جىجياڭنىڭ شينجياڭعا كومەكتەسۋى
ناقتى ىستەۋ ارقىلى ناقتى ناتيجە جاراتتى، الدا ءجۇرۋ ارقىلى ۇلگىدە جاڭالىق اشتى
□ انار بۇلت \ شينجياڭ گازەتىنىڭ ءتىلشىسى جاڭ جىلي، ەرىكتى ءتىلشى يە شيتيڭ
چيانجياڭ تولقىنى تارىمعا قاراي جوڭكىلدى، شينجياڭعا ۇتىلاي كومەكتەسۋدىڭ جاڭا تاراۋى جازىلدى. جىجياڭ ولكەسى 2010 - جىلدان باستاپ اقسۋ ايماعى مەن بيڭتۋان 1 - شىسىنا باعىتتامالى كومەكتەسىپ كەلەدى، شينجياڭعا ۇزدىكسىز كومەكتەسۋ، شينجياڭعا ناقتى كومەكتەسۋ، شينجياڭعا دالمە - ءدال كومەكتەسۋ جورىعىندا شينجياڭعا توپ - توبىمەن كومەككە كەلگەن كادر - دارىندىلار شينجياڭعا كومەكتەسۋدە ريزا بولارلىقتاي جاۋاپ قايتارىپ، شينجياڭعا كومەكتەسۋدە ايقىن ءىز قالدىردى.
جىجياڭنان شينجياڭعا كومەككە كەلگەن 10 - توپتاعى كادر - دارىندىلار شينجياڭدا قىزمەت ىستەگەن 3 جىلدان استام ۋاقىتتا جيىنى 1093 نىسان اتقاردى، شينجياڭعا كومەكتەسۋ قارجىسىنىڭ ％80ىنەن استامى حالىق تۇرمىسى سالاسىنا جانە نەگىزگى ساتىعا جۇمسالدى، جىجياڭ جانە اقسۋ سىندى ەكى جەردەگى 490نان استام مەكتەپ، 4500دەن استام كلاس، 200 مىڭنان استام وقۋشى جۇپ قۇرادى، 52 مىڭ ادامنان استام (رەت) كادر - دارىندىنى باۋلىدى... كاسىپ سالاسى ارقىلى شينجياڭعا كومەكتەسۋ، حالىق تۇرمىسى جاعىندا شينجياڭعا كومەكتەسۋ، اقىل - پاراسات ارقىلى شينجياڭعا كومەكتەسۋ، مادەنيەت - ساياحات جاعىندا شينجياڭعا كومەكتەسۋ سياقتى سالالاردا تابىس قوماقتى بولدى.
جىجياڭنان شينجياڭعا كومەككە كەلگەن كادر - دارىندىلار كومەك قابىلداعان جەردىڭ ەكونوميكاسىنىڭ، قوعامىنىڭ دامۋىنا پارمەندى قولداۋ كورسەتۋمەن بىرگە، شينجياڭعا كومەكتەسۋ قىزمەت شارالارىن ۇزدىكسىز جاڭالاپ، دارەجەسىن ءوسىرىپ، قاجەتتى جەردە ىستەۋگە، الدىڭعى لەكتە جۇرۋگە تاباندى بولىپ، جاڭا داۋىردەگى شينجياڭعا باعىتتامالى كومەكتەسۋدە، اۋىس - كۇيىس پەن سەلبەستىكتە ۇلگى كورسەتەتىن تەرەزەنى بار كۇشپەن تۇلعالاپ، شينجياڭعا باعىتتامالى كومەكتەسۋ قىزمەتىنىڭ ”جىجياڭ ۇلگىسىندە“ قۇلشىنا جاڭالىق اشتى.
