− جياڭسۋدىڭ ىلەگە كومەكتەسكەندىگى جونىندەگى تىڭ جاۋاپناما (2)

لي تاۋ (ٴوز ٴتىلشىمىز)

قۇلجا اۋداندىق توقىماشىلىق كاسىپ سالاسى باقشاسىنداعى ٴوندىس شەبىندە قاربالاس جۇمىس ىستەپ جاتقان جۇمىسشى.  

لاي يۇينيڭ فوتوسى

26 جىلدان بەرى، اسىرەسە، جاڭا داۋىرگە قادام تاستاعاننان بەرى، جياڭسۋ ولكەسىنىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى «شينجياڭعا جاپپاي كومەكتەسۋدەن، دالمە - ٴدال كومەكتەسۋدەن، ۇزاق ۋاقىت كومەكتەسۋدەن» جازباي، «كروراندى المايىنشا شەپتەن قايتپاۋ» سىندى مىزعىماس جىگەرمەن مەملەكەتتىڭ ستراتەگيالىق ورنالاستىرۋىنىڭ ىلەدە تياناقتانۋىن، تامىر تارتۋىن بار كۇشپەن ىلگەرىلەتتى. قازىر وقىتۋشىلار قوسىنى مىعىم مەكتەپتەر، ەمدەۋ تەحنيكاسى وزىق شيپاحانالار، توپ - توبىمەن تاربيەلەنىپ جەتىلگەن كادر - دارىندىلار... بارلىعى جياڭسۋدىڭ اقىل - پاراسات جاعىنان شينجياڭعا باعىتتامالى كومەكتەسۋ نىسانىنىڭ جەمىسى. جياڭسۋدان ىلەگە كومەككە كەلگەن كادر - دارىندىلار كومەك قابىلداۋشى ورىننىڭ قاجەتىن كوزدە ۇستاپ، وزىق ۇستانىم مەن تەحنيكانى «ەكىنشى اتا مەكەنىنە» جەتكىزىپ، ىلەنىڭ دامۋى ٴۇشىن كۇشتى تىرەك ازىرلەدى.

ەمدەۋ ارقىلى شينجياڭعا كومەكتەسىپ، دارىندىلار تاپشى بولۋ ماسەلەسىن شەشتى 

بيىل 5 ـ ايدىڭ 6 ـ كۇنى ساعات 16 مولشەرىندە جياڭسۋ ولكەلىك حالىق شيپاحاناسى قارتتار جۇرەك قان تامىر اۋرۋلارى ٴبولىمىنىڭ ٴماجىلىس بولمەسىندە، جياڭسۋ ولكەلىك حالىق شيپاحاناسى كوز اۋرۋلار ٴبولىمىنىڭ ورىنباسار مەڭگەرۋشىسى جاڭ ۋيجۇڭ ينتەرنەت جەلىسى ارقىلى 11 ـ توپتا جياڭسۋدان ىلەگە كومەككە كەلگەن مامان، ىلە وبلىستىق كلينيكالىق مەديتسينا زەرتتەۋ ورنىنىڭ باستىعى ۋاڭ يان قاتارلىلارمەن كلينيكالىق مەديتسينا وقىتۋشىلارىن تاربيەلەۋ جوباسىن بىرگە اقىلداستى، تالقىلادى. ”شينجياڭعا كومەكتەسەتىن ۋاقىتىم شەكتى بولعانىمەن، ىلەگە نازار اۋدارۋىم مەن كوڭىل ٴبولۋىم شەكسىز، - دەدى. 10 - توپتا ىلەگە كومەكتەسۋ مىندەتىن اياقتاتىپ، نانجيڭ قالاسىنا قايتقان جاڭ ۋيجۇڭ. ول بۇل جولى اقىلشى سالاۋاتىمەن ىلە وبلىسىنىڭ مەديتسينا دارىندىلارىن تاربيەلەۋ قىزمەتىنە جالعاستى قاتىناستى.

