شينجياڭدا تۇراتىن مەملەكەتتىك ساياسي كەڭەستىڭ مۇشەسى گۋان فاڭفاڭ مىندەتىن وتەپ قايتىپ كەلىپ، مەملەكەتتىك ەكى ٴماجىلىستىڭ رۋحى جونىندە ۇگىت - لەكسيا جاسادى

ٴتىلشىمىز لي يافىڭ، ەرىكتى ٴتىلشى گۋان حانيۇي حابارلايدى. 3 - ايدىڭ 14 - كۇنى شاپشال سىبە اۆتونوميالى اۋداندىق وقۋ - اعارتۋ مەكەمەسىنىڭ جيىن زالىندا بوس ورىن قالمادى، شينجياڭدا تۇراتىن مەملەكەتتىك ساياسي كەڭەستىڭ مۇشەسى، شاپشال سىبە اۆتونوميالى اۋداندىق وقۋ - اعارتۋ مەكەمەسى وقۋشى قابىلداۋ جانە ەمتيحان ورتالىعىنىڭ مەڭگەرۋشىسى گۋان فاڭفاڭ قىزمەت ورنىنا قايتىپ كەلىسىمەن بۇكىل اۋدانداعى وقۋ - اعارتۋ قىزمەتكەرلەرىنە مەملەكەتتىك ەكى ٴماجىلىستىڭ رۋحى جونىندە ۇگىت - لەكسيا جاساپ، مەملەكەتتىك ەكى ٴماجىلىستىڭ ٴۇنىن نەگىزگى ساتىنىڭ ٴبىرىنشى شەبىنە جەتكىزدى.

شاپشال اۋداندىق وقۋ ـ اعارتۋ مەكەمەسىندە گۋان فاڭفاڭ مەملەكەتتىك ەكى ٴماجىلىستىڭ رۋحىن ارقاۋ ەتىپ، شاپشال اۋدانىنىڭ ٴىس جۇزىندىك جاعدايىمەن ۇشتاستىرىپ، مەملەكەتتىڭ ەكونوميكالىق، قوعامدىق دامۋ بەتالىسى، مەملەكەتتى وقۋ ـ اعارتۋ ارقىلى گۇلدەندىرۋ، اۋىل ـ قىستاقتى جاپپاي گۇلدەندىرۋ سياقتى جاقتارداعى ساياساتتىق شارالاردى ٴتۇيىندى ٴتۇسىندىردى ٴارى نەگىزگى ساتىداعى بۇقارا كوڭىل بولگەن وقۋ ـ اعارتۋ، ەمدەۋ، كاسىپ سالاسىن دامىتۋ سياقتى ماسەلەلەر جونىندە ەگجەي ـ تەگجەيلى بايىمداۋ جاسادى. شاپشال اۋداندىق ورتالاۋ مەكتەپتە گۋان فاڭفاڭ وقىتۋشى - قىزمەتكەرلەرمەن بىرگە پىكىر اۋىستىرىپ، جوعارى ساپالى ماماندانعان وقىتۋشىلار قوسىنىن قۇرۋ، وقىتۋشىلىق ٴمورال، ۇستازدىق ستيل قۇرىلىسىن كۇشەيتۋ جانە وقىتۋشىلاردىڭ مامىلەسىن قامتاماسىزداندىرۋ سياقتىلاردى ارقاۋ ەتىپ تالقى ورىستەتتى. ول وقىتۋشىلاردى وقىتۋ ادىسىندە جاڭالىق اشىپ، وقۋ ـ اعارتۋدى سيفرلاندىرۋ ستراتەگياسىنا سۇيەنىپ، ساباقحانانىڭ ونىمدىلىگىن جوعارىلاتىپ، وقۋشىلاردىڭ نەگىزدىك ونەرىن ۇزدىكسىز بەكەمدەۋگە، زەردەلى تەحنيكادان شەبەرلىكپەن پايدالانىپ وقىتۋعا، ونان دا ماڭىزدىسى، زەيىندى اشىپ جۇرەكتى نارلەندىرەتىن وقۋ ـ اعارتۋدىڭ وزەگىن بەكەمدەۋگە شابىتتاندىردى. ناق مايداندا وقىتۋشىلار اراسىندا قىزۋ اڭىس قوزعادى، ورتالاۋ مەكتەپ وقىتۋشىسى ۋاڭ يۇيشيا بىلاي دەدى: ”ەكى ٴماجىلىستىڭ رۋحى نەگىزگى ساتى وقۋ ـ اعارتۋىنا قۋاتتى كۇش ۇستەدى، ٴبىز وقۋ ـ اعارتۋ سالاسىندا ەرىنبەي ەڭبەك ەتىپ، ٴتىپتى دە كوپ بالانىڭ ساپالى بايلىقتان بىرگە يگىلىكتەنۋىنە مۇمكىندىك جاسايمىز“.

شاپشال اۋداندىق وقۋ - اعارتۋ مەكەمەسىنىڭ كادرى حۋ چيڭرۇڭ بىلاي دەدى: ”ۇگىت ـ لەكسيا ٴبىزدى ايرىقشا جەلپىندىردى، وقۋ ـ اعارتۋدا قۋاتتى ەل قۇرۋ جونىندە اناعۇرلىم ايقىن تانىمعا يە بولدىم“.

سول كۇنى جيىن زالىنان مەكتەپكە دەيىن، گۋان فاڭفاڭ بۇقارامەن جاناسىمدى، جالىندى تىلمەن ”شاعىن اڭگىمە ارقىلى ۇلكەن قاعيدانى ٴتۇسىندىرۋ “ سىندى جاندى فورمالار ارقىلى كوپشىلىكتى مەملەكەتتىك ەكى ٴماجىلىستىڭ رۋحىن تەرەڭ تۇسىنۋگە باستاپ، شاپشال اۋدانىنىڭ وقۋ - اعارتۋ جۇيەسىنە جاڭا قوزعاۋشى قۋات ۇستەدى ٴارى شەكارا وڭىرلەردىڭ ەكى ٴماجىلىس رۋحىن دايەكتىلەندىرۋىنە، تياناقتاندىرۋىنا جاندى ۇلگى ازىرلەدى.

گۋان فاڭفاڭ تىلشىگە بىلاي دەدى: مەن بيىل نازاردى وقۋ - اعارتۋدىڭ دامۋىنا ۇزدىكسىز شوعىرلاندىرىپ، ساياسي كەڭەستىڭ مىندەت اتقارۋى مەن ٴوز قىزمەتىنىڭ ىشكەرىلەي توعىسۋىن ىلگەرىلەتىپ، ساياسات ”جەتكىزۋشى“ بولۋمەن بىرگە، حالىقتىڭ حال - جاعدايىن ”ۇعىسۋشى“ بولىپ، وقۋ - اعارتۋدا قۋاتتى ەل قۇرۋدىڭ شەكارا وڭىردە تەرەڭ تامىر تارتۋىنا بەلسەنە دەم بەرەمىن.