كاسىپ سالاسىنىڭ جاڭا سالاسىن كەڭەيتىپ، سەلبەستىكتىڭ جاڭا ءورىسىن اشتى
قازىر اقسۋ توقىماشىلىق ونەركاسىبى قالاشىعىندا (اشۋ رايونى) اقسۋ جەڭىل ونەركاسىپ، مەتال بۇيىمدارى قالاشىعى نىسانىنىڭ ىلگەرىلەۋىنە ىلەسە، اقسۋ توقىماشىلىق ونەركاسىبى قالاشىعىنىڭ (اشۋ رايونى) كاسىپ سالاسى تىزبەگى ۇزدىكسىز كەڭەيىپ جانە ۇلعايىپ، كاسىپ سالاسىنىڭ شوعىرلانۋ اسەرى ۇزدىكسىز كورنەكتىلەندى.
2020 - جىلى جىجياڭ ولكەسىنىڭ 10 - توپتاعى شينجياڭعا كومەكتەسۋ قولباسشىلىق شتابى تەكسەرۋ - زەرتتەۋ بارىسىندا اقسۋ توقىماشىلىق ونەركاسىبى قالاشىعى (اشۋ رايونى) ءجىپ ءيىرۋ، كەزدەمە توقۋ، بوياۋ، كيىم - كەشەك، كورپە - جاستىق ءبىر تۇلعالانعان كاسىپ سالاسى شوعىرلانعان رايون ەكەنىن، الايدا كاسىپ سالاسىنىڭ قۇرىلىمى جالاڭ، كاسىپ سالاسى مەن قالاشىقتىڭ توعىسۋى ايتارلىقتاي ەمەس ەكەنىن بايقايدى. سونىمەن ”توقىماشىلىق، كيىم - كەشەك + جەڭىل ونەركاسىپ، مەتال بۇيىمدارى“، ”ارناۋلى بازار + ناقتى تۇلعالىق جاساۋ“ سياقتى ەرەكشەلىكتەرگە يە نىسان سانالاتىن اقسۋ جەڭىل ونەركاسىپ، مەتال بۇيىمدارى ساۋدا قالاشىعى بوي كوتەردى. بۇل نىسان 2021 - جىلى 3 - ايدا باستالعان، سول جىلى 7 - ايدا سالىنىپ بولىپ، 8 - ايدا باقشا اشىلىپ، ىسكە قوسىلدى دا، وڭتۇستىك شينجياڭداعى ەڭ ۇلكەن جەڭىل ونەركاسىپ، مەتال بۇيىمدارى ارناۋلى بازارىنا اينالدى.
”جالعاستىرۋ ۇلگىسىندەگى“ شينجياڭعا كومەكتەسۋدى جاڭالىق اشا اتقارۋ − جىجياڭنىڭ شينجياڭعا كومەكتەسۋ قىزمەتىندەگى جارقىن تۇيىندەردىڭ ءبىرى. جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى بۇرىننان بەرگى شينجياڭعا كومەكتەسۋدەگى باسىمدىققا يە سالالاردى، بۇرىننان بار قىزمەت ماركالارىن بەكەمدەدى ءارى جاڭا سالالاردى بەلسەندىلىكپەن كەڭەيتىپ، جاڭا ماركا تۇلعالاپ، جىجياڭنىڭ شينجياڭعا كومەكتەسۋ قىزمەتىنىڭ جاڭالانۋىن، دارەجەسى جوعارىلاۋىن ۇزدىكسىز ىلگەرىلەتتى.
جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى ”ون قالا، ءجۇز دۇكەن“ ينجەنەرياسىنىڭ كومەك قابىلداعان جەردەگى اۋىل شارۋاشىلىعىنىڭ تۇتاس كاسىپ سالاسى تىزبەگىنىڭ دامۋىن جەبەۋدە اناعۇرلىم زور رول اتقارۋىنا مۇمكىندىك جاساۋ ءۇشىن، الدىڭعى ءبىر توپتاعى كاسىپ سالاسى ارقىلى شينجياڭعا كومەكتەسۋ نەگىزىندە، ءبىر جاعىنان، كومەك قابىلداعان جەردىڭ اۋىل شارۋاشىلىعى ونىمدەرىن ”ينتەرنەت جەلىسىنەن تىس ونعا ەنگىزۋدى“ (ورگاندار، مەكتەپتەر، شيپاحانالار، مەملەكەت مەنشىگىندەگى كاسىپورىندار، اۋىل شارۋاشىلىعى جانە قوسىمشا كاسىپ ونىمدەرى بازارى، ەرەن بازارلار، جەمىس - جيدەك دۇكەندەرى سياقتىلارعا ەنگىزۋ) ىلگەرىلەتىپ، جىجياڭ ولكەسىندە ينتەرنەت جەلىسىنەن تىس 1778 دۇكەن اشىپ، ”ءجۇز قالا، مىڭ دۇكەن“ ارناسىن قالىپتاستىردى؛ ءبىر جاعىنان، ىقپالعا يە ون شاقتى ەلەكتروندى ساۋدا تۇعىرىن ءتۇيىن ەتىپ، 227 تور دۇكەنىن قۇرىپ، ”ون جەلى، ءجۇز دۇكەن“ تۇلعالادى. قازىر ”ون قالا، ءجۇز دۇكەن“ ينجەنەرياسى ارقىلى ساتىلعان اۋىل شارۋاشىلىعى ونىمدەرى اقسۋ ايماعىنداعى، ءتىپتى، تۇتاس شينجياڭداعى 200دەن استام ءتۇردى ءوز ىشىنە الىپ، 150 مىڭ ەگىنشى - مالشىنى قامتىدى.
”ءجۇز قىستاق، مىڭ زاۆود“، ”10 مىڭ مۋ، 100 ميلليون يۋان“ سياقتى كاسىپ سالاسى ينجەنەرياسى 0.2 نۇسقاسىنا قادام تاستادى. جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى اقسۋ قالاسى بەستيىرمەن اۋىلى جاڭا بازار قىستاعى كەشەندى بازارىنىڭ دەڭگەيىن جوعارىلاتىپ، جاڭالاۋ، كۇشار قالاسى قانىقاتام اۋىلى بوزارىق قىستاعىنىڭ ءسۇت ونىمدەرىن ءوندىرۋ زاۆودىن كەڭەيتىپ سالۋ سياقتى 5 نىسانعا قولداۋ كورسەتىپ، 700دەن استام اۋىل - قىستاق ەڭبەككۇشىنىڭ جۇمىستانۋىنا تىكەلەي باستاماشىلدىق ەتتى، وسى ارقىلى ەكونوميكاسى ءالسىز 25 قىستاق جىلىنا شامامەن 500 مىڭ يۋاننان استام كىرىس ارتتىرادى؛ ”ءبىر اۋداندا ءبىر ماركا، ءبىر تىزبەك“ سىناق ءتۇيىنىن تەرەڭدەتۋ ارقىلى كورمەلەۋ، تانىستىرۋ تەبىنىن ارتتىرۋدىڭ، ەكولوگيا ارقىلى شينجياڭعا كومەكتەسۋدى بەلسەنە ورىستەتىپ، اۋىل شارۋاشىلىعى سالاسىندا شينجياڭعا يكەمدى كومەكتەسۋ تەبىنىن ارتتىرۋدىڭ ناتيجەسىندە، ”10 مىڭ مۋ، 100 ميلليون يۋان“ ينجەنەرياسى كومەك قابىلداعان جەرلەردىڭ كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋىن جەبەۋدە وراسان زور تيىمدىلىگىن ايگىلەدى.
