جاڭاشا ەلەكتر قۋاتى جۇيەسىن جەدەل قۇرۋ سياقتىلاردى اقىلداستى

انار بۇلت \ شينجياڭ گازەتىنىڭ ٴتىلشىسى لي ياڭ 5 ـ ايدىڭ 22 ـ كۇنى ۇرىمجىدەن حابارلايدى. 5 ـ ايدىڭ 22 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ تاياۋداعى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا جاڭاشا ەلەكتر قۋاتى جۇيەسىن جەدەل قۇرۋ، جاڭا ەنەرگيانىڭ جەلىدەگى ەلەكتر باعاسىن بازارلاندىرۋ رەفورماسىن تەرەڭدەتۋ، سيفرلى شينجياڭ قۇرىلىسى سياقتىلاردى اقىلداستى.

ٴماجىلىس مىنالاردى اتاپ كورسەتتى: مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن جەدەل قالىپتاستىرۋ كەرەك، قاۋىرت كەزدەگى رەتتەۋ بويىنشا قوسىمشا قىزمەت وتەۋ ساۋداسى مەن باعا مەحانيزمىن ساپالىلاندىرىپ، شارت ـ جاعدايى بار كاسىپورىنداردىڭ كوز، جەلى، كوتەرىمدىلىك، ەنەرگيا ساقتاۋدى ٴبىر تۇلعالاندىرۋ سياقتى تاسىلدەر ارقىلى جاسىل ەلەكتردى تىكە جالعاۋدى تۇيىندە سىناق ەتۋىن قولداپ، جاسىل ەلەكتردى قابىلداۋ سالىستىرماسىن بىرتىندەپ جوعارىلاتۋ كەرەك. كاسىپورىنداردىڭ نەگىزگى قوسىندىق رولىن ساۋلەلەندىرىپ، جاڭا ەنەرگيا نىساندارىن تەز تىزىمگە ٴتۇسىرۋدى، تەز اشۋدى، تەز قۇرۋدى ىلگەرىلەتۋ كەرەك. جاڭا ەنەرگيا نىساندارىن قاراستى جەردە تىزىمگە ٴتۇسىرۋ قىزمەتىن زاڭ، ەرەجە بويىنشا ويداعىداي ىستەپ، جاڭا ەنەرگيا نىساندارىنا كوزسىزدىكپەن كىرىسۋدەن ساقتانۋ كەرەك. شينجياڭ ىشىندەگى تىرەكتى ەلەكتر تورى قۇرىلىسىن جەدەلدەتىپ، وڭتۇستىك، سولتۇستىك شينجياڭنىڭ ەرەكشە جوعارى كەرنەۋلى يكەمدى تۇراقتى توك جەتكىزۋ ارناسىن زەرتتەۋ جۇمىسىن ورىستەتىپ، شينجياڭ ەلەكترىن سىرتقا جەتكىزۋدى جەدەل اتقارۋ كەرەك. ورتا، شىعىس بولىكتەگى كاسىپتەردىڭ كوشۋىن ويداعىداي جالعاستىرىپ، جاسىل ەسەپتەۋ قۋاتى، ساندى مالىمەت ورتالىعى سياقتى كاسىپتەردىڭ جاڭا ەنەرگيامەن ۇشتاسا دامۋىن ىلگەرىلەتۋ كەرەك. جاڭاشا ەنەرگيا ساقتاۋدى عىلمي، ۇيلەسىمدى جوبالاپ ورنالاستىرىپ، ليتي باتارەياسى سياقتى سالىستىرمالى تولىسقان جاڭاشا ەنەرگيا ساقتاۋدىڭ وزىندىك قۇنىن تومەندەتۋدى جانە كولەمدەندىرىپ دامىتۋدى ىلگەرىلەتۋ كەرەك.

ٴماجىلىس مىنالاردى اتاپ كورسەتتى: بازارلاندىرۋ بەتالىسىنا تاباندى بولىپ، جاڭا ەنەرگيانىڭ جەلىگە قوسىلعان جالپى ەلەكتر مولشەرىنىڭ بازارعا جاپپاي كىرۋىن، جەلىگە قوسىلعان ەلەكتر باعاسىنىڭ بازار ارقىلى قالىپتاسۋىن ىلگەرىلەتىپ، باياندى دامۋ باعا ەسەبىن جابۋ مەحانيزمىن سايكەستى ورناتۋ كەرەك. باعا باسقارۋ تاراۋلارى ەنەرگيا باسقارۋ تاراۋلارىمەن، ەلەكتر اينالىمىن باسقارۋ تاراۋلارىمەن بىرگە ناقتى جوبا جاساپ، اتقارۋ بارىسىندا جولىققان ماسەلەلەردى ىرىقتىلىقپەن سايكەستىرىپ شەشۋى كەرەك. جەر ـ جەر بازار باعاسىنىڭ تولقۋى، جاڭا ەنەرگيامەن توك تاراتۋدىڭ وزىندىك قۇنى مەن پايدا وزگەرىسى، سوڭعى پايدالانۋشىنىڭ ەلەكتر باعاسى دەڭگەيى سياقتىلاردى ٴجىتى قاداعالاپ، رەفورمانىڭ كاسىپ سالاسىنىڭ دامۋى مەن كاسىپورىننىڭ شارۋاشىلىعى سياقتى جاقتارداعى ىقپالىن مۇقيات باعالاپ، ساياساتتى ۇگىتتەۋدى، ٴتۇسىندىرۋدى كۇشەيتىپ، رەفورمانىڭ ناتيجەلەرىن دەر كەزىندە قورىتىندىلاپ، ساياساتتىڭ اتقارىلۋىن ساپالىلاندىرىپ، رايونىمىزدىڭ جاڭا ەنەرگيا كاسىبىنىڭ باياندى، اقاۋسىز دامۋىن كۇش سالا جەبەۋى كەرەك.

