جياڭسۋ مەن ىلەدەگى ”ەڭ تاڭداۋلى وتباسىلارى“ قول ۇستاسا جاڭا داۋىردەگى تاماشا وتباسى سالتىن ساۋلەلەندىردى

ىلە وبلىستىق ايەلدەر بىرلەستىگىنىڭ ”انار گۇلى . جياڭسۋلىقتار مەن ىلەلىكتەر ٴبىر ٴۇيلى جان“ اتىنداعى ەڭ تاڭداۋلى وتباسىلارىنىڭ ارالاسۋ، ىشتەسۋ، توعىسۋ قيمىلى نانجيڭدە باستالدى

ٴتىلشىمىز سۋ مين حابارلايدى. 7 - ايدىڭ 3 - كۇنى جياڭسۋ ولكەلىك ايەلدەر بىرلەستىگى مەن ىلە وبلىستىق ايەلدەر بىرلەستىگى نانجيڭدە ”انار گۇلى . جياڭسۋلىقتار مەن ىلەلىكتەر ٴبىر ٴۇيلى جان“ اتىنداعى ەڭ تاڭداۋلى وتباسىلارىنىڭ ارالاسۋ، ىشتەسۋ، توعىسۋ قيمىلىنىڭ باستالۋ سالتىن بىرلەسىپ وتكىزدى. اۆتونوميالى رايوندىق ايەلدەر بىرلەستىگىنىڭ، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابىنىڭ، ىلە وبلىستىق ايەلدەر بىرلەستىگىنىڭ جانە ىلە وبلىستىق پارتكوم بىرلىكساپ ٴبولىمىنىڭ قاتىستى جاۋاپتىلارى باستالۋ سالتىنا قاتىناستى. 

وسى رەتكى ”انار گۇلى . جياڭسۋلىقتار مەن ىلەلىكتەر ٴبىر ٴۇيلى جان“ اتىنداعى ەڭ تاڭداۋلى وتباسىلارىنىڭ ارالاسۋ، ىشتەسۋ، توعىسۋ قيمىلى − ىلە وبلىستىق ايەلدەر بىرلەستىگىنىڭ جۇڭحۋا ۇلتى ورتاق تۇلعا تانىمىن بەرىك ورناتۋدى كوزدە ۇستاپ، ۇلتتار ىنتىماعى، العاباسارلىعىنداعى ۇلگىلى ورىن قۇرۋدى جاسامپازدىقپەن ىلگەرىلەتۋىندەگى ناقتى شاراسى. بۇل قيمىل ىلە وبلىسىنىڭ ”14 - بەسجىلدىقتاعى“ شينجياڭعا كومەكتەسۋ نىسانىنا ەنگىزىلىپ، ورتا مەزگىلدە ”ارالاسۋ، ىشتەسۋ، توعىسۋ“ نىسانى بويىنشا رەتتەۋ جۇرگىزۋ جوسپارلاندى، قيمىل 2023 - جىلى باستالىپ، 2025 - جىلى اياقتايدى، بۇعان جالپى 6 ميلليون 980 مىڭ يۋان قارجى قوسىلادى. ٴار جىلى ىلە وبلىسىنا توتە قاراستى 11 اۋدان - قالاداعى ”ەڭ تاڭداۋلى وتباسىلارىنىڭ“ ۋاكىلدەرىن جياڭسۋ ولكەسىنىڭ ىلە وبلىسىنا كومەكتەسەتىن قالالارىنا (رايون) بارىپ، اۋىس - كۇيىس جاساۋ، ۇيرەنۋ جانە تۋىستاسۋ، امانداسا بارۋ قيمىلى ورىستەتىلەدى، ٴار جىلى 55 وتباسى، 3 جىلدا 165 وتباسى ۇيىمداستىرىلادى. 

اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ٴتورايىمى لۋ ۋىنجيە باستالۋ سالتىندا جياڭسۋ ولكەلىك ايەلدەر بىرلەستىگىنىڭ شينجياڭعا كوڭىل ٴبولىپ، قولداۋ كورسەتكەنىنە العىس ايتتى، ول ىلە وبلىسىنداعى ”ەڭ تاڭداۋلى وتباسىلارىنىڭ“ ۋاكىلدەرىنەن ”شارۋاشىلىق قۇرۋ، جاڭالىق اشۋ، ۇزدىكتەردەن بولۋ، ۇزدىك بولۋعا، الدا جۇرۋگە، باستاماشى بولۋعا تالپىنۋ، اتويلاپ الدا ٴجۇرۋ، باتىلدىقپەن جاڭالىق اشۋ، ادال، سەنىمدى بولۋ، ىسكەرلەردى قۇرمەتتەپ، كاسىپتى قادىرلەۋ، ٴبىلىمدى، مەيىرىمدى بولۋ“ سىندى جياڭسۋ رۋحىن تولىق سەزىنىپ، ەستىگەندەرىن، كورگەندەرىن، ويلاعاندارىن جانە جياڭسۋ ولكەسىندەگى ”ەڭ تاڭداۋلى وتباسىلارىمەن“ ورناتقان تەرەڭ دوستىقتى، جياڭسۋ ولكەسى حالقىنىڭ قامقورلىعىن، سۇيىسپەنشىلىگىن شينجياڭعا الا كەلىپ، ٴىس جۇزىندىك ارەكەتتەرى ارقىلى ۇلتتاردىڭ ارالاسۋ، ىشتەسۋ، توعىسۋ حيكاياسىن ويداعىداي بايانداۋدى ٴۇمىت ەتتى. 

قيمىل ”ەڭ تاڭداۋلى وتباسىلارىنىڭ“ ۋاكىلدەرىنەن ٴار ۇلت ايەلدەرى مەن بالالارى جانە وتباسىلارى ارالاسۋ، ىشتەسۋ، توعىسۋدى جەبەۋ، جۇڭحۋا ۇلتى ورتاق تۇلعا تانىمىن بەرىك ورناتۋ، وتباسى تاربيەسى، وتباسى ستيلى قۇرىلىسىنىڭ جوعارى ساپالى دامۋىن ىلگەرىلەتۋ سياقتى نەگىزگى تاقىرىپتىق مازمۇنداردى تىعىز ارقاۋ ەتىپ، ەكى جەردىڭ ٴوزارا ٴتۇسىنىسۋىن، ٴوزارا ۇيرەنۋىن، ٴوزارا ۇلگى الۋىن تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ ٴۇشىن وتباسى اقىل - پاراساتى مەن كۇش - قۋاتىن ارناۋدى ٴۇمىت ەتتى. 

ىلە وبلىستىق ايەلدەر بىرلەستىگى جياڭسۋ ولكەسىنىڭ يانچىڭ قالاسىمەن، جياڭيىن قالاسىمەن، چاڭجوۋ قالاسى ۋجين رايوندىق ايەلدەر بىرلەستىگىمەن ”انار گۇلى . جياڭسۋلىقتار مەن ىلەلىكتەر ٴبىر ٴۇيلى جان“ اتىنداعى ەڭ تاڭداۋلى وتباسىلارىنىڭ ارالاسۋ، ىشتەسۋ، توعىسۋ قيمىلى جونىندەگى ستراتەگيالىق سەلبەستىك كەلىسىمىنە قول قويىستى. 

باستالۋ سالتىندا چاپچال، قورعاس، نىلقى اۋداندارىنداعى ەڭ تاڭداۋلى 15 وتباسىنان كەلگەن 60 ۋاكىل ۇلتتىق كيىم كيىپ، جياڭسۋ ولكەسىنىڭ باعىتتامالى كومەكتەسەتىن قالالارىنداعى (رايون) ”ەڭ تاڭداۋلى وتباسىلارىمەن“ جۇپ قۇراپ، قول ۇستاسىپ، ٴوزارا تارتۋ ۇسىندى. نىلقى اۋدانىنداعى ”ەڭ تاڭداۋلى وتباسىنىڭ“ ۋاكىلى اقىنباي ٴابىلقايىر ۇلى ناق مايداندا «قارا جورعا» ٴبيىن بيلەپ، كوپشىلىكتى شاتتىققا بولەدى. 

ۇعىسۋىمىزشا، چاپچال اۋدانىنداعى، قورعاس اۋدانىنداعى، نىلقى اۋدانىنداعى ”ەڭ تاڭداۋلى وتباسىلارىنىڭ“ ۋاكىلدەرى تاعى باعىتتامالى كومەكتەسەتىن جەرلەرگە بارىپ، جۇپ قۇراعان تۋىستارىمەن ٴبىر اپتالىق ارالاسۋ، ىشتەسۋ، توعىسۋ قيمىلىن ورىستەتەدى ەكەن. 

ىلە وبلىستىق ايەلدەر بىرلەستىگى مەن جياڭسۋ ولكەسىنىڭ چاڭجوۋ قالاسى ۋجين رايوندىق ايەلدەر بىرلەستىگى كەلىسىم حاتىنا قول قويىسۋدا.                        سۋ مين فوتوسى