حىبەيدىڭ شينجياڭعا باعىتتامالى كومەكتەسۋى:

　　بايىنعولين وبلىسىنىڭ كەڭ - بايتاق دالاسىندا حىبەيدىڭ ءىز - تاڭباسى بار

　□انار بۇلت \ شينجياڭ گازەتىنىڭ ءتىلشىسى دۋ جيانحۇي، ەرىكتى ءتىلشى ۋاڭ شينۋىن

تايحاڭشان تاۋىنان تيانشان تاۋىنا دەيىن، حىبەي مەن شينجياڭنىڭ تەرەڭ سۇيىسپەنشىلىگى بار؛ شانحايگۋاننان تيەمىنگۋانعا دەيىن، حىبەيدىڭ شينجياڭعا كومەكتەسۋ اياق الىسى باتىل دا پارمەندى بولدى.

2019 - جىلى 12 - ايدا، حىبەي ولكەسىنەن 9 - توپتا شينجياڭعا كومەكتەسەتىن 1979 كادر - دارىندى تىرەكتى شينجياڭعا كەلىپ، جاڭا كەزەكتى شينجياڭعا كومەكتەسۋ جۇمىسىن باستادى. 3 جىلدان استام ۋاقىتتان بەرى شينجياڭعا كومەكتەسەتىن كادر - دارىندىلار ۇيىمنىڭ ماڭىزدى تاپسىرماسىن جانە تۋىس - تۋعاندارىنىڭ ءۇمىتىن ارقالاپ، حىبەي مەن شينجياڭ ەكى جەر پارتكومدارىنىڭ جانە ۇكىمەتتەرىنىڭ پارمەندى باسشىلىعىندا، دەن قويا، سۇيىسپەنشىلىكپەن، كۇش سالا مىندەت اتقارىپ، جاۋاپكەرشىلىكتى ادا ەتىپ، ”ۇيىرمە فورماسىندا“، ”اماناتتاۋ ۇلگىسىندە“ شينجياڭعا كومەكتەسۋ ماركاسىن ۇزدىكسىز ساپالىلاندىرىپ، كاسىپ سالاسى ارقىلى شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ سياقتى ءتۇيىندى قىزمەتتەردە ناقتى ونىمدىلىككە قول جەتكىزۋدى، الدىڭعى لەكتە ءجۇرۋدى ۇزدىكسىز ىلگەرىلەتىپ، كورىكتى شينجياڭ قۇرۋعا حىبەيدىڭ كۇشىن قوستى.

　　كاسىپ سالاسى ارقىلى شينجياڭعا كومەكتەسىپ، ەكونوميكانى كۇشەيتتى

حىبەي (بايىنعولين وبلىسى) عىلىم - تەحنيكا كاسىپ سالاسى باقشاسى، حىبەي (بايىنعولين وبىلىسى) ەكولوگيالىق كاسىپ سالاسى باقشاسى، بيڭتۋان 2 - شىسى جوعارى ساپالى دامۋ كاسىپ سالاسى باقشاسى... بايىنعولين موڭعۇل اۆتونوميالى وبلىسىنىڭ كەڭ - بايتاق دالاسىندا ”حىبەيدىڭ كومەكتەسىپ سالۋىنىڭ“ ءىز - تاڭبالارىن كەز كەلگەن جەردەن كەزىكتىرۋگە بولادى، كوپتەگەن كاسىپ سالالارى حىبەيدەن، ەلىمىزدىڭ جەر - جەرىنەن بايىنعولين وبلىسىنا، بيڭتۋان 2 - شىسىنا توقتاۋسىز ويىستى. توپ - توپ كاسىپورىندار ىرگە تەۋىپ وندىرىسكە قوسىلىپ، كاسىپ سالاسىنىڭ شوعىرلانۋ اسەرى كۇن سايىن كورنەكتىلەندى.

