انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 4 ـ ايدىڭ 28 ـ كۇنى ۇرىمجىدە گوتاي توبىنىڭ اكىمشىلىك باس جوراسى لين شاۋبومەن جانە ونىڭ ساپارلاستارىمەن كەزدەستى.

ما شيڭرۇي لين شاۋبونىڭ جانە ونىڭ ساپارلاستارىنىڭ شينجياڭعا اۋىس ـ كۇيىس جاساپ، ساپارلاي كەلگەندىگىن قارسى الدى، گوتاي اۆياتسياسىنىڭ شياڭگاڭنان ۇرىمجىگە توتە ۇشاتىن جەلىسىنىڭ اشىلعاندىعىن قۇتتىقتادى. ول بىلاي دەدى: شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتىپ، ىشكە جانە سىرتقا جوعارى دەڭگەيدە ەسىكتى اشىق ۇستاۋدى بەلسەنە كەڭەيتتى، ٴتۇرلى ىستەرىنىڭ دامۋ ارىنى تەبىندى بولىپ، ومىرشەڭ كۇشى قاۋلادى، بۇل حالىقتىق اۆياتسيانىڭ تاسىمال قۋاتىن جانە قىزمەت وتەۋ قامتاماسىزدىق ورەسىن جوعارىلاتۋعا جاڭا تالاپ قويدى. گوتاي اۆياتسياسىنىڭ وسى جولى شينجياڭ _ شياڭگاڭ اراسىندا توتە ۇشاتىن اۋە جەلىسىن اشۋى بولجامدى ستراتەگيالىق شالىمدىلىق پەن سەزگىر بازار تانىمىن ايگىلەدى، بۇل ەكى جاقتىڭ سەلبەستىگىن تەرەڭدەتۋدە، شينجياڭ مەن شياڭگاڭنىڭ بايلانىسىن قويۋلاتۋدا، وڭىرلەردىڭ اۋىس ـ كۇيىسىن، سەلبەستىگىن جەبەۋدە زور ٴمان الادى. گوتاي توبىنىڭ باسىمدىعىن ساۋلەلەندىرىپ، توتە ۇشاتىن اۋە جەلىسىن شينجياڭمەن بىرگە ويداعىداي جۇرگىزىپ، باۋراۋ قۋاتى مەن باياندىلىعىن ۇزدىكسىز جوعارىلاتۋىن ٴۇمىت ەتەمىن. اناعۇرلىم كەڭ كولەمدى، اناعۇرلىم كەڭ سالانى كوزدە ۇستاي وتىرىپ ەكى جاقتىڭ ٴوزارا تيىمدىلىك جەتكىزۋ سەلبەستىگىن كەڭەيتىپ، شينجياڭنىڭ ەكونوميكاسىنىڭ، قوعامىنىڭ جەدەل دامۋىنا كۇش ۇستەپ، ازيا ـ ەۆروپا التىن ارناسى مەن جۇڭگونىڭ باتىسقا ەسىك اشۋىنىڭ الدىڭعى شەبىن تۇلعالاۋ كەرەك، شينجياڭنىڭ وڭىرلىك ورىن باسىمدىعىنان ويداعىداي پايدالانىپ، ورتا ازيا قاتارلى وڭىرلىك بازاردى بەلسەندى كەڭەيتىپ، ٴتىپتى دە زور دامۋدى جۇزەگە اسىرۋ كەرەك.

لين شاۋبو گوتاي توبىنىڭ كاسىپ دامۋى جانە ورنالاسىم جاعدايىن تانىستىرىپ مىنالاردى ٴبىلدىردى: شياڭگاڭ مەن ٴۇرىمجى بىردەي ماڭىزدى توراپتىق قالالار، وسى جولى ەكى جەر اراسىندا توتە ۇشاتىن اۋە جەلىسىنىڭ اشىلۋى شياڭگاڭ _ شينجياڭ ەكى جەردىڭ اۋىس ـ كۇيىسىنىڭ، سەلبەستىگىنىڭ بەلسەندى جاعدايىنا ۇيلەسكەن ناقتى شارا، سونىمەن قاتار ورتا ازيا، شىعىس وڭتۇستىك ازيا قاتارلى وڭىرلەرمەن ارا بايلانىسقا، اۋىس ـ كۇيىسكە اناعۇرلىم جاقسى قىزمەت وتەيدى، بۇل گوتاي اۆياتسياسى جونىنەن ماڭىزدى ستراتەگيالىق مانگە يە. شينجياڭمەن سەلبەستىكتى ونان ارى تەرەڭدەتىپ، اۋە جەلىسىنىڭ اينالىم ساپاسىن جوعارىلاتىپ، كەزەكشى ۇشاقتاردى تارتىپپەن كوبەيتۋدى جەدەلدەتىپ، گوتاي اۆياتسياسىنىڭ حالىقارالانعان باسىمدىعىن ساۋلەلەندىرىپ، شينجياڭنىڭ ەرەكشە ونىمدەرى مەن مادەنيەتىن بەلسەندى تۇردە تانىستىرىپ، شينجياڭنىڭ جوعارى ساپالى دامۋىن ىلگەرىلەتۋگە، وڭىرلەردىڭ اۋىس ـ كۇيىسىن، سەلبەستىگىن جەبەۋگە كۇش قوسۋدى قالايمىز.

جۋ ليفان، اۆتونوميالى رايون مەن ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستار، شىنجىن، شياڭگاڭ، اۋمىن ىستەرى كەڭسەسىندەگى قاتىستى جولداستار كەزدەسۋگە قاتىناستى.