انار بۇلت \ شينجياڭ گازەتىنىڭ ٴتىلشىسى جاۋ شييا

تاياۋدا شينجياڭ حوتان شۋەيۋانى كىتاپحاناسىنىڭ جەكە تۇلعا نىسانىنىڭ ەڭ سوڭعى ٴبىر تەكشە بەتوننىڭ قۇيىلىپ بولۋىمەن وسى مەكتەپتىڭ 2 ـ مەرزىمدىك قۇرىلىس نىسانىنىڭ توبەسى جابىلدى. نىسان سالىنىپ بولعاننان كەيىن، مەكتەپ ساپانى ونان ارى جوعارىلاتىپ، سيىمدىلىعىن ارتتىرىپ، جەرگىلىكتى ورىننىڭ عىلىم ـ تەحنولوگيادا جاڭالىق اشۋىنا، كاسىپ سالاسىنىڭ دارەجەسىن جوعارىلاتۋىنا پارمەندى قولداۋ كورسەتەدى.

جوعارى وقۋ ـ اعارتۋدى ويداعىداي جۇرگىزۋ مەملەكەتتىڭ دامۋى مەن ۇلتتىڭ بولاشاعىنا سايادى. شينجياڭ باس شۋجي شي جينپيڭنىڭ وقۋ ـ اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، وقۋ ـ اعارتۋدىڭ، عىلىم ـ تەحنولوگيانىڭ، دارىندىلاردىڭ دامۋىن ٴبىر تۇلعالى ىلگەرىلەتىپ، ”ون ٴىرى كاسىپ سالاسى شوعىرى“ قۇرىلىسى سياقتى كەلەلى ستراتەگيالىق سۇرانىستى ارقاۋ ەتىپ، جوعارى مەكتەپتەردىڭ ورنالاسۋىن ساپالىلاندىرۋ ينجەنەرياسىن اتقارىپ، پاندەر مەن ماماندىقتاردىڭ قامداۋ جاعىنداعى رەفورماسىن تەرەڭدەتىپ، دارىندىلاردى دەربەس باۋلۋ ساپاسىن جاپپاي جوعارىلاتىپ، جۇڭگو ۇلگىسىندەگى وسىزامانداندىرۋ قۇرىلىسىنا قىزمەت وتەۋگە اقىل ـ پاراساتتىق تىرەك جانە دارىندىلار قامتاماسىزدىعىن ازىرلەدى.

جوعارى دەڭگەيدە جوسپارلاپ، جوعارى مەكتەپتەردىڭ ورنالاسۋىن ساپالىلاندىردى

جاڭا وقۋ ماۋسىمى باستالىپ، شينجياڭ حوتان شۋەيۋانىنا بارعانىمىزدا، قىزىل ٴتۇس پەن اق ٴتۇس كىرىكتىرىلگەن عيماراتتاردىڭ قاز ـ قاتار تىزىلگەندىگىن، وقىتۋ رايونى، تۇرمىس رايونى، سپورت رايونى سياقتىلار تارتىپپەن ورنالاسقاندىعىن، دوپ الاڭىندا وقۋشىلار اسىر سالىپ، تۇتاس مەكتەپ اۋلاسىنىڭ ومىرشەڭ كۇشكە تولعاندىعىن كوردىك.

2024 ـ جىلى شينجياڭ حوتان شۋەيۋانى، شينجياڭ تيانشان كاسىپتىك ـ تەحنولوگيالىق داشۋەسى قىزىلسۋ قىرعىز اۆتونوميالى وبلىسى مەكتەپ رايونى ىركەس ـ تىركەس قۇرىلىپ، وڭتۇستىك شينجياڭدى تولىق كۋرس وقۋ ـ اعارتۋىنىڭ جاپپاي قامتۋىن جۇزەگە اسىرىپ، شينجياڭنىڭ جوعارى وقۋ ـ اعارتۋىنىڭ دامۋىندا بەلگى سيپاتتى، بەلەستىك مانگە يە ٴىرى ىسكە اينالدى.

