لۋ جۇڭ، حۋاڭ جيڭ (ٴوز تىلشىلەرىمىز)

سۋرەتتە: قۇلجا قالاسى جينداشىڭ بولات اينەك شەكتى سەرىكتەستىگىنىڭ جۇمىسشىسى بولات اينەكتى مانەرلەۋدە.   لۋ جۇڭ فوتوسى

 شارۋاشىلىق - ساۋدا ورتاسى − كاسىپورىنداردىڭ  جەتىلۋىندەگى قۇنارلى توپىراق، ساپالى شارۋاشىلىق - ساۋدا ورتاسى وندىرگىش كۇش پەن باسەكەلىك قۋاتتىڭ قاينارى عانا ەمەس، ونان دا ماڭىزدىسى، بازار تۇلعالارىنىڭ ومىرشەڭدىك كۇشىن تاسقىنداتاتىن شەشۋشى قوزعالتقىش. جاقىنعى جىلداردان بەرى ىلە وبلىسى پىشاقتىڭ ٴدۇزىن ىشكە قاراتۋ سىندى رەفورما تەبىنىمەن شارۋاشىلىق - ساۋدانىڭ ”جۇمساق ورتاسىن“ ۇزدىكسىز ساپالىلاندىرىپ، جوعارى ساپالى دامۋداعى ”تىرەكتىك قۋاتتى“ شىڭداپ، بازارلانعان، زاڭمەن باسقارىلاتىن ماڭداي الدى شارۋاشىلىق ساۋدا ورتاسىن قالىپتاستىرۋ ارقىلى ەكونوميكا مەن قوعامنىڭ جوعارى ساپالى دامۋىنا تاسقىنداعان قوزعاۋشى كۇش ۇستەدى. 

ٴاربىر كاسىپورىنعا ”قىزمەت وتەيتىن

 ارناۋلى قىزمەتكەر“ ورنالاستىردى

قورعاس ەكونوميكالىق اشۋ رايونىنا ورنالاسقان ىلە فىڭساۋ مال فەرماسى ٴسۇت  شارۋاشىلىعى سەرىكتەستىگىنىڭ جىلىنا 10 مىڭ توننا ٴسۇت ونىمدەرىن ٴوندىرۋ زاۆودىنىڭ قۇرىلىس نىسانىنا 150 ميلليون يۋان قارجى قوسىلعان، يەلەگەن جەر كولەمى 60 مىڭ شارشى مەتر، تۇيە ٴسۇتى تالقانى مەن تۇيە ٴسۇتى ونىمدەرىن ٴوندىرۋدى نەگىز ەتەدى. 

شـانـشي شۋەليان تـوبىنا قـاراستى ٴۇشىنشى زاۆود رەتىندە ىلە فىڭساۋ مال فەرماسى ٴسۇت شارۋاشىلىعى شەكتى سەرىكتەستىگى − تەحنولوگيالىق دەڭگەيى جان - جاقتى جوعارىلاعان، تەحنولوگياسى جاڭالانعان ٴۇشىنشى ۇرپاق ٴسۇت ونىمدەرىن ٴوندىرۋ زاۆودى، كاسىپورىن ەل ىشىندەگى ەڭ وزىق تەحنولوگيا مەن تەحنيكانى قولدانعان، سونداي - اق ٴوزى قۇرۋ جانە سەلبەسۋ تاسىلىمەن قوس وركەشتى تۇيە باعىمشىلىق كولەمىن 10 مىڭ باسقا جەتكىزدى. ٴبىر جىلدان استام ۋاقىت قۇرىلىس جۇرگىزۋ ارقىلى قازىر كاسىپورىننىڭ ٴوندىرىس جابدىقتارى تۇگەلدەي ورناتىلىپ سىناقتان وتكىزىلدى، جۋىقتا رەسمي وندىرىسكە قوسىلادى. 

”مەيلى نەگىزدىك قۇرىلعى قۇرىلىسى بولسىن، الدە جابدىقتاردى قۇراستىرۋ، سىناقتان وتكىزۋ بولسىن باقشا رايونى بىزگە كۇش سالا كومەكتەسەدى، سونىمەن بىرگە، كوتەرمەگە الىپ بايلانىس ورناتقان باسشىلار مەن كادرلار جەتەكشىلىك ەتەدى جانە قىزمەت وتەيدى، مۇنداي ٴبىر بەكەتتىك قىزمەت وتەۋ كاسىپورىنداردىڭ كوپتەگەن ۋاقىت وزىندىك قۇنىن ۇنەمدەدى. ونىمدەردى ساتۋ جاعىندا، باقشا رايونى بەلسەنە دانەكەر بولدى، جاڭا ونىمدەر بازارعا شىعىسىمەن - اق بازاردا تاماشا اڭىس قوزعادى“ دەدى ىلە فىڭساۋ مال فەرماسى ٴسۇت شارۋاشىلىعى شەكتى سەرىكتەستىگىنىڭ ورىنباسار باس ديرەكتورى ياڭ يانفي تىلشىگە.

