تىلشىلەرىمىز ليۋ دۇڭيۋە، ليۋ چىڭگاڭ حابارلايدى. 5 ـ ايدىڭ 20 ـ كۇنىنەن 21 ـ كۇنىنە دەيىن ىلە وبلىستىق ساياسي كەڭەس ”كەڭەسۋ فورماسىندا جاڭالىق اشىپ، مىندەت وتەۋ قابىلەتىن جوعارىلاتۋ“ جونىندە جۇمىس باسىندا ىلگەرىلەتۋ ٴماجىلىسىن اشىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، كەڭەسۋ فورماسىندا جاڭالىق اشۋدى، مىندەت وتەۋ قابىلەتىن جوعارىلاتۋدى مىقتاپ ارقاۋ ەتىپ، بىرگە ۇيرەنىپ، بىرگە زەرتتەپ، بىرگە وي جۇگىرتىپ، جاڭا داۋىردەگى حالىق ساياسي كەڭەسى قىزمەتىن جەتە زەرتتەپ، ىشكەرىلەي يگەرىپ، ويداعىداي تياناقتاندىردى.

وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى حۋ كايجياڭ، وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سەرجان ۇعىباي ماجىلىسكە قاتىناستى ٴارى قورىتىندىلاۋ ماجىلىسىندە ٴسوز سويلەدى.

ماجىلىستە مىنالار اتاپ كورسەتىلدى: وبلىستىق ساياسي كەڭەس اقىلداسىپ العا قويعان ”بەس جاقتاعى ساياسي كـەڭەس“ قۇرىلىسى − باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرۋ، تياناقتاندىرۋدىڭ قىزمەت امالياتى، سونداي - اق ساياسي كەڭەس قىزمەتىنىڭ تۇزىمدەنۋىن، جۇيەلىلەنۋىن، تارتىپتەنۋىن ىلگەرىلەتۋدىڭ ناقتى تالابى.

ماجىلىستە مىنالار باسا دارىپتەلدى: ”كىتاپ وقۋ مەرەيىنە شومعان ساياسي كەڭەس فورماسىن“ نەگىز ەتىپ، زەيىن ـ زەردەنى شوعىرلاندىرىپ، رۋحتى سومداپ، امالياتقا جەتەكشىلىك ەتۋ كەرەك. ساياسي دەڭگەيدى جوعارىلاتىپ، وبلىستىق پارتكومنىڭ وزەكتى قىزمەتىن تىعىز ارقاۋ ەتىپ، اقىلشىلىق، كومەكشىلىك رولىن اناعۇرلىم ويـداعـىداي سـاۋلەلەندىرۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنۋگە، جەتە تۇسىنۋگە تاباندى بولىپ، ٴوزى امالياتتا ايگىلەپ، وبلىستىق پارتكومنىڭ وزەكتى قىزمەتىنە قىزمەت وتەۋدى مىندەت وتەۋ امالياتىمەن سانالى توعىستىرۋ كەرەك. ”ومىرشەڭدىككە يە ساياسي كەڭەس قۇرىلىسىن“ ماڭىزدى مىندەت اتقارىپ، جالپى جاعدايعا قىزمەت وتەپ، دامۋعا دەم بەرۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، وزىندىك كاسىپتىك ٴبىلىمى مەن ىقپالىن ساۋلەلەندىرىپ، شينجياڭ حيكاياسىن ويداعىداي بايانداپ، ىلە ٴۇنىن تاراتۋ كەرەك. جوعارى ساپالى دامۋدى تاباندىلىقپەن ىلگەرىلەتىپ، ىلە وبلىستىق پارتكومنىڭ وزەكتى مىندەتتەرىنىڭ تياناقتانۋىنا دەم بەرۋ كەرەك. حالىق تۇرمىسى قۇت ـ ىرىسىنا نازار اۋدارۋدان جازباي، پارتكومنىڭ، ۇكىمەتتىڭ حالىق تۇرمىسىنا قاتىستى ناقتى ىستەردى ويداعىداي، ناقتى ىستەۋىنە كومەكتەسۋ كەرەك. ”جاراسىمدى ساياسي كەڭەس قۇرىلىسىن“ نەگىزگى تاقىرىپ ەتىپ، اقىل - پاراسات، كۇش - قۋات توپتاۋ كەرەك. ۇگىت، ۇگىت ـ لەكسيا، ۇگىت ـ تاربيە قيمىلىن كەڭىنەن ورىستەتىپ، ٴار ۇلت، ٴار سالا قايراتكەرلەرىنىڭ يدەياسى مەن كۇش ـ قۋاتىن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە ۇزدىكسىز ۇيىستىرۋ كەرەك. مۇشەلەردىڭ پۋنكتكە بارىپ مىندەت وتەۋ قىزمەتىن تىڭعىلىقتى ىلگەرىلەتىپ، حالىقتىڭ  ارىز - ارمانىن اڭىس ەتەتىن، حالىقتىڭ اقىل - پاراساتىن شوعىرلاندىرىپ، ورتاق تانىمدى ۇيىستىراتىن كوپىر، دانەكەر بولۋى كەرەك. ”زەردەلى ساياسي كەڭەس قۇرىلىسىن“ دانەكەر ەتىپ، فورمانى جاڭالاپ، ارنانى كەڭەيتۋ  كەرەك. دارىندىلاردىڭ اقىل - پاراسات قويماسىن قۇرىپ، مىندەت وتەۋ تەكشەسىنەن ويداعىداي پايدالانىپ، مۇشەلەردىڭ مىندەت وتەۋىنە ٴونىمدى، قولايلى قىزمەت وتەۋ كەرەك. ٴداستۇرلى كەڭەسۋ تاسىلىنەن ويداعىداي پايدالانۋمەن بىرگە، ”ينتەرنەت + ساياسي كەڭەستىڭ“ ىشكەرىلەي توعىسۋىن ۇزدىكسىز ىلگەرىلەتىپ، كەڭەسۋدىڭ قامتۋ كولەمى مەن ىقپالىن كەڭەيتۋ كەرەك. ”ٴونىمدى ساياسي كەڭەس قۇرىلىسىن“ نىسانا ەتىپ، قابىلەتتى، ساپانى جوعارىلاتىپ، ونىمدىلىكتى ارتتىرۋ كەرەك. پارتيا قۇرىلىسىندا، مىندەت وتەۋ قابىلەتى قۇرىلىسىندا، كەڭەس جەتىستىكتەرىن كادەگە جاراتۋدا تىڭ ىلگەرىلەۋشىلىككە قول جەتكىزىپ، كەڭەسۋدى ”جاقسى كەڭەسۋدەن“ ”جاقسى بىتىرۋگە“ قاراي ويىستىرۋدى جەبەۋ كەرەك. 

ماجىلىستە مىنالار تالاپ ەتىلدى: ماسەلەنى باعدار ەتۋدەن جازباي، نىسانا ـ مىندەتتەرگە قاداعالاي نازار اۋدارىپ، قىزمەتتى شىنايى ىستەپ، ناتيجەگە ٴمان بەرىپ، ناقتى ٴىس ىستەۋگە ٴمان بەرىپ، فورماشىلدىق ىستەمەي، فورماشىلدىقتان ساقتانىپ، قازىر ورىستەتىلىپ جاتقان ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن وراي ەتىپ، ۇيرەنۋ جەتىستىكتەرىن قىزمەت ونىمدىلىگىنە شىنايى اينالدىرۋ كەرەك.