شينجياڭ حوتان شۋەيۋانى اۆتونوميالى رايوننىڭ ”ون ٴىرى كاسىپ سالاسى شوعىرى“ مەن حوتان ايماعىنىڭ وسىزاماندانعان كاسىپ سالاسى جۇيەسىنە تىعىز جاناسىپ، قولدانىلمالى حيميا ونەركاسىپ تەحنولوگياسى، اۋىل شارۋاشىلىق ونىمدەرىن وڭدەۋ جانە ساپانى تەكسەرۋ سياقتى جاڭادان گۇلدەنگەن 18 كاسىپتى اشىپ، 5 جىل ىشىندە بارلىق تولىق كۋرس كاسىبىنە وقۋشى قابىلداۋدى جوسپارلادى.

”شۋەيۋان جاڭا ينجەنەريا عىلىمى، جاڭا مەديتسينا عىلىمى، جاڭا اۋىل شارۋاشىلىعى عىلىمى، جاڭا قوعامدىق عىلىمدار سياقتى سالالاردى ارقاۋ ەتىپ، جاڭالىق اشۋ رۋحى مەن امالياتتىق قابىلەتكە يە اناعۇرلىم كوپ جوعارى ساپالى دارىندىلاردى جەتىلدىرىپ، جەرگىلىكتى سيپاتتى، كوپ ٴپان سيپاتتى، قولدانىلمالى تولىق كۋرس جوعارى مەكتەبىن كۇش سالا قۇرادى“، ـ دەدى شينجياڭ حوتان شۋەيۋانى پارتكومىنىڭ ورىنباسار شۋجيى، شۋەيۋان باستىعى ۋاڭ جىجيان.

شينجياڭ شاحمات تاقتاسى دەسەك، وڭتۇستىك شينجياڭ ”شاحمات كوزى“. وڭتۇستىك شينجياڭنىڭ جوعارى وقۋ ـ اعارتۋىنىڭ جوعارى ساپالى دامۋىن ىلگەرىلەتۋ — وڭتۇستىك شينجياڭنىڭ وڭىرلىك ەكونوميكالىق، قوعامدىق دامۋىن جەبەۋدە، ٴار ۇلت بۇقاراسىنىڭ جوعارى ساپالى وقۋ ـ اعارتۋ جانە تاماشا تۇرمىس جونىندەگى تىلەگى مەن تالپىنىسىن قاناعاتتاندىرۋدا ماڭىزدى مانگە يە.

رايونىمىز وڭتۇستىك شينجياڭنىڭ جوعارى وقۋ ـ اعارتۋىن دامىتۋدى ٴتۇيىن ەتىپ، قاشقار داشۋەسى سياقتى مەكتەپتەردىڭ ساپاسىن جوعارىلاتىپ، كولەمىن كەڭەيتۋدى كۇش سالا ىلگەرىلەتىپ، جاراتىلىستىق عىلىمدار مەكتەپتەرىن قۇرۋدى جەدەل جوسپارلاپ، جاراتىلىستىق عىلىمدار ماماندىعى دارىندىلارىن تاربيەلەۋ سالىستىرماسىن ۇزدىكسىز جوعارىلاتىپ، ٴپان قۇرىلىسىنىڭ بولجامدىلىعى مەن ماماندىقتىڭ ۇيلەسىمدىلىگىن كۇشەيتتى، وڭتۇستىك شينجياڭ جوعارى وقۋ ـ اعارتۋىنىڭ دامۋىندا جاڭا بەينە جارىققا شىقتى.

”ٴبىز وڭتۇستىك شينجياڭدى ٴتۇيىن ەتىپ، جاراتىلىستىق عىلىمدار تۇرىندەگى، قولدانىلمالى تولىق كۋرس جوعارى مەكتەپتەرىن ورنالاستىرىپ قۇرىپ، جوعارى وقۋ ـ اعارتۋدىڭ شينجياڭنىڭ جوعارى ساپالى دامۋىنا تىرەك بولۋ قۋاتى مەن ۇلەس قوسۋ دارەجەسىن جوعارىلاتتىق“. اۆتونوميالى رايوندىق وقۋ ـ اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: اۆتونوميالى رايون جوعارى وقۋ ـ اعارتۋدى دامىتۋدى وڭتۇستىك شينجياڭنىڭ وقۋ ـ اعارتۋ قىزمەتىنىڭ باستاماشىسى ەتۋگە تاباندى بولىپ، مەكتەپتەردىڭ ورنالاسۋ قۇرىلىمى مەن وقۋ ـ اعارتۋ بايلىعىن ورنالاستىرۋدى ساپالىلاندىرىپ، وقىتۋشىلار قوسىنىنىڭ ساپا، قابىلەت قۇرىلىسىن كۇشەيتىپ، جاراتىلىستىق عىلىمدار تۇرىندەگى پاندەر مەن ماماندىقتاردى كۇشەيتىپ، وڭتۇستىك شينجياڭنىڭ جوعارى ساپالى دامۋىن جەبەۋگە سەنىمدى دارىندىلار كەپىلدىگىن جانە اقىل ـ پاراسات تىرەگىن ازىرلەدى.

