انار بۇلت \ شينجياڭ گازەتىنىڭ ٴتىلشىسى ما ينيڭ

3 ـ ايدىڭ 30 ـ كۇنى حالىقتىق اۆياتسيانىڭ جازعى، كۇزگى ۇشۋ ماۋسىمى باستالدى. ماۋسىم اۋىسقاننان كەيىن، C909 تۇرپاتتى 4 ۇشاقتىڭ ەلىمىزدە جاسالعان ۇشاقتاردىڭ شينجياڭدا جۇمىس جۇرگىزۋ قاتارىنا قوسىلۋىمەن شينجياڭداعى C909 ۇشاعى جيىنى 22گە جەتىپ، اشىلعان اۋە لەنياسىنىڭ سانى جيىنى 120دان اسىپ، ەلىمىز جاساعان ۇشاقپەن اۋە لەنياسىن ەڭ كوپ اشقان ولكەگە اينالدى.

قازىر C909 ۇشاعى شينجياڭ ىشىندەگى 26 حالىقتىق تاسىمال اۋەجايىن تۇتاستىرىپ، حاۋىپسىز جولاۋشى تاسىمالداۋى ميلليون ادامنان (رەت) اسىپ، شينجياڭ ىشىندەگى قالالارعا قاتىناۋ ۋاقىتىنىڭ جالپى تۇلعالىق جاقتان 10 پايىزعا جۋىق تومەندەۋىن ىلگەرىلەتىپ، شينجياڭنىڭ وڭىرلىك اشىقتىعىن، اۋەجايلارىنىڭ ىركىلىسسىزدىگىن جانە اۋە لەنيالارىنىڭ قامتىمدىلىعىن پارمەندى جوعارىلاتتى.

ەلىمىز جاساعان وسى ۇشاقتىڭ شينجياڭدا بارعان سايىن كوپ، بارعان سايىن جاقسى ۇشۋىنا نە سەبەپ بولدى؟

بازار قاجەتى، جاعراپيالىق ۇيلەسىمدىلىك

— C909 مەن شينجياڭ ”ٴبىرىن ـ ٴبىرى باۋرادى“

شينجياڭ ازيا ـ ەۆروپا قۇرلىعىنىڭ قويناۋىنا ورنالاسقان، ەلىمىزدىڭ قۇرلىق جەر اۋدانى ەڭ ۇلكەن ولكە دارەجەلى اكىمشىلىك رايونى، شىعىسى مەن باتىسىنىڭ ارالىعى شامامەن 1950 كيلومەتر، وڭتۇستىگى مەن سولتۇستىگىنىڭ ارالىعى شامامەن 1550 كيلومەتر، مەملەكەت جەرى جالپى اۋدانىنىڭ التىدان ٴبىرىن يەلەيدى. جەرى كەڭ ـ بايتاق، جەر بەدەرى كۇردەلى، ساياحات بايلىعى مول ٴارى حالقى بىتىراندى، ساۋدا ساپارى، ساياحاتتاپ دەمالۋ جانە جىلدام زات اينالىمى تاسىمالى جونىنەن ايتقاندا، جەر بەتى قاتىناسىنا جۇمسالاتىن ۋاقىت ٴبىرشاما ۇزاق بولعاندىقتان، اۋە تاسىمالىنىڭ قولايلىلىق جانە جوعارى ونىمدىلىك باسىمدىعى كورنەكتى.

شينجياڭ ٴارى بۇكىل ەلدەگى اۋە جاي سانى ەڭ كوپ ولكە، قازىر سالىنىپ بولىپ، پايدالانۋعا بەرىلگەن جيىنى 27 حالىقتىق تاسىمال اۋەجايى بار، 2024 ـ جىلى شينجياڭدا قاتىنايتىن مەرزىمدى اۋە جەلىسى جيىنى 547گە جەتتى، مۇنىڭ ىشىندە تارماق اۋەجايلارىنان تارماق اۋەجايلارىنا قاتىنايتىن اۋە لەنيالارىنىڭ وڭىرلىك اۋەجاي اۋە لەنيالارىنداعى سالىستىرماسى ٴبىرشاما جوعارى.

