− جياڭسۋدىڭ ىلەگە كومەكتەسكەندىگى جونىندەگى تىڭ جاۋاپناما (3)
7 ـ ايدىڭ 28 ـ كۇنى تۇستەن كەيىن بىرنەشە ساياحاتشى قورعاس شەكارا وتكەلى مەملەكەت قاقپاسى كورىنىس رايونىندا ساياحاتتاپ، سۋرەتكە تۇسۋدە. 7 - اي تۋعالى بەرى جۇڭگو - قازاقستان قورعاس حالىقارالىق شەكارالىق سەلبەستىك ورتالىعىندا شەكارادا جانە شەكارا اتتاپ ساياحاتتايتىن، زات ساتىپ الاتىن ساياحاتشىلار اعىنى جوعارى ورلەۋگە كوتەرىلدى، ٴار كۇنى سەلبەستىك ورتالىعىنا كىرىپ - شىققاندار رەت سانى بويىنشا 16 مىڭعا جەتتى، ەڭ كوپ بولعان كۇنى رەت سانى بويىنشا 21 مىڭ ادامعا جەتتى. سۋرەتتى ٴتىلشىمىز ليۋ چۇنشيڭ تۇسىرگەن.
ليانيۇنگاڭ - قورعاس جوعارى قارقىندى تاس جولىنىڭ ٴبىر باسى جياڭسۋدىڭ ليانيۇنگاڭ قالاسىمەن، ەندى ٴبىر باسى ىلەنىڭ قورعاسىمەن تۇتاسادى، جالپى ۇزىندىعى 4000 كيلومەتردەن اسادى، بۇل جياڭسۋدىڭ ىلەگە كومەككە كەلگەن كادر - دارىندىلارىنا توتەنشە تانىس جول، ول جياڭسۋ حالقى مەن ىلە حالقىنىڭ تىلەگىن جالعاعان جول. 26 جىلدان بەرى جياڭسۋدان ىلەگە كومەككە كەلگەن كادر - دارىندىلار ”كەلگەن جولىن“ ەسىنەن شىعارماي، ”قازىرگى جۇرگەن جولىن“ جاقسى باسىپ، باتىلدىقپەن بولاشاققا جول الىپ، بوران - شاشىندى ەلەڭ قۇرلى كورمەي العا ىلگەرىلەپ، ناقتى ىستەپ، جاۋاپكەرشىلىك ارقالاپ، ىلە وبلىسىنىڭ دامۋ كارتاسىنىڭ بارلىق جەرىنە جياڭسۋلىقتاردىڭ ٴىزىن قالدىردى.
جاڭا ٴداۋىر باستالعالى بەرى شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن اناعۇرلىم ىلگەرىلەتۋ ٴۇشىن، جياڭسۋدان ىلە وبلىسىنا كومەككە كەلگەن كادر ـ دارىندىلار شينجياڭعا باعىتتامالى كومەكتەسۋ قىزمەتىنىڭ ”جاڭا نۇسقاسىن“ كۇش سالا قالىپتاستىردى. جياڭسۋ ولكەسىنەن ىلە وبلىسىنا كومەككە كەلگەن كادر - دارىندىلار تيانشان تاۋىنان اسىپ، ساحاراعا بارىپ، ناۋقاستاردى ەمدەپ، دارىندىلاردى تاربيەلەپ، دامۋ جونىندە جوبا جاساپ، ولقىلىقتاردى تولىقتاپ، كاسىپ سالاسى تامىزدىعىن تۇتاتىپ، مادەنيەت جىرىن بىرگە شىرقاپ، ”300 شاقىرىم ورمانمەن كومكەرىپ الابىن، كوكتەم سامالى جەلپىپ ٴوتتى يۇيمين قامالىن“ دەيتىن اسىل ارمان، اسقاق جىگەرمەن، ”ەڭبەك ماعان جازىلماسا دا بولادى“ دەيتىن رۋحاني دەڭگەيمەن جانە ”ەڭبەك كورسەتۋدە مەن بولماسام بولمايدى“ دەيتىن تاريحي جاۋاپكەرشىلىكپەن شينجياڭعا باعىتتامالى كومەكتەسۋدىڭ جالپىلىق ونىمدىلىگىن كۇش سالا جوعارىلاتتى. بۇگىنگى تاڭدا، ياڭزىجياڭ وزەنىنەن ىلە وزەنىنىڭ ەكى جاعالاۋىنا دەيىن شالعايدان جالعاسقان مادەنيەت پەن ساياحاتتىڭ توعىسپالى دامۋىنىڭ ۇندەستىگىن قالىپتاستىرىپ، بارلىق جەردە جاڭا ومىرشەڭدىك كۇش بايقاتتى.
