شينجياڭنىڭ پارتيا، ۇكىمەت ۋاكىلدەر ۇيىرمەسى حيلۇڭجياڭعا بارىپ ۇيرەنۋدە، تەكسەرۋدە بولدى

ەكى جەردىڭ جوعارى ساپالى دامۋىنىڭ تىڭ تاراۋىن بىرگە جازايىق

بيڭتۋان گازەتىنىڭ ءتىلشىسى شىن يۋانگىڭ 6 - ايدىڭ 3 - كۇنى حاربيننەن حابارلايدى. 6 - ايدىڭ 2 - كۇنىنەن 3 - كۇنىنە دەيىن اۆتونوميالى رايوندىق پارتكومنىڭ ورنالاستىرۋى بويىنشا اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي شينجياڭنىڭ پارتيا، ۇكىمەت ۋاكىلدەر ۇيىرمەسىن باستاپ حيلۇڭجياڭعا بارىپ ۇيرەنۋدە، تەكسەرۋدە بولدى. حيلۇڭجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شۇي چين 6 - ايدىڭ 2 - كۇنى لي يفي جانە ونىڭ ساپارلاستارىمەن كەزدەستى. حيلۇڭجياڭ ولكەلىك پارتكومنىڭ ورىنباسار شۋجيى، ولكە باستىعى لياڭ حۇيليڭ، ولكەلىك پارتكومنىڭ ورىنباسار شۋجيى ۋاڭ جىجۇن قاتىستى قيمىلدارعا قاتىناستى.

شۇي چين حيلۇڭجياڭ ولكەلىك پارتكوم مەن ولكەلىك ۇكىمەت اتىنان شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ تەكسەرۋگە كەلگەندىگىن قارسى الاتىندىعىن ءبىلدىردى، شينجياڭنىڭ جانە بيڭتۋاننىڭ ۇزاق ۋاقىتتان بەرى حيلۇڭجياڭدى زور كۇشپەن قولداعاندىعىنا العىس ايتتى. ول بىلاي دەپ اتاپ كورسەتتى: شينجياڭ مەن حيلۇڭجياڭنىڭ اراسى شالعاي بولعانىمەن، الايدا بارىس - كەلىسىنىڭ تامىرى تەرەڭدە. ەكى جاق پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن جاپپاي تياناقتاندىرىپ، شينجياڭنىڭ التاي ايماعىنىڭ جانە بيڭتۋان 10 - شىسى بەيتۇن قالاسىنىڭ ءتۇرلى قىزمەتتەرىنىڭ تىڭ ساتىعا كوتەرىلۋىن، تىڭ ىلگەرىلەۋشىلىككە قول جەتكىزۋىن بىرگە ىلگەرىلەتتى. جاڭا جورىقتا حيلۇڭجياڭدا جوعارىدان تومەنگە دەيىن باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، شينجياڭعا باعىتتامالى كومەكتەسۋ قىزمەتىنىڭ تەرەڭدەۋىن، ناقتىلانۋىن بار كۇشپەن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە تىڭ دا اناعۇرلىم زور ۇلەس قوسادى. ەكى جەردىڭ سالىستىرمالى باسىمدىقتى تولىق ساۋلەلەندىرىپ، كاسىپ سالاسىنىڭ دامۋى، ەكونوميكا - ساۋدا، قارجى قوسۋ، سىرتقا ەسىك اشۋ، وقۋ - اعارتۋ، عىلىم - تەحنيكا، مادەنيەت، ساياحات سياقتى سالالاردا اۋىس - كۇيىستى، سەلبەستىكتى ىشكەرىلەي تەرەڭدەتىپ، شينجياڭ مەن حيلۇڭجياڭ حالقىنىڭ تەرەڭ دوستىق سۇيىسپەنشىلىگىن ۇزدىكسىز نىعايتىپ، ەكى جەردىڭ جوعارى ساپالى دامۋىنىڭ تىڭ تاراۋىن بىرگە جازۋىن ءۇمىت ەتەمىن.

لي يفي اۆتونوميالى رايوندىق پارتكوم، بيڭتۋان پارتكومى اتىنان حيلۇڭجياڭ ولكەسىنىڭ ۇزاق ۋاقىتتان بەرى شينجياڭ مەن بيڭتۋاندى زور كۇشپەن قولداعاندىعىنا جانە قالتقىسىز كومەكتەسىپ كەلگەندىگىنە العىس ايتتى. ول بىلاي دەدى: حيلۇڭجياڭداعى ءار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزۋ، باتىلدىقپەن العا ۇمتىلۋ رۋحى، حيلۇڭجياڭنىڭ جوعارى ساپالى دامۋدى ىلگەرىلەتۋ تاجىريبەلەرى ءبىزدىڭ ۇيرەنۋىمىزگە، ۇلگى الۋىمىزعا تاتيدى. لي يفي بىلاي دەپ اتاپ كورسەتتى: كوپ جىلدان بەرى حيلۇڭجياڭ ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋدى باستان - اياق ماڭىزدى ساياسي جاۋاپكەرشىلىك ساناپ، ناق قارجى سالىپ، شىنايى سۇيىسپەنشىلىگىن، ادال نيەتىن ارناپ، كومەك قابىلداعان جەردىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعىن، حالىق تۇرمىسىنىڭ جاقسارۋىن پارمەندى جەبەدى. جاڭا تاريحي باستامادا حيلۇڭجياڭ ولكەلىك پارتكومنىڭ، ولكەلىك ۇكىمەتتىڭ شينجياڭ مەن بيڭتۋاننىڭ قىزمەتىن بۇرىنعىداي قولداپ، شينجياڭعا باعىتتامالى كومەكتەسۋ قىزمەتىنىڭ سەرپىنىن ۇزدىكسىز كۇشەيتىپ، كادر، دارىندى ارقىلى شينجياڭعا كومەكتەسۋدى تەرەڭدەتىپ، ەكى جەردىڭ سەلبەستىك، اۋىس - كۇيىس جاڭا تۇعىرىن قۇرىپ، ەكى جاقتىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە ۇزدىك جاۋاپناما تاپسىرۋىن جەبەپ، ەكى جەردىڭ بۇقاراسىن اناعۇرلىم ويداعىداي باقىتقا كەنەلتۋىن ءۇمىت ەتەمىن.

6 - ايدىڭ 3 - كۇنى تۇستەن بۇرىن لي يفي قاتارلىلار حيلۇڭجياڭ ولكەسىنىڭ ءار كەزەكتى شينجياڭعا كومەكتەسۋگە كەلگەن كادر، دارىندىلارى ۋاكىلدەرىمەن اڭگىمە وتكىزدى. حيلۇڭجياڭداعى كەزىندە پارتيا، ۇكىمەت ۋاكىلدەر ۇيىرمەسىندەگىلەر تاعى حاربين ونەركاسىپ داشۋەسىنە، بەيداحۋاڭ تىڭ يگەرۋ توبىنا تەكسەرۋگە، زەرتتەۋگە باردى.

حيلۇڭجياڭ ولكەسىنىڭ باسشىلارىنان ياڭ بو، يۇي حۇڭتاۋ، ۋاڭ چيۋشى، چۇي مين، جاڭ ياجۇڭ، حاربين ونەركاسىپ داشۋەسىنىڭ باسشىسى شيۇڭ سىحاۋ، اۆتونوميالى رايون جانە بيڭتۋان باسشىلارىنان جاڭ جۋ، ۋاڭ جيانشين، ءماردان مۇحيت، لي شۇي قاتارلىلار جوعارىداعى قيمىلدارعا قاتىناستى.