ٴۇش جىلدان استام ۋاقىتتان بەرى جياڭسۋدىڭ 10 ـ توپتا ىلەگە كومەككە كەلگەن كادر ـ دارىندىلارى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرىپ، جاۋاپكەرشىلىكپەن، سۇيىسپەنشىلىكپەن اۋىر جۇك ارقالاپ، اسقار تاۋلاردان اسىپ، اقىل ـ پاراساتى  مەن قان - تەرى ارقىلى تاماشا داستان جازدى.

ٴۇش جىلدان استام ۋاقىتتان بەرى ٴاربىر حالىق تۇرمىسى نىساندارى تياناقتانىپ، كاسىپ سالاسى توپ - توبىمەن قارىشتاپ دامىپ، مادەنيەت اۋىس - كۇيىسى توعىسىپ، ٴبىر توپ دارىندى جەتىلدىرىلىپ، ىلەنىڭ رەفورما، دامۋ، ورنىقتىلىق ىستەرىنە پارمەندى دەم بەرىپ، سوناۋ شالعايدان «شينجياڭعا كومەكتەسۋدىڭ ۇلى سۇيىسپەنشىلىگىن» تەرەڭ ٴتۇسىندىرىپ، جان تەبىرەنتەرلىك «شينجياڭعا كومەكتەسۋدىڭ شىنايى سۇيىسپەنشىلىگىن» جاندى بەينەلەپ، تاريح پاراعىنا «شينجياڭعا كومەكتەسۋ تاراۋىن» ايشىقتى جازدى. ىلەدەگى ٴار ۇلت كادر - بۇقاراسىنا سوتسياليستىك ٴتۇزىمنىڭ وراسان زور ابزالدىعىن، وتان ۇلى شاڭىراعىنىڭ شەكسىز مەيىرىن، جياڭسۋ قوعامىنىڭ ٴار سالاسىنداعىلاردىڭ تەرەڭ سۇيىسپەنشىلىگىن شىنايى سەزىندىردى.

 جياڭسۋ ولكەسى نانتۇڭ قالاسىنىڭ شينجياڭعا كومەككە كەلگەن كادرلارىنىڭ ۇزدىكسىز كۇش جالعاۋىندا 2017 - جىلى 8 - ايدىڭ 15 - كۇنى قۇلجا اۋدانى جەڭىل ونەركاسىپ - توقىماشىلىق كاسىپ باقشا رايونى وتباسى توقىما بۇيىمدارى، كيىم - كەشەك كاسىپ باقشاسىنىڭ 1 - مەرزىمدىك قۇرىلىسى جۇمىس باستادى. بۇل نىسانعا 3 ميلليارد 400 ميلليون يۋان قارجى قوسىلىپ، 450 مىڭ شارشى مەترلىك ولشەمدەنگەن زاۆود ۇيلەرى مەن سايكەستى قۇرىلعىلار سالىنىپ، حۋاشيۋ سياقتى 20 نەشە كاسىپورىن ىلگەرىندى - كەيىندى ىرگە تەۋىپ، توقىماشىلىق ماشينالارىنىڭ كولەمى بۇكىل شينجياڭ بويىنشا ەڭ ۇلكەن، جۇمىستانۋعا جەتەكشىلىك ەتۋى ەڭ كوپ، ماركا ىقپالى ەڭ جاقسى بولعان كاسىپتىك باقشا رايونىنا اينالعان، «ەكى قورعاس، ەكى قۇلجانى» ٴبىر تۇلعالاندىرىپ دامىتۋ ستراتەگياسىنا، قورعاستىڭ باتىسقا ەسىك اشۋىنا تىرەك بولاتىن ماڭىزدى تۇعىر بولعان ٴارى اۆتونوميالى رايوننىڭ «14 - بەسجىلدىق» جوباسىنا ەنگىزىلگەن.