الەۋمەتتىك قىزمەت وتەۋ ونان ارى ساپالىلانىپ، حالىق تۇرمىسىن قامتاماسىز ەتۋ ونان ارى ناقتىلاندى
”پارتيانىڭ ساياساتى جاقسى! شينجياڭعا كومەككە كەلگەن شيپاگەرلەر جاقسى“! - دەدى 5 - ايدىڭ 12 - كۇنى شايار اۋدانى تارىم اۋىلى قاليەت قىستاعىنىڭ تۇرعىنى گۇلميرا ءيۇسۇپ. 2022 - جىلى 2 - ايدا جىجياڭ ولكەسىنىڭ ەمدەۋ جاعىندا شينجياڭعا كومەكتەسۋى بويىنشا بالالار ىشكى اۋرۋلارى ارناۋلى ءبولىم وداعى قيمىلىنىڭ كومەگىندە، گۇلميرانىڭ 7 جاستاعى قىزىنا قاقپا ۆەناسىندىق جوعارى قىسىم ارقىلى كوكباۋىر مەن بۇيرەكتى ايىرۋ وپەراتسياسى ءساتتى جاسالىپ، وپەراتسيادان كەيىنگى دەنساۋلىعىنىڭ قالپىنا كەلۋ جاعدايى ايتارلىقتاي بولىپ، باسقا بالالار سياقتى مەكتەپ تابالدىرىعىن اتتادى.
3 جىلدان بەرى جىجياڭنان شينجياڭعا كومەككە كەلگەن كادر - دارىندىلار كومەك قابىلداعان جەرلەردىڭ دەنساۋلىق ساقتاۋ، سالاماتتىق ىستەرىنىڭ دامۋىنا ”ۇيىرمە قۇراۋ ۇلگىسىندە“ كومەكتەسۋ بارىسىندا كومەك قابىلداعان شيپاحانالاردىڭ وڭىرلىك ەمدەۋ ورتالىعى بولۋ رولىن ساۋلەلەندىرىپ، قاشىقتان ەمدەۋ، مەرزىمدى باۋلۋ، عىلمي اۋىس - كۇيىس سياقتى تاسىلدەردى قولدانىپ، ”جىجياڭداعى ارتقى شەپتەن كومەكتەسۋشى شيپاحانا − كومەك قابىلداۋشى شيپاحانا − اۋدان (قالا) شيپاحانالارى − اۋىل - قالاشىق (الەۋمەتتىك اۋماق، تۋان الاڭى) ەمحانالارى“ بويىنشا كوپ دارەجەلى بىرلەسىپ قيمىلداۋ، قوس باعىتتى جىبەرىپ ەمدەۋ، كوپ جاق يگىلىكتەنۋ سىندى ەمدەۋ جاعىندا شينجياڭعا كومەكتەسۋ ۇلگىسىن قالىپتاستىردى. سونىمەن قاتار شينجياڭعا يكەمدى كومەكتەسۋدىڭ، بۇرىنعى توپتاعى شينجياڭعا كومەكتەسۋشى مامانداردىڭ كۇشىن ءبىر تۇتاس جوسپارلاپ، مەديتسينا ماماندىعى بويىنشا پاندەرگە ايىرۋ ارقىلى ەمدەۋ جاعىندا شينجياڭعا كومەكتەسەتىن 21 ارناۋلى ءبولىم وداعىن قۇرىپ، 1000نان استام ەمدەۋ قىزمەتكەرىن قاتىناسۋعا باۋراپ، ينتەرنەت جەلىسىندە جانە ينتەرنەت جەلىسىنەن تىس 400 نەشە رەت باۋلۋ جانە اۋىس - كۇيىس وتكىزىپ، 300 نەشە رەت وپەراتسيا ارقىلى وقىتۋعا باستاماشىلدىق ەتىپ، كومەك قابىلداۋشى جەردىڭ مەديتسينالىق عىلمي اۋىس - كۇيىس جاساسۋداعى جانە كۇردەلى ناۋقاستارعا كەڭەسىپ دياگنوز قويىپ، ءبىر جايلى ەتۋدەگى باستى تۇعىرىنا اينالدى. جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى ەمدەۋ جاعىنداعى ساپالى قىزمەت وتەۋدى نەگىزگى ساتىعا جەتكىزۋ ءۇشىن 10 ميلليون يۋانعا جۋىق شينجياڭعا كومەك قارجىسىن ورنالاستىرۋ ارقىلى ارالاپ ەمدەۋ بويىنشا قىزمەت وتەيتىن 3 اۆتوكولىك ساتىپ الىپ، ”2 - دارەجەلى شيپاحانانى“ نەگىزگى ساتىنىڭ الدىڭعى شەبىنە جەتكىزىپ، ”ەمدەۋ ۇلكەن بازارىنىڭ“ ارالاپ تەگىن ەمدەۋ قيمىلىن ۇدايىلاندىرا ورىستەتتى.
جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى كومەك قابىلداعان جەردەگى وقۋ - اعارتۋ ىستەرىنىڭ دامۋىنا ”ۇيىرمە قۇراۋ ۇلگىسىندە“ قولداۋ كورسەتۋ بارىسىندا كولەمدى ۇيىرمە جۇيەسىن كۇش سالا ورناتىپ، دارىندىلار بايلىعىنىڭ بىرىگۋ قۋاتىن كۇشەيتتى؛ كولەمدى وقىتۋدى زەرتتەۋ جۇيەسىن ورناتىپ، نەگىزدىك وقۋ - اعارتۋدىڭ تىرەكتىك قۋاتىن كۇشەيتتى؛ كولەمدى كومەكتەسۋ - جەتەكتەۋ جۇيەسىن ورناتىپ، وقۋ - اعارتۋدى دامىتۋدىڭ ىشكى ومىرشەڭدىك قۋاتىن كۇشەيتتى؛ كولەمدى وداق جۇيەسىن ورناتىپ، ساپالى بايلىقتىڭ شوعىرلانۋ قۋاتىن كۇشەيتتى؛ كولەمدى ادام تاربيەلەۋ جۇيەسىن ورناتىپ، پارتيانى، وتاندى ءسۇيۋدىڭ وزەككە تارتۋ قۋاتىن ارتتىردى؛ كولەمدى شوعىر جۇيەسىن ورناتىپ، كومەك قابىلداعان مەكتەپتەردىڭ تۇرتكى بولۋ قۋاتىن ارتتىرۋ ارقىلى كومەك قابىلداعان جەردەگى وقۋ - اعارتۋ ىستەرىنىڭ جوعارى ساپالى دامۋىنا تىڭ قوزعاۋشى كۇش ۇستەدى.
مادەنيەت - ساياحاتتىڭ التىن تانىسقىسىن جارقىراتىپ، زەيىن - زەردە مەن كۇش - قۋاتتى شوعىرلاندىرا تاماشا داستان جازدى
2022 - جىلدىڭ سوڭىندا مەملەكەتتىك دامۋ جانە رەفورما كوميتەتى تانىستىرعان تۇتىنۋ ارقىلى كومەكتەسىپ سۇيەمەلدەپ، اۋىل - قىستاقتى گۇلدەندىرۋگە دەم بەرۋدەگى بۇكىل ەل بويىنشا تاڭداۋلى تيپتىك مىسالداردا جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابىنىڭ جىجياڭ ولكەلىك مادەنيەت جانە ساياحات مەڭگەرمەسىمەن، اقسۋ ايماعىمەن بىرلەسىپ ”جىجياڭ مەن شينجياڭدى سۇيەمىن“ اتتى مادەنيەت - ساياحات جاعىندا شينجياڭعا كومەكتەسۋ ماركاسىن بىرگە تۇلعالاپ، شينجياڭعا ”ساياحاتشى جونەلتۋ، ساياحاتشى باۋراۋ“ ينجەنەرياسىن اتقارۋى بۇكىل ەلدىڭ شينجياڭعا باعىتتامالى كومەكتەسۋ قىزمەتىنىڭ مىسالدارى رەتىندە تاڭدالدى.