شينجياڭعا باعىتتامالى كومەكتەسۋ قىزمەتى جونىندە جاڭ ۋيجۇڭ بىلاي دەپ قارايدى: ەڭ ماڭىزدىسى، ىلە ٴۇشىن ىسىلعان ەمدەۋ قوسىنىن جەتىلدىرىپ، جەرگىلىكتى ورىننىڭ ەمدەۋ، عىلمي زەرتتەۋ قابىلەتىن جوعارىلاتىپ، ٴتىپتى دە كوپ ىلە بۇقاراسىن جوعارى دەڭگەيدەگى ەمدەۋ قىزمەت وتەۋىنەن يگىلىكتەندىرۋ كەرەك.

 2020 ـ جىلى 7 ـ ايدا جياڭسۋ ولكەلىك حالىق شيپاحاناسى مەن ىلە وبلىستىق حالىق ۇكىمەتى سەلبەسىپ بىرگە قۇرعان ىلە وبلىستىق كلينيكالىق مەديتسينانى زەرتتەۋ ورنى رەسمي قۇرىلدى. بۇل ورىن شيپاگەرلىك ٴىلىمىن زەرتتەۋدى، دارىندىلاردى جەتىلدىرۋدى، جەتىستىكتەردى كادەگە جاراتۋدى ٴبىر تۇلعالاندىرعان، شينجياڭ بويىنشا تۇڭعىش قۇرىلعان ايماق، وبلىس دارەجەلى ۋنيۆەرسالدى شيپاگەرلىكتى زەرتتەۋ قۇرىلىمى. جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى شينجياڭعا باعىتتامالى كومەكتەسۋ قارجىسىنان 36 ميلليون يۋاندى قاتىستى تەكشەنى قۇرۋعا قوستى، قازىر ىلە وبلىستىق كلينيكالىق مەديتسينا زەرتتەۋ اكادەمياسىندا سالاماتتى ىلەنى زەرتتەۋ ورتالىعى، 5G بولاشاقتاعى مەديتسينا بىرلەسپە تاجىريبەحاناسى سياقتى نىساندار ىرگە تەۋىپ، 107 ٴتۇرلى زەرتتەۋ تاقىرىبىنا قارجىلاي كومەك بەرىلىپ، 20 نەشە ٴتۇرلى زەرتتەۋ جەتىستىگى جارىققا شىقتى، سونىمەن بىرگە نەگىزگى ساتى ەمدەۋ قۇرىلىمدارىندا دارىندىلار تاپشى بولۋ ماسەلەسى كۇش سالا شەشىلدى. 

وقۋ - اعارتۋ ارقىلى شينجياڭعا كومەكتەسىپ، دامۋدىڭ جاڭا ”جىبەك جولىن“ اشتى

   مەكتەپ باسشىلارى، تاڭداۋلى وقىتۋشىلار قاتارلىلاردان ۇيىمداسقان جياڭسۋدان شينجياڭعا كومەككە كەلگەن وقىتۋشىلار قوسىنىن شوعىرلى تۇردە تاڭداپ جىبەرىپ، ”مەكتەپ فاكۋلتەتتى كوتەرمەگە الۋ“، ”فاكۋلتەت پاندەردى كوتەرمەگە الۋ“ مەحانيزمىن تەرەڭدەتىپ، جەكە ـ جەكە 138 جياڭسۋ مەكتەبى كومەك قابىلداۋشى ورىنداعى 155 ورتا، باستاۋىش مەكتەپپەن، جياڭسۋداعى 38 كاسىپتىك مەكتەپ ىلەدەگى 11 كاسىپتىك مەكتەپپەن جۇپ قۇراپ، بىرگە قۇرۋعا ۇيىمداستىرىلدى. «’ٴبىر جەردە ٴبىر كاسىپتىك مەكتەپ بولۋ، ٴبىر كاسىپتىك مەكتەپتىڭ ٴبىر ماركاسى بولۋ‘ كاسىپتىك - تەحنيكالىق تاربيەلەۋ قۋاتىن جوعارىلاتۋ ارەكەت جوباسىن» اتقارىپ، ٴاربىر مەكتەپتىڭ ٴتۇيىندى ٴبىر ايگىلى ماركا ماماندىعىن قۇرۋىنا قولداۋ كورسەتىپ، مەملەكەتتىڭ كاسىپتىك مەكتەپتەردىڭ شەبەرلىك جارىسىندا شينجياڭ ۋاكىلدەر ۇيىرمەسىنىڭ تاياۋ 5 جىلدا بىردە ٴبىر رەت ٴبىرىنشى دارەجەلى سيلىق الا الماۋ جاعدايىن وزگەرتتى.