جاقىنعى جىلداردان بەرى قورعاس ەكونوميكالىق اشۋ رايونى شارۋاشىلىق - ساۋدا ورتاسىن بەلسەنە ساپالىلاندىرىپ، ”دالمە - ٴدال قىزمەت وتەۋ“ مەن ”ىرىقتىلىقپەن ىسكەرلىك كورسەتۋ“ جاعىنا ٴتۇيىندى كۇش سالىپ، باسشى كادرلار كاسىپورىندى كوتەرمەگە الىپ بايلانىس جاساۋ مەحانيزمى ارقىلى ٴاربىر كاسىپورىننىڭ ”قىزمەت وتەۋ ارناۋلى قىزمەتكەرى“ بولۋىنا مۇمكىندىك جاساپ، ٴارقايسى تاراۋعا ساياتىن تيىمدىلىك ساياساتىن دالمە ـ ٴدال جەتكىزدى. كاسىپورىندار شوعىرلى اڭىس ەتكەن جۇمىسشى تاپشى بولۋ ماسەلەسىن كوزدە ۇستاپ، بيىل باقشا رايونى ادام كۇشى بايلىعى (باسقارۋ) سەرىكتەستىگىمەن بىرلەسىپ، 4 رەت ارناۋلى قىزمەتكەر قابىلداۋ جينالىسىن اشتى. سونىمەن بىرگە، كاسىپورىنداردىڭ تاپسىرىستىڭ تاپشى بولۋ ماسەلەسىن كوزدە ۇستاپ ”ۇكىمەت كاسىپورىندى تانىستىرۋ“ تاسىلىمەن 30 دان استام كاسىپورىننىڭ توقتام جاساسۋىنا ٴساتتى دەم بەردى.

”شارۋاشىلىق - ساۋدا ورتاسىن ساپالىلاندىرۋ دەگەنىمىز ساياسات ارقىلى ادام باۋراپ، ىزدەپ بارىپ قىزمەت وتەپ، ماسەلەلەردى تولىق شەشىپ، كاسىپورىننىڭ ’ماسەلەلەر تىزىمدىگىن‘ ۇكىمەتتىڭ ’قىزمەت وتەۋ تىزىمدىگىنە‘ اينالدىرىپ، ساياساتتىق حۇجاتتارداعى ’تارماقتاردى‘ كاسىپورىننىڭ ەسەپ ـ قيسابىنداعى ’كىرىسكە‘ اينالدىرۋ بولىپ تابىلادى“  دەدى قورعاس ەكونوميكالىق اشۋ رايونى، قورعاس اۋدانى مەملەكەتتىك وسى زامانعى اۋىل شارۋاشىلىق كاسىپ سالاسى باقشا رايونى پارتيا قىزمەت كوميتەتىنىڭ مۇشەسى، ىلە مەملەكەتتىك اۋىل شارۋاشىلىق عىلىم ـ تەحنيكا باقشا رايونىن باسقارۋ كوميتەتىنىڭ ورىنباسار مەڭگەرۋشىسى لەي كايدۇڭ.

باقشا رايونى بەينە ”توركىنىندەي“ بولدى

قورعاس ەكونوميكالىق اشۋ رايونىنىڭ قۇلجا باقشا رايونىنا ورنالاسقان جينداشىڭ بولات اينەك شەكتى سەرىكتەستىگىنىڭ ٴوندىرىس سەحىنا بارعانىمىزدا زەردەلى مەحانيكالىق قول، زەردەلى 3D سيا بۇرىككىش سياقتى وزىق جابدىقتار جوعارى قارقىنمەن جۇمىس جۇرگىزىپ جاتقانىن كوردىك. ٴاربىر پارشا اينەك العاشقى پلاستينكاسىن كەسۋ، ەگەۋ، بۇرعىلاۋ، بۇركىپ باسۋ، اۋاسىز بوستىقتا پەردە جاپسىرۋ، بولاتتاندىرۋ سياقتى ون نەشە جۇمىس ٴتارتىبى ارقىلى قوراپتالىپ، جەر - جەرگە جەتكىزىلەدى ەكەن. 

قۇلجا قالاسى جينداشىڭ بولات اينەك شەكتى سەرىكتەستىگى 2019 ـ جىلى قۇرىلعان، اينەكتى جىنتىكتەي مانەرلەيتىن، وندىرەتىن جانە ساتاتىن كاسىپورىن. باقشا رايونىنىڭ كۇش سالا قولداۋىندا، كاسىپورىن ۇزدىكسىز دامىپ، زورايىپ، جىلدىق ٴونىم قۇنى ەڭ العاشقى 7 - 8 ميلليون يۋاننان 2024 - جىلى 20 ميلليون يۋانعا جەتتى. جاقىنعى 2 جىلدا كاسىپورىن ىلگەرىندى - كەيىندى اۆتونوميالى رايون جاعىنان جوعارى، جاڭا تەحنيكالىق كاسىپورىن جانە ”ارنايىلانعان، كەمەلدەنگەن، ەرەكشەلەنگەن، جاڭاشالانعان“ ورتا، شاعىن كاسىپورىن اتاعىنا قول جەتكىزدى.

”كاسىپورىننىڭ دامۋى باقشا رايونىنىڭ ٴار جاقتاعى كومەكتەسۋىنەن ايرىلا المايدى، مىسالى، ساتۋ جاعىندا، باقشا رايونى باقشا رايونىنداعى كاسىپورىندار مەن نىسانداردىڭ ونىمدەرىمىزدى ساتىپ الۋىن بەلسەنە ۇشتاستىرىپ سايكەستىرەدى، بۇنىڭ كاسىپورنىمىزعا كومەگى زور بولدى. بيىل كاسىپورنىمىزدىڭ ٴونىم قۇنىن 30 ميلليون يۋاننان اسىرۋعا ٴارى جوعارى دەڭگەيگە، زەردەلىلەنۋگە، جاسىلدانۋعا قاراي بۇرىلىس جاساپ، كاسىپورنىمىزدىڭ باسەكەلىك قۋاتى مەن بازارداعى ىقپال كۇشىن ۇزدىكسىز جوعارىلاتۋعا كۇش سالامىز“ دەدى قۇلجا قالاسى جينداشىڭ بولات اينەك شەكتى سەرىكتەستىگىنىڭ ساتۋ مەڭگەرۋشىسى ما شيميڭ. 

قورعاس ەكونوميكالىق اشۋ رايونىنىڭ قۇلجا باقشا رايونىنداعى قۇلجا قالاسى شىداشى ازىق ـ تۇلىك شەكتى سەرىكتەستىگىنىڭ ٴوندىرىس سەحىندا جۇمىسشىلار ٴوز مىندەتتەرىن وتەپ، شيكىزات دايىنداۋ، جاساۋ، قاقتاۋ، تۇرلىشە بولكا جانە بالكۇلشەنى پەشتەن شىعارۋ جۇمىسىن قانىق جۇرگىزۋدە.

2018 - جىلى قۇلجا قالاسى شىداشى ازىق - تۇلىك شەكتى سەرىكتەستىگى قورعاس ەكونوميكالىق اشۋ رايونىنىڭ قۇلجا باقشا رايونىنا ىرگە تەپتى. سول جىلى كاسىپورىننىڭ جىلدىق ٴونىم قۇنى ٴبىر ميلليون يۋاننان استى، تىكە تيجارات جۇرگىزەتىن ٴبىر عانا دۇكەن بولاتىن، ال 2024 - جىلعا بارعاندا كاسىپورىننىڭ ٴونىم قۇنى 4 ميلليون يۋاننان استى، تىكە تيجارات جۇرگىزەتىن دۇكەن 4 كە جەتتى. 

”كاسىپورىننىڭ بىرتىندەپ بۇگىنگە جەتۋىن باقشا رايونىنىڭ زور كۇشپەن قولداۋىنان بولە قاراۋعا بولمايدى. كاسىپورىن العاش قۇرىلعان سول جىلدارى كوپتەگەن قيىنشىلىقتارعا تاپ بولدىق، باقشا رايونى بەينە توركىنىمىزدەي ٴار جاقتان قولداۋ كورسەتتى، تەك ٴۇيدىڭ ماياقىسى، ەلەكتر اقىسى سياقتى جاقتاردىڭ وزىنەن كاسىپورىن اي سايىن 10 مىڭ يۋاننان استام وزىندىك قۇندى ازايتتى. باقشا رايونى تاعى كاسىپورىندارعا كوتەرمەگە الىپ بايلانىس جاسايتىن كادر سەپتەپ، كاسىپورىنداردىڭ قانداي قيىنشىلىقتارى بار ەكەنىن ۇنەمى سۇراپ ۇعىسىپ تۇردى“ دەدى قۇلجا قالاسى شىداشى ازىق ـ تۇلىك شەكتى سەرىكتەستىگىنىڭ جاۋاپتىسى ما چۋان.

شارۋاشىلىق ـ ساۋدا ورتاسىن 

”ساپالىلاندىرۋدا“ شەك بولمايدى

شارۋاشىلىق ـ ساۋدا ورتاسى − كاسىپورىنداردىڭ ٴومىر ٴسۇرۋىنىڭ، دامۋىنىڭ توپىراعى، سونداي ـ اق ەكونوميكالىق دامۋدىڭ ”بارومەترى“، ونان دا ماڭىزدىسى، جەرگىلىكتى ۇكىمەتتىڭ كاسىپورىنداردى الىپ قاۋلىنىڭ، كاسىپورىندارعا كومەكتەسۋىنىڭ ”جۇمساق كۇشى“ جانە باياندى دامۋدىڭ ”التىن“ ماڭدايشالىعى. 

جوعارى دەڭگەيدە جوبالاۋدى كۇشەيتىپ، ساۋدا ورتاسى قۇرىلىسىنىڭ جالپى جاعدايىن قالىپتاستىرۋ ٴۇشىن، 2024 - جىلى 7 - ايدىڭ 31 - كۇنى ىلە وبلىسى بۇكىل شينجياڭ بويىنشا الدىمەن ىلە وبلىستىق ساۋدا ورتاسى قۇرىلىسى مەكەمەسىن قۇرىپ، ٴارقايسى تاراۋلاردىڭ ساۋدا ورتاسى قۇرىلىسى قىزمەتىندە ارقالاۋعا ٴتيىستى مىندەتى مەن اكىمشىلىك تەكسەرىپ بەكىتۋ ىستەرىن جۇيەلى رەتتەپ، «ىلە وبلىسىنا توتە قاراستى تاراۋلاردىڭ ساۋدا ورتاسى قۇرىلىسىنا قىزمەت وتەۋ مىندەتى تىزىمدىگىن»، «ىلە وبلىسىنا توتە قاراستى تاراۋلاردىڭ اكىمشىلىك رۇقسات ەتۋ ىستەرىن ٴبىتىرۋ ۋاقىتى تىزىمدىگىن» ورىندادى. سونىمەن بىرگە، ”ٴبىر تەرەزەدەن قابىلداۋ، ٴبىر ەسىكتەن ٴبىتىرۋ، ٴبىر جەلىدە ٴبىر تۇتاس ٴبىتىرۋ، ٴبىر جەلىدە جاۋاپ قايتارۋدى“ جاپپاي ىلگەرىلەتىپ، 25 يقۋاتتىق جۇيەنى قامتىعان ”مەنىڭ ىلەم“ اتىنداعى قالا APP ى جەلىگە شىعارىلىپ ىسكە قوسىلدى، ىلە وبلىسىنىڭ ٴوز دارەجەسىندەگى جانە 7 اۋدان - قالاداعى”24×7 ساعات“ اۆتوماتتى قىزمەت وتەيتىن ارناۋلى رايون قۇرىلىپ ىسكە قوسىلدى، 7 تۇردەگى ”جوعارى ونىمدىلىكپەن ٴبىر ٴىستى تىندىرۋ“ تياناقتانىپ اتقارىلدى. ىلە وبلىسىنىڭ ٴوز دارەجەسىندە ”ولكە اتتاپ ٴبىر تۇتاس ٴبىتىرۋ“ ىستەرىن جاريالاۋ سالىستىرماسى %100 كە، ”بيڭتۋان مەن جەرگىلىكتى ورىن ٴبىر تۇتاس ٴبىتىرۋ“ ىستەرى 126 عا جەتىپ، جالپى بارىستا جەلىدە بىتىرىلەتىن ىستەر %84.7 كە، ”ەڭ كوپ بولعاندا ٴبىر رەت بارۋ“ ىستەرى %95.9 كە جەتىپ، ٴتۇرلى ىستەردى تەكسەرىپ - بەكىتۋ ۋاقىتى زاڭدا بەلگىلەنگەن ۋاقىت شەگى نەگىزىندە ورتا ەسەپپەن %55.7 ازايدى، كاسىپورىندى تىركەۋگە الدىرۋ ۋاقىتى ٴبىر قىزمەت كۇنىنە قىسقارىپ، جالپى بارىستاعى ەلەكتروندانۋ مولشەرى %96.49 كە جەتتى.