3 جىلدان بەرى جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى ”شينجياڭدى مادەنيەتپەن نارلەندىرۋ“ قىزمەتىن جۇيەلىلەندىرە ىلگەرىلەتىپ، جىجياڭ مەن شينجياڭنىڭ مادەني ەسكەرتكىشتەرى جانە مۇراجايلارى، جىجياڭ مەن شينجياڭنىڭ كوركەم جازۋلارى جانە كەسكىندەمەلەرى، جىجياڭ مەن شينجياڭنىڭ تەاترلارى، جىجياڭ مەن شينجياڭنىڭ كىتاپقۇمارلىق اۋانى، جىجياڭ مەن شينجياڭنىڭ مۇراگەرلىگى، جىجياڭ مەن شينجياڭنىڭ بيلەرى، جىجياڭ مەن شينجياڭنىڭ دارىندىلارى، جىجياڭ مەن شينجياڭنىڭ مادەني جاسامپازدىعى سىندى 10 ءتۇرلى شارانى ىشكەرىلەي اتقاردى. قىزىل تەاتردى 100 رەت ارالاپ كورسەتۋ، مەكتەپتەردە تەاتر جونىندە 100 رەت لەكسيا سويلەۋ، قالالاردا 100 كىتاپ ءۇيىن قۇرۋ، 100 تاريحي مادەني ەسكەرتكىشتى ارالاپ كورسەتۋ، پارتيا تاريحى جونىندەگى 100 ماتەريالدى ارالاپ كورسەتۋ، شارۋالاردىڭ 100 سۋرەت تۋىندىسىن ارالاپ كورسەتۋ، مادەنيەت - كوركەمونەر دارىندىلارىنان 100 ادامدى باۋلىپ جەتىلدىرۋ، 100 ادەبيەت - كوركەمونەر تۋىندىسىن شىعارۋ سياقتى مادەنيەت جاعىندا شينجياڭعا كومەكتەسۋدەگى 10 ءتۇرلى ”جۇزدىك، ون مىڭدىق“ جەلىلەس قيمىلدى شوعىرلى ورىستەتىپ، بۇقارادان قاتىناسقان ادام سانى 6 ميلليوننان (رەت) اسىپ، ”شينجياڭدى مادەنيەتپەن نارلەندىرۋ“ ارقىلى جۇرت جۇرەگىن نارلەندىرۋدى ىلگەرىلەتتى.
جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى كومەك قابىلداعان جەردىڭ نەگىزگى ساتىداعى مادەنيەت شەبى قۇرىلىسىن كۇشەيتىپ، الەۋمەتتىك مادەنيەت جاعىنداعى قىزمەت وتەۋ دەڭگەيىن جوعارىلاتۋ ءۇشىن، 2022 - جىلى قالالارداعى 100 نەشە كىتاپ ءۇيىن سالدىرىپ، اقسۋ ايماقتىق مادەني ەسكەرتكىشتەر جانە مۇراجاي مەكەمەسى، كوكيار ەسكەرتكىش سارايى، جينحۋا جاڭا قىستاعى سياقتى 4 ”كىتاپ وقۋ بازاسىنان“ ۇلگى كورسەتۋ نىسانىن قۇرىپ، ەلەكتروندى كىتاپ وقۋ جابدىقتارى مەن قاعاز كىتاپتاردى قاتار ورنالاستىردى. جىجياڭ مەن اقسۋ سىندى ەكى جەردەگى بۇقارانى ۇيىمداستىرۋ ارقىلى بۇلتتىق جەلىدەگى اۋىل - قىستاق الاڭ ءبيى جارىسى، جۇڭحۋانىڭ تاڭداۋلى ءداستۇرلى مادەنيەتىن مەكتەپ اۋلاسىنا ەنگىزۋ، جىجياڭ − اقسۋ ۇلكەن ساباقحاناسىنداعى بايانداما جينالىسى، شاعىن پارتيا ساباعى جارىسى سياقتى جەلىلەس مادەنيەت - دەنە تاربيە قيمىلدارىن وتكىزدى، مادەنيەت - كوركەمونەر اۋەسكەرلەرىن جانە پارتيا مۇشەلەرىن، كادرلاردى قامتىعان 10 مىڭ ادامدى ۇيىمداستىرىپ، ءبي، قاعاز ويما، حاتكەرلىك، سۋرەت، بەيزاتتىق مۇرا، دەكلاماتسيا سياقتىلاردى كەسكىنگە الدىرعاننان كەيىن بۇلت تەرمينالىنا جۇكتەپ، بۇكىل ينتەرنەتتە باعالاپ، تاڭداۋلى نومىرلەردى كورسەتتى، تاراتتى.