سونىمەن بىرگە اۆتونوميالى رايون جوعارى وقۋ ـ اعارتۋ بايلىعىن ورنالاستىرۋدى اناعۇرلىم ساپالىلاندىرىپ، ”جەر ـ جەردە تولىق كۋرس وقۋ ـ اعارتۋى بولۋ“ نىساناسىن بىرتىندەپ جۇزەگە اسىردى. شينجياڭ داشۋەسىنىڭ ”قوس بىرەگەي“ قۇرىلىسىن ىلگەرىلەتىپ، شينجياڭ اۋىل شارۋاشىلىعى كاسىپتىك ـ تەحنولوگيالىق داشۋەسىن جاڭادان قۇرىپ، باسقا كاسىپتىك ـ تەحنولوگيالىق داشۋەلەردى قۇرۋ قىزمەتىن جەدەل ىلگەرىلەتتى.

كاسىپ سالاسىن قاداعالاپ، ماماندىقتاردىڭ ورنالاسۋىن رەتتەدى

بيىل شينجياڭ داشۋەسى ”ساپالى تولىق كۋرس وقۋ ـ اعارتۋى بايلىعىنىڭ سيىمدىلىعىن ارتتىرۋ“ جوسپارىن اتقارىپ، تولىق كۋرسقا 355 وقۋشىنى كوبەيتىپ قابىلدايدى.

شينجياڭ داشۋەسىنىڭ ”ساپالى تولىق كۋرس وقۋ ـ اعارتۋى بايلىعىنىڭ سيىمدىلىعىن ارتتىرۋ“ جوسپارىنىڭ ماقساتى مەملەكەتتىڭ جوعارى وقۋ ـ اعارتۋدىڭ جوعارى ساپالى دامۋ ستراتەگياسىنا ٴۇن قوسىپ، قوعامنىڭ ساپالى دارىندىلارعا بولعان كوكەي تەستى قاجەتىن قاناعاتتاندىرۋ، مەكتەپ مەملەكەت ستراتەگياسىنىڭ جانە اۆتونوميالى رايوننىڭ ”ون ٴىرى كاسىپ سالاسى شوعىرى“ قۇرىلىسىنىڭ قاجەتىمەن ٴتۇيىلىسىپ، وقۋشى قابىلداناتىن ماماندىقتاردى ورنالاستىرۋدا ٴپان، ماماندىق قۇرىلىمىن يكەمدى رەتتەۋ، ٴوندىرىس پەن وقىتۋدىڭ توعىسۋىن تەرەڭدەتۋ جانە بايلىقتى دالمە ـ ٴدال ورنالاستىرۋ ارقىلى جوعارى وقۋ ـ اعارتۋ مەن ٴوڭىردىڭ كاسىپ سالاسىنىڭ سايكەسە دارەجەنى جوعارىلاتۋىن جۇزەگە اسىرادى.

شينجياڭ بايلىق ارتىقشىلىعى مەن وڭىرلىك ورىن باسىمدىعىنا سۇيەنىپ، مۇناي ـ تابيعي گاز ٴوندىرۋ، وڭدەۋ، جاسىل كەن كاسىبى جانە وڭدەۋ، مادەنيەت جانە ساياحات سياقتى ”ون ٴىرى كاسىپ سالاسى شوعىرىن“ ٴتۇيىندى تۇردە قالىپتاستىرىپ، ەكونوميكانىڭ جوعارى ساپالى دامۋىن ىلگەرىلەتۋدى العا قويدى.