مادەنيەت پەن ساياحاتتى توعىستىرۋدى جياڭسۋ وي جەلىسىمەن قامدادى
ساياحات ارقىلى شينجياڭعا كومەكتەسۋ − كاسىپ سالاسى ارقىلى شينجياڭعا كومەكتەسۋدىڭ ماڭىزدى تۇتقاسى. وسى 2 جىلدا كۇنەس اۋدانىنا ورنالاسقان ناراتتىڭ ”كوكتوعايداعى شوپان“ ٴانى مەن ”ۇلى چين حيكايالارى“ اتتى كولەمدى تاريحي دراماسىنىڭ داڭقى شىعىپ، جەرگىلىكتى ورىننىڭ ساياحات بازارىن دا جانداندىردى. جياڭسۋدىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى ورايدى مىقتى يگەرىپ، ىلە وبلىسىمەن سايكەسىپ، نارات ساياحات كورىنىس رايونىنىڭ دارەجەسىن جوعارىلاتۋعا، جاڭالاۋعا سەلبەستى.
بيىل 4 ـ ايدىڭ 6 ـ كۇنى ياڭجوۋدىڭ شينجياڭعا باعىتتامالى كومەكتەسۋ نىساندارىنىڭ ٴبىرى بولعان ياڭزىجياڭ . نارات . يەچۇن اسحاناسى كۇنەس اۋدانىنىڭ نارات ساياحات كورىنىس رايونىندا ماڭدايشالىق اسىپ تيجارات جۇرگىزدى. اسحانانىڭ تيجارات باستاۋى كانال مادەنيەتى مەن ساحارا مادەنيەتىنىڭ ٴوزارا توعىسۋىنا كۋا بولىپ قالماستان، ونان دا ماڭىزدىسى، نارات كورىنىس رايونىن دۇنيە جۇزىلىك دەڭگەيدەگى ساياحاتتاعى نىسانالى جەر ەتىپ قۇرۋعا دەم بەردى.
نارات كورىنىس رايونى دۇنيە جۇزىلىك دەڭگەيدەگى ساياحات بايلىعى باسىمدىعىنا يە. جاقىنعى جىلداردان بەرى ”كاسىپ سالاسى، قالا، كورىنىستى“ ٴبىر تۇلعالاندىرىپ توعىستىرا دامىتۋدى توڭىرەكتەپ، جياڭسۋدىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى بەلگىلى مامانداردى، قۇرىلىمداردى ەكولوگيانى قورعاۋدى ماڭداي الدى ورىنعا قويۋ العى شارتىندا، ناراتتىڭ ٴىس جۇزىندىگىنە ۇيلەسەتىن ساياحاتتى دامىتۋ جوسپارىن جاساپ، 3 ميلليارد 290 ميلليون يۋان قارجى قوسىپ، كورىنىس وڭىرلەرىنىڭ نەگىزدىك قۇرىلعىلارىنىڭ دارەجەسىن جاپپاي جوعارىلاتتى، ساحاراداعى مالشىلار تۇرمىسىن سەزىنۋ رايونى، ساياحات، دەمالىس، كۇتىپ الۋ رايونى، اۋەلگى ەكولوگيالىق ورتانى قورعاۋ رايونى سياقتى 7 ەرەكشە رايونعا ٴبولىپ، اس - سۋ، جاتىن ورىن، ٴجۇرىس - تۇرىس، ساياحات، زات ساتىپ الۋ، كوڭىل اشۋ سياقتى فاكتورلاردى ارقاۋ ەتىپ، ”ساياحات + سپورت“، ”ساياحات + مادەنيەت“ سياقتى كوپ ٴتۇرلى ساياحات ونىمدەرىن شىعاردى.
