جياڭسۋ ولكەلىك حالىق شيپاحاناسىنىڭ ىلە شيپاحاناسى اۆتونوميالى رايوندىق وڭىرلىك ەمدەۋ ورتالىعىنىڭ ماڭدايشالىعىن اشۋ سالتى جانە مەملەكەتتىك، اۆتونوميالى رايوندىق وڭىرلىك ەمدەۋ ورتالىعى قىزمەتىن ىلگەرىلەتۋ ٴماجىلىسى وتكىزىلدى 

تىلشىلەرىمىز حۋاڭ يان، رىن جيالي حابارلايدى. 4 - ايدىڭ 25 - كۇنى جياڭسۋ ولكەلىك حالىق شيپاحاناسىنىڭ ىلە شيپاحاناسى اۆتونوميالى رايوندىق وڭىرلىك ەمدەۋ ورتالىعىنىڭ ماڭدايشالىعىن اشۋ سالتى ىلە وبلىستىق دوستىق شيپاحاناسىنىڭ شەكارا سەلبەستىك رايونىنداعى شيپاحانا رايونىندا وتكىزىلدى. بۇل رەتكى قيمىلدى اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى باس بولىپ، ىلە وبلىستىق حالىق ۇكىمەتى سەلبەسىپ، ىلە وبلىستىق دەنساۋلىق ساقتاۋ، سالاماتتىق كوميتەتى مەن جياڭسۋ ولكەلىك حالىق شيپاحاناسى ىلە شيپاحاناسى بىرلىكتە مىندەتىنە الىپ وتكىزدى. 

سول كۇنى تۇستەن بۇرىن اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى يۇي ايپيڭ جياڭسۋ ولكەلىك حالىق شيپاحاناسىنىڭ ورىنباسار باستىعى جۋ حۇڭمەن بىرگە ەمدەۋ ورتالىعىنىڭ ماڭدايشالىعىن اشتى. وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى جاۋ چيڭحۇڭ، وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى مامەتجان داۋىت وڭىرلىك ەمدەۋ ورتالىعىنىڭ ىسكە قوسىلۋىنا بىرگە كۋا بولدى.

سالتتا مامەتجان داۋىت جياڭسۋ ولكەلىك حالىق شيپاحاناسى ىلە شيپاحاناسىنىڭ اتقارۋشى باستىعى ۋاڭ يانعا ۇسىنىس حاتىن بەردى. جياڭسۋ ولكەلىك حالىق شيپاحاناسىنىڭ، ىلە وبلىستىق دوستىق شيپاحاناسىنىڭ جاۋاپتىلارى جەكە - جەكە شيپاحانا جانە نىسان يەسى اتىنان ٴسوز سويلەپ، مىنانى باسا دارىپتەدى: شينجياڭعا باعىتتامالى كومەكتەسۋدىڭ ساپالى بايلىعىنا سۇيەنىپ، ”ىلەنى تياناق  ەتىپ، توڭىرەككە ىقپال جاساپ، بۇكىل شينجياڭعا قىزمەت وتەۋدى“ نىسانا ەتىپ، وڭىرلىك ەمدەۋ تەحنيكاسىنىڭ، قىزمەت وتەۋ ورەسىنىڭ، باسقارۋ قابىلەتىنىڭ سايكەستى دامۋىن ىلگەرىلەتىپ، ىلەدە ەمدەۋ ”بيىگىن“ كۇش سالا قالىپتاستىرىپ، اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ”14 ـ بەسجىلدىق“ جوباسىنداعى ەمدەۋدىڭ ”بيىك شىڭىن، بيىك جوتاسىن، بيىك بەلەسىن“ قالىپتاستىرۋ سىندى ورنالاستىرۋ جوباسىن ويداعىداي تياناقتاندىرۋىمىز كەرەك. مامەتجان داۋىت ارناۋ سوزىندە بىلاي دەپ اتاپ كورسەتتى: وڭىرلىك ەمدەۋ ورتالىعىنىڭ قۇرىلۋى − ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، ەمدەۋ، دەنساۋلىق ساقتاۋ قىزمەت وتەۋ جۇيەسىن ونان ارى كەمەلدەندىرىپ، بۇكىل رايونىمىزدىڭ ساپالى ەمدەۋ بايلىعىن ورنالاستىرۋدى ىلگەرىلەتۋدىڭ شەشۋشى شاراسى، بۇل ىلەدەگى، ٴتىپتى، بۇكىل شينجياڭداعى ٴار ۇلت بۇقاراسىنا اناعۇرلىم جوعارى دەڭگەيدەگى ەمدەۋ جاعىنان قىزمەت وتەيدى.

