ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جانە ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 11 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى وتكىزىلدى
جاڭا داۋىردەگى شينجياڭعا باعىتتامالى كومەكتەسۋ قىزمەتىندە جاڭا جاعداي اشۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا كۇش - قۋات ۇيىستىرۋ كەرەك
ما شيڭرۇي، ماۋ ديڭجى ءسوز سويلەدى، ۋاڭ گوشىڭ، نۇرلان ءابىلماجىن، يۇي جيادۇڭ، حى جۇڭيوۋ قاتىناستى، ەركىن تۇنياز باسقاردى
7 - ايدىڭ 18 - كۇنى ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جانە ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 11 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى ۇرىمجىدە وتكىزىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 18 - كۇنى ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جانە ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 11 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى ۇرىمجىدە وتكىزىلدى، ءماجىلىس باس شۋجي شي جينپيڭنىڭ شينجياڭعا باعىتتامالى كومەكتەسۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەندى، دايەكتىلەندىردى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىندە ۇزدىكسىز جاڭا ونىمدىلىكتەرگە قول جەتكىزۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا كۇش - قۋات ۇيىستىرۋدى العا قويدى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، ورتالىق كوميتەت ۇيىمداستىرۋ ءبولىمىنىڭ ءبولىم ىستەرى مۇشەسى، قوسىمشا كادرلار 1 - مەكەمەسىنىڭ باستىعى ماۋ ديڭجى ماجىلىسكە قاتىناستى ءارى ءسوز سويلەدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى يۇي جيادۇڭ، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى.
ماجىلىستە ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسۋ قىزمەتىندەگى وزات كوللەكتيۆتەردى ماداقتاۋ جونىندەگى حابارلاندىرۋى جانە ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسۋ قىزمەتىندەگى وزات جەكەلەردى ماداقتاۋ - سيلاۋ جونىندەگى قاۋلى وقىلدى، سونداي - اق وزات كوللەكتيۆتەر مەن وزات جەكەلەردىڭ ۋاكىلدەرىنە سيلىق تاراتىلدى.
ما شيڭرۇي سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان جانە تۇتاس رايونداعى ءار ۇلت كادر، بۇقاراسى اتىنان ماداقتالىپ - سيلانعان وزات كوللەكتيۆتەردى جانە وزات جەكەلەردى قىزۋ قۇتتىقتادى، شينجياڭ قىزمەتىنە ەلەۋلى ۇلەس قوسقان ورتالىققا قاراستى ورىنداردىڭ 10 - توپتا شينجياڭعا كومەككە كەلگەن كادر - دارىندىلارىنا وسكەلەڭ قۇرمەت ءبىلدىردى، ورتالىققا قاراستى ورىنداردىڭ جاڭا ءبىر توپتاعى شينجياڭعا كومەككە كەلگەن كادر - دارىندىلارىن قىزۋ قارسى الاتىندىعىن ءبىلدىردى، ۇزاق ۋاقىتتان بەرى شينجياڭ قىزمەتىنە كوڭىل ءبولىپ، قولداۋ كورسەتىپ كەلگەن ورتالىققا قاراستى ورىندارعا شىن جۇرەكتەن العىس ايتتى. ول بىلاي دەپ اتاپ كورسەتتى: ورتالىق پەن مەملەكەت ورگاندارى، ورتالىققا قاراستى كاسىپورىندار جانە 10 - توپتا شينجياڭعا كومەككە كەلگەن كادر - دارىندىلار ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭداعى ءار ۇلت كادر، بۇقاراسىمەن بىرگە قول ۇستاسىپ، ىنتىماقتاسا كۇرەس جۇرگىزىپ، شينجياڭنىڭ رەفورماسىنا، دامۋىنا، ورنىقتىلىعىنا كورنەكتى ۇلەس قوستى. شينجياڭعا كومەككە كەلگەن قالىڭ كادر - دارىندىلار شەكارا رايونعا تامىر تارتىپ، قالتقىسىز ۇلەس قوسىپ، پارتيا مەن حالىق رازى بولارلىق شينجياڭعا كومەكتەسۋ جاۋاپناماسىن تاپسىردى، شينجياڭداعى ءار ۇلت كادر، بۇقاراسى ولارعا العىس ايتادى. 3 جىلدىق شينجياڭعا كومەكتەسۋ جولى − شينجياڭعا دەگەن ومىرلىك سۇيىسپەنشىلىك. شينجياڭ قاشاندا كوپشىلىكتىڭ ماڭگىلىك جانۇياسى، كوپشىلىكتىڭ ۇنەمى ۇيگە كەلىپ تۇرۋىن، كورىپ تۇرۋىن شىن جۇرەكتەن قارسى الامىز، كوپشىلىكتىڭ شينجياڭنىڭ دامۋىنا بۇرىنعىداي كوڭىل ءبولۋىن، قولداۋ كورسەتۋىن شىن جۇرەكتەن ءۇمىت ەتەمىن.
ما شيڭرۇي مىنانى ءبىلدىردى: كەزەكتە شينجياڭداعى ءار ۇلت كادر، بۇقاراسى باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ءبىر جىلدىعىن جاڭا كۇرەس باستاماسى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، وزىندىك ستراتەگيالىق ورنىن ءدال كوزدەپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋدا. ورتالىققا قاراستى ورىنداردان 11 - توپتا شينجياڭعا كومەككە كەلگەن كادر - دارىندىلار شينجياڭعا ءدال ۋاعىندا قىزمەتكە كەلدى. كوپشىلىكتىڭ باس شۋجيدىڭ، پارتيا ورتالىق كوميتەتىنىڭ ماڭىزدى تاپسىرماسىن ەستە بەرىك ساقتاپ، شينجياڭ سىندى وسى كەڭ - بايتاق ىرىستى جەردە ەڭبەك ءسىڭىرىپ، شارۋاشىلىق قۇرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بەلسەنە كۇش - قۋات ارناۋىن ءۇمىت ەتەمىن. ساياسي دەڭگەيدى جوعارىلاتىپ، سالاۋاتىندا جەدەل بۇرىلىس جاساپ، جاقسى ”شينجياڭدىق“ بولۋ كەرەك. تۋى ايقىن تۇردە ساياسيدى دارىپتەۋگە تاباندى بولىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ جاسامپاز نازارياسىن تاباندىلىقپەن ىشكەرىلەي ۇيرەنىپ، تەرەڭ ءتۇسىنىپ، شينجياڭنىڭ وڭىرلىك جاعدايىنا، قوعام جاعدايىنا تەز ارادا قانىق بولىپ، شينجياڭعا كومەكتەسۋ ساياسي مىندەتىن تىڭعىلىقتى ىلگەرىلەتۋ كەرەك. ءوز قىزمەت ورنىن تياناق ەتىپ، قۇلشىنا ءورىس اشا جاڭالىق جاراتىپ، ”شينجياڭنىڭ ءىسىن“ ويداعىداي ىستەۋ كەرەك. يدەيانى ازات ەتۋگە، ءورىس اشا جاڭالىق جاراتۋعا تاباندى بولىپ، ىشكەرىلەي تەكسەرۋ - زەرتتەۋ جۇرگىزىپ، ويداعىداي اقىلشى، كومەكشى بولىپ، نازاريادا جاڭالىق اشۋدى، قىزمەتتە جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى بار كۇشپەن ىلگەرىلەتىپ، ءتۇرلى قىزمەتتە تىڭ ساتىعا قادام تاستاۋدى ىلگەرىلەتۋ كەرەك. وزىندىك باسىمدىقتى ساۋلەلەندىرىپ، بەلسەندىلىكپەن دانەكەر، كوپىر بولىپ، ”شينجياڭ ىقىلاسىن“ ويداعىداي نىعايتۋ كەرەك. شينجياڭدى بار كۇشپەن قولداپ، شينجياڭمەن بەلسەنە توعىسىپ، ءتىپتى كوپ ساياسات، قارجى، تەحنيكا، دارىندى سياقتى فاكتورلاردىڭ شينجياڭعا شوعىرلانۋىن سايكەستى ىلگەرىلەتىپ، شينجياڭنىڭ رەفورما، دامۋ، ورنىقتىلىق ىستەرىنە ءتىپتى دە كوپ كۇش - قۋات ۇيىستىرۋ كەرەك. شينجياڭداعى ءار دارەجەلى پارتكوم مەن ۇكىمەت، ءارقايسى كومەك قابىلداۋشى ورىندار تۇلعالىق جاۋاپكەرشىلىكتى تياناقتاندىرىپ، شينجياڭعا كومەككە كەلگەن كادر - دارىندىلارعا ساياسي جاقتان تولىق سەنىم ارتىپ، قىزمەت جاعىندا بارىنشا قولداۋ كورسەتىپ، تۇرمىس جاعىندا ىقىلاسپەن كوڭىل ءبولىپ، باسقارۋ جاعىندا قاتاڭ تالاپ قويىپ، تۇرعىن ءۇي، ەمدەلۋ، پەرزەنتتەرىنىڭ وقۋعا ءتۇسۋى سياقتى ءتۇرلى مامىلەسىن، ساياساتىن ويداعىداي تياناقتاندىرىپ، ولاردىڭ باسىمدىقتارىن تولىق ساۋلەلەندىرىپ، قابىلەت - دارىندارىن ايگىلەپ، كەرەمەتتەرىن كورسەتىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىندە ۇزدىكسىز جاڭا جاعداي اشۋدى ىلگەرىلەتۋلەرىنە مۇمكىندىك ازىرلەۋ كەرەك.
ماۋ ديڭجى بىلاي دەپ اتاپ كورسەتتى: پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، باس شۋجي شي جينپيڭ ءبىر قىدىرۋ ماڭىزدى بايىمداۋلار جاريالاپ، جاڭا داۋىردەگى شينجياڭ قىزمەتىن ويداعىداي ىستەۋگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز ساياسي دەڭگەيدى جوعارىلاتىپ، يدەيا مەن ارەكەتتى سانالى تۇردە پارتيا ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا داۋىردەگى شينجياڭعا كومەكتەسۋ قىزمەتىن ستراتەگيالىق جانە جالپى جاعداي بيىگىنەن تانۋعا جانە يگەرۋگە تاباندى بولىپ، ناقتى، جارامدى شارالار قولدانىپ، شينجياڭعا كومەكتەسۋ قىزمەتىن دامۋدى جەبەيتىن، ۇلتتاردى ىنتىماقتاستىراتىن، جۇرت تىلەگىن توعىستىراتىن ماڭىزدى ينجەنەريا ەتىپ شىنايى تۇلعالاۋىمىز كەرەك.
ماۋ ديڭجى بىلاي دەپ باسا دارىپتەدى: ورتالىققا قاراستى ورىنداردان 10 - توپتا شينجياڭعا كومەككە كەلگەن كادر - دارىندىلار پارتيا ورتالىق كوميتەتىنىڭ ءبىر تۇتاس ورنالاستىرۋلارىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭداعى ءار ۇلت كادر - بۇقاراسىمەن بىرگە قامال الىپ، قيىنشىلىقتاردى جەڭىپ، ناقتى، جاپالى ىستەپ، شينجياڭنىڭ باياندى تىنىشتىعى مەن جوعارى ساپالى دامۋىن ىلگەرىلەتۋگە بەلسەندى ۇلەس قوستى. ورتالىق ورىندارىنان شينجياڭعا كومەككە كەلگەن جاڭا ءبىر توپ كادر - دارىندىلاردىڭ ماڭىزدى تاپسىرمانى ورىنداپ، ۇزدىكسىز كۇرەس جۇرگىزىپ، شينجياڭعا باعتتامالى كومەكتەسۋ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋىن ءۇمىت ەتەمىن. ۇيرەنۋدى كۇشەيتۋدى ماڭداي الدى مىندەت ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، پارتيانىڭ ۇلت، ءدىن ساياساتىن مۇقيات ۇيرەنىپ، شينجياڭنىڭ رايون جاعدايىن، حالىق جاعدايىن، قوعام جاعدايىن ۇعىسىپ، قىزمەتتى ءساتتى ورىستەتۋگە جاقسى نەگىز قالاۋ كەرەك. تەكسەرۋ - زەرتتەۋدى ماڭىزدى ءادىس ەتۋگە تاباندى بولىپ، نەگىزگى ساتىعا ىشكەرىلەي بارىپ جاعداي ۇعىسىپ، ءار ۇلت كادر، بۇقاراسىن كىشى پەيىلدىلىكپەن ۇستاز تۇتىپ، قىزمەتتىڭ باعىتتامالىلىعىن، ناقتى ونىمدىلىگىن كۇشەيتۋ كەرەك. ءىس تىندىرىپ، ناتيجە شىعارۋدى ادا ەتۋگە تيەسىلى جاۋاپكەرشىلىك ەتۋگە تاباندى بولىپ، شينجياڭنىڭ قوعامدىق كەلەلى جاعدايىنىڭ ورنىقتىلىعىن قورعاپ، جوعارى ساپالى دامۋدى ىلگەرىلەتىپ، حالىق تۇرمىسى ارقىلى شينجياڭعا كومەكتەسۋدى كۇشەيتىپ، نەگىز قالاۋ، ۇزاق بولاشاققا پايدا جەتكىزۋ جاعىنا ۇزدىكسىز كۇش سالۋ كەرەك. ءوزىن قاتاڭ تارتىپكە سالۋدى تابان تىرەر تياناق ەتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن مۇقيات دايەكتىلەندىرىپ، پاك، كىرشىكسىز بولۋدا ۇلگى كورسەتىپ، ونەگە بولۋ كەرەك. اۆتونوميالى رايون مەن بيڭتۋانداعى ءار دارەجەلى پارتكومدار قاتاڭ باسقارۋ مەن ىقىلاستى قامقورلىق جاساۋدى ۇشتاستىرۋعا، شابىتتاندىرۋ مەن تەجەۋگە تەڭ ءمان بەرۋگە تاباندى بولىپ، ”ناقتى مىندەت وتەۋ، ناقتى جۇمىس ءبولۋ، ناقتى جاۋاپكەرشىلىك ارقالاۋ“ تالابىن مۇقيات تياناقتاندىرىپ، كادر - دارىندىلاردى باعالاۋدى كۇشەيتىپ، ءىس جۇزىندىك قيىنشىلىقتارىن شەشۋگە دەن قويا، سۇيىسپەنشىلىكپەن كومەكتەسىپ، شىنايى پايدالانىپ، شىنايى باسقارىپ، شىنايى كوڭىل ءبولىپ، شينجياڭعا كومەككە كەلگەن قالىڭ كادر - دارىندىلاردىڭ رولىن تولىق ساۋلەلەندىرۋىن جەبەپ، شينجياڭنىڭ باياندى تىنىشتىعى مەن جوعارى ساپالى دامۋىن جۇزەگە اسىرۋعا تىڭ دا اناعۇرلىم زور ۇلەس قوسۋ كەرەك.
اۆتونوميالى رايوندىق عىلىم - تەحنيكا مەڭگەرمەسىنىڭ ورىنباسار باستىعى چىن رۋبياۋ، قاشقار ەكونوميكالىق اشۋ رايونى باسقارۋ كوميتەتىنىڭ ورىنباسار مەڭگەرۋشىسى ما حايتاۋ، شىحىزى داشۋەسى مەديتسينا شۋەيۋانىنا قاراستى 1 - شيپاحانانىڭ ورىنباسار باستىعى يان يىڭ، تۇرعىن ءۇي جانە قالا، اۋىل قۇرىلىسى مينيسترلىگى قورا - جاي بازارىن باقىلاۋ - باسقارۋ مەكەمەسىنىڭ ورىنباسار باستىعى ۋاڭ سى، جۇڭگو چۋانبو توبى قازىنالىق باقىلاۋ ءبولىمىنىڭ ورىنباسار مەڭگەرۋشىسى حۋ جيانجۇڭ ورتالىق ورىندارىنان 10 - توپتا، 11 - توپتا شينجياڭعا كومەككە كەلگەن كادر - دارىندىلار اتىنان جەكە - جەكە لەبىز ءبىلدىردى.
جاڭ جۋ، ۋاڭ جيانشين، قادەن كابەن، پيڭ شينلاي، شۋە بين، جاڭ ۋىنشىڭ، ورتالىق كوميتەت ۇيىمداستىرۋ بولىمىندەگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىندەگى، ورتالىق پەن مەملەكەت ورگاندارى قىزمەت كوميتەتىندەگى قاتىستى جولداستار، ماداقتالىپ - سيلانعان وزات كوللەكتيۆتەر، وزات جەكەلەردىڭ ۋاكىلدەرى جانە ورتالىققا قاراستى ورىنداردىڭ جاڭا ءبىر توپتاعى شينجياڭعا كومەككە كەلگەن كادر - دارىندىلارى، اۆتونوميالى رايوننىڭ شينجياڭعا باعىتتامالى كومەكتەسۋ قىزمەتىن سايكەستىرۋ باسشىلىق گرۋپپاسىنا مۇشە ورىندارداعى نەگىزگى جاۋاپتى جولداستار، ت. ب نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، بيڭتۋان مەن اۆتونوميالى رايوندىق پارتكوم پارتيا مەكتەبىندە بولىمشە ءماجىلىس الاڭى ورنالاستىرىلدى.