى جين گوفىڭ ٴبىر جاعىنان قىزىلسۋ وبلىسىنىڭ وتكەرمەلەيتىن مەتال كەن ۇقىعى كەستەسىنەن رايون بولىگىن تۇراقتاندىرىپ، ەندى ٴبىر جاعىنان ٴتورت ولشەمدى جەر شارىنىڭ ناقتى ۋاقىت كارتاسى ارقىلى كاسىپورىندارعا وسى رايون بولىگىنىڭ ورنى، جەر بەدەرى سياقتىلاردى ستەرەولدىق تىكە تانىستىردى.

بۇل جولعى جۇمىس باسى كەڭەس سۇراۋ ٴماجىلىسى — 2025 ـ جىلعى شينجياڭ كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ٴماجىلىسى رەسمي باستالۋدان بۇرىن بۇكىل ەلدەگى 240تان استام كەنگە ساياتىن كاسىپورىن مەن شينجياڭداعى 14 ايماق، وبلىس، قالانىڭ ۇكىمەت تاراۋلارىنا ارناۋلى ورناتقان بەتپە ـ بەت اۋىس ـ كۇيىس تۇعىرى.

”جارتى ساعات ۋاقىتتا ٴبىز 10 نەشە كاسىپورىندى قابىلدادىق، مۇنىڭ ىشىندە بەيجيڭنەن، جياڭشيدەن كەلگەن كاسىپورىندار بار“. جين گوفىڭ بىلاي دەپ تانىستىردى: ”تاۋلى وبلىس“ اتالعان قىزىلسۋ وبلىسىنىڭ كەن بايلىعى مول، بۇل جولى، باستىسى، 52 مەتال كەنى مەن 9 مەتاللۋيد كەنىن تانىستىرامىز، التىن، مىس، ۆانادي، تيتان، تەمىر سياقتىلار كاسىپورىن ەڭ كوپ كەڭەس العان كەن ٴتۇرى بولدى.

”بۇرىن ٴبىز بازار ىزدەگەندە جەكە ـ دارا ارەكەتتەنگەندىكتەن ينفورماتسيا الۋىمىز شەكتى بولاتىن. قازىر قالا باستىعىمەن تىكە بەتپە ـ بەت سويلەسىپ، لايىقتى نىسانداردى دالمە ـ ٴدال تۇيىلىستىرە الامىز“. تۇڭليڭ حيميا ونەركاسىپ توبى شەكتى سەرىكتەستىگىنىڭ قازىنا باس باقىلاۋشىسى لي شياۋچياڭ بىلاي دەدى: شينجياڭنىڭ وسى اۋىس ـ كۇيىس تۇعىرىن قۇرۋى وتە جاقسى بولدى، كاسىپورىندار ايماق، وبلىس، قالالاردىڭ كەن بايلىعى جاعدايى مەن كەن كاسىبىن دامىتۋ ساياساتىن تەز، ەگجەي ـ تەگجەيلى ۇعىسا الادى. ول كاسىپ سالاسىندا كەڭ تارالعان ”شينجياڭدا ورايدى وتكىزىپ الۋ 30 جىلدىڭ الدىندا شىنجىندا ورايدى وتكىزىپ العانمەن بارابار“ دەگەن سوزگە كامىل سەنەدى.

لي شياۋچياڭ بىلاي دەپ تانىستىردى: ۇجىمىمىز الدىڭعى كۇنى وتكەرمەلەۋ نىسانى جونىندەگى ۇگىت ماتەريالدارىن تاپسىرىپ العاننان باستاپ، ”سەرىكتەستىكپەن“ تىعىز سايكەسىپ، جۇمىس ٴبولىسى بويىنشا سەلبەسىپ، 311 كەن شارۋاشىلىعى ۇقىعىن تۇرگە ٴبولىپ ىقشامداپ كوشىرىپ رەتتەدىك. كەڭەس سۇراۋ ماجىلىسىندە مەن تۇندەلەتىپ جاسالعان كەستەنى الىپ، قاتىستى ايماق، وبلىس، قالالارمەن ٴبىر ـ بىرلەپ ”كەستەنى“ سالىستىرىپ كەڭەس وتكىزدىم.

