ٴتىلشىمىز ۋاڭ ليپيڭ حابارلايدى. 8 - ايدىڭ 2 - كۇنى تۇستەن كەيىن 2023 ـ جىلى جياڭسۋ مەن ىلە ”اناردىڭ دانىندەي تىعىز ۇيىسقان ٴبىر وتباسى“ اتىنداعى پيونەرلەردىڭ زەرتتەۋ ـ ۇيرەنۋ جازعى لاگەرىنىڭ باستالۋ سالتى قۇلجا قالاسىندا وتكىزىلدى. بۇل قيمىلدى جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى، ىلە وبلىستىق وداق كوميتەتى، ىلە وبلىستىق وقۋ - اعارتۋ مەكەمەسى بىرلەسىپ وتكىزدى، وبلىس بويىنشا 52 پيونەر مەن 8 جەتەكشى وقىتۋشى اتالعان سالتقا قاتىناستى.

اتتاندىرۋ سالتىندا ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشىسى جاۋ چيڭحۇڭ، وبلىستىق پارتكومنىڭ تۇراقتى مۇشەسى قايرات اشىك ۇلى قيمىلعا قاتىناستى ٴارى وسى رەتكى جازعى لاگەر قيمىلىنا لاگەر تۋىن ۇسىندى. جاۋ چيڭحۇڭ ارناۋ ٴسوز سويلەدى، پيونەرلەر لاگەرىنىڭ ۋاكىلى، قىزمەتكەرى جانە باس جەتەكشىسى ىلگەرىندى - كەيىندى ٴسوز سويلەدى، وبلىستىق وداق كوميتەتىنىڭ ورىنباسار شۋجيى جاۋ جيان - ۋ ٴماجىلىستى باسقاردى.

جاۋ چيڭحۇڭ بىلاي دەدى: بۇل رەتكى قيمىلدىڭ ماقساتى − جياڭسۋ مەن ىلەدەگى پيونەرلەردىڭ بەتپە ـ بەت ارالاسۋى، ىشتەسۋى، توعىسۋى ارقىلى ”بەستى شىنايى مويىنداۋدى“ اناعۇرلىم كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، وتانشىلدىقتىڭ، ۇلتتار ىنتىماعىنىڭ تۇقىمىن جياڭسۋ مەن ىلەدەگى پيونەرلەردىڭ جۇرەگىنە تەرەڭ تامىر تارتقىزۋ.

ول لاگەرگە قاتىناسقان كىشكەنتاي دوستاردىڭ ىشكى وڭىرلەردەگى جاس وسپىرىمدەرمەن ٴوزارا قۇرمەتتەسىپ، ٴوزارا كومەكتەسىپ، ٴوزارا ۇيرەنىپ، اناردىڭ دانىندەي تىعىز ۇيىسىپ، ”اناردىڭ دانىندەي تىعىز ۇيىسۋعا“ قۇلشىنىپ، جۇڭحۋا ۇلتى ورتاق تۇلعا تانىمىن بەرىك ورناتۋىن، ۇيىرمەنى باستاپ جۇرگەن كادرلار مەن وقىتۋشىلار حاۋىپسىزدىك تانىمىن جوعارىلاتىپ، بار ىنتا - پەيىلىمەن جاۋاپكەرشىلىكتەرىن ادا ەتىپ، كوپشىلىكتىڭ امان - ەسەن ورالۋىنا كەپىلدىك ەتۋلەرىن ٴۇمىت ەتتى.

جازدىق لاگەرگە قاتىناسۋشىلاردىڭ ۋاكىلى شىرىن امانتاي قىزى بىلاي دەدى: ”مەن وسى رەتكى جياڭسۋداعى كىشكەنتاي دوستارمەن بىرگە بولۋ ورايىن قاستەرلەپ، ىنتىماقتاسا سەلبەسىپ، دوستىقتى كۇشەيتىپ، قابىلەتىمدى جەتىلدىرىپ، ٴوزىمدى شىڭداپ، كوللەكتيۆ تۇرمىستىڭ قىزىعىنان مەيلىنشە ٴلاززاتتانىپ، ۇلتتار ىنتىماعىنىڭ تاراتۋشىسى بولامىن“.

”مەن جياڭسۋدان جازعى لاگەرگە قاتىناسقان بالدىرعاندارعا شينجياڭنىڭ كوپتەگەن ەرەكشە ونىمدەرىن الدىم، تاعى دا، 3 توڭازىتقىشتىڭ بەتىنە شاپتايتىن ورنەك الدىم. وعان كۇنەس نارات جايلاۋىنىڭ كورىنىسى، دومبىرانىڭ سۋرەتى تۇسىرىلگەن...“ دەدى جازعى لاگەرگە قاتىناسۋشى، كۇنەس اۋداندىق 1 - باستاۋىش مەكتەپتىڭ 4 - جىلدىق 2 - كلاس وقۋشىسى ايبول دۋمان ۇلى قۋانىشتى بەينەدە ول ٴوزىنىڭ نانجيڭدەگى جۇپ قۇراعان بالالارىن ىلەگە كەلىپ قوناق بولىپ قايتۋعا ۇسىنىس ەتپەكشى ەكەن.

ۇعىسۋعا قاراعاندا، وسى رەتكى قيمىل ٴبىر اپتاعا جالعاسادى. لاگەرگە قاتىناسۋشىلار جياڭسۋ ولكەسىنىڭ نانجيڭ قالاسىنا بارىپ يۇيحۋاتاي قۇرباندار قابىرستانىن، دۋجياڭ شىڭلي ەسكەرتكىش سارايىن، نانجيڭ مۇراجايى سياقتى قىزىل تاربيە بازالارىن ەكسكۋرسيالاپ، جەرگىلىكتى ورىننىڭ تاريح - مادەنيەت بىلىمدەرىن، سالت ـ ساناسىن ۇعىسىپ، ەرەكشە ٴدامدى تاعامدارىنان ٴدام تاتادى ەكەن.