— باس شۋجي شي جينپيڭنىڭ جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا سويلەگەن ماڭىزدى ٴسوزى شينجياڭدا قىزۋ اڭىس قوزعادى

انار بۇلت \ شينجياڭ گازەتىنىڭ تىلشىلەرى

4 ـ ايدىڭ 28 ـ كۇنى باس شۋجي شي جينپيڭ جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا ماڭىزدى ٴسوز سويلەپ، ەلىمىز جۇمىسشى تابىنىڭ جانە قالىڭ ەڭبەكشى قاۋىمنىڭ جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋىنا ىقىلاستى ٴۇمىت ارتىپ، جاڭا ٴداۋىردىڭ جاڭا جورىعىندا جۇمىسشى ۇيىمى قىزمەتىن ويداعىداي ىستەۋ جونىندە ايقىن تالاپ قويدى. باس شۋجي تاعى پارتيا ورتالىق كوميتەتى اتىنان بۇكىل ەلدەگى ٴار ۇلت جۇمىسشىلارىنا، شارۋالارعا، زيالىلارعا جانە باسقا ەڭبەكشى قاۋىمعا، ٴار دارەجەلى جۇمىسشى ۇيىمدارىنا جانە بارلىق جۇمىسشى ۇيىمى قىزمەتكەرلەرىنە ىقىلاستى سالەم جولداپ، شينجياڭداعى قالىڭ ەڭبەكشىلەر اراسىندا قىزۋ اڭىس قوزعادى.

كوپشىلىك ەرەكشە شابىت الىپ، بارىنشا جەلپىنىپ، باس شۋجي شي جينپيڭنىڭ كوڭىل ٴبولۋىن، قامقورلىعىن قۇدىرەتتى قوزعاۋشى كۇشكە اينالدىرىپ، تىڭعىلىقتى ىستەپ، قايراتتانا العا ۇمتىلىپ، جان قيارلىقپەن كۇرەس جاساپ ۇلەس قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ جاڭا جورىعىندا تاعى دا تىڭ ۇلەس قوسىپ، تاعى دا تىڭ شۇعىلالى ناتيجەلەرگە قول جەتكىزىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا بەكىدى.

باس شۋجي شي جينپيڭ بىلاي دەپ اتاپ كورسەتتى: ٴداۋىر شارت ـ جاعدايى مەن قوعامدىق توپتار قالاي دامىپ وزگەرسە دە، ەلىمىز جۇمىسشى تابىنىڭ ورنى مەن رولىنان اۋىتقۋعا بولمايدى، بۇكىل ىنتا ـ پەيىلىمەن جۇمىسشى تابىنا سۇيەنۋ سىندى ٴتۇبىرلى باعىتتان اۋىتقۋعا بولمايدى، ەلىمىز جۇمىسشى ۇيىمىنىڭ سيپاتى مەن فۋنكتسياسىنان اۋىتقۋعا بولمايدى. پارتيانىڭ وزەكتى مىندەتى — ەلىمىز جۇمىسشىلار قوزعالىسىنىڭ داۋىرلىك تاقىرىبى. ول بىلاي دەپ اتاپ كورسەتتى: جاڭا تاريحي باستامادا تۇرىپ، ٴار دارەجەلى جۇمىسشى ۇيىمدارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، جۇمىسشى ۇيىمى قىزمەتىنىڭ جوعارى ساپالى دامۋىن ىلگەرىلەتۋى كەرەك.