 تاياۋدا ىلە ورتا دارەجەلى كاسىپتىك - تەحنيكالىق مەكتەبىنەن قۋانىشتى حابار كەلدى. ەندى عانا اياقتالعان 2023 - جىلعى اۆتونوميالى رايوندىق كاسىپتىك مەكتەپتەردىڭ تەحنيكالىق ونەر باسەكەسىندە، اۆتونوميالى رايوندىق كاسىپتىك شەبەرلىك باسەكەسىندە ىلە ورتا دارەجەلى كاسىپتىك - تەحنيكالىق مەكتەبى 105 سيلىق العان، مۇندا ٴبىرىنشى دارەجەلى سيلىق 21 (التىن مەدال) بولىپ، تاريحتاعى ەڭ جاقسى ناتيجە جاراتقان. ىلە ورتا دارەجەلى كاسىپتىك - تەحنيكالىق مەكتەبىنىڭ وسىنداي ۇزدىك ناتيجەگە قول جەتكىزۋىن وسى مەكتەپتىڭ «ۇيىرمە قۇرۋ ۇلگىسىندەگى» وقۋ - اعارتۋ ارقىلى شينجياڭعا كومەكتەسەتىن وقىتۋشىلاردىڭ قاجىرلى ەڭبەگىنەن بولە قاراۋعا بولمايدى. بۇل عانا ەمەس، «ۇيىرمە قۇراۋ ۇلگىسىندەگى» وقۋ - اعارتۋ ارقىلى شينجياڭعا كومەكتەسەتىن وقىتۋشىلاردىڭ باستاماشىلىعىندا، 2020 - جىلعى مەملەكەتتىك كاسىپتىك مەكتەپتەردىڭ وقىتۋشىلار شەبەرلىك باسەكەسىنىڭ وقىتۋ قابىلەتى جارىسىندا، ىلە وبلىسى شينجياڭداعى بىردەن - ٴبىر شەشۋشى جارىسقا كىرگەن ٴارى 2 - دارەجەلى سيلىققا يە بولعان ۋاكىلدەر كومانداسى بولدى، 2018 - جىلعى وقىتۋ قابىلەتى جارىسىنىڭ جارىس رەفورماسىنان بەرى شينجياڭ ۋاكىلدەر كومانداسى مەملەكەت دارەجەلى جارىستا نولدىك ناتيجەنى وزگەرتتى؛ 2021 - جىلى مەملەكەتتىك كاسىپتىك مەكتەپتەردىڭ شەبەرلىك باسەكەسىندە ورتا دارەجەلى كاسىپتىك تەحنيكۋم گرۋپپاسى بويىنشا سۇيىقتىق قىسىمى جانە گازبەن قوزعالتۋ جۇيەسىن رەتتەۋ جانە قورعاۋ جارىسىندا ىلە وبلىسى جارىسقا قاتىناسقان شينجياڭ ۋاكىلدەر كومانداسىنىڭ ىشىندە بىردەن - ٴبىر 1 - دارەجەلى سيلىققا يە بولىپ، 5 جىلدان بەرى شينجياڭ ۋاكىلدەر كومانداسىنىڭ كاسىپتىك مەكتەپتەر تەحنيكالىق ونەر كورسەتۋ جارىسىندا مەملەكەتتىك جارىستىڭ 1 - دارەجەلى سيلىعىندا نولدىك ناتيجەسىن جاڭالاۋدى جۇزەگە اسىردى؛ 2022 - جىلى مەملەكەتتىك كاسىپتىك مەكتەپتەردىڭ شەبەرلىك جارىسىنىڭ ورتا دارەجەلى كاسىپتىك مەكتەپتەر كلاس جەتەكشىلەرىنىڭ قابىلەت جارىسىندا ىلە وبلىسى ٴبىر تۇردە 3 - دارەجەلى سيلىققا يە بولىپ، 2019 - جىلى كلاس جەتەكشىلەردىڭ قابىلەت جارىسى مەملەكەتتىك جارىسقا ەنگىزىلگەننەن بەرگى شينجياڭ ۋاكىلدەر كومانداسىنىڭ مەملەكەتتىك جارىستاعى ٴنولدى جارۋ ناتيجەسىن جۇزەگە اسىردى.

سوڭعى جىلداردان بەرى ىلەنىڭ ورتا دارەجەلى كاسىپتىك - تەحنيكالىق مەكتەپتەرى مەملەكەتتىك جارىستاردا ارت - ارتىنان ناتيجە جاراتتى، بۇل جياڭسۋدىڭ ”ۇيىرمە قۇراۋ ۇلگىسىندە“ كاسىپتىك وقۋ-اعارتۋعا كومەك بەرىپ، ىلەنىڭ كاسىپتىك وقۋ - اعارتۋىنا تىڭ دامۋ جولىن اشقاندىعىنىڭ ارقاسى. جياڭسۋ كومەككە يە بولعان مەكتەپتەردى مەكتەپ باسقارۋىنان تارتىپ وقۋ - وقىتۋىنا دەيىن ”ۇيىرمە قۇراۋ ۇلگىسىمەن“ تۇتاس جەلى بويىنشا كومەكتەسىپ سۇيەمەلدەدى، بۇل جاڭا ۇلگى بۇرىنعى ”جەكە - دارا قيمىلداۋ“ سىندى شينجياڭعا كومەكتەسۋ ٴتاسىلىن تۇبىرىنەن وزگەرتتى، شينجياڭعا كومەككە كەلگەن وقۋ - اعارتۋ دارىندىلارى شينجياڭداعى وقىتۋشىلارمەن، باسقارۋشىلارمەن بىرىككەن كۇش قالىپتاستىرىپ، وزگە ولكەلەردىڭ باسقارۋ، وقىتۋ - زەرتتەۋ، تاربيەلەۋ، وقىتۋ رەفورماسى سياقتى جاقتارداعى وزىق تاجىريبەلەرىن كومەك قابىلداۋشى مەكتەپتەرگە جەتكىزىپ، ىلەگە جوعارى ساپالى دارىندىلار قوسىنىن جەتىلدىرىپ، جەرگىلىكتى ورىننىڭ دامۋىنا باعالى دارىندىلار بايلىعىن ازىرلەپ بەردى.

جياڭسۋدىڭ وقۋ - اعارتۋ ارقىلى شينجياڭعا كومەكتەسۋ قىزمەتىنىڭ ناتيجەسى كومەك قابىلداۋشى ەكى جاق پارتكومدارىنىڭ، ۇكىمەتتەرىنىڭ جانە وقۋ - اعارتۋ جۇيەسىنىڭ تولىق مويىنداۋىنا يە بولىپ، ”ۇيىرمە قۇراۋ ۇلگىسىمەن“ شينجياڭعا كومەكتەسۋدىڭ جالپىلىق اسەرىن ايگىلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق حالىق ۇكىمەتىنىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن بۇل جونىندە ”جياڭسۋ ولكەسىنىڭ وقۋ - اعارتۋ ارقىلى شينجياڭعا كومەكتەسۋى تەرەڭ، تەبىندى بولدى“ دەپ بەكىتۋ جازدى.

كادرلاردى باۋلىپ، كادر - دارىندىلارعا ”ىشكى ەنەرگيا ۇستەدى“

ىلە وبلىسىنىڭ مادەنيەت، ساياحات كاسىبىنىڭ تيجارات باسقارۋ ورەسى مەن قىزمەت وتەۋ ساپاسىن ونان ارى جوعارىلاتۋ ٴۇشىن، 6 - ايدىڭ 1 - كۇنىنەن 2 - كۇنىنە دەيىن جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى مەن ىلە وبلىستىق مادەنيەت - ساياحات مەكەمەسى جياڭسۋ ولكەلىك مادەنيەت جانە ساياحات مەڭگەرمەسىمەن سەلبەسىپ، ىلە وبلىستىق مۇراجايدا 2023 - جىلعى ”ىلەگە وقىتۋشى جىبەرىپ تاربيەلەۋ“ كۋرسىن اشتى. ىلە وبلىسىنا توتە قاراستى 11 اۋدان، قالادان كەلگەن 120 دان استام مادەنيەت، ساياحات سالاسىنداعى اكىمشىلىك باسقارۋشىلارى، ساياحات كورىنىس رايوندارىنىڭ جانە اۋىل - قىستاق ساياحات تۇيىندەرىنىڭ جاۋاپتىلارى وسى رەتكى كۋرسقا قاتىناستى.

ىلە بىرەگەي جاراتىلىستىق جانە مول گۋمانيتارلىق بايلىققا يە، ەكەۋىن قايتكەندە اناعۇرلىم ويداعىداي توعىستىرىپ، ساياحاتشىلارعا جايلى دا ەستەن كەتپەس ساياحات كەشىرمەسىن باعىشتاۋ ىلە وبلىسىنىڭ ساياحات كاسىبىندە ۇزدىكسىز قۇلشىنا شەشەتىن تاقىرىپ بولدى. جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى نازاردى ”ىلەنىڭ قاجەتىنە“ شوعىرلاندىرىپ، ”جياڭسۋدىڭ قابىلەتىن“ ساۋلەلەندىرىپ، جياڭسۋ ولكەلىك مادەنيەت جانە ساياحات مەڭگەرمەسىمەن تالاي رەت بايلانىس جاساپ، سايكەسىپ، نانجيڭ ساياحات كاسىپتىك شۋەيۋانى گۋمانيتارلىق كوركەمونەر شۋەيۋانىنىڭ باستىعى سۇن في، ساياحات باسقارۋ شۋەيۋانىنىڭ ورىنباسار باستىعى ديڭ جيە قاتارلى مامانداردى ىلەگە كەلىپ كۋرسقا جەتەكشىلىك ەتۋگە ۇسىنىس ەتتى. كۋرستا ”نازاريالىق ساباق ٴوتۋ+ اڭگىمەلەسۋ، اۋىس - كۇيىس جاساۋ“ سىندى اشىق ساباقحانا ۇلگىسى قولدانىلىپ، نازاريانى امالياتپەن ۇشتاستىرۋ كورنەكتىلەندىرىلىپ، اۋىس - كۇيىس جاساۋ مەن ۇيرەنۋدىڭ ٴوزارا ىقپالداستىعىنا ٴمان بەرىلدى. جياڭسۋ ولكەسىنىڭ مادەنيەت - ساياحات ماماندارى اۋىل - قىستاق ساياحاتىنىڭ اۋىل - قىستاقتى كوركەيتۋگە دەم بەرۋى، مادەنيەت، ساياحات توعىسقان جاعدايدا كورىنىس وڭىرلەرىنىڭ جۇمىس جۇرگىزۋى جانە قىزمەت وتەۋ ساپاسىن جوعارىلاتۋ جولى سياقتى مازمۇنداردى ارقاۋ ەتىپ ساباق ٴوتىپ، تاربيەلەۋ فورماسىنىڭ الۋان تۇرلىلىگى، مازمۇنىنىڭ بايلىعىمەن تاربيەلەۋگە قاتىناسۋشىلاردىڭ قارسى الۋىنا يە بولدى. كوپشىلىك جابال بىلاي دەدى: وسى رەتكى تاربيەلەۋدى وراي ەتىپ، ۇيرەنگەن جاڭا ۇستانىمداردى، جاڭا بىلىمدەردى ٴىس جۇزىندىك قىزمەت بارىسىندا قولدانىپ، جەرگىلىكتى ورىننىڭ ٴىس جۇزىندىك جاعدايىنا ۇيلەسەتىن، فورماسى الۋان ٴتۇرلى، ەرەكشەلىككە يە مادەنيەت، ساياحات كاسىبىن توعىستىرۋ ۇلگىسى جونىندە ىزدەنىس جاساپ، ىلە وبلىسىنىڭ مادەنيەت، ساياحات كاسىبىنىڭ جوعارى ساپالى دامۋىن ىلگەرىلەتۋگە اقىل - پاراسات جانە كۇش - قۋات قوسامىز.

جياڭسۋ ىلە وبلىسىنىڭ ورنىقتىلىق، دامۋ، رەفورما قاجەتىن ارقاۋ ەتىپ، قولدانىلمالى، تاپشى دارىندىلاردى تاڭداپ جىبەرۋ جانە تاربيەلەۋ تەبىنىن ۇزدىكسىز ارتتىرىپ، الىپ كەتۋگە بولمايتىن جوعارى ساپالى كادر - دارىندىلار قوسىنىن قالىپتاستىردى. جاڭا داۋىردەگى 10 جىلدا جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى مەن ٴارقايسى اۋدان، قالالاردىڭ قىزمەت گرۋپپالارى سول جەردىڭ وزىندە تاربيەلەۋ، جياڭسۋعا جىبەرىپ تاربيەلەۋ، ٴمانساپقا ٴىلىپ شىنىقتىرۋ، كوپپەن بىرگە ۇيرەنۋ سياقتى اقىل - پاراسات جاعىنان شينجياڭعا كومەكتەسۋ نىسانىنان 486 سىن ورنالاستىرىپ، شينجياڭعا كومەكتەسۋگە ٴبىر ميلليارد 200 ميلليون يۋانعا جۋىق قارجى قوستى. اسىرەسە، 2020 - جىلدان بەرى نەگىزدى كۇشەيتۋ، تاعاندى بەكەمدەۋ، تىنىش ىلە قۇرۋ، جاڭالىق اشا دامۋ، اۋىل - قىستاقتى گۇلدەندىرۋ سياقتى كادر - دارىندىلاردىڭ شينجياڭعا كومەكتەسۋدەگى ”10 ٴىرى جوسپارىن“ جەتەكشى ەتۋدەن جازباي، رەت سانى بويىنشا 240 مىڭ ادام قاتىناسقان 1500 كەزەك جوعارى ساپالى تاربيەلەۋ كۋرسىن اشتى. ەكونوميكا سالاسىنداعى تاربيەلەۋ سەلبەستىك ۇلگىسىندە جاڭالىق اشىپ، 2023 - جىلى 5 - ايدان باستاپ جىل سايىن ەكى كەزەك، ٴار كەزەكتە ىلە وبلىسىنىڭ ەكونوميكالىق قىزمەت سالاسىنداعى 50 كادردى ۇيىمداستىرىپ، جياڭسۋ ولكەسىنىڭ ەكونوميكالىق - تەحنيكالىق اشۋ رايونىنا، ونەركاسىپ باقشا رايونىنا، كاسىپ باقشا رايونىنا ۇيرەنۋگە، شىنىعۋعا جىبەردى... اقىل - پاراسات جاعىنان شينجياڭعا ۇزدىكسىز كومەكتەسۋ ارقىلى جياڭسۋ ولكەسى ىلەگە الىپ كەتۋگە بولمايتىن دارىندىلار قوسىنىن جەتىلدىرىپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىنا پارمەندى دارىندىلار تىرەگىن ازىرلەدى.