كاسىپ سالاسىنىڭ دامۋى دارىندىلار تىرەگىنەن ايرىلا المايدى، ال جوعارى وقۋ ـ اعارتۋ مەن كاسىپتىك وقۋ ـ اعارتۋ دارىندىلاردى تاربيەلەۋدىڭ نەگىزگى شەبى رەتىندە، ونىڭ پاندەر مەن ماماندىقتاردىڭ ورنالاسۋى مەن كاسىپ سالاسى قاجەتىنىڭ ۇيلەسىمدىلىگى وڭىرلىك ەكونوميكانىڭ تيبىن وزگەرتىپ دارەجەسىن جوعارىلاتۋعا تىكەلەي ىقپال جاسايدى. قازىر شينجياڭدا ٴپان، ماماندىق قۇرىلىمىندا ٴداستۇرلى پاندەردىڭ اسىپ قالۋى، جاڭادان گۇلدەنگەن سالالاردىڭ جەتكىلىكتى بولماۋى سياقتى ماسەلەلەر ٴالى دە ورىن تەۋىپ وتىر، جۇيەلى رەفورما ارقىلى كەدەرگىلەردى تالقانداۋ كەزەك كۇتتىرمەيتىن شارۋا.

”ون ٴىرى كاسىپ سالاسى شوعىرى“ مەن وسىزاماندانعان كاسىپ سالاسى جۇيەسى قۇرىلىسىن ارقاۋ ەتىپ، رايونىمىز «اۆتونوميالى رايوننىڭ ادەتتەگى جوعارى وقۋ ـ اعارتۋ پاندەرى مەن ماماندىقتارىن ورنالاستىرۋدى رەتتەۋ، ساپالىلاندىرۋدى اتقارۋ جوباسىن (2030 — 2025 ـ جىل)» باسىپ تاراتىپ، ۇزاق ۋاقىتتان بەرگى پاندەر مەن ماماندىقتاردى ساپالىلاندىرۋ، رەتتەۋ مەن بازار سۇرانىسىن ٴتۇيىلىستىرۋدىڭ ”باياۋ قيمىلداۋ“ قامالىن تالقانداپ، عىلىم ـ تەحنولوگيالىق دامۋدىڭ، مەملەكەت ستراتەگياسى قاجەتىنىڭ جەتەكشىلىگىندەگى پاندەردى رەتتەۋ مەحانيزمىن ورناتىپ، اۆتونوميالى رايوننىڭ باسىمدىققا، ەرەكشەلىككە يە كاسىپ سالاسى، جىبەك جولى ەكونوميكالىق بەلدەۋى وزەكتى رايون قۇرىلىسى سياقتى كەلەلى ستراتەگيالىق سۇرانىستاردى ارقاۋ ەتىپ، شۇعىل قاجەتتى جاراتىلىستىق عىلىمدار تۇرىندەگى پاندەر مەن ماماندىقتاردى ەرەكشە ورنالاستىرىپ، دارىندىلاردى دەربەس تاربيەلەۋ قابىلەتىن پارمەندى جوعارىلاتتى.