3 جىلدان استام ۋاقىتتان بەرى حىبەي ولكەسى كاسىپ سالاسى ارقىلى شينجياڭعا كومەكتەسۋ تەبىنىن ۇزدىكسىز ارتتىرىپ، شينجياڭعا كومەكتەسۋ نىسان - قارجىسى تياناقتانىپ، ونىمدىلىك كورسەتۋىن تىڭعىلىقتى ىلگەرىلەتتى. كاسىپ سالاسى ارقىلى شينجياڭعا كومەكتەسۋ قىزمەتىن ويداعىداي ىستەۋ ءۇشىن، حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى ”اماناتتاۋ ۇلگىسىندە“ بىرگە باقشا رايونىن قۇرۋ جانە ”اتتاما جەر“ ساياساتىن جولعا قويىپ، حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ ساۋداگەر شاقىرۋ ورتالىعىن قۇرىپ، شينجياڭعا كومەكتەسەتىن كادر - دارىندىلاردى دالمە - ءدال تاڭداپ جىبەرىپ، كاسىپتىك ساۋداگەر شاقىرۋ ۇجىمدارىن بەلسەندىلىكپەن ەنگىزىپ، جالپى قىزمەتكەرلەردىڭ ساۋداگەر شاقىرىپ، قارجى ەنگىزۋىن كۇشەيتىپ، كاسىپ سالالارىن شوعىرلاندىرىپ دامىتۋدى جەبەپ، حىبەي ولكەسىنىڭ كاسىپ سالاسى ارقىلى شينجياڭعا كومەكتەسۋىنىڭ ”دەڭگەيى جوعارىلاتىلعان نۇسقاسىن“ كۇش سالا تۇلعالادى.

3 جىلدان استام ۋاقىتتان بەرى حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى كومەك قابىلداعان جەردىڭ كاسىپ سالاسىنىڭ ورنالاسىمىمەن ۇشتاستىرىپ، ىلگەرىندى - كەيىندى چىنگۋاڭ چىنفان جەمىس - جيدەك، كوكونىس، حۋايۇي جۇمىرتقالىق تاۋىق تۇتاس كاسىپ سالاسى تىزبەگىن، يىڭتىلايفۋ زەردەلىلەنگەن مۇناي جابدىعىن جاساۋ، حىبەي زىتيان سۋ ۇنەمدەيتىن سۋلياۋ قۇبىر، دايوۋ ماگني كاسىبى سياقتى شينجياڭعا كومەكتەسەتىن 191 نىساندى تياناقتاندىرىپ، جالپى قوسىلعان قارجى 65 ميلليارد 19 ميلليون يۋان بولدى.

يانچي ويپاتى بايىنعولين وبلىسىنىڭ قىزاناق، قىزىل بۇرىش سياقتى اۋىل شارۋاشىلىق ونىمدەرىن ەگەتىن نەگىزگى بازا. حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى شينجياڭ چىنفان جەمىس - جيدەك، كوكونىس ونىمدەرى شەكتى سەرىكتەستىگىن ەنگىزىپ، 150 ميلليون يۋان قارجى قوسىپ، يانچي حۇيزۋ اۆتونوميالى اۋدانىندا اۋىل شارۋاشىلىق ونىمدەرىن وڭدەۋ زاۆودىن قۇرىپ، وندىرىسكە قوستى. نىسان تۇگەل سالىنىپ بىتكەن وڭ، مولشەرمەن جىلدىق ءونىم قۇنى 450 ميلليون يۋان بولادى.

يجۇڭ ەنەرگياسى شينجياڭ شيڭمەي كەن كاسىبى شەكتى سەرىكتەستىگى جالپى ءبىر ميلليارد 819 ميلليون يۋان قارجى قوستى، بيىل 400 ميلليون يۋان قارجى قوسۋدى تياناقتاندىرىپ، مەجەمەن 2024 - جىلى 3 - ايدا وندىرىسكە قوسىلعاننان كەيىن، جىلدىق تيجارات كىرىسىن ءبىر ميلليارد 500 ميلليون يۋانعا، پايدانى 300 ميلليون يۋانعا جەتكىزۋدى جوسپارلاپ وتىر.

