ٴتىلشىمىز ۋاڭ ليپيڭ حابارلايدى. 7 - ايدىڭ 30 - كۇنى ىلە وبلىسىنىڭ تۇڭعىش كەزەكتى مەديتسينا دوكتور - ماماندارى جوعارى دارەجەلى باسشىلار تالقى مىنبەرى جانە «شينجياڭعا كومەكتەسەتىن دوكتورلار ٴۇيى» ماڭدايشالىعىن اسۋ سالتى ىلە وبلىستىق كلينيكالىق مەديتسينا زەرتتەۋ ورنىندا وتكىزىلدى. بۇل تالقى مىنبەرىن جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى ۇيىمداستىرعان، ىلە وبلىستىق كلينيكالىق مەديتسينا زەرتتەۋ ورنى ۇستىنە العان.

ماڭدايشالىق اسۋ سالتىندا ىلە وبلىستىق ۇكىمەت پارتيا باسشىلىق گرۋپپاسىنىڭ مۇشەسى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس جەتەكشىسى لي جانچاۋ جانە ىلە وبلىسىنىڭ ورىنباسار باستىعى ليۋ چيڭحۋا قىزمەت پۋنكتىنە ماڭدايشالىق استى.

ۇعىسۋعا قاراعاندا، ىلە وبلىستىق كلينيكالىق مەديتسينا زەرتتەۋ ورنىندا «شينجياڭعا كومەكتەسەتىن دوكتورلار ٴۇيى» رەسمي قۇرىلعاننان كەيىن مۇندا جوعارى ورەدەگى ۇزدىك دارىندىلاردى توپتاستىرۋمەن بىرگە، ەكى جەردىڭ مەديتسينالىق زەرتتەۋ سەلبەستىگىن اناعۇرلىم جەبەيدى ەكەن. كاسىپتىك اۋىس - كۇيىس جاساۋ، ناۋقاستار جونىندە زەرتتەۋ - تالقى جۇرگىزۋ، ارالاپ دياگنوز قويۋ، تەگىن ەمدەۋ سياقتىلاردى ورىستەتۋ ارقىلى ىلە وبلىسىنىڭ ەمدەۋ تەحنيكاسىنداعى ولقىلىقتارىن تولىقتاپ، شينجياڭعا كومەككە كەلگەن شيپاگەرلەردىڭ ”ۇيرەتۋ، كومەكتەسۋ، جەتەكتەۋ“ رولىن شىن مانىندە ساۋلەلەندىرىپ، ”ۇيىرمە قۇراۋ ۇلگىسىندەگى“ شينجياڭعا كومەكتەسۋدىڭ ەمدەۋ سالاسىنداعى قىزمەتتەرىندە جاڭا جاعداي اشۋىنا مۇمكىندىك جاسايدى.

ماڭدايشالىق اسۋ سالتى اياقتاعاننان كەيىن جياڭسۋ ولكەسىنىڭ 11 - توپتا ىلەگە كومەككە كەلگەن ەمدەۋ اترەتىندەگى 27 مەديتسينا دوكتورى تالقى مىنبەسىندە عىلمي زەرتتەۋ لەكسياسىن جاساۋ، عىلمي تالقى، تالقى ورىستەتۋ، ارقاۋ ٴسوز سويلەۋ سياقتى فورمالار ارقىلى جۇرەك - قان تامىر ىشكى اۋرۋلار ٴبولىمى، نەسەپ سىرتقى اۋرۋلار ٴبولىمى، اس قورىتۋ جولى ەندوسكوپياسى، وسپە، كوز ٴبولىمى سياقتى پاندەردە جولىققان ماسەلەسى جونىندە تاقىرىپتىق تالقى ورىستەتىپ، بۇكىل وبلىستىڭ بۇدان بىلايعى ەمدەۋ، دەنساۋلىق ساقتاۋ ىستەرىن جوعارى ساپالى دامىتۋ نىساناسىن ىشكەرىلەي تالقىلاپ، ىلەنى جوعارى دارەجەلى اقىل - پاراسات قويماسى اقىلشىسىمەن قامدايدى.

ىلە وبلىستىق دوستىق شيپاحاناسى پارتكومىنىڭ ورىنباسار شۋجيى، شيپاحانا باستىعى تۇڭ چاۋ بىلاي دەدى: ىلە وبلىستىق كلينيكالىق زەرتتەۋ ورنى «شينجياڭعا كومەكتەسەتىن دوكتورلار ٴۇيى» ماڭدايشالىعىن اسۋى ەمدەۋ تەحنيكاسى جاعىندا وبلىستىق دوستىق شيپاحاناسىنىڭ جوعارى ساپالى دامۋىنا دەم بەرەدى، اسىرەسە، مەديتسينالىق زەرتتەۋ، دارىندىلاردى باۋلۋ، كادەگە جاراتۋ، قولدانۋ سياقتى جاقتاردا اناعۇرلىم زور رول اتقارادى.