2021 - جىلى جىجياڭ ولكەلىك مادەنيەت جانە ساياحات مەڭگەرمەسى مەن جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى بىرلەسىپ ”100 ۇيىرمە، 10 مىڭ ادامدىق“ ساياحات ارقىلى شينجياڭعا كومەكتەسۋ ارەكەتىن باستاپ اتقارىپ، 2 جىلدا شينجياڭعا كومەكتەسۋ جالدامالى ۇشاعى مەن ارناۋلى پويەزىن 62 رەت ۇيىمداستىرىپ، ”13 - بەسجىلدىق“ مەزگىلىندەگى جالپى ساننىڭ 6 ەسەسىنەن اسىردى، شينجياڭعا كومەكتەسۋ بويىنشا 5670 ساياحات ۇيىرمەسىن ۇيىمداستىرىپ، ساياحاتشى سانىن ءبىر ميلليون 80 مىڭعا (رەت) جەتكىزىپ، ساياحاتتىق تۇتىنۋدىڭ ءبىر ميلليارد 600 ميلليون يۋاننان اسۋىنا باستاماشىلدىق ەتتى.
جىجياڭ ولكەسىنىڭ شينجياڭعا باعىتتامالى كومەكتەسۋ قولباسشىلىق شتابى سيفرلى بايلىق باسىمدىعىن ساۋلەلەندىرىپ، ”سيفرمەن قۋات سيلاۋ ينجەنەرياسىن“ اتقارىپ، ساياحاتتىق تۇتىنۋدىڭ دەڭگەيىن جوعارىلاتۋدى ىلگەرىلەتىپ، ينتەرنەت جەلىسىنە شىعارىلعان ”اقسۋداعى، ارالداعى جىجياڭنىڭ ساياحات جاعىندا شينجياڭعا كومەكتەسۋ باستاماشى دۇكەنىن“ ساپالىلاندىرىپ، دارەجەسىن جوعارىلاتتى. بەينەجازبا ءتول تۋىندىلارىن قابىلداۋ، جاس داۋرەن جانە زەرتتەۋ - ۇيرەنۋ ”قىزىقتى“ ساياحاتىن كەڭەيتۋ ماۋسىمى، التىن كۇزدەگى تۇتىنۋ ماۋسىمى، مادەنيەت - ساياحات تۇتىنۋ بەلەتىن تاراتۋ سياقتى جەلىلەس قيمىلداردى اتقارىپ، اقسۋدىڭ ساياحات تيجاراتىنا ينتەرنەت جەلىسىندە كۇش شىعارۋدى ىلگەرىلەتتى. جۇڭگو تەلەگراف توبى جىجياڭ ولكەلىك تەلەگراف سەرىكتەستىگىن سايكەستىرۋ ارقىلى ”زەردەلى ساياحاتتى“ باسقارۋ قىزمەت وتەۋ جۇيەسىن جوبالاۋ جۇمىسىن اياقتاتىپ، وڭتۇستىك شينجياڭنىڭ ”زەردەلى ساياحاتتا“ تىڭنان تۇرەن سالۋىن جۇزەگە اسىرىپ، كومەك قابىلداعان جەردەگى ساياحات كاسىپ سالاسىنىڭ تيبىن جاڭالاپ، دارەجەسىن ءوسىرۋدى ىلگەرىلەتتى.