”مۇنداي كەن شارۋاشىلىعى ۇقىعىن شوعىرلى تانىستىرۋ ٴتاسىلى كاسىپورىنداردىڭ شينجياڭنىڭ كەن بايلىعى بازارىن اناعۇرلىم ىشكەرىلەي تۇسىنۋىنە مۇمكىندىك جاسايدى“. بىلتىر جىل باسىنان باستاپ شينجياڭنىڭ مۇناي ـ تابيعي گاز بايلىعىنا نازار اۋدارىپ كەلگەن چۇڭچيڭ يۇيشياڭ ساۋدا ـ ونەركاسىپ (توبى) شەكتى سەرىكتەستىگى سىرتپەن بايلانىس جاساۋ ٴبولىمىنىڭ باستىعى ۋ حۇڭ مىنالاردى ٴبىلدىردى: وتكەرمەلەنەتىن 36 مۇناي ـ تابيعي گاز رايون بولىگىنەن ٴوزىمىزدىڭ دامۋ قاجەتىمىزگە ۇيلەسەتىن ورايدى توتەنشە جوعارى ونىمدىلىكپەن قاراستىرىپ، اقسۋ ايماعىنا ورنالاسقان 3 رايون بولىگىن باسا تاڭدادىق، ”كەيىن ىشكەرىلەي بايلانىس، اۋىس ـ كۇيىس جاساپ، وتكەرمەلەۋ ينفورماتسياسىنا قاداعالاي نازار اۋدارىپ، باسەكەلەستىرە ساتۋعا بەلسەنە ات سالىسىپ، توبىمىز كاسىبىنىڭ مۇناي ـ تابيعي گازدىڭ جوعارعى بۋىنداعى بازارعا قاراي كەڭەيۋى ٴۇشىن جەدەل ورنالاستىرۋ جاسايمىز“.

2021 ـ جىلدان باستاپ شينجياڭدا قارجى قوسىپ شارۋاشىلىعىن شالقىتقان شاندۇڭ التىن توبى شەكتى سەرىكتەستىگى ىلە قازاق اۆتونوميالى وبلىسىنان باستاپ تۇرپان، تارباعاتاي، قۇمىل سياقتى جەرلەردىڭ كەن قالىپتاسۋ بەلدەۋىندە 7 ساپالى كەن بارلاۋ ۇقىعىنا باسەكەلەسىپ يە بولدىق. شاندۇڭ التىن (بەيجيڭ) كاسىپ سالاسىنا قارجى قوسۋ شەكتى سەرىكتەستىگىنىڭ باس ينجەنەرى چي ۋي بىلاي دەپ تانىستىردى: بۇل جولعى جۇمىس باسى كەڭەس سۇراۋ ماجىلىسىنە قاتىناسۋدان بۇرىن ٴبىز شينجياڭداعى جوعارى مەكتەپتەر، زەرتتەۋ ورىندارى، ساۋدا ورتالىعى سياقتى جەرلەردە 20 نەشە كۇن تەكسەرۋ ـ زەرتتەۋ جۇرگىزدىك، ”توبىمىز شينجياڭنىڭ كەن بازارىن ۇزدىكسىز تەرەڭ اشىپ، بايلىق قورىن مولايتىپ، شينجياڭ ىشىندەگى التىن كەن بايلىعىن بىرىكتىرىپ بارلاۋ جانە اشۋ سەرپىنىن ارتتىرامىز“.

”التاي ايماعى كەن كاسىبىن اشۋعا جاسىل ارنا اشىپ، ’جەلىلەس‘ ٴبىتىرۋ ۇلگىسىن جولعا قويىپ، كاسىپورىندارعا ’قول بالا ۇلگىسىندە‘ قىزمەت وتەدى“. التاي ايماقتىق جاراتىلىستىق بايلىق مەكەمەسى كەن بايلىعىن باسقارۋ ـ باقىلاۋ ٴبولىمىنىڭ باستىعى يان حۇڭكۋان كاسىپورىنعا قاتىستى ماسەلەلەرگە جاۋاپ قايتارۋمەن بىرگە، جەرگىلىكتى ورىننىڭ ٴتيىمدى ساياساتتارىن دا ەگجەي ـ تەگجەيلى ٴتۇسىندىردى.

كەڭەس سۇراۋ ماجىلىسىندە شينجياڭ بانكەسى، شيڭيە بانكەسى سياقتى فينانس قۇرىلىمدارى دا كەڭەس سۇراۋ تۇعىرىن قۇرىپ، ماجىلىسكە قاتىناسقان كەنگە ساياتىن كاسىپورىندارعا جۇمىس باسىندا قارجى قۇراۋ، قارىز اقشا بەرۋ جونىندە كەڭەس بەرۋ قىزمەتىن وتەدى.