”باس شۋجيدىڭ ٴسوزى بيىكتە تۇرىپ الىسقا كوز جىبەرگەن، قويۋ سۇيىسپەنشىلىككە تولى، ول ٴبىزدىڭ جاڭا داۋىردەگى جۇمىسشىلار ۇيىمى قىزمەتىن ويداعىداي ىستەۋىمىزگە العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى“. اۆتونوميالى رايوندىق باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، ورىنباسار ٴتوراعا چىن جۇڭكۋان بىلاي دەدى: ٴبىز باس شۋجيدىڭ ماڭىزدى ٴسوزىنىڭ رۋحىن ٴىس جۇزىندىك قىزمەتتە دايەكتىلەندىرىپ، تياناقتاندىرىپ، جۇمىسشى ۇيىمىنىڭ قىزمەت جاۋاپكەرشىلىگىن شىن مانىندە اتقارىپ، جۇڭحۋا ۇلتى ورتا تۇلعا تانىمىن بەكەمدەۋدى نەگىزگى جەلى ەتىپ، جۇمىسشى ـ قىزمەتكەرلەردى يدەيا ـ ساياسي جاقتان جەتەكتەۋدى كۇشەيتىپ، قالىڭ جۇمىسشى ـ قىزمەتكەرلەردى بۇلجىماي پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەيمىز، جەتەكتەيمىز. ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، قالىڭ جۇمىسشى ـ قىزمەتكەرلەردى قاجىرلى ەڭبەك، ادال ەڭبەك، جاسامپاز ەڭبەك بارىسىندا ارمانعا قول جەتكىزۋگە جىگەرلەندىرەمىز. ونەركاسىپ جۇمىسشىلارى قوسىنى قۇرىلىسى رەفورماسىن ۇزدىكسىز تەرەڭدەتىپ، اناعۇرلىم كوپ ونەركاسىپ جۇمىسشىلارىن ”ون ٴىرى كاسىپ سالاسى شوعىرى“، ”ٴبىر بەلدەۋ، ٴبىر جول“ وزەكتى رايونى قۇرىلىسى بارىسىندا ەڭبەك ەتىپ، ەسە قوسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا اقىل ـ پاراساتتارى مەن كۇش ـ قۋاتتارىن ارناۋعا جىگەرلەندىرەمىز.

”باس شۋجي شي جينپيڭنىڭ ماڭىزدى سوزىندە پارتيا ورتالىق كوميتەتىنىڭ جۇمىسشى تابىنا جانە قالىڭ ەڭبەكشى قاۋىمعا شىنايى قامقورلىعى، جۇمىسشىلار قوزعالىسى ىستەرىنە جانە جۇمىسشىلار ۇيىمى قىزمەتىنە ايرىقشا كوڭىل ٴبولۋى قامتىلعان، بۇل ٴبىزدى ايرىقشا جىگەرلەندىردى، شابىتتاندىردى“. بايىنعولين موڭعۇل اۆتونوميالى وبلىستىق باس جۇمىسشى ۇيىمىنىڭ ورىنباسار ٴتوراعاسى ما پيڭ مىنالاردى ٴبىلدىردى: قىزمەت جاۋاپكەرشىلىگىن، بورىشتى ەستە بەرىك ساقتاپ، جۇمىسشى ـ قىزمەتكەرلەردى وزەك ەتكەن قىزمەت باعدارىنا باستان ـ اياق تاباندى بولىپ، جۇمىسشى ـ قىزمەتكەرلەردىڭ قاجەتىن بەلسەنە ۇعىسىپ، جۇمىسشى ـ قىزمەتكەرلەردىڭ زاڭدى ۇقىق ـ مۇددەسىن قورعاپ، ولاردىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، قالىڭ جۇمىسشى ـ قىزمەتكەرلەر مەن ەڭبەكشى قاۋىمنىڭ قۇت ـ ىرىسىن ورنىقتى قاداممەن ارتتىرامىز.

باس شۋجي شي جينپيڭ بىلاي دەپ باسا دارىپتەدى: ەڭبەك ەرلەرى مەن وزات قىزمەتكەرلەر داڭقتى قاستەرلەپ، قاسيەتىن ساقتاپ، ۇزدىكسىز قۇلشىنىپ، تاعى دا تىڭ ۇلەس قوسۋى كەرەك.

