(2025 ـ جىلى 4 ـ ايدىڭ 28 ـ كۇنى)

سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ٴار ۇلت حالقى ۇدەرە العا تارتىپ، قيىندىقتاردان قامال الىپ، جۇڭگو ۇلگىسىندەگى وسىزامانداندىرۋعا جاڭا نىق قادام تاستادى. وسى ٴبىر ۇلى اماليات بارىسىندا كاسىپتى قادىرلەپ ۇلەس قوسقان، قايراتتانا العا ۇمتىلعان، جان قيارلىقپەن ايقاسقان، باتىلدىقپەن الدا جۇرگەن ٴبىر توپ وزات ۇلگىلى تۇلعالار ارت ـ ارتىنان جارىققا شىقتى. ولار ٴار سالا، ٴار كاسىپتە كۇرەس جاساپ جاتقان سان مىڭداعان ەڭبەكشى قاۋىمنىڭ ۇزدىك ۋاكىلى، وزدەرىنىڭ ۇلگىلى ارەكەتىمەن جانە اسىل قاسيەتىمەن ەڭبەك ەرى رۋحىنىڭ، ەڭبەك رۋحىنىڭ، ۇستا رۋحىنىڭ داۋىرلىك ٴمانىن جاندى ٴتۇسىندىرىپ، جاڭا داۋىردەگى ەلىمىز جۇمىسشىلار تابىنىڭ جانە قالىڭ ەڭبەكشى قاۋىمنىڭ شىت جاڭا كەلبەتىن تولىق ايگىلەدى. ولاردىڭ كورنەكتى ۇلەستەرىن ماداقتاپ ـ سيلاپ، ىنتىماقتاسا ەكپىندەي ىلگەرىلەيتىن قۇدىرەتتى كۇشتى ونان ارى ۇيىستىرۋ ٴۇشىن، پارتيا ورتالىق كوميتەتى، مەملەكەتتىك كەڭەس شۇي شۋيۇڭ قاتارلى 1670 ادامعا مەملەكەتتىك ەڭبەك ەرى اتاعىن بەرۋدى، لي مىڭ قاتارلى 756 ادامعا مەملەكەتتىك وزات قىزمەتكەر اتاعىن بەرۋدى ۇيعاردى.

مەملەكەتتىك ەڭبەك ەرى جانە وزات قىزمەتكەر اتاعىنا يە بولعان جولداستاردىڭ داڭقتى قاستەرلەپ، ٴوز قاسيەتىن ساقتاپ، قۇلشىنا ناقتى ىستەپ، تاعى دا جاڭا ەڭبەك كورسەتىپ، ۇلگىلىك، باستاماشىلىق رولىن تولىق ساۋلەلەندىرىپ، قالىڭ ەڭبەكشى بۇقارانى جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋ جالىندى امالياتىنا جابال ات سالىسۋعا جىگەرلەندىرۋىن ٴۇمىت ەتەمىز.

پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك ەڭبەك ەرلەرى مەن وزات قىزمەتكەرلەردى ۇلگى ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، كوممۋنيزم ۇلى مۇراتىن جانە جۇڭگوشا سوتسياليزم ورتاق مۇراتىن بەرىك ورناتىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتىپ، ٴوزىنىڭ بولاشاعىن، تاعدىرىن مەملەكەت پەن ۇلتتىڭ بولاشاعىمەن، تاعدىرىمەن تىعىز بايلانىستىرىپ، قىزمەت ورنىن ٴسۇيىپ، كاسىپتى قادىرلەپ، جاڭالىق اشىپ، جاسامپازدىق جاراتىپ، سەنىمدى بەكەمدەپ، قۇلشىنا ٴىس تىندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن قاجىماي ـ تالماي كۇرەس جۇرگىزۋگە ۇندەدى!

(شينحۋا اگەنتتىگىنىڭ 4 ـ ايدىڭ 28 ـ كۇنى بەيجيڭنەن بەرگەن حابارى)