ەلشات تۇرسىنباي ”مەملەكەتتىك ٴوزىن الۋەتتەندىرۋ ۇلگىلەرىنىڭ“ ىلە وبلىسىنداعى ۋاكىلدەرىنە امانداسا بارعاندا بىلاي دەپ باسا دارىپتەدى

ۇلگىلىك، باستاماشىلدىق رولدى ساۋلەلەندىرىپ، ٴتىپتى دە كوپ مۇگەدەكتى قاجىرلىلىقپەن كۇرەس جۇرگىزۋگە جەتەكتەۋ كەرەك

تىلشىلەرىمىز لي يافىڭ، ۋاڭ جۋان، اراي حابارلايدى. 5 - ايدىڭ 20 - كۇنى تۇستەن كەيىن ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ىلە وبلىسىنان 7 - رەتكى مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ - سيلاۋ جينالىسىنا قاتىناسقان ۋاكىلدەرگە امانداسىپ، ماداقتالىپ - سيلانعان ”مەملەكەتتىك ٴوزىن الۋەتتەندىرۋ ۇلگىلەرىن“ قۇتتىقتاپ، بىلاي دەپ بـاسـا دارىـپـتــەدى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ۇلگىلىك، باستاماشىلدىق رولدى تولىق ساۋلەلەندىرىپ، ٴتىپتى دە كوپ مۇگەدەكتى قاجىرلىلىقپەن كۇرەس جۇرگىزۋگە جەتەكتەپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە ۇلەس قوسۋ كەرەك.

7 - رەتكى مەملەكەتتىك ٴوزىن الەۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ - سيلاۋ جينالىسىندا شاپشال سىبە اۆتونوميالى اۋدانى التىنبۇلاق قالاشىعى ۋجۋنيۋلۋ قىستاعىنىڭ تۇرعىنى بۋ يۇنشيۋ جانە ىلە بايمۋتا ساۋدا شەكتى سەرىكتەستىگىنىڭ باس القاسى شاۋكەت تىلۋالدى ”مەملەكەتتىك ٴوزىن الەۋەتتەندىرۋ ۇلگىسى“ داڭقتى اتاعىنا يە بولدى. بۇل داڭق ولاردىڭ وزدەرىنىڭ كۇرەس جۇرگىزۋى جونىندەگى وسكەلەڭ تۇراقتاندىرۋ بولىپ قالماستان، ىلە وبلىسىنىڭ مۇگەدەكتەر ىستەرى دامۋىنىڭ جاندى كارتيناسى.

ەلشات تۇرسىنباي ۋاكىلدەرمەن ىشكەرىلەي پىكىر اۋىستىرىپ، ولاردىڭ قىزمەت، تۇرمىس جاعدايىن ەگجەي ـ تەگجەيلى ۇعىستى.

ەلشات تۇرسىنباي بىلاي دەپ اتـاپ كورسـەتــتى: بـاس شـۋجـي شي جينپيڭ مۇگەدەكتەر سىندى ەرەكشە قيىنشىلىعى بار قاۋىمدى قاي - قاشان دا ەستەن شىعارمادى، 35 - رەتكى مەملەكەتتىك مۇگەدەكتەرگە كومەكتەسۋ كۇنى كەلۋ قارساڭىندا ماڭىزدى نۇسقاۋ بەرىپ، مۇگەدەكتەر − جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش، سونداي - اق ”ەرەكشە كوڭىل ٴبولۋدى“، ”ايرىقشا نازار اۋدارۋدى“ قاجەت ەتەتىن ەرەكشە قيىنشىلىعى بار قاۋىم، قالىڭ مۇگەدەكتەردى قيىنشىلىق پەن سىن ـ سايىستاردى باتىلدىقپەن جەڭىپ، ومىرلىك ارمانعا بەلسەنە تالپىنۋعا شابىتتاندىرۋدى باسا دارىپتەپ، مۇگەدەكتەردىڭ تەڭدىك ۇقىق ـ مۇددەسىن شىنايى قامتاماسىز ەتۋدى، مۇگەدەكتەر ىستەرىنىڭ جاپپاي دامۋىن جەبەۋدى تالاپ ەتتى، بۇل پارتيا ورتالىق كوميتەتىنىڭ مۇگەدەكتەر قىزمەتىنە وسكەلەڭ ٴمان بەرگەندىگىن جانە وسى قاۋىمعا دەگەن شىنايى قامقورلىعىن تولىق ايگىلەدى.

ەلشات تۇرسىنباي بىلاي دەپ باسا دارىپتەدى: بۋ يۇنشيۋ دەنساۋلىق جاعىنداعى كەدەرگىنى جەڭىپ، كەستە تىگۋ ونەرىن جەتىك يگەردى، سونداي ـ اق حالىقارالىق جارىستاردا كەستەشىلىك ونەرىنەن التىن مەدالىن الىپ، وتانعا داڭق اپەردى. شاۋكەت تىلۋالدى ىلە بايمۋتا ساۋدا شەكتى سەرىكتەستىگىن قۇرىپ، جەكەلىك قۇندى جۇزەگە اسىرۋمەن بىرگە، ماڭايىنداعى مۇگەدەكتەردى جۇمىستانۋعا، شارۋاشىلىق قۇرۋعا جەتەكتەدى. ولار قايسار جىگەر، ەرەن باتىلدىق جانە ٴوزىن الۋەتتەندىرۋ رۋحى ارقىلى ٴوز قىزمەت ورىندارىندا جۇرتتى جالت قاراتارلىق تابىستارعا قول جەتكىزدى، ولار بۇكىل وبلىس حالقىنىڭ ۇيرەنۋ ۇلگىسى.

ەلشات تۇرسىنباي مىنالاردى تالاپ ەتتى: مۇگەدەكتەر قىزمەتىنە وسكەلەڭ ٴمان بەرىپ، ورتالىقتىڭ جانە اۆتونوميالى رايوننىڭ مۇگەدەكتەرگە ”ەرەكشە كوڭىل ٴبولۋ“، ”ايرىقشا نازار اۋدارۋ“ تالابىن مۇقيات تياناقتاندىرىپ، مۇگەدەك قاۋىمعا باعىتتالعان قوعامدىق قامتاماسىزداندىرۋ ٴتۇزىمى مەن قامقورلىق جاساۋ، قىزمەت وتەۋ جۇيەسىن اناعۇرلىم كەمەلدەندىرىپ، مۇگەدەكتەرگە الەۋمەتتىك قىزمەت وتەۋ ساپاسىن ۇزدىكسىز جوعارىلاتىپ، ساياساتتىڭ قامتۋ كولەمىن كەڭەيتىپ، قالىڭ مۇگەدەكتەردىڭ اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاساۋ كەرەك. ٴار دارەجەلى مۇگەدەكتەر بىرلەستىگى ۇيىمدارى مەن مۇگەدەكتەر ىستەرى قىزمەتكەرلەرى جاۋاپكەرشىلىك ارقالاپ، سۇيىسپەنشىلىكپەن مۇگەدەكتەرگە ناقتى ىستەر ىستەپ، ولاردىڭ قيىن ماسەلەلەرىن شەشىپ، ٴوندىرىس، تۇرمىستاعى شەبەرلىكتەردى يگەرۋىنە كومەكتەسىپ، مۇگەدەكتەر سەنىم ارتاتىن، جاقىن سىرلاسىنا، جاناشىر ادامىنا اينالۋى كەرەك. سونىمەن بىرگە، قوعامنىڭ ٴار سالاسى بەلسەنە اتتانىسقا كەلىپ، مەيىر ـ شاپاعات جەتكىزىپ، سۇيىسپەنشىلىكتى ۇيىستىرىپ، مۇگەدەكتەرگە اناعۇرلىم جاقسى، اناعۇرلىم كوپ دامۋ تۇعىرىن ازىرلەۋى كەرەك.

وبلىس باسشىلارىنان قايرات اشىك، ليۋ چيڭحۋا قاتىناستى.