C909 ۇشاعى — ەلىمىز ٴوزى زەرتتەپ جاساعان تۋربوفاندى تارماق لەنياسى جولاۋشىلار ۇشاعى، 78 - 97 جولاۋشى سيادى، ۇشۋ ارالىعى 2225 - 3700 كيلومەتر، ەلىمىزدىڭ ورتا، باتىس بولىگىندەگى جانە سولتۇستىك بولىگىندەگى وڭىرلەردىڭ اۋەجايلارىنا جانە اۋە لەنيالارىنا ەرەكشە ۇيلەسەدى.

”C909 ۇشاعى جوبالانعاندا تۇرلىشە جاعراپيالىق ورتا جانە كليمات شارت ـ جاعدايىنداعى قاتىناۋ قاجەتى تولىق ويلاستىرىلعان“. جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگى C909 ۇشاعى نەگىزگى تۇرپاتىنىڭ باس جوبالاۋشىسى جاڭ كىجى بىلاي دەپ تانىستىردى: شينجياڭدا اسقار تاۋ جۇلگەلەرى دە، كەڭ ـ بايتاق قۇمدى شولدەردە بار، ونىڭ ۇستىنە كليماتى قۇبىلمالى، C909 تۇرپاتتى ۇشاقتىڭ ٴۇستىرت اۋەجايىنان ۇشىپ ـ قوناتىن تاماشا سيپاتى جانە قىرىنان سوققان جەلگە قارسى تۇرۋ قابىلەتى بار، جوعارى تەمپەراتۋرالى جانە ٴۇستىرت — سۋىق وڭىرلەردە دە ورنىقتى جۇمىس كۇيىن ساقتاي الادى، شينجياڭنىڭ وڭىرلىك جانە كليماتتىق ەرەكشەلىگىنە ابدەن ۇيلەسەدى.

2023 ـ جىلى 8 ـ ايدان 9 ـ ايعا دەيىن C909 ۇشاعى شينجياڭدا ٴبىر ايلىق كورسەتپەلى ۇشۋ قيمىلىن ورىنداپ، سول كەزدەگى شينجياڭ ىشىندەگى بارلىق 25 تاسىمال اۋەجايىن قامتىپ، C909 ۇشاعىنىڭ شينجياڭعا سايكەسىمدىلىگىن جانە شينجياڭنىڭ جەر ـ جەرىندەگى اۋەجايلارعا ۇيلەسىمدىلىگىن تولىق دالەلدەگەن بولاتىن.

دەمەك، شينجياڭنىڭ قۋاتتى تارماق لەنيالى تاسىمال بازارى قاجەتى C909 ۇشاعىنىڭ شينجياڭدا دامۋىنا تاماشا وراي ازىرلەدى، سونىمەن قاتار C909 ۇشاعىنىڭ شينجياڭنىڭ وڭىرىنە، كليماتىنا جانە اۋەجايىنا ۇيلەسىمدىلىگى دە شينجياڭدا دامۋىندا كەم بولسا بولمايتىن ماڭىزدى فاكتور بولىپ تابىلادى.

ٴارقايسى جاق سەلبەسىپ، كۇش بىرىكتىرە اۋقىم قالىپتاستىردى

— C909 ۇشاعى ”كوپ“ بولۋعا، ”جاقسى“ بولۋعا قاراي بەت الدى

2023 ـ جىلى 6 ـ ايدىڭ 2 ـ كۇنى C909 ۇشاعىنىڭ ۇشۋ مىندەتىن اتقارعان چىڭدۋ اۆياتسياسىنىڭ كەزەكشى ۇشاعى ارال تارىم اۋەجايىنان ىلە قۇلجا حالىقارالىق اۋەجايىنا ۇشىپ باردى، بۇل C909 ۇشاعىنىڭ شينجياڭدا تۇڭعىش رەت ۇشۋى ەدى.