وڭىرلىك ەمدەۋ ورتالىعى قۇرىلىسى − جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـٴدال دايەكتىلەندىرۋدىڭ، وڭىرلىك ەمدەۋ قىزمەت وتەۋ قابىلەتىن جوعارىلاتۋدىڭ، ساپالى ەمدەۋ بايلىعىنىڭ كەڭەيۋىن جانە بىركەلكى ورنالاسۋىن ىلگەرىلەتۋدىڭ، دەنساۋلىق ساقتاۋ، سالاماتتىق سالاسىنداعى قامداۋ جاعىنداعى قۇرىلىمدىق رەفورمانى ىلگەرىلەتۋدىڭ ماڭىزدى امالياتى. جياڭسۋ ولكەلىك حالىق شيپاحاناسىنىڭ ىلە شيپاحاناسى نازاردى اۆتونوميالى رايون دارەجەلى وڭىرلىك ەمدەۋ ورتالىعىنىڭ ”10 ٴىرى ورتالىقتىڭ فۋنكتسيالىق ورنىنا“ شوعىرلاندىرىپ، ”قۇتقارۋ - ەمدەۋ − الدىن الۋ − جاڭالىق اشۋ − قىزمەت وتەۋ“ سىندى ٴتورتتى ٴبىر تۇلعالاندىرعان وڭىرلىك ەمدەۋ ”بيىگىن“ قالىپتاستىرىپ، ”ادەتتەگى ەمدەۋ مەن شۇعىل قۇتقارۋ ۇشتاستىرىلعان، ەمدەۋ مەن الدىن الۋ سايكەسكەن، جۇڭگوشا ەمدەۋ مەن باتىسشا ەمدەۋگە تەڭ ٴمان بەرىلگەن، الەۋمەتتىك يگىلىك ارقىلى حالىققا تيىمدىلىك جاسالعان“ وسىزاماندانعان ەمدەۋ جۇيەسىن قۇرىپ، سولتۇستىك شينجياڭنىڭ جوعارى ساپالى دامۋىنا سالاماتتىق جاعىنان قامتاماسىزدىق ازىرلەۋپ، ٴار ۇلت بۇقاراسىنىڭ جوعارى ساپالى ەمدەۋ قىزمەت وتەۋ قاجەتىن ۇزدىكسىز قاناعاتتاندىرادى.

ماڭدايشالىق اشۋ سالتىنان كەيىن، ماجىلىسكە قاتىناسقاندار سالماقتى اۋرۋلار مەديتسينا ورتالىعى، حالىقارالىق ەمدەۋ ٴبولىمى جانە ەرەكشە ەمدەۋدى قاجەت ەتەتىن ناۋقاستاردى ەمدەۋ ٴبولىمى (ەرەكشە اۋرۋلار رايونى)، جياڭسۋ ولكەسى ىلە وبلىستىق كلينيكالىق مەديتسينا زەرتتەۋ ورنى سياقتى 6 ٴبولىم - كەڭسەنى جۇمىس باسىندا ەكسكۋرسيالادى.

سول كۇنى تۇستەن كەيىن مەملەكەتتىك جانە اۆتونوميالى رايوندىق وڭىرلىك ەمدەۋ ورتالىعىنىڭ قىزمەتىن ىلگەرىلەتۋ ٴماجىلىسى ىلە قوناق سارايىندا اشىلدى، ٴماجىلىس وڭىرلىك ەمدەۋ ورتالىعى قۇرىلىسىنىڭ اياق الىسى جاعدايى مەن تاجىريبەلەرىن ارقاۋ ەتىپ، ىشكەرىلەي پىكىر اۋىستىردى.