ٴماجىلىس مىنالاردى تالاپ ەتتى: سيفرلى شينجياڭ قۇرىلىسىن جوعارى ساپامەن ىلگەرىلەتىپ، جالپى تۇلعالىق جوسپارلاۋدى، ٴبىر تۇتاس سايكەستىرۋدى كۇشەيتىپ، رايونىمىزدىڭ سيفرلانا دامۋىن جاپپاي ىلگەرىلەتىپ، ەكونوميكانىڭ، قوعامنىڭ تيبىن وزگەرتىپ دارەجەسىن جوعارىلاتۋعا جان ـ جاقتى قۋات ۇستەۋ كەرەك. نەگىزدىك تىرەك جۇيەسىن نەگىز، ٴبىر تۇلعالانعان زەردەلى ورتالىقتى وزەك، كەلەلى قولدانىستى تۇتقا ەتىپ، سيفرلى شينجياڭ قۇرىلىسىنىڭ تۇتاس تۇلعالىلىعىن، جۇيەلىلىگىن، سايكەسىمدىلىگىن جوعارىلاتۋ كەرەك. بۇكىل رايونىمىزدىڭ ”ٴبىر تور“ قۇرىلىسىن ىلگەرىلەتىپ، ۇكىمەتتىك ىستەر تورابىنىڭ، راديو ـ تەلەۆيزيا تورابىنىڭ، ەسەپتەۋ قۋاتى تورابىنىڭ، ساندى مالىمەت ينتەرنەتىنىڭ، زات ينتەرنەتىنىڭ، بەينە ينتەرنەتىنىڭ، جاساندى سەرىك تورابىنىڭ ورگانيكالى توعىسۋىن جۇزەگە اسىرۋ كەرەك. ٴبىر تۇلعالانعان ەسەپتەۋ قۋاتى بايلىعى تۇعىرىن ورناتىپ، مەملەكەتتىڭ ”شىعىستىڭ ساندى مالىمەتىن باتىستا ەسەپتەۋ“ ستراتەگيالىق ورنالاستىرۋىمەن بەلسەنە توعىسۋ كەرەك. ساندى مالىمەت نەگىزدىك قۇرىلعى قۇرىلىسىن ۇزدىكسىز ىلگەرىلەتىپ، ساندى مالىمەت اينالىمى ساۋدا جۇيەسى قۇرىلىسىن جەدەلدەتۋ كەرەك. نازاردى ”ون ٴىرى كاسىپ سالاسى شوعىرىنا“ شوعىرلاندىرىپ، ساندى مالىمەت اينالىمى ارقىلى تەحنولوگيا اينالىمىنا، قارجى اينالىمىنا، دارىندىلار اينالىمىنا، زات اينالىمىنا جەتەكشىلىك ەتىپ، جالپى فاكتورلىق ٴوندىرىس ونىمدىلىگىن جوعارىلاتىپ، سيفرلى ەكونوميكانىڭ دامۋ ومىرشەڭ كۇشىن قاۋلاتۋ كەرەك. زەردەلى قالا قۇرىلىسىن جەدەل ىلگەرىلەتىپ، زەردەلى وقۋ ـ اعارتۋ، زەردەلى سالاماتتىق، زەردەلى ٴۇي قوجالىعى، زەردەلى قارتتاردى كۇتىمدەۋ دەڭگەيىن جوعارىلاتۋ كەرەك. تىنىش شينجياڭ ساندى مالىمەت نەگىزدىك قۇرىلعى قۇرىلىسىن كۇشەيتىپ، ساندى مالىمەت ارقىلى قۋات ۇستەۋ جاعىنداعى حاۋىپ ـ قاتەرلەردەن ساقتاندىرۋدى كۇشەيتىپ، جوعارى دەڭگەيلى ساندى مالىمەت حاۋىپسىزدىگى ارقىلى جوعارى ساپالى سيفرلى شينجياڭ قۇرىلىسىن قامتاماسىز ەتۋ كەرەك.

ٴماجىلىس باسقا دا ىستەردى اقىلداستى.