بۇگىنگى تاڭدا شينجياڭدا ىسكە قوسىلعان C909 ۇشاعى بىردەن 22گە كوبەيىپ، جۇمىس جۇرگىزەتىن اۆياتسيا سەرىكتەستىگى بىردەن ۇشكە كوبەيدى، تۇنەۋ بازاسى بىردەن تورتكە كوبەيدى، اۋە لەنياسى بىردەن ارتىپ، جيىنى 120دان استامعا جەتتى. چىڭدۋ اۆياتسياسىنىڭ C909 ۇشاعىنىڭ تۇڭعىش رەت ورتا ازياعا ۇشۋى، تۇڭعىش ٴۇستىرت اۋە لەنياسىن اشۋى، حۋاشيا اۆياتسياسىنىڭ C909 ۇشاعى تۇڭعىش رەت شونجىعا كەلۋى، يۋانتۇڭ اۆياتسياسىنىڭ C909 جولاۋشىلار ۇشاعىنان جۇك تاسىمال ۇشاعىنا وزگەرتىلگەن ۇشاعىنىڭ الەمدە تۇڭعىش ۇشۋى سياقتى ەلىمىزدە جاسالعان ۇشاقتىڭ كوپتەگەن ”تۇڭعىشىن“ ىركەس ـ تىركەس جۇزەگە اسىردى... ەلىمىزدە جاسالعان ۇشاقتاردىڭ شينجياڭدا قاتىناۋ سانى بارعان سايىن كوبەيىپ، اشىلعان اۋە لەنيالارى بارعان سايىن جيىلەدى.

2023 ـ جىلى 9 ـ ايدىڭ 26 ـ كۇنى اۆتونوميالى رايوندىق حالىق ۇكىمەتى مەن جۇڭگو ساۋدالىق ۇشاق سەرىكتەستىگى ستراتەگيالىق سەلبەستىك كەلىسىمىن جاساسىپ، ەكى جاق ەلىمىزدە جاسالعان ۇشاقتىڭ شينجياڭدا قاتىناۋ تورىن، ۇشاق جوندەۋ جانە باۋلۋ بازاسىن قۇرۋ، ٴىرى ۇشاق كاسىپ سالاسى تىزبەگىن جەتىلدىرۋ، دامىتۋ سياقتى جاقتاردا سەلبەستىكتى تەرەڭدەتۋدى ارقاۋ ەتىپ، ەلىمىزدە جاسالعان ۇشاقتىڭ شينجياڭدا كولەمدەندىرە جۇمىس جۇرگىزۋىن بىرگە ىلگەرىلەتتى.

2024 ـ جىلى 6 ـ ايدا جۇڭگو ساۋدالىق ۇشاق سەرىكتەستىگى شينجياڭ حاۋىپسىز اينالىمدى قامتاماسىز ەتۋ ۇجىمىن ۇيىمداستىرىپ قۇرىپ، 30 تىرەكتى مۇشەنى تۇرپان، قاشقار، قۇلجا سىندى 3 جەردەگى اينالىمدى قامتاماسىز ەتۋ بازاسىندا تۇرۋعا جىبەرىپ، حاۋىپسىزدىكتى قامتاماسىز ەتۋ، اينالىمدى قولداۋ سياقتى كوپ جاقتاردا شينجياڭ اۋەجاي (توبى) شەكتى جاۋاپكەرشىلىك سەرىكتەستىگى، چىڭدۋ اۆياتسياسى، حۋاشيا اۆياتسياسى قاتارلىلارمەن بىرگە كۇش سالدى.

سول جىلى 7 ـ ايدا جۇڭگو ساۋدالىق ۇشاق سەرىكتەستىگى شينجياڭ اۋا رايى مەكەمەسى، شينجياڭ داشۋەسى، شىحىزى داشۋەسى قاتارلى 20دان استام ورىنمەن بىرلەسىپ شينجياڭ ٴىرى تۇرپاتتى ۇشاق مەتەرولوگيا جاڭالىق اشۋ ورتالىعىن جانە ٴىرى تۇرپاتتى ۇشاق قۇمدى بوران زەرتتەۋ ورتالىعىن قۇرىپ، كاسىپ سالاسىنىڭ كۇشىن ۇيىستىرۋ رولىن ساۋلەلەندىرىپ، ەلىمىزدە جاسالعان ۇشاقتاردىڭ شينجياڭدا حاۋىپسىز قاتىناۋىنا قورعاۋشى بولدى.