”باس شۋجيدىڭ ٴسوزىن سول جەردە تىڭداپ، شەكسىز جەلپىنىپ، جىلى مەيىرگە مەيلىنشە بولەندىم!“ مەملەكەتتىك ەڭبەك ەرى، قابا اۋدانى ەرتىس وزەنى تەز جەتكىزۋ ينتەرنەتتە تۇرمىستىق قىزمەت كورسەتۋ پۋنكتىنىڭ قالا ديرەكتورى گاۋ جيە تەبىرەنە وسىلاي دەدى. 2020 ـ جىلى تاپسىرىسپەن تاماق جەتكىزۋشىلەر قوسىنىنا قوسىلعان سوڭ، گاۋ جيە جەتكىزۋدە ەش ارىز ـ شاعىمسىز ٴجۇرۋ سىندى ايتا قالارلىقتاي بەينەسىمەن 2 جىلدان كەيىن قالا ديرەكتورى دارەجەسىنە كوتەرىلدى. ول تەبىرەنە بىلاي دەدى: قازىر قوعام جاڭا جۇمىستانعان قاۋىمعا بارعان سايىن كوڭىل بولەتىن بولدى، قابا اۋدانى جۇمىسشى ۇيىمى بەكەتىن اشىپ، تاپسىرىسپەن تاماق جەتكىزۋشىلەردىڭ، جەدەل جولداما جەتكىزۋشىلەردىڭ دەمالىپ الۋىنا، قول تەلەفوندارىن زاريادتاۋىنا، تاماق جىلىتۋىنا مۇمكىندىك جاسادى، تاعى دارەجەسىن جوعارىلاتۋ ورايىنا يە ەتتى، كوپشىلىكتىڭ جىگەرى تاسقىنداي ٴتۇستى. ”بۇدان بىلاي اناعۇرلىم شىن ىقىلاستى پوزيتسيامەن ٴوز قىزمەتىمدى جاقسى ىستەپ، باس شۋجيدىڭ ٴۇمىتىن اقتايمىن“، ـ دەدى ول.

”بۇل سالماقتى داڭق تەك وزىمە عانا ەمەس، وتاننىڭ باتىس بولىگىندە استرونوميا ىستەرىنىڭ دامۋى جولىندا قاجىرلى قىزمەت ىستەپ جاتقان بارلىق قىزمەتتەستەرىمە دە تيەسىلى“. جۇڭگو عىلىم اكادەمياسى شينجياڭ وبسەرۆاتورياسىنىڭ 2 ـ دارەجەلى اعا زەرتتەۋشىسى جارقىن ەسىمبەك مەملەكەتتىك وزات قىزمەتكەر بولىپ باعالاندى، بۇل ونىڭ جان قيارلىقپەن كۇرەس جۇرگىزۋ، جاڭالىق اشىپ جاسامپازدىق جاراتۋ سەنىمى مەن بەكىمىن ونان ارى بەكەمدەي ٴتۇستى. ول مىنانى ٴبىلدىردى: ديامەترى 110 مەترلىك اينالا قوزعالاتىن راديوتەلەسكوپ قۇرىلىسىن وراي ەتىپ، ۇجىمدى باستاپ تۇراقتى جۇلدىزداردىڭ قالىپتاسۋى جانە وزگەرۋى سالاسىنداعى زەرتتەۋدە ۇزدىكسىز قىرپۋلى ەڭبەك ەتىپ، باقىلاۋ ـ ولشەۋ قابىلەتىمىزدى ونان ارى جوعارىلاتىپ، نازاردى حالىقارالىق الدىڭعى لەكتەگى زەرتتەۋ تاقىرىبىنا شوعىرلاندىرىپ، پلانەتالار جۇيەسىنىڭ توركىنى سياقتى شەشۋشى سالالاردا جاسامپازدىق سيپاتتى تابىسقا قول جەتكىزۋگە قۇلشىنامىن.

شەريا اۋداندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتىنىڭ مەڭگەرۋشىسى مامەترەيىم ٴمامتىمىن شەريا اۋىلى انار ٴدانى قىستاعى پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى مىندەتىن دە ارقالاپ وتىر. وسى بىرنەشە جىلدا ول قىستاق تۇرعىندارىن باستاپ باعىمشىلىق كاسىبىن بەلسەنە دامىتىپ، قىستاق كوللەكتيۆ كاسىپورىندارىن قۇرىپ، بۇكىل قىستاقتاعى 413 ەڭبەككۇشتىڭ تۇراقتى جۇمىستانۋىن جۇزەگە اسىردى، سونداي ـ اق بۇقارانى مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋگە بەلسەنە ۇيىمداستىرىپ، ولاردى جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەدى. ”مەملەكەتتىك وزات قىزمەتكەر بولىپ باعالانۋ مەن جونىنەن داڭق ٴارى شابىت بولدى. مەن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، كوپشىلىكتى باستاپ اناعۇرلىم تاماشا تۇرمىسقا قاراي ۇدەرە تارتامىن“، ـ دەدى ول.

(ٴتىلشى جاڭ يانفاڭ، قاتىناسقان تىلشىلەر گو ليڭ، شيە حۇيبيان، يۇي جياڭيان، جاڭ جىلي، ٴپاريزات ابدۇل)