”شارۋاشىلىق ـ ساۋدا ورتاسىن ’ساپالىلاندىرۋدا‘ شەك بولمايدى. 2025 - جىلى ىلە وبلىستىق ساۋدا ورتاسى قۇرىلىسى مەكەمەسى ەكىنشى جاقتىڭ تۇرعىسىندا ويلاۋدى بەرىك ورناتۋعا تاباندى بولىپ، تيجارات تۇلعالارىنىڭ تابىس سەزىمىن، رازىلىعىن، قولايلىلىق دارەجەسىن تياناق ەتىپ، ساياساتتىق جەتەكشىلىك پەن قىزمەت وتەۋدى قامتاماسىزداندىرۋدى كۇشەيتۋدى قىزمەت ٴتۇيىنى ەتىپ، ساپا مەن ونىمدىلىكتى جوعارىلاتۋدى، قىزمەت وتەۋدى، باقىلاۋدى كۇشەيتۋدى، تيپتەردى تىكتەۋدى، تاجىريبەلەردى جالپىلاستىرۋدى ماڭىزدى تۇتقا ەتىپ، اناعۇرلىم زور بەكىم، اناعۇرلىم جوعارى ولشەم، اناعۇرلىم ناقتى شارالار ارقىلى تيجارات - ساۋدا ورتاسىن ۇزدىكسىز ساپالىلاندىرادى. حالىقتىق شارۋاشىلىقتىڭ دامۋىن جەبەيتىن ساياسات - شارالاردى تىڭعىلىقتى تياناقتاندىرىپ، كاسىپورىندارعا تيىمدىلىك جاساۋ ساياساتىنىڭ دالمە - ٴدال، تىكە جەتكىزىلۋىنە كەپىلدىك ەتەدى؛ جۇمىس ٴتارتىبىن قايتا جاساۋدى ىلگەرىلەتىپ، تەكسەرىپ بەكىتۋ ۋاقىت شەگىن قىسقارتىپ، كاسىپورىنداردىڭ ٴىس ٴبىتىرۋ وزىندىك قۇنىن مۇمكىندىكتىڭ بارىنشا تومەندەتەدى؛ ساندى مالىمەت كەدەرگىلەرىن بۇزىپ، ٴتىپتى دە كوپ ىستەردى ينتەرنەتتە، قول تەلەفوندا ٴبىتىرۋدى جۇزەگە اسىرادى؛ فينانستىق قولداۋدى كۇشەيتىپ، كاسىپورىنداردىڭ قارجى قۇراۋى قيىن، قارجى قۇراۋى قىمبات بولۋ ماسەلەسىن شەشەدى؛ كاسىپورىندارعا ساياتىن قىزمەت وتەۋدە ’قاجەت بولسا، ٴسوزسىز، جاۋاپ بەرۋ، جۇمىس بولماسا مازالاماۋ‘ ٴتۇزىمىن ورناتىپ، كەمەلدەندىرىپ، زاڭ اتقارۋدى باقىلاۋدى كۇشەيتىپ، بەتالدى اقى الۋ، بەتالدى ايىپ سالۋ، بەتالدى تەكسەرۋ، بەتالدى پەشەتتەۋ جايتتەرىن باتىل رەتتەپ، جونگە سالىپ، بايىپتى، سيىسىمدى، يكەمدى زاڭ اتقارۋدى ىلگەرىلەتەدى. ەتەنە، پاك ۇكىمەت پەن ساۋداگەر  قاتىناسىن كۇش سالا ورناتىپ، كاسىپورىنداردىڭ تالاپ - تىلەگىنە بەلسەنە جاۋاپ قايتارىپ، كاسىپكەرلەردىڭ ٴىسىن ٴوز ٴىسىمىز، كاسىپورىنداردىڭ قيىنشىلىعىن ٴوز قيىنشىلىعىمىز دەپ ٴبىلىپ، دەن قويا، سۇيىسپەنشىلىكپەن، كۇش سالا كاسىپورىنداردىڭ دامۋ بارىسىنداعى قام - قايعىسىنان ارىلتىپ، كاسىپورىنداردىڭ دامۋىنداعى ەڭ بەرىك تىرەگى، ەڭ مەيىرلى جانۇياسى بولىپ، بۇكىل ىنتا - پەيىلىمىزبەن كاسىپورىنداردىڭ دامۋىن قورعاپ، ەكونوميكانىڭ جوعارى ساپالى دامۋىنا دەم بەرەمىز“ دەدى ىلە وبلىستىق ساۋدا ورتاسى قۇرىلىسى مەكەمەسى باعالاۋ، باقىلاۋ باسقارماسىنىڭ باستىعى ليۋ ياڭ تىلشىگە.