پاندەر مەن ماماندىق دارىندىلاردى تاربيەلەۋ ساپاسى مەن ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ قابىلەتىنە سايادى. رايونىمىز اۆتونوميالى رايونداعى جوعارى مەكتەپتەردىڭ تولىق كۋرس ماماندىقتارىن قۇرۋ، باسقارۋ ادىسىنە وزگەرىس ەنگىزىپ، جوعارى مەكتەپتەردىڭ نازاردى قوعامدىق قاجەتكە، ماماندىق ولشەمىنە جانە مەكتەپتىڭ ەرەكشەلىگىنە شوعىرلاندىرىپ، ماماندىق ورنالاستىرۋعا ٴوتىنىش بەرۋىنە جەتەكشىلىك ەتتى، 2024 ـ جىلى جاڭادان 49 تولىق كۋرس ماماندىعى بەكىتىلدى، 51 تولىق كۋرس ماماندىعى تىڭنان كورسەتىلدى، 22 تولىق كۋرس ماماندىعى كۇشىنەن قالدىرىلدى، مۇنىڭ ىشىندە زەردەلى كەن اشۋ ينجەنەرياسى، زەردەلى جاساۋ ينجەنەرياسى، ەنەرگيا ساقتاۋ عىلىمى جانە ينجەنەرياسى سياقتى شۇعىل قاجەتتى، تاپشى جاراتىلىستىق عىلىمدار تۇرىندەگى ماماندىقتاردىڭ سالىستىرماسى %65تەن استامعا جەتتى. ماماندىقتاردى يكەمدى رەتتەۋ مەحانيزمىن كۇشەيتۋ ارقىلى جۇمىستانۋ مولشەرى تومەن، قوعامدىق سۇرانىسى ٴالسىز پاندەر كولەمىن ۇزدىكسىز ازايتىپ، وڭىرلىك كاسىپ سالاسىنىڭ تيبىن وزگەرتىپ دارەجەسىن جوعارىلاتۋمەن سايكەسەتىن پاندەر مەن ماماندىق جۇيەسىنىڭ قالىپتاسۋىن ىلگەرىلەتىپ، جوعارى ساپالى دامۋعا جوعارى دەڭگەيلى دارىندىلار تىرەگىن جانە اقىل ـ پاراساتتىق قامتاماسىزدىق ازىرلەدى.

سايكەسە بىرگە ارەكەتتەنىپ، ”ٴتورت تىزبەكتىڭ“ توعىسۋىن جەبەدى

بىلتىر جىل سوڭىندا شينجياڭداعى تۇڭعىش مەملەكەت دارەجەلى قالا ٴوڭىرى ٴوندىرىس ـ وقىتۋ بىرلەسكەن تۇلعاسى — سانجى مەملەكەتتىك اۋىل شارۋاشىلىق جوعارى، جاڭا تەحنولوگيا كاسىپ سالالارىنان ۇلگى كورسەتۋ رايونى وسى زامانعى اۋىل شارۋاشىلىعى ٴوندىرىس ـ وقىتۋ بىرلەسكەن تۇلعاسىنىڭ ماڭدايشالىعى اشىلدى. بۇل بىرلەسكەن تۇلعا ۇكىمەت، كاسىپ سالاسى، كاسىپورىن، مەكتەپ قىزمەتىنىڭ بىرىككەن كۇشىن ۇيىستىرىپ، ٴوندىرىس پەن وقىتۋدىڭ توعىسۋىنداعى قيىن تۇيىندەردى، بوگەتتى تۇيىندەردى جانە تالماۋ تۇيىندەردى شەشۋگە كۇش سالىپ، كاسىپ سالاسى مەن وقۋ ـ اعارتۋ ەكولوگياسىن ۇزدىكسىز ساپالىلاندىردى، مۇنىڭ ىشىندەگى ەڭ ماڭىزدى قىزمەت مىندەتى كاسىپ سالاسى دارىندىلارىن نىسانالى تۇردە ويداعىداي جەتىلدىرۋ بولىپ تابىلادى.

باستاماشى كاسىپورىن رەتىندە، شينجياڭ تايكۇن توبى شەكتى جاۋاپكەرشىلىك سەرىكتەستىگى الدىمەن سىناق ەتىپ، 10 ميلليون يۋاننان استام قارجى قوسىپ، شينجياڭ اۋىل شارۋاشىلىق كاسىپتىك ـ تەحنولوگيالىق داشۋەسىمەن تاجىريبەحانا، جاڭالىق اشۋعا قىزمەت وتەۋ ورتالىعى سياقتىلاردى بىرگە قۇرىپ، باسقا كاسىپورىندارمەن جانە مەكتەپتەرمەن بىرگە تاپسىرىستىق باۋلۋ جوباسىن جاساپ، مەكتەپ پەن كاسىپورىننىڭ الما ـ كەزەك وقىتۋى سياقتى تاسىلدەر ارقىلى دارىندىلاردى بىرگە جەتىلدىرىپ، ەرەكشەلىككە يە كاسىپ (شوعىر) قۇرىلىسىن يگەرىپ، كاسىپتىك دارىندىلاردى تاربيەلەۋدىڭ ۇيلەسىمدىلىگىن ۇزدىكسىز جوعارىلاتتى.