 نانتۇڭنان شينجياڭعا كومەككە كەلگەن كادرلار كاسىپ سالاسىنىڭ «قان جاساۋ» فۋنكتسياسىن جانداندىرىپ، كاسىپ سالاسى ارقىلى جۇمىستانۋعا جەتەكشىلىك ەتتى، قۇلجا اۋدانىنىڭ توقىماشىلىق كاسىپ باقشاسى قازىرگە دەيىن ەگىنشى - مالشىلاردان 5000 نان استام ادامدى جۇمىستاندىردى.

 جياڭنيڭنىڭ شينجياڭعا باعىتتامالى كومەكتەسۋ قىزمەت گرۋپپاسى ٴۇرتىس 3 جىل نانجيڭدە تەكەستىڭ سيىر، قوي ەتى مەرەكەسىن وتكىزىپ، تەكەستىڭ سيىر، قوي ەتى ونىمدەرىنىڭ ىشكى ولكەلەردە ساتىلۋىنا كومەكتەستى.

2020 ـ جىلدان باستاپ جياڭسۋ ولكەلىك اۋىل شارۋاشىلىعى، اۋىل ـ قىستاق مەڭگەرمەسى مەن چاپچال سىبە اۆتونوميالى اۋدانى سەلبەستىك كەلىسىمىنە قول قويىپ، وسى اۋداننىڭ سۋ شارۋاشىلىعى كاسىبىن دامىتۋىنا كومەكتەستى، سوڭعى جىلداردان بەرى چاپچال اۋدانى جياڭسۋ ولكەسىنىڭ باسىمدىققا يە ەرەكشە سۋ ونىمدەرى تۇقىمىن ەنگىزىپ، تۇششى سۋ بالىعىن، سۋ شايانىن باعۋعا جانە تاماشالاۋعا بولاتىن بالىق باعىمشىلىعىنىڭ دامۋىنا دەم بەردى. 

  3 جىلدان بەرى نانجيڭنەن شينجياڭعا كومەككە كەلگەن قىزمەت گرۋپپاسى شينجياڭعا كومەكتەسۋ باسىمدىعىن ۇزدىكسىز ساۋلەلەندىرىپ، نانجيڭدە ”كەرەمەت قۇلجا“ ارناۋلى ساتۋ دۇكەنى، جياڭسۋ قامداۋ - ساتۋ باس كووپەراتيۆى اۋىل شارۋاشىلىعى كورمە ورتالىعىنىڭ ىلە سارايى سياقتى 7 ەرەكشە ەگىن، مال شارۋاشىلىق ونىمدەرىن ساتۋ ارناۋلى سارايىن، 11 جەلىدە ساتۋ ارناسىن اشتى؛ شينجياڭعا كومەكتەسۋ قارجىسىمەن ساتىپ الىنعان ەكى سۋىق كۇيدە زات جەتكىزۋ اۆتوموبيلىنىڭ رولىن ويداعىداي ساۋلەلەندىرىپ، جاس، جاڭا ەگىن، مال شارۋاشىلىق ونىمدەرىنىڭ سىرتقا ساتىلۋىن جەبەگەندىكتەن، قۇلجا قالالىق مادەنيەت، ساياحات توبى جىلىنا 200 توننا سيىر، قوي، جىلقى ەتىنە ەرەكشە ٴىرى تاپسىرىس قابىلدادى.

 10 - توپتاعى جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى ساياحات ارقىلى وبلىستى گۇلدەندىرۋ ستراتەگياسىن اتقارۋدى ىلگەرىلەتتى. نانجيڭ، ۋشي، جىڭجوۋ، نيڭبودان قۇلجاعا، موڭعۇلكۇرەدەن ۇرىمجىگە دەيىنگى اۋە لەنيالارىن سايكەستى اشىپ، تۇنەيتىن كەزەكشى ۇشاق بازاسىن قۇردى. جياڭسۋلىقتاردىڭ ىلەگە ساياحاتتاۋى قيمىلىن اتقارىپ، ۇشاق جالداپ، ارناۋلى پويەز ۇيىمداستىرىپ 50 مىڭنان استام ساياحاتشى جونەلتتى. 

 جياڭسۋ ولكەسىنىڭ 10 - توپتا شينجياڭنىڭ ىلە وبلىسىنا باعىتتامالى كومەكتەسۋ امالياتى بارىسىندا، «ۇيىرمە فورماسى» ارقىلى ەمدەۋ جاعىنان شينجياڭعا كومەكتەسۋ جونىندە ىزدەنىس جاساپ، 156 ەمدەۋ مامانىن تاڭداپ جىبەردى، 3 جىلدا جالپى 151 مىڭ ادام - رەتتەن استام ناۋقاس قابىلداپ، 12 مىڭ 500 رەتتەن استام وپەراتسيا جاساپ، قاتەرلى، سالماقتى ناۋقاستاردان 6500 دەن استام ادامدى قۇتقاردى، وبلىس دارەجەلى ەمدەۋ جاڭا تەحنيكاسى، جاڭا نىسانىنان 85 ىن ورىستەتىپ، 820 رەت ارناۋلى كۋرس اشىپ، ٴار ۇلت بۇقاراسى جاپپاي مويىنداعان ”حالىققا تيىمدىلىك جاساۋ ينجەنەرياسىنا“ اينالدى.

 وتكەن 3 جىلدا، جياڭسۋ ولكەسى كاسىپتىك وقۋ - اعارتۋدى شينجياڭعا باعىتتامالى كومەكتەسۋدىڭ كورنەكتى ورنىنا قويدى. ىلە جىبەك جولى كاسىپتىك شۋەيۋانىنىڭ (دايىندىق كورۋ) وقىتۋ ساپاسىن جاپپاي جوعارىلاتۋ ٴۇشىن، جياڭسۋ ولكەسىنىڭ 10 - توپتاعى ىلەگە كومەكتەسۋ الدىڭعى شەپ قولباسشىلىق شتابى جياڭسۋ ولكەسىندەگى 35 كاسىپتىك شۋەيۋان - مەكتەپتەن تاڭداۋلى وقىتۋشىلار قوسىنىن جىبەرۋ ارقىلى ىلگەرىندى - كەيىندى ٴۇش رەت 60 كاسىپتىك دارىندى تاربيەلەۋ جوباسى مەن 750 ساباق ولشەمىنە وزگەرىس ەنگىزدى.

 نانتۇڭ قالاسىنىڭ شينجياڭعا كومەكتەسۋ قىزمەت گرۋپپاسى نانتۇڭ قالاسىنىڭ وقۋ -اعارتۋ جاعىنداعى باسىمدىعىن تولىق ساۋلەلەندىرىپ، قۇلجا اۋداندىق 2 - ورتا مەكتەبىنە جان - جاقتى كومەكتەسىپ، نانتۇڭ وقىتۋ تاجىريبەسىن «ۇلاستىرۋ، كوشىرۋ» ارقىلى ىلە اڭعارىنداعى «نانتۇڭ ورتا مەكتەبىن» دەن قويا قۇرعاندىقتان قۇلجا اۋدانىنىڭ جوعارى مەكتەپ ەمتيحان ناتيجەسى كورنەكتى جوعارىلادى.

 جياڭسۋدان شينجياڭعا كومەككە كەلگەن جۇرەك سىرتقى اۋرۋلار ٴبولىمىنىڭ مامانى، ىلە وبلىستىق دوستىق شيپاحاناسى شەكارالىق سەلبەستىك رايونى بولىمشەسىنىڭ ورىنباسار باستىعى شۇي شياۋحان (ورتادا) ەلىكتەمەلى جاتتىعۋ اسپابىنان پايدالانىپ، 2 جىلدان استام ۋاقىتتا وبلىستىق ىشكى - سىرتقى اۋرۋلار ٴبولىمىنىڭ 10 نەشە شيپاگەرىن تاربيەلەپ، ولاردىڭ قۇرساق قۋىسى ايناسى وپەراتسياسى تەحنيكاسىن جەتىك يگەرۋىنە مۇمكىندىك جاسادى.