قازىر شينجياڭ ٴىرى تۇرپاتتى ۇشاق مەتەرولوگيا جاڭالىق اشۋ ورتالىعى چىڭدۋ اۆياتسياسىمەن، حۋاشيا اۆياتسياسىمەن اۋا رايى جاعدايىن اقىلداسۋ، اۋا رايى ينفورماتسياسىن ٴبولىسۋ مەحانيزمىن ورناتىپ، ناشار اۋا رايى الدىن الا سيگنال بەرۋ ۋاقىتىن الدىعا جىلجىتۋ دەڭگەيىن ٴونىمدى جوعارىلاتتى. ٴىرى تۇرپاتتى ۇشاق قۇمدى بوران زەرتتەۋ ورتالىعى قارامايلى، كۇشار، چەرشەن، قاشقار سياقتى 7 جەردەگى اۋەجايدىڭ ەرەكشەلىگىنە مەڭزەس، ”ٴبىر اۋەجايعا ٴبىر شارا“ ورناتتى، مازمۇنى اۋەجاي ورتاسى، اۋا رايى ەرەكشەلىگى، اۋەجاي اينالىم جاعدايى، اۋەجاي اينالىمىنداعى قۇمدى بوران حاۋىپ - قاتەرى جانە اينالىم ۇسىنىسى سياقتىلاردى قامتىپ، اۆياتسيا سەرىكتەستىكتەرىنىڭ ەلىمىزدە جاسالعان ۇشاقتاردى شينجياڭدا حاۋىپسىز ۇشىرۋىنا تەحنولوگيالىق قولداۋ ازىرلەدى.

كاسىپ سالاسىن ۇزارتىپ، توعىسا بىرگە جاسادى

— C909 ۇشاعىنىڭ شينجياڭدا دامۋ ”بولاشاعى جارقىن“

بۇگىنگى كۇندە ەلىمىزدە جاسالعان ۇشاقتار ”اۋەدەگى جىبەك جولىندا“ ۇدەمەلى سامعاۋدا.

”چىڭدۋ اۆياتسياسى تارماق لەنيا تاسىمال قۋاتى ۇسىنىلىمىن ارتتىرىپ، دامۋ كولەمىن زورايتادى. قازىرگى بار تاسىمال قۋاتى ۇسىنىلىمى نەگىزىندە، جازعى، كۇزگى ۇشۋ ماۋسىمىندا شينجياڭدا C909 ۇشاعىنان 2 - 4ىن تىڭنان كوبەيتۋدى جوسپارلاپ وتىر“، ـ دەدى چىڭدۋ اۆياتسياسىنىڭ القا باستىعى تاڭ جين.

حۋاشيا اۆياتسياسىنىڭ C909 ۇشاعى بىلتىر 6 ـ ايدا شينجياڭدا رەسمي قاتىنادى. جازعى، كۇزگى ۇشۋ ماۋسىمىندا حۋاشيا اۆياتسياسى وسىنىڭ الدىندا ىسكە قوسقان C909 تۇرپاتتى 4 ۇشاقتىڭ تۇنەمەلى تاسىمال قۋاتى نەگىزىندە، جاڭادان ٴبىر C909 تۇرپاتتى ۇشاعىن تۇنەمەلى تاسىمالعا قوستى. ” C909 تۇرپاتتى 5 ۇشاق تۇگەلدەي قاشقاردى بازا ەتىپ اۋە لەنياسىن اشىپ، حۋاشيا اۆياتسياسىنىڭ شينجياڭداعى اۋە لەنياسى تورىن ونان ارى جيىلەتتى“، ـ دەدى حۋاشيا اۆياتسياسى شينجياڭ بازاسىنىڭ باس ديرەكتورى جاۋ شياۋبو.

شينجياڭ — حالىقتىق اۆياتسيانىڭ ”نەگىزگى لەنيا مەن تارماق لەنيانى تۇتاستىرىپ، تۇتاس تور ۇلاستىرۋداعى“ ٴتۇيىندى جالپىلاستىرۋ رايونى. قازىر شينجياڭ نەگىزدىك قۇرىلعى قۇرىلىسىن زور كۇشپەن ىلگەرىلەتۋدە، ” 14 ـ بەسجىلدىقتىڭ“ سوڭىندا شينجياڭدا پايدالانىلىپ وتىرعان جانە سالىنىپ جاتقان اۋەجاي سانى 33كە جەتەدى. شينجياڭ حالىقتىق اۆياتسياسى دا ”ٴبىر وزەك، كوپ تارماقتى“، ”باتىستان شىعىپ شىعىسپەن بىرلەسۋ“، ”شينجياڭنىڭ ٴوز ىشىندە تور قالىپتاستىرۋ“ سىندى توراپ، ارنا جانە تور جۇيەسىن جەدەل كەمەلدەندىرۋدە.

مەجەمەن 2026 ـ جىلى C909 تۇرپاتتى جالپى 50 ۇشاق شينجياڭدا قاتىناپ، شينجياڭنىڭ ”نەگىزگى لەنيا مەن تارماق لەنيا تۇتاسقان، تۇتاس تور ۇلاسقان“ اۋە لەنياسى تورىن قۇرۋدى اناعۇرلىم ىلگەرىلەتەدى.

بۇل عانا ەمەس، C909 ۇشاعىنىڭ شينجياڭدا بارعان سايىن كوبەيۋىنە ىلەسە، ەلىمىزدە جاسالعان ۇشاقتاردىڭ كاسىپ سالاسى ەكولوگياسى بىرتىندەپ قالىپتاسۋدا. چىڭدۋ اۆياتسياسى، حۋاشيا اۆياتسياسى قاتارلىلاردىڭ C909 ۇشاعىن ىسكە قوسۋدان جيناعان تاجىريبەلەرىن نەگىزگى جاساۋشى جۇڭگو ساۋدالىق ۇشاق سەرىكتەستىگىنە اڭىس ەتۋى ۇشاقتاردىڭ ساپاسىن جوعارىلاتىپ دارەجەسىن وسىرۋگە كۇش ۇستەدى، ال C909 ۇشاعىنىڭ شينجياڭدا كولەمدى ىسكە قوسىلۋى دا قاتىستى كاسىپ سالالارىنىڭ شينجياڭداعى دامۋىنا جەتەكشى بولادى.

شينجياڭ ٴىرى تۇرپاتتى ۇشاق مەتەرولوگيا جاڭالىق اشۋ ورتالىعى جانە ٴىرى تۇرپاتتى ۇشاق قۇمدى بوران زەرتتەۋ ورتالىعى كوپ جاق توعىسقان ٴوندىرىس، ۇيرەنۋ، زەرتتەۋ ەكولوگيالىق جۇيەسىن بەلسەنە ورناتىپ، ەلىمىزدە جاسالعان ۇشاقتاردىڭ حاۋىپسىز، ىركىلىسسىز قاتىناۋىنا كۇش ۇستەۋمەن بىرگە، ەلىمىزدىڭ ٴىرى تۇرپاتتى ۇشاق مەتەرولوگيا تەحنولوگياسىن زەرتتەۋ قۋاتى مەن قۇمدى بوراندى ورتا ٴوڭىرىن زەرتتەۋ قۋاتىن جوعارىلاتۋدى ماڭىزدى تۇعىرمەن جانە تىرەكپەن قامدادى.

جۇڭگو ساۋدالىق ۇشاق سەرىكتەستىگىنىڭ شينجياڭ ۇشاق جوندەۋ جانە باۋلۋ بازاسى C909 ۇشقىشتارىن باۋلۋدى، C909 تۇرپاتتى ۇشاقتارىن مەرزىمدى تەكسەرۋ جانە جوندەۋ قۋاتىن كۇشەيتىپ عانا قويماي، شينجياڭنىڭ جەرگىلىكتى اۆياتسيا تەحنولوگيا دارىندىلارىن باۋلۋعا دا دەم بەردى.

بولاشاقتا ٴتىپتى دە كوپ C909 ۇشاعىنىڭ شينجياڭ اسپانىندا سامعايتىندىعىنا، وسىناۋ مەكەنگە اناعۇرلىم گۇلدەنگەن كەلەشەك سيلايتىندىعىنا سەنەمىز.