قازىر بىرلەسكەن تۇلعانىڭ زور كۇشپەن قولداۋىندا، شينجياڭ اۋىل شارۋاشىلىق كاسىپتىك داشۋەسىنىڭ 45 ماماندىعى شينجياڭ ىشىندەگى ٴوز ماماندىعىنا قاتىستى 8400دەن استام كاسىپ سالاسى، كاسىپورىنعا تەكسەرۋ ـ زەرتتەۋ جۇرگىزىپ، كاسىپورىن دارىندىلارىنىڭ سۇرانىس ٴتىزىمى سياقتى مەكتەپ پەن كاسىپورىننىڭ 5 ٴتىزىمىن ورناتتى جانە كەمەلدەندىردى، كاسىپ سالاسى، كاسىپورىندار دارىندىلاردى تاربيەلەۋدىڭ تۇتاس بارىسىمەن ىشكەرىلەي توعىستى.

شينجياڭ قاتىناس كاسىپتىك ـ تەحنولوگيالىق شۋەيۋانى جاساندى زەردە ينجەنەرياسى شۋەيۋانىندا مەكتەپ پەن كاسىپورىن بىرگە قۇرعان ناقتى جاتتىعۋ بولمەسى 11گە جەتتى. سوڭعى جىلدارى بۇل شۋەيۋان كاسىپورىندارمەن ىشكەرىلەي توعىسۋدى ۇزدىكسىز كۇشەيتىپ، ماماندىق قۇرىلىسى، دارىندىلاردى باۋلۋ سياقتى جاقتاردا سەلبەسىپ ادام تاربيەلەۋدى جۇزەگە اسىردى، مەكتەپ ـ كاسىپورىن سەلبەستىگىندەگى كاسىپورىن 128گە جەتتى، بۇل شۋەيۋانداعى ”قوس مىندەتتىك“ وقىتۋشىلاردىڭ 23ى كاسىپورىننان كەلگەن، ولار مىندەتىنە العان ساباق ۋاقىتى امالياتتىق ساباق ۋاقىتىنىڭ %22ىن ۇستايدى.

”ٴبىز مەرزىم بويىنشا كاسىپورىندارعا بارىپ قىزمەت ورنىن كەڭەيتىپ، سەلبەستىك ارناسىن كەڭەيتىپ، ٴتىپتى دە كوپ كاسىپورىنداردىڭ امالياتتىق جاعدايىن وقىتۋعا قويىپ، دارىندىلاردى باۋلۋ جوباسىمەن ۇشتاستىرىپ، كاسىپ سالاسىن دامىتۋدىڭ جاڭا تەحنولوگياسى، جاڭا جابدىعى، جاڭا كاسىپتىك ونەر، جاڭا ولشەمى سىندى ’ٴتورت جاڭا‘ مازمۇنىن ساباق وقىتۋىنا دەر كەزىندە ٴسىڭىرىپ، وقۋشىلاردىڭ پراكتيكالىق ناقتى جاتتىعۋىن كۇشەيتتىك“. شينجياڭ قاتىناس كاسىپتىك ـ تەحنولوگيالىق شۋەيۋانى جاساندى زەردە ينجەنەرياسى شۋەيۋانىنىڭ باستىعى ۋي حۇي بىلاي دەدى: شۋەيۋان كاسىپ سالاسىنىڭ دامۋ ٴىس جۇزىندىگىمەن ۇشتاستىرىپ، ”كاسىپ سالاسى، كاسىپورىنداردىڭ تەحنولوگيالىق سۇرانىسى مەن قامداۋ ٴتىزىمىن“ تەكسەرىپ ـ زەرتتەپ جانە بەلگىلەپ، ٴداستۇرلى ماماندىقتاردىڭ دارەجەسىن جوعارىلاتۋ رەفورماسىن باستاپ، كاسىپورىندارمەن بىرگە دارىندىلاردى باۋلۋ جوباسىن بەلگىلەپ، دارىندىلاردى باۋلۋدىڭ ۇيلەسىمدىلىگىن جوعارىلاتتى.

سوڭعى جىلدارى شينجياڭ ينجەنەريا شۋەيۋانى جۇندۇڭ ەكونوميكالىق ـ تەحنولوگيالىق اشۋ رايونىنىڭ كاسىپ سالاسى قاجەتىن مىقتاپ ارقاۋ ەتىپ، دارىندىلاردى باۋلۋ قۇرىلىمىن ساپالىلاندىرىپ، عىلمي زەرتتەۋگە قىزمەت وتەۋ قابىلەتىن جوعارىلاتىپ، اشۋ رايونىنىڭ جوعارى ساپالى دامۋىنا ۇلەس قوستى. مەكتەپتە جيىنى 5000نان استام وقۋ تاۋىسقان وقۋشى جۇندۇڭعا تامىر تارتىپ، اشۋ رايونىنداعى تىرەكتى كاسىپورىندارعا قىزمەت وتەدى. وسى مەكتەپ پارتكومىنىڭ شۋجيى لي يۇيحۇڭ مىنالاردى ٴبىلدىردى: مەكتەپ وقىتۋ باسىمدىعىن ۇزدىكسىز ساۋلەلەندىرىپ، نازاردى باقشا رايونىنداعى كومىر، ەلەكتر، اليۋمين، كرەمني سىندى 4 ۇلكەن نەگىزگى كاسىپ سالاسىنا شوعىرلاندىرىپ، ٴتىپتى دە كوپ جوعارى ساپالى وقۋ تاۋىسقان وقۋشىلارمەن جانە جوعارى دەڭگەيلى دارىندىلار بايلىعىمەن قامداپ، جوعارى قابىلەتتى عىلمي زەرتتەۋ تۇعىرىن بىرگە قۇرىپ، وڭىرلىك ەكونوميكانىڭ جوعارى ساپالى دامۋىنا اناعۇرلىم ويداعىداي دەم بەرەدى.

قازىر شينجياڭ وقۋ ـ اعارتۋ، عىلىم ـ تەحنولوگيا دارىندىلارىنىڭ دامۋىن ٴبىر تۇتاس ىلگەرىلەتىپ، كاسىپ سالاسى قاجەتىن كوزدەپ، ٴپان قامالىن بۇزىپ، ٴپان، ماماندىق بويىنشا قامداۋ جاعىنداعى رەفورمانى تەرەڭدەتۋدە. اۆتونوميالى رايون جوعارى مەكتەپتەردىڭ ”ٴبىر مەكتەپكە ٴبىر جوبا“ بويىنشا مەكتەپتەردىڭ پاندەر مەن ماماندىقتاردى ورنالاستىرۋ جوباسىن جاساۋىنا جەتەكشىلىك ەتىپ، نەگىزگى پاندەردىڭ ٴتۇرىن، نەگىزگى ماماندىقتاردىڭ ۇلكەن ٴتۇرىن ايقىنداپ، ماماندىق تىزبەك شوعىرىن دامىتىپ، كاسىپ سالاسىنىڭ دامۋىندا شۇعىل تاپشى جاراتىلىستىق عىلىم، ونەركاسىپ، اۋىل شارۋاشىلىعى، مەديتسينا دارىندىلارىن جەتىلدىرىپ، جوعارى مەكتەپتەردىڭ پاندەر مەن ماماندىق قۇرىلىمىن ۇزدىكسىز ساپالىلاندىرىپ، ”ون ٴىرى كاسىپ سالاسى شوعىرى“ قۇرىلىسىنىڭ جوبا كارتاسىن جوعارى ساپالى دامۋدىڭ ناقتى كورىنىس كارتاسىنا شىنايى اينالدىرىپ، ”وقۋ ـ اعارتۋ تىزبەگى، دارىندىلار تىزبەگى، جاڭالىق اشۋ تىزبەگى، كاسىپ سالاسى تىزبەگى“ سىندى 4 تىزبەكتىڭ ىشكەرىلەي توعىسۋىن بىرتىندەپ ىلگەرىلەتىپ، وقۋ ـ اعارتۋدا قۋاتتى رايون قۇرىلىسىنا دارىندىلار جاعىنان پارمەندى تىرەك جانە جاڭالىق اشۋ قوزعالىس قۋاتىن ازىرلەدى.