”بۇگىندە نارات كورىنىس رايونىنىڭ نەگىزدىك قۇرىلعىلارى، قىزمەت وتەۋ يقۋاتى، ساياحات ماركا وبرازى زور دارەجەدە جوعارىلاپ، نارات ساياحات كاسىبىنىڭ اقاۋسىز، جەدەل دامۋىن پارمەندى ىلگەرىلەتتى“ دەدى نارات كورىنىس رايونى ساياحاتىن دامىتۋدى باسقارۋ مەكەمەسىنىڭ قاتىستى جاۋاپتىسى. ساناققا قاراعاندا، 2023 ـ جىلى 1 - ايدان 6 - ايعا دەيىن كۇنەس اۋدانى جيىنى 6 ميلليون 304 مىڭ 800 ادام ـ رەت ساياحاتشى قابىلداپ، سايكەس مەزگىلدەگىدەن %49.84 ارتقان؛ ساياحات كىرىسى 3 ميلليارد 624 ميلليون يۋان بولىپ، سايكەس مەزگىلدەگىدەن %54.71 ارتقان.
ەرەكشە ساياحات ارقىلى تۇرعىندار ساياحاتتىڭ يگىلىگىن كوردى
گۇل جايناعان اۋلالار كوشەنى بويلاي ورنالاسقان، التى بۇرىش فورمالى كوشەلەردە، كوك، جاسىل، قىزعىلت، كۇلگىن ٴتۇستى اۋلا قابىرعالارى اعاشتاردىڭ كولەڭكەسىندە كوركەم دە جانعا جايلى بولىپ، بەينە بالالار ەرتەگىلەرىندەگىدەي كورىنەدى، بۇل ارا قۇلجا قالاسىنىڭ توراپ تانىمالىلارى ات باسىن بۇراتىن التىشۋار كورىنىس رايونى. التىشۋار كوشەسى نانجيڭ فۋزى بۇتحاناسى سياقتى ىلەدە بارماسا بولمايتىن ۇلتتىق سالت ـ سانا ساياحات سەيىل - سەرۋەن رايونىنا جاتادى، ول ىلە مادەنيەت ساياحاتىنىڭ جاڭا تانىسقىسىنا اينالدى.
وتكەندى ەسكە الساق، التىشۋار كوشەسىنىڭ قۇلجا قالاسىندا ماڭىزدىلىعى ونىڭ دارالىعىنان دەۋگە بولادى. التىشۋار كوشەسى دەگەن جەر اتى وتە وبرازدى، نەگىزگى قۇرىلىمى التى قابىرعالى كوشەدەن تۇرادى، تاڭ نۇرى كوشەسى، جۇمىسشىلار كوشەسى، سايرام كوشەسى سىندى 3 نەگىزگى كوشە جولىنان سىرتقا قاراي تارامدالادى، باسقا كوشەلەر قوسالقى كوشە بولىپ التى بۇرىشتى كوشە فورماسىن قۇرايدى، جياڭسۋدان ىلە وبلىسىنا كومەككە كەلگەن كادرلار تالاي رەت التىشۋار كوشەسىنە كەلىپ، وسى كوشە رايونىن جۇيەگە ٴبولىپ رەتتەدى: ٴبىر كوشە رايونىندا وزىندىك نەگىزگى ستيل بولۋ كەرەك، مۇنى جۇڭگونىڭ ساياحات كارتاسىنا قويعاندا، التىشۋار كوشەسىنىڭ ساياحات ورنى جاعىنان قانداي ابزالدىققا يە؟
التىشۋار كوشەسى كورىنىس رايونىنداعى التىشۋار 10 ـ كوشەسىندە قۇلجا قالاسى التىشۋار كوشەسى تاريح جانە ۇلتتىق سالت ـ سانا مادەنيەت كورمە سارايى ساياحاتشىلار شوعىرلى باراتىن جەر. فورماسى ادەمى، الۋان ٴتۇستى داۋىرلىك قۇنعا يە گارموندار التىشۋار كوشەسىندەگى تۇرعىنداردىڭ ماقتانىش ەتەتىن ورتاق باعالى دۇنيەسىنە اينالعان. ساقتاۋلى بۇيىمداردىڭ قوجايىنى الەكساندر گارمونداردى ساقتاۋمەن اينالىسادى، ال التىشۋار كوشەسىنىڭ اتىنىڭ اسپانداۋىنا گارمون سارايىنىڭ دا وزىندىك ۇلەسى بار. ٴداستۇرلى كