− جياڭسۋدىڭ ىلەگە كومەكتەسكەندىگى جونىندەگى تىڭ جاۋاپناما (1)

لي تاۋ (ٴوز ٴتىلشىمىز)

سۋرەتتە: ىسكە قوسىلعاننان كەيىنگى موڭعۇلكۇرە تۇلپار اۋەجايى

موڭعۇلكۇرە تۇلپار اۋەجايى نىسانىنا جالپى 685 ميلليون 960 مىڭ يۋان قارجى قوسىلعان، تايجوۋ قالاسىنىڭ شينجياڭعا باعىتتامالى كومەكتەسۋ قىزمەت گرۋپپاسى ٴتۇيىندى سايكەستىرگەن نىسان، يەلەگەن جەر كولەمى 2561 مۋ، جولاۋشى قابىلداۋ ـ جونەلتۋ مولشەرى رەت سانى بويىنشا 200 مىڭ ادامعا، زات، پوچتا جولدامالارىن قابىلداۋ ـ جونەلتۋ مولشەرى 600 تونناعا جەتەدى، ۇشاقتىڭ 2600 رەتكى ۇشىپ - قونۋ قاجەتىن قاناعاتتاندىرادى. ٴار جىلى شينجياڭعا باعىتتامالى كومەكتەسۋ قارجىسىنان بەلگىلى مولشەردە اۋە جولى قوسىمشا قاراجاتى اجىراتىلىپ، جولاۋشىلاردىڭ موڭعۇلكۇرەگە كەلىپ ساياحاتتاپ، شارۋاشىلىقتى گۇلدەندىرۋىنە قولايلىلىق جاسالادى. بۇل جەرگىلىكتى ورىن ەكونوميكاسىنىڭ جوعارى ساپالى دامۋى ٴۇشىن اشىلعان تاعى ٴبىر كەڭىستىك جولى.                           (ماتەريال سۋرەت)

جياڭسۋ چاڭجياڭ جاعالاۋىنداعى ”بالىق جانە كۇرىش مەكەنى“ بولسا، ىلە تيانشان باۋرايىنداعى ”جەمىس - جيدەك مەكەنى“. ەكى جەردىڭ اراسى شالعاي بولسا دا، ورتالىقتىڭ شينجياڭعا باعىتتامالى كومەكتەسۋ ستراتەگياسىنىڭ جەتەكشىلىگىندە ەكى جاق جاپا ـ ماشاقاتتا بىرگە بولىپ، 26 جىلدى قول ۇستاسا بىرگە وتكىزدى. 26 جىلدان بەرى جياڭسۋ ولكەسىنىڭ بار كۇشپەن كومەكتەسۋىندە، ىلەنىڭ ەكونوميكاسى مەن قوعامى ورنىقتى ىلگەرىلەپ، وزگەشە باسىمدىققا يە كاسىپتەر ۇزدىكسىز ەڭسە كوتەرىپ، دامۋدىڭ ىشكى قوزعاۋشى كۇشى كۇن سايىن كۇشەيىپ، حالىق تۇرمىسىن قامتاماسىزداندىرۋ ورەسى كورنەكتى جاقسارىپ، ٴار ۇلت بۇقاراسىنىڭ باقىت كورسەتكىشى ۇزدىكسىز جوعارىلادى.

جاڭا داۋىرگە قادام تاستاعاننان بەرى شينجياڭعا باعىتتامالى كومەكتەسۋ قىزمەتىن جوعارى ساپامەن ورىنداۋ − پارتيا ورتالىق كوميتەتىنىڭ جياڭسۋعا تاپسىرعان شىت جاڭا ”ەمتيحان سۇراۋى“. ۋاقىت زىمىراپ 10 جىل وتە شىقتى، جاڭا تاريحي توعىسۋ تۇيىنىنە ٴارى شينجياڭعا كومەكتەسۋدىڭ ”جاۋاپناماسىن“ تاپسىراتىن شىت جاڭا ساتكە جەتتى.

10 جىلدان بەرى جياڭسۋ ”بەلگىلەنگەن مىندەتتى“ قاز ـ قالپىندا ورىنداپ، ”ٴوزى تاڭداۋىنداعى مىندەتتى“ جاڭالىق اشا ورىستەتىپ، ىلەگە باعىتتامالى كومەكتەسۋ قىزمەتىن جوعارى ساپامەن ورىندادى. حالىق تۇرمىسىنا ساياتىن نىساندار ٴبىر ـ بىرلەپ ”تياناقتانىپ، جەمىس بەرىپ“، كاسىپ سالاسى قارىشتاپ دامىپ، مادەنيەت اۋىس ـ كۇيىسى توعىسىپ، بۇقارانىڭ قۋانىش لەبى ەسكەن جۇزدەرىنەن ٴبىز شينجياڭعا كومەكتەسۋدىڭ جاۋاپناماسىن تاپتىق. 

كاسىپ سالاسى ارقىلى شينجياڭعا كومەكتەسىپ، دامۋ باسىمدىعىن كۇشەيتتى 

”جياڭسۋدىڭ اۋلەتتىلىگى“ ونىڭ كاسىپ سالاسىنىڭ دامۋىن اۋلەتتەندىرۋدە جاتىر، جياڭسۋ شالعايدا جاتىپ شينجياڭعا باعىتتامالى كومەكتەسكەندە دە وسى زامانعى كاسىپ جۇيەسىن ىلەگە الىپ كەلدى، ىلەنىڭ باياندى دامۋى ٴۇشىن بەلسەنە ”قان جاساپ“ بەردى.

2013 ـ جىلى 12 ـ ايدا جاڭ حۋا شينجياڭعا 8 ـ توپتا كومەككە كەلگەن كادر رەتىندە جياڭسۋدىڭ نانتۇڭ قالاسىنان قۇلجا اۋدانىنا كەلىپ، تۇپ - تۋرا 10 جىل قىزمەت ىستەپ، جاڭا ٴداۋىردىڭ 10 جىلىنداعى شينجياڭعا باعىتتامالى كومەكتەسۋ قىزمەتىنىڭ ىلەگە اكەلگەن وزگەرىسىنە كۋا بولدى. شينجياڭعا كومەكتەسكەنىنە 10 جىل بولعان وسى جياڭسۋلىق كادر قۇلجا اۋدانىنىڭ توقىماشىلىق كاسىبىنىڭ دامۋ جاعدايىن ٴبىر كىسىدەي بىلەتىنىن ماقتانىش سەزىممەن اڭگىمەلەدى. ”نانتۇڭ ەلىمىزدەگى ەڭ ۇلكەن وتباسىلىق توقىماشىلىق كاسىبىنىڭ شوعىرلانۋ ـ جونەلتۋ ورنى، شينجياڭ شيكىزات، ەڭبەككۇش، جەر، ەلەكتر قۋاتى سياقتى جاقتاردا ٴبىرشاما ابزالدىلىققا يە بولعاندىقتان، مەملەكەت تە توقىماشىلىق كاسىبىنىڭ دامۋىن قولدايتىن كوپ ٴتۇرلى ساياساتتار شىعاردى. ٴبىز نانتۇڭ توقىماشىلىق كاسىبىن قۇلجا اۋدانىنا كوشىرىپ اكەلىپ، وسى ارادا توقىماشىلىق كاسىپ باقشا رايونىن قۇرۋعا بولادى دەپ قارايمىز“ دەدى جاڭ حۋا.

قازىر سولتۇستىك شينجياڭداعى حالىق سانى جاعىنان ٴبىرىنشى ورىندا تۇراتىن ٴىرى اۋدان − قۇلجا اۋدانىندا ادامدار كوز الدارىنداعى وسىزاماندانعان توقىماشىلىق كاسىپ باقشاسىنىڭ كورىنىسىنە قايران قالادى: 20 شارشى كيلومەتر باقشا رايونىندا ولشەمدەنگەن زاۆود ۇيلەرى بوي كوتەرىپ، 5000 نان استام ادام وسى ارادا جۇمىسقا ورنالاستى، زاۆود سەحىندا ٴجىپ ٴيىرۋ ماشينالارى گۇرىلدەپ، ٴار ۇلت جۇمىسشى ـ قىزمەتكەرلەرىنىڭ جۇزىنەن كۇرەس جىگەرى مەن تاسقىنداعان قايراتى كورىنەدى. 20 جاستاعى تاشمامەت نانتۇڭدىق ۇستازى جاڭ ۋانيوۋدىڭ جەتەكشىلىگىندە ماقتا تالشىقتاۋ سياقتى تەحنيكالىق جۇمىستاردى جەتىك يگەردى. ”نانتۇڭنان كەلگەن ۇستازىم ماعان تەحنيكانى تەز ٴارى جاقسى ۇيرەتتى، ىرگەدەن جۇمىستانىپ، ەڭبەكاقى الۋ شىنىندا تاماشا ەكەن“ دەدى ول.

قازىر وسى توقىماشىلىق كاسىپ باقشاسى ”ەكى قورعاس، ەكى ىلەنى“ ٴبىر تۇلعاندىرۋداعى، قورعاستىڭ باتىسقا ەسىك اشۋىنداعى ماڭىزدى تۇعىرعا اينالىپ، باقشا رايونى تۇگەلدەي سالىنىپ وندىرىسكە قوسىلعاننان كەيىن مەجەمەن ٴبىر ميلليون 600 مىڭ ۇرشىق ٴجىپ ٴيىرۋدى، 7000 توقۋ ماشيناسى كولەمىن قالىپتاستىرىپ، 10 مىڭنان استام ادامدى جۇمىسقا قابىلداپ، جەرگىلىكتى ورىننىڭ ەكونوميكاسىنىڭ دامۋى مەن اۋىل ـ قىستاقتىڭ گۇلدەنۋىنە بارىنشا دەم بەرەدى.

جۋىق جىلداردان بەرى جياڭسۋ ولكەسىنىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى ”ىلەنىڭ قاجەتىن“ نازارعا الىپ، ”جياڭسۋدىڭ قابىلەتىن“ ساۋلەلەندىرىپ، ىلە وبلىسىنىڭ وڭىرلىك باسىمدىعىن، مول بايلىعىن جانە كاسىپ سالاسى نەگىزىن ارقاۋ ەتىپ، ”قان قۇيۋ“ مەن ”قان جاساۋعا“ بىردەي ٴمان بەرۋدەن جازباي، كاسىپ سالاسىن دامىتۋ مەن جۇمىستانۋدى جەبەۋدى نەگىز ەتىپ، باقشا رايونى مەن بازار سىندى ەكى دانەكەر قۇرىلىستى كورنەكتىلەندىرىپ، سەلبەسىپ تەڭ يگىلىككە كەنەلۋدى كۇشەيتىپ، كاسىپ سالاسى ارقىلى شينجياڭعا باعىتتامالى كومەكتەسۋ تەبىنىن ۇزدىكسىز ارتتىردى. جياڭسۋدىڭ باقشا رايونى قۇرىلىسى جاعىنداعى ۇستانىمى مەن تاجىريبەلەرىن ۇيرەنۋگە باسا  ٴمان بەرىپ، قاتىستى اشۋ رايوندارىنىڭ جالپى تۇلعالىق دامۋ جوباسى سياقتىلاردى عىلمي جاساپ، جياڭسۋدىڭ 16 اشۋ رايونى مەن كومەككە يە بولعان جەردىڭ كاسىپ باقشاسىن بىرگە قۇرۋدى جەبەدى، ٴتۇرلى ٴادىس ـ امالدارمەن نىسانداردى باۋراپ، سوڭعى 3 جىلدان بەرى جياڭسۋ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى مەن ٴارقايسى قىزمەت گرۋپپالارى ساۋداگەر شاقىرىپ، 225 نىساننىڭ ىرگە تەبۋى جونىندە قول قويىسۋدى جەبەپ، 17 ميلليارد 200 ميلليون يۋان قارجى تياناقتاندىرىپ، ىلەنىڭ ساۋداگەر شاقىرىپ، قارجى ەنگىزۋ قىزمەتىنىڭ ٴۇرتىس 3 جىل شينجياڭ بويىنشا  ٴبىرىنشى ورىندا تۇرۋىنا بەلسەندى ۇلەس قوستى.

حالىقتى اۋقاتتاندىرىپ، شينجياڭدى گۇلدەندىرىپ، حالىقتىڭ ىرىس ـ قۇتىن ارتتىردى

بىلتىر جىل سوڭىندا چاپچال سىبە اۆتونوميالى اۋدانى مال شارۋاشىلىعى كاسىبىندە زور تيىمدىلىككە يە بولدى. جياڭسۋدىڭ ىلەگە باعىتتامالى كومەكتەسۋ . يانچىڭ قالاسىنىڭ شينجياڭعا باعىتتامالى كومەكتەسۋ قىزمەت گرۋپپاسىنىڭ قۇلشىنىسىندا 100 ميلليون يۋان قارجى قوسىلعان چۋاڭجين لۇڭتىڭ زاپاس جەم ـ ٴشوپ مانەرلەۋ نىسانى رەسمي ىسكە قوسىلدى، الدىڭعى مەزگىلدە سالىنعان 10 مىڭ توننالىق زاپاس جەم ساقتايتىن 5 الىپ كۇبى چاپچال اۋدانىنداعى نەشە ون مىڭ باس سيىردىڭ قىسقى جەم قاجەتىن قاناعاتتاندىرعان. سول جىلى كەڭەسىپ، سول جىلى جۇمىس باستاپ، سول جىلى وندىرىسكە قوسىلعان بۇل نىسان «يانچىڭ قالاسىنىڭ قارقىنىن تەزدەتۋمەن» بىرگە، جەرگىلىكتى بۇقاراعا دا تيىمدىلىك جەتكىزدى. ٴبىر جاعىنان، جۇگەرىنى بازار باعاسىنان جوعارى باعادا ساتىپ الىپ، استىق ەگەتىن ٴىرى وتباسىلارىنىڭ ەسىك الدىندا ”كىرىس كىرگىزۋىنە“ مۇمكىندىك جاساسا؛ ەندى ٴبىر جاعىنان، جۇمىس ورنىمەن قامداپ، ەگىنشى ـ مالشىلاردىڭ ونەركاسىپ جۇمىسشىسىنا اينالۋىنا دەم بەرىپ، 1000 نان استام ادامنىڭ جۇمىستانۋىن تىكەلەي نەمەسە جانامالاي شەشتى.

كاسىپ سالاسى ارقىلى تيبىن وزگەرتۋدى ىلگەرىلەتىپ، تەحنيكا ارقىلى كىرىستى ارتتىرۋعا جەتەكشىلىك ەتۋ − يانچىڭ قىزمەت گرۋپپاسىنىڭ كومەككە يە بولعان جەردىڭ اۋقاتتانۋىنا جاڭا جول قاراستىرۋىنىڭ ىقشام كورىنىسى. جياڭسۋ - ىلە سىندى ەكى جەردىڭ جوعارى ولشەمدى ەگىس اتىزىن بىرگە قۇرۋدى ىلگەرىلەتىپ، شينجياڭعا باعىتتامالى كومەكتەسۋ نىسان قارجىسىنان اقشا بوساتىپ كۇرىش، ٴبيداي ەگۋدىڭ جاڭا تەحنيكاسىن ەنگىزدى، شارۋاشىلىق قۇرۋ بازاسىن سالىپ كاسىپتىك شەبەرلىككە باۋلۋعا، ولكەلىك بالىق شارۋاشىلىعى تاراۋلارىمەن بىرلەسىپ، جەرگىلىكتى ورىننىڭ سۋ ونىمدەرى باعىمشىلىعىن دامىتۋىنا قولداۋ كورسەتتى... بىرەۋگە بالىق بەرگەنشە، بالىق اۋلاۋدى ۇيرەتكەن جاقسى دەگەندەي ٴبىر قىدىرۋ كاسىپ سالاسى تەحنيكا سەلبەستىگى ارقىلى تىڭ تابىستارعا قول جەتكىزىپ، ٴتىپتى دە كوپ ەگىنشى ـ مالشى اۋقاتتانۋ جولىنا ٴتۇستى.

چاپچال اۋدانىنىڭ دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىرۋىنا دەم بەرىلگەننەن كەيىن يانچىڭ قالاسىنان شينجياڭعا باعىتتامالى كومەكتەسۋشىلەر ۇزدىكسىز كۇش شىعارىپ، ”ەنگىزۋ“ مەن ” شىعارۋعا“ تاباندى بولىپ، ساۋداگەر شاقىرىپ، قارجى ەنگىزىپ جانە نىسان قۇرىلىسىن بار كۇشپەن ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، اۋىل ـ قىستاقتى گۇلدەندىرۋمەن ٴونىمدى ۇشتاستىرىپ، چاپچال اۋدانىنىڭ ەكونوميكالىق دامۋىنا اناعۇرلىم كوپ ومىرشەڭدىك كۇش جانە اناعۇرلىم زور قوزعاۋشى كۇش ۇستەدى. 2021 - جىلى 2 - ايدا يانچىڭ قىزمەت گرۋپپاسى نانتۇڭ جانە ليانيۇنگاڭ قىزمەت گرۋپپاسىمەن بىرگە پارتيا ورتالىق كوميتەتى، مەملەكەتتىك كەڭەس جاعىنان «مەملەكەت بويىنشا كەدەيلىكتەن ارىلتۋدان قامال الۋداعى وزات كوللەكتيۆ» اتاعىن الدى.

حالىق تۇرمىسىنىڭ ٴبىر جاعى دامۋمەن بايلانىسىپ جاتسا، ەندى ٴبىر جاعى حالىق تىلەگىمەن بايلانىسىپ جاتادى. جاقىنعى جىلداردان بەرى جياڭسۋدىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى قارجىنىڭ نەگىزگى ساتى جانە حالىق تۇرمىسى سالاسىنداعى «ەكى %80» تومەنگى شەگىنە جۇمسالۋىن مىقتى ۇستاپ، اۋىل - قىستاقتى گۇلدەندىرۋدى ىلگەرىلەتۋگە نازار اۋدارىپ، بەيقۇت ٴۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، نەگىزگى ساتىنىڭ وقۋ - اعارتۋ، دەنساۋلىق ساقتاۋ، ەمدەۋ شارت - جاعدايىن جاقسارتۋ سياقتى بۇقارا تىكە يگىلىككە كەنەلەتىن، كەڭ كولەمدە يگىلىككە كەنەلەتىن نىسانداردى ٴتۇيىن ەتىپ، كومەككە يە بولعان جەردىڭ شۇعىل قاجەتىن قاناعاتتاندىردى، ٴار ۇلت بۇقاراسى اسىعا كۇتەتىن ناقتى ىستەردى، جاقسى ىستەردى كوبىرەك ىستەدى. ٴار ۇلت بۇقاراسىنا پارتيانىڭ قامقورلىعىن، وتان ۇلى شاڭىراعىنىڭ مەيىرىن جانە جياڭسۋ حالقىنىڭ تەرەڭ سۇيىسپەنشىلىگىن شىنايى سەزىندىرۋگە قۇلشىندى. ساناققا قاراعاندا، جاڭا داۋىردەگى 10 جىلدا جياڭسۋ ولكەسى 629 حالىق تۇرمىسىن قامتاماسىز ەتۋ جانە جاقسارتۋ تۇرىندەگى شينجياڭعا باعىتتامالى كومەكتەسۋ نىسانىن اتقارىپ، شينجياڭعا باعىتتامالى كومەكتەسۋ قارجىسىنان 8 ميلليارد 60 ميلليون يۋان جۇمساعان.

شينجياڭدى مادەنيەتپەن نارلەندىرىپ، جۇرت تىلەگىن كەڭ كولەمدە ۇيىستىردى

سۋ بەتى سامال جەلمەن باياۋ تولقيدى. توعىزتاراۋ اۋدانى كوبەلەك كولى باقشاسىندا قىزىل انار پىشىندەس اعاش ٴۇي بار. بۇل جاڭجياگاڭ قىزمەت گرۋپپاسىنىڭ مادەنيەت جاعىنان شينجياڭعا باعىتتامالى كومەكتەسۋ ينجەنەرياسىنىڭ ٴبىرى، بۇل مەملەكەت بويىنشا ۇلتتار ىنتىماعىن نەگىزگى تاقىرىپ ەتكەن تۇڭعىش ”انار ٴدانى كىتاپ ٴۇيى“ بولىپ، 2020 ـ جىلى كوبەلەك كولى الاڭىندا سىناق رەتىندە اشىلعان.  قازىر توعىزتاراۋ اۋدانىندا وسىنى ۇلگى ەتىپ، 102 ”انار ٴدانى كىتاپ ٴۇيى“ سالىنىپ، بۇقاراعا ەڭ جاقىن مادەنيەت پۋنكتىنە اينالدى. بۇل نىسان مەملەكەتتىڭ نەگىزگى ساتى الەۋمەتتىك مادەنيەتكە قىزمەت وتەۋىنىڭ جوعارى ساپالى دامۋىنداعى تيپتىك ۇلگى بولىپ باعالاندى. ”كىتاپ ٴۇيى اشىلعان 3 جىلدان بەرى ٴار ايدا كىتاپ وقيتىن ادام سانى شامامەن 3000 ادام - رەتكە جەتتى. ”كىتاپحاناعا كىتاپ وقىپ بەرۋ جابدىعى، اۆتوماتتى تەكسەرۋ جۇيەسى سياقتى ەلەكتروندىق جابدىقتار ورناتىلىپ، تۇرلىشە وقىرماننىڭ ’كورۋ، تىڭداۋ، وقۋ‘ قاجەتىن قاناعاتتاندىردى“ .

توعىزتاراۋ اۋداندىق كىتاپحانانىڭ باستىعى ۋاڭ داندان بىلاي دەدى: الداعى جەردە توعىزتاراۋ اۋدانى اناعۇرلىم كوپ مادەنيەت قيمىلدارىن ورىستەتىپ، ”انار ٴدانى كىتاپ ٴۇيىن“ تۇتاس اۋداننىڭ مادەنيەت قۇرىلىسىنىڭ تانىسقىسىنا اينالدىرۋمەن بىرگە، ٴار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەيتىن، جۇڭحۋا ۇلتى ورتاق تۇلعا تانىمىن بەرىك ورناتۋداعى ماڭىزدى تەرەزەگە اينالدىرادى، اۋىل سالتى وركەنيەتىن جەبەۋدىڭ قوزعاۋشى كۇشىنە، اۋىل ـ قىستاقتى گۇلدەندىرۋدىڭ ”دەمەۋشىسىنە“ اينالدىرادى.

ەڭ ماڭىزدىسى، مادەنيەتپەن جۇرت كوڭىلىن نارلەندىرەدى. جۋىق جىلداردان بەرى جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابى ”شينجياڭدى مادەنيەتپەن نارلەندىرۋدى“ ىشكەرىلەي ىلگەرىلەتىپ، ٴتۇرلى فورماداعى ارالاسۋدى، ىشتەسۋدى، توعىسۋدى ۇزدىكسىز تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ قويۋ اۋانىن قالىپتاستىرىپ، ۇلتتار ىنتىماعى ينجەنەرياسىن بۇلجىماستان قالىپتاستىردى. ىلە وبلىستىق مۇراجاي، لين زىشۇي ەسكەرتكىش سارايى سياقتى الەۋمەتتىك مادەنيەت دانەكەرلەرىنىڭ دارەجەسىن جوعارىلاتۋ ينجەنەرياسىن جوعارى دەڭگەيدە كومەكتەسىپ سالىپ، مادەنيەت سارايى، كىتاپحانا، توعىسپالى مەديا ورتالىعى سياقتى قۇرىلىستارعا قولداۋ كورسەتىپ، بۇقارانىڭ رۋحاني وركەنيەت قاجەتىن ۇزدىكسىز قاناعاتتاندىردى. «جيەيوۋ حانشا»، «ىلە گەنەرالى»، «لين گۇڭ توعانى» سياقتى ۇلتتار ىنتىماعىن بەينەلەيتىن ٴان -ٴبي تەاترلارىن جانە شينجياڭعا باعىتتامالى كومەكتەسۋ تاقىرىبىنداعى اڭگىمەلەردى، كينو تۋىندىلارىن قۇراستىرىپ ورىنداۋدى قولدادى. مۇنىڭ ىشىندە كولەمدى ساحنالىق ٴبي تەاترى «جيەيوۋ حانشا» جياڭسۋ زىجين مادەنيەت كوركەمونەر فەستيۆالىنىڭ تاڭداۋلى تەاتر سيلىعى مەن اۆتونوميالى رايوندىق تۇڭعىش كەزەكتى شينجياڭ مادەنيەت كوركەمونەر فەستيۆالىنىڭ جاڭا داۋىردەگى تاڭداۋلى تەاتر سيلىعىنا يە بولدى ٴارى مەملەكەتتىك كوركەمونەر قورىنىڭ قارجىلاي كومەگىنە يە بولدى.

26 جىلدان بەرى جياڭسۋدان شينجياڭعا كومەككە كەلگەن دارىندىلار وسى قۇتتى مەكەنگە ايانباي تەر توكتى. ”تاپجىلمايتىن قوسىن“ قالدىرۋ ٴۇشىن، ولار ٴوز باسىنان ونەگە كورسەتىپ، ۇزاق جىلدار بويى جيناقتاعان قىمباتتى تاجىريبەلەرىن ەش بۇكپەسىز ۇيرەتتى؛ جوعارى ساپالى تەكسەرۋ - زەرتتەۋ بايانداماسىن جازىپ شىعۋ ٴۇشىن ولار جاپا - ماشاقاتتان قورىقپاي، قيىنشىلىقتاردى جەڭىپ، نەگىزگى ساتىنىڭ ٴبىرىنشى شەبىندە تابان تىرەپ ىستەدى؛ كەلەلى نىسانداردى سايكەستىرىپ تياناقتاندىرۋ ٴۇشىن ولار دانەكەر بولىپ، جوعارى - تومەنمەن تىلدەسىپ، سان رەت مۇمكىن ەمەستى مۇمكىندىككە اينالدىردى... 26 جىل ”سۇيىسپەنشىلىك مەيىرگە بولەگەننەن“ كەيىن، بۇگىنگى تاڭدا ”جياڭسۋ − ىلەنىڭ تەڭىز جاعالاۋىنداعى وتباسى، ىلە − جياڭسۋلىقتاردىڭ شەكارا وڭىرىندەگى وتباسى“ دەيتىن وسكەلەڭ ورتاق تانىم قالىپتاستىردى.

بۇگىنگى تاڭدا 11 ـ توپتا جياڭسۋدان شينجياڭعا كومەككە كەلگەن كادر ـ دارىندىلار ىلەگە كومەك بەرۋدىڭ ”كۇش جالعاۋ تاياقشاسىن“ قولىنا الدى، ولار جابال مىنانى ٴبىلدىردى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرىپ، كومەك بەرۋشى جانە قابىلداۋشى ەكى جاق پارتكومدارىنىڭ، ۇكىمەتتەرىنىڭ شەشىمدەرى، ورنالاستىرۋلارى بويىنشا شينجياڭعا اقىل - پاراسات جاعىنان كومەكتەسۋ، حالىق تۇرمىسى جاعىنان كومەكتەسۋ، كاسىپ سالاسى جاعىنان كومەكتەسۋ، شينجياڭدى مادەنيەتپەن نارلەندىرۋ سياقتى ٴتۇيىندى سالالاردى ارقاۋ ەتىپ، شينجياڭعا جاپپاي كومەكتەسۋگە، دالمە - ٴدال كومەكتەسۋگە، ۇزاق ۋاقىت كومەكتەسۋگە تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ؛ قىزمەت ورنىن شەپ رەتىندە تاباندىلىقپەن ساقتاپ، قىزمەتتى كاسىپ رەتىندە ىستەپ، ۇلەس قوسۋدى بورىش ساناپ، بار ىنتا - پەيىلىن سالىپ، تامىر تارتىپ، ”ىلەلىك بولۋدى“ ويداعىداي ورىنداپ، ”ىلە ىستەرىن“ ويداعىداي ىستەپ، ”ىلەلىكتەر قارىم - قاتىناسىن“ ويداعىداي جالعاستىرىپ، ىلەدەگى ٴار ۇلت كادر - بۇقاراسىمەن راقاتتا دا، جاپادا دا بىرگە بولىپ، تىزە قوسا كۇرەس جاساپ، 10 مىڭ شاقىرىمدى جالعاعان ”جياڭسۋ - ىلە سۇيىسپەنشىلىگىن“ بىرگە سومداپ، ٴتىپتى دە كوركەم بولاشاق جاراتامىز.