انار بۇلت/ شينجياڭ گازەتىنىڭ ءتىلشىسى ليۋ شياڭ 8 - ايدىڭ 3 - كۇنى ۇرىمجىدەن حابارلايدى. 8 - ايدىڭ 1 - كۇنىنەن 2 - كۇنىنە دەيىن، وقۋ - اعارتۋ مينيسترلىگى شينجياڭدا شينجياڭعا كومەككە كەلگەن كادىر - دارىندىلار اڭگىمە ءماجىلىسىن، ءوندىرىس پەن وقىتۋدى توعىستىرۋ اڭگىمە ءماجىلىسىن اشتى. وقۋ - اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر حۋاي جينپىڭ، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين قاتىستى ماجىلىسكە قاتىناستى ءارى ءسوز سويلەدى.

حۋاي جينپىڭ وقۋ - اعارتۋ مينيسترلىگى پارتيا باسشىلىق گرۋپپاسى اتىنان وقۋ - اعارتۋ ارقىلى شينجياڭعا كومەكتەسۋ قىزمەتىنە بەلسەنە ات سالىسقان كادر - دارىندىلاردان ىقىلاستى حال سۇرادى جانە ولارعا شىن جۇرەكتەن العىس ايتتى. ول بىلاي دەپ اتاپ كورسەتتى: 10 - توپتا شينجياڭعا كومەككە كەلگەن كادر - دارىندىلار مىندەت ارقالاعاننان بەرى شينجياڭ وقۋ - اعارتۋىنىڭ دامۋىنا، دارىندىلاردى باۋلۋعا جانە عىلىم - تەحنيكادا جاڭالىق اشۋعا جاڭا ومىرشەڭدىك كۇش ۇستەپ، تىڭ ۇلەس قوستى. 11 - توپتا شينجياڭعا كومەككە كەلگەن كادر - دارىندىلاردىڭ جاڭا داۋىردەگى جاڭا جورىقتا ساياسي دەڭگەيدى ونان ارى جوعارىلاتىپ، نازاردى قىزمەت ماڭىزدى تۇيىنىنە شوعىرلاندىرىپ، ىنتىماقتى، سەلبەستىكتى كۇشەيتىپ، قىزمەت ستيلىنە بۇرىلىس جاساپ، وقۋ - اعارتۋ ارقىلى شينجياڭعا كومەكتەسۋ تالاپتارىن ناقتى تياناقتاندىرىپ، شينجياڭنىڭ ەكونوميكاسىنىڭ، قوعامىنىڭ دامۋىنا اناعۇرلىم زور ۇلەس قوسۋىن ءۇمىت ەتەمىز.

حۋاي جينپىڭ بىلاي دەپ اتاپ كورسەتتى: كاسىپتىك وقۋ - اعارتۋدى ويداعىداي جۇرگىزۋدىڭ كەلەلى ءمانىن جەتە تانىپ، كاسىپتىك وقۋ - اعارتۋدىڭ مەملەكەتتىڭ ستراتەگيالىق قاجەتىنە، ەكونوميكالىق، قوعامدىق دامۋعا جانە ادامنىڭ جان - جاقتى دامۋىنا قىزمەت وتەۋىن ىلگەرىلەتىپ، جۇڭگو ۇلگىسىندەگى وسىزامانداندىرۋعا جوعارى ساپالى دارىندىلار تىرەگىن ازىرلەپ، بىرگە بايۋعا كۇش ۇستەۋ كەرەك. عىلىم - تەحنيكا توڭكەرىسى مەن كاسىپ سالاسى وزگەرىسى الا كەلگەن تاريحي ورايدى ىشكەرىلەي يگەرىپ، كاسىپتىك وقۋ - اعارتۋدىڭ ”ءۇشتى ءبىر تۇلعالاندىرۋىن“ ىلگەرىلەتىپ، قۇن سومداۋدى، قابىلەتتى باۋلۋدى، ءبىلىم ۇيرەنۋدى ءبىر تۇتاس جوسپارلاپ، ۇيرەنۋگە قۇلىقتى قوعام، ۇيرەنۋگە قۇلىقتى ءىرى ەل قۇرۋعا كاسىپتىك وقۋ - اعارتۋ ۇلەسىن قوسۋ كەرەك. اشىق، توعىسپالى وسى زامانعى كاسىپتىك وقىتۋ جۇيەسىن قۇرىپ، كاسىپتىك جوعارى مەكتەپتەر مەن كاسىپ سالاسى باقشالارىنىڭ، سالالار مەن كاسىپتەردىڭ بايلانىسا دامۋىن جەبەپ، شىنايى قاجەتىنە ساي كەلىپ، قامداۋدى شىن مانىندە كۇشەيتىپ، كاسىپتىك وقۋ - اعارتۋدىڭ باۋلۋ قۋاتىن تىڭعىلىقتى كۇشەيتۋ كەرەك. سىرتقا ەسىك اشقان كاسىپتىك وقۋ - اعارتۋ جاڭا جارىس مايدانىن اشىپ، وقۋشىلاردى باۋلۋ، وقىتۋشىلاردى باۋلۋ سياقتى سەلبەستىك ءتاسىلىن كەڭەيتىپ، ”ءبىر بەلدەۋ، ءبىر جول“ باستاماسىنا ىرىقتىلىقپەن قىزمەت وتەپ، جۇڭگونىڭ كاسىپتىك وقۋ - اعارتۋ حيكايالارىن ويداعىداي بايانداۋ كەرەك.

جاڭ چۇنلين اۆتونوميالى رايوندىق پارتكوم مەن ۇكىمەت اتىنان وقۋ - اعارتۋ مينيسترلىگىنىڭ شينجياڭنىڭ وقۋ - اعارتۋ قىزمەتىنە زور كۇشپەن قولداۋ كورسەتكەنىنە العىس ايتتى. ول بىلاي دەدى: ءبىز بۇرىنعىداي شينجياڭعا كومەككە كەلگەن كادر - دارىندىلاردى جان اشىرىمىز، دوسىمىز، سيلى ادامىمىز ساناپ، قاتىستى ساياساتتىق مامىلەسىن ويداعىداي كەمەلدەندىرىپ جانە تياناقتاندىرىپ، شينجياڭعا كومەككە كەلگەن كادرلاردىڭ ”اقىلماندار ۇيىرمەسىندىك“ رولىن ويداعىداي ساۋلەلەندىرىپ، شينجياڭعا كومەككە كەلگەن كادرلاردىڭ شينجياڭدا قىزمەت ىستەۋىن جانە قىزمەت ءبولىسىن ويداعىداي ىستەپ، كادر - دارىندىلاردىڭ شينجياڭعا كومەكتەسۋ ۋنيۆەرسالدى ونىمدىلىگىن ۇزدىكسىز جوعارىلاتىپ، وقۋ - اعارتۋ ارقىلى شينجياڭعا كومەكتەسۋدىڭ تابىستارىن بەكەمدەيمىز جانە دامىتامىز.

جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ ”8 ءىرى كاسىپ سالاسى شوعىرى“ جانە وڭىرلىك ەرەكشە كاسىپ سالاسى ورنالاسۋىن ارقاۋ ەتىپ، وقىتۋشىلار قوسىنى قۇرىلىسىن كۇشەيتىپ، ءپان قۇرىلىمىن كەمەلدەندىرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتىپ، پراكتيكا، جاتتىعۋ بازاسى قۇرىلىسىن كۇشەيتىپ، كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىن ىلگەرىلەتىپ، مەكتەپتىڭ وقىتۋ ساپاسى مەن ورەسىن تىڭعىلىقتى جوعارىلاتىپ، وقۋ - اعارتۋدىڭ جوعارى ساپالى دامۋىن جەدەل ىلگەرىلەتۋ كەرەك.

شينجياڭداعى كەزىندە حۋاي جينپىڭ وقۋ - اعارتۋ مينيسترلىگىنىڭ شينجياڭعا كومەككە كەلگەن كادر - دارىندىلار ۋاكىلدەرىنە امانداسىپ جانە ولاردان حال سۇراپ ءارى بيڭتۋان 1 - ورتا مەكتەبىندە، شينجياڭ داشۋەسىندە، شينجياڭ قاتىناس - تاسىمال كاسىپتىك تەحنيكالىق شۋەيۋانىندا، ەرەكشە ترانسفورماتور جارنا شەكتى سەرىكتەستىگىندە تەكسەرۋ - زەرتتەۋ جۇرگىزدى.

قايسار ابدۇكەرىم، شۇي شيان - ي قاتارلىلار قاتىستى قيمىلدارعا قاتىناستى.