كاسىپ سالاسى ارقىلى شينجياڭعا كومەكتەسۋ ەكونوميكانىڭ دامۋىن جەبەپ قانا قويماي، جۇمىستانۋ ورايىن دا كوبەيتىپ، كومەك قابىلداعان جەردەگى ءار ۇلت بۇقاراسىنىڭ اۋىلىنان الىستاماي ءۇيدىڭ جانىندا ورنىقتى جۇمىستانىپ كىرىس كىرگىزۋىنە مۇمكىندىك جاسادى.

شينجياڭعا كومەكتەسەتىن كاسىپورىن − بۇگۇر اۋدانى شينبو كيىم - كەشەك شەكتى جاۋاپكەرشىلىك سەرىكتەستىگى ياڭشيا قالاشىعىندا كيىم - كەشەك زاۆودىن قۇرىپ، جەرگىلىكتى ورىنداعى 78 ايەلدى جۇمىس ورنىمەن قامدادى. ”زاۆود ءۇيىمىزدىڭ جانىندا، ايىنا 3000 يۋاننان ارتىق ەڭبەكاقى الۋمەن بىرگە وتباسىما دا قارايلاسا الامىن“، - دەدى ياڭشيا قالاشىعى بوستان قىستاعىنىڭ تۇرعىنى گۇلنيسا احات، قاراپايىم وتباسى ايەلىنەن سەحتىڭ گرۋپپا باستىعى بولىپ جەتىلگەن ول زاۆودقا كىرىپ جۇمىس ىستەگەن بارىستاعى وزگەرىستەرىن اسا ماقتانىشپەن اڭگىمەلەدى.

بايىنعولين وبلىسىندا گۇلنيسا سياقتى تاربيەلەنىپ كاسىپ سالاسىنىڭ جۇمىسشىسىنا اينالعاندار تولىپ جاتىر. ”14 - بەسجىلدىقتان“ بەرى، حىبەي ولكەسى شينجياڭعا كومەكتەسۋ قارجىسىنان 8 ميلليون يۋان ورنالاستىرىپ، نەگىزگى ساتىداعى اۋىل - قالاشىقتاردا 12 جۇمىستانۋعا باۋلۋ بازاسىن قۇردى، ءار جىلى 20 ميلليون يۋان شينجياڭعا كومەكتەسۋ قارجىسىن ورنالاستىرىپ، ءارقايسى اۋدان، قالا، تۋان - الاڭدارىنىڭ ەڭبەككۇش شوعىرلانعان جەتەكشى كاسىپورىن، اۋىل شارۋاشىلىق ونىمدەرىن وڭدەۋ سياقتى كاسىپ سالالارىن جەتىلدىرىپ، ەگىنشى - مالشىلاردىڭ جۇمىستانىپ، كىرىس ارتتىرۋىنا قولداۋ كورسەتتى.

　　حالىق تۇرمىسى جاعىنان شينجياڭعا كومەكتەسىپ، جۇرت جۇرەگىن جىلىتتى

”حىبەيدىڭ شيپاگەرلەرى جاقسى“! شينجياڭعا كومەكتەسۋگە كەلگەن شيپاگەردى اۋىزعا العاندا، قۇربان مۇسا باس بارماعىن كوتەرىپ وسىلاي دەدى. 72 جاسقا كەلگەن قۇربان چەرشەن اۋدانى توعىراقلىق اۋىلى لاڭگار قىستاعىنىڭ تۇرعىنى، بىلتىر 10 - ايدا قۇربان ءتىلى كۇرمەلىپ وڭ جاق دەنەسى جانسىزدانىپ چەرشەن اۋداندىق حالىق شيپاحاناسىنا جاتىپ ەمدەلەدى. بۇرىن مۇنداي اۋرۋدى نەشە ءجۇز شاقىرىم جەردەگى شيپاحاناعا بارىپ ەمدەتۋگە تۋرا كەلەتىن، ال بۇگىن ول ۇيىنە جاقىن جەردەگى شيپاحانادا ايتارلىقتاي جاقسى ەمدەلىپ، قالىپتى تۇرمىسىنا قايتا ورالدى.

وتكەن 3 جىلدا، چەرشەن اۋداندىق حالىق شيپاحاناسىنىڭ ورىنباسار باستىعى، شينجياڭعا كومەككە كەلگەن كادر ۋاڭ شۋەبين مەن شينجياڭعا كومەككە كەلگەن 12 ەمدەۋ مامانىنىڭ قۇلشىنىسىندا، چەرشەن اۋداندىق حالىق شيپاحاناسىنىڭ جۇرەك ىشكى اۋرۋلار ءبولىمىنىڭ دياگنور قويىپ ەمدەۋ تەحنيكاسى زور دارەجەدە جوعارىلادى. 2022 - جىلى 6 - ايدا ۋاڭ شۋەبين مەن قىزمەتتەستەرى شۇعىل كەلگەن ناۋقاسقا چەرشەن اۋدانى تاريحى بويىنشا تۇڭعىش PCI (تەرى استىنان ءتاج تارىزدى ارتەرياعا كىرىسىپ ەمدەۋ)دى ءساتتى ىستەدى.

2020 - جىلدان بەرى حىبەي ولكەسى ىلگەرىندى - كەيىندى 200دەن استام شيپاگەردەن قۇرالعان 11 ”ۇيىرمە فورماسىندا“ ەمدەۋ جاعىنان شينجياڭعا كومەكتەسۋ ۇجىمىن تاڭداپ جىبەرىپ، جالپى87 مىڭ ادامدى (رەت) دياگنوز قويۋ، ەمدەۋ قىزمەت وتەۋىمەن قامداپ، كوكىرەك قۋىسى ايناسى ارقىلى ءتوستىڭ ۇشىن تىك ءبولىپ تۇرعان وسپەنى كەسىپ الىپ تاستاۋ وپەراتسياسى، قۇرساق قۋىسى ايناسىمەن ۇيقى بەزى ون ەكى بارماق ىشەگىن كەسىپ الىپ تاستاۋ وپەراتسياسى سياقتى ەمدەۋ تەحنيكاسىنداعى 410 ءتۇرلى اقتاڭداقتى تولتىرىپ، ەمدەۋ ماماندارىن 225 رەت تەگىن ەمدەۋگە ۇيىمداستىرىپ، بۇدان 220 مىڭ ادام (رەت) يگىلىكتەندى.

شينجياڭعا كومەككە كەلگەن شيپاگەرلەردىڭ ەڭبەگى نەگىزگى ساتىداعى بۇقارانىڭ دياگنوز قويۋ، ەمدەۋ قاجەتىن ءونىمدى تۇردە قاناعاتتاندىردى. بايىنعولين وبلىسى ”كىشى - گىرىم اۋرۋدى اۋىلدا ەمدەۋ، سالماقتى اۋرۋدى اۋداندا ەمدەۋ، قيىن، قاتەرلى، سالماقتى اۋرۋلاردى وبلىستا ەمدەۋ“ نىساناسىن بىرتىندەپ جۇزەگە اسىرۋدا.

ەمدەۋ جاعىنان شينجياڭعا كومەك بەرۋدەن تىس، حىبەي ولكەسى ولكە ىشىندەگى ساپالى وقۋ - اعارتۋ بايلىعىن شوعىرلاندىرىپ، 1170 وقىتۋشىنى كورلا قالالىق 23 - ورتا مەكتەپتى تۇتاس تۇلعالىق باسقارۋعا اماناتتاپ بەرۋدى ءبىر تۇتاس جوسپارلاپ، ۇيىرمە قۇراۋ ارقىلى كورلا قالالىق 21 - ورتا مەكتەپ، لوپنۇر اۋداندىق 1 - ورتا مەكتەپ سياقتى مەكتەپتەردى بىرگە قۇرىپ، ولكەدەگى 40تان استام كاسىپتىك - تەحنيكالىق مەكتەپتى كومەك قابىلداۋشى جەردەگى 18 كاسىپتىك - تەحنيكالىق مەكتەپكە باعىتتامالى كومەكتەسۋگە سايكەستىرىپ، شينجياڭ عىلىم - تەحنيكا شۋەيۋانىندا جاڭادان قوسىلعان 5 تەحنيكالىق عىلىم كاسىبى مەن 3 مەديتسينالىق كاسىپتى قولداپ، كومەكتەسىپ، بالاباقشا، ورتا - باستاۋىش مەكتەپ، كاسىپتىك - تەحنيكالىق مەكتەپتەردەن باستاپ جوعارى مەكتەپتەرگە دەيىن وقۋ - اعارتۋ ارقىلى شينجياڭعا كومەكتەسۋدى جاپپاي قامتۋدى جۇزەگە اسىرىپ، ءار دارەجەلى مەكتەپتەردىڭ وقۋ - اعارتۋ ساپاسىن ءونىمدى جوعارىلاتتى.

　　اۋىس - كۇيىس پەن ءوزارا توعىسۋ سۇيىسپەنشىلىكتى ارتتىردى

باتىس بولىككە، شەكارا وڭىرگە بارىپ قىزمەت ىستەۋ حىبەيدەگى جاس ۇرپاقتاردىڭ جۇمىسقا ورنالاسۋداعى جاڭا تاڭداۋىنا اينالدى. بۇل حىبەي ولكەسىنىڭ شينجياڭعا اقىل - پاراسات جاعىنان كومەكتەسۋ سەرپىنىن ۇزدىكسىز ارتتىرىپ، ”جۇمىستاندىرۋ، جۇمىسقا قابىلداۋ + دارىندى باۋلۋ“ نىسانىن جاسامپازدىقپەن ورىستەتىپ، حىبەي مەن شينجياڭداعى ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن تەرەڭدەتۋدە قول جەتكىزگەن ناتيجەسى.

2020 - جىلدان بەرى بايىنعولين وبلىسى ”100 كاسىپورىن، 1000 جۇمىس ورنى يان جاۋ ساپارى“ قىزمەتكەر قابىلداۋ قيمىلىن ۇزدىكسىز ورىستەتۋ ارقىلى باۋديڭ شۋەيۋانىنىڭ باتىس بولىكتەن وقۋ - اعارتۋعا كومەكتەسۋشى شوعىردىڭ ىزگى ىستەرىن كەڭ كولەمدە ۇگىتتەپ، حىبەي ولكەسىنەن جوعارى مەكتەپ تاۋىسقان 1000عا جۋىق وقۋشىنى باتىس بولىك ەرىكتىسى بولۋعا، جوعارى مەكتەپ تاۋىسقان 600دەن استام وقۋشىنى، قوسىننان شەگىنگەن اسكەريلەردەن 500دەن استام ادامدى بايىنعولين وبلىسىنا، بيڭتۋان 2 - شىسىنا كەلىپ جۇمىستانۋعا باۋرادى.

حىبەي ولكەسى مەن بايىنعولين وبلىسىنىڭ، بيڭتۋان 2 - شىسىنىڭ ارالاسۋىن، ىشتەسۋىن، توعىسۋىن كەڭەيتۋ ءۇشىن، 3 جىلدان بەرى حىبەي ولكەسى شينجياڭعا كومەكتەسۋ قارجىسىنان 29 ميلليون 540 مىڭ يۋان ورنالاستىرىپ، 100 نەگىزگى ساتىعا ارالاسۋ، ىشتەسۋ نىسانىن ۇيىمداستىرىپ ورىستەتىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىن ىشكەرىلەي ورىستەتۋ ارقىلى 9 - توپتا شينجياڭعا كومەككە كەلگەن كادر - دارىندىلار كومەك قابىلداعان جەرلەردەگى ءار ۇلت بۇقاراسىنان 379 اداممەن جۇپ قۇراپ تۋىس بولىپ، بايىنعولين وبلىسىنداعى، بيڭتۋان 2 - شىسنداعى 68 قىستاقپەن (ليان) 34 جۇپ ”اۋىل - قىستاقتى گۇلدەندىرۋ بويىنشا جۇپ قۇراپ كومەكتەسەتىن قىستاق“ قۇرىپ، ءوندىرىس، تۇرمىس، ەمدەلۋ سياقتى ناقتى قيىنشىلىقتارىن شەشۋىنە كومەكتەستى.

3 جىلدان استام ۋاقىتتان بەرى حىبەي ولكەسى كومەك قابىلداعان جەرلەردەگى كادر - دارىندىلاردى باۋلۋدى بۇكىل ولكەنىڭ ءار دارەجەلى باۋلۋ جوسپارىنا ەنگىزىپ، شينجياڭعا كومەكتەسۋ قارجىسىنان جيىنى 48 ميلليون 190 مىڭ يۋان قارجى قوسىپ، 99 تاربيەلەۋ - باۋلۋ نىسانىن اتقارىپ، كۋرسقا قاتىناسقان ادام سانى 5100گە (رەت) جەتىپ، كومەك قابىلداعان جەرلەردەگى اۋىل - قالاشىقتاردىڭ (ءمالى)، قىستاقتاردىڭ (الەۋمەتتىك اۋماق) نەگىزگى جاۋاپتى جولداستارىن جانە ءارقايسى تاراۋلاردىڭ، جوعارى مەكتەپتەردىڭ، شيپاحانالاردىڭ كاسىپتىك تىرەكتىلەرىن حىبەيگە جىبەرىپ، تاربيەلەۋ قىزمەتىمەن تولىق قامتىدى؛ 3 جىلدان بەرى حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى ولكەدەگى ساپالى بالاباقشالاردى بايىنعولين وبلىسىنداعى 20 نەشە بالاباقشامەن بىرلەسىپ، جۇپ قۇراپ، بىرگە قۇرۋ قيمىلىن ورىستەتۋگە بەلسەنە سايكەستىردى، كورلا قالالىق 23 - ورتا مەكتەپ شينجياڭعا كومەكتەسەتىن وقىتۋشىلارعا سۇيەنىپ، حىبەي تەاترى كوركەمونەر ۇيىرمەسىن قۇرىپ، تەاتر، حاتكەرلىك، جيڭشيڭلاحۋا ءبيى سياقتى حىبەي ولكەسىنىڭ ءداستۇرلى مادەنيەتىن مەكتەپ اۋلاسىنا ەنگىزدى.

2020 - جىلى حىبەي ولكەلىك مادەنيەت جانە ساياحات مەڭگەرمەسى بايىنعولين وبلىستىق حالىق ۇكىمەتىمەن «مادەنيەت - ساياحات ارقىلى شينجياڭعا كومەكتەسۋ سەلبەستىگى جۇلگەلىك كەلىسىمىنە» قول قويىپ، حىبەي ولكەلىك ءان - ءبي تەاترحاناسى مەن بايىنعولين ءان - ءبي ۇيىرمەسىن «اتلاس تيانشاننان شىقتى − سۇيىسپەنشىلىككە تولى بايىنعولين» تەاترىن بىرگە دايىنداۋعا ۇيىمداستىرىپ، 6 - كەزەكتى مەملەكەتتىك از ۇلتتار ادەبيەت - كوركەمونەر بايقاۋىنىڭ ارماندى جۇزەگە اسىرۋ تەاترىندا جاڭالىق اشۋ سيلىعىنا يە بولدى؛ حىبەي ولكەسىنىڭ شينجياڭعا كومەكتەسۋ بويىنشا تۇڭعىش كينوسى ”تيانشانعا ماحاببات“ اتتى فيلم 2022 - جىلى 6 - ايدىڭ 30 - كۇنى بۇكىل ەلدەگى كينوحانالاردا تۇڭعىش رەت قويىلدى؛ ”حىبەي − شينجياڭ سۇيىسپەنشىلىگى. بايىنعولين موڭعۇل اۆتونوميالى وبلىسىنا ساپار“ بويىنشا ساياحاتشىلاردى شينجياڭعا اتتاندىرۋ جەلىلەس قيمىلدارىن ۇزدىكسىز ورىستەتىپ، جيىنى 7 توپتا جەكە كولىكپەن ساياحاتتاۋ ۇيىرمەسىنەن 190 نەشە اۆتوكولىك، 13 رەت ساياحات ارناۋلى پويەزى، 20 نەشە رەت ۇشاق جالداپ، بەيجيڭ، تيانجين، حىبەيدەن 10 مىڭنان استام ساياحاتشى شينجياڭعا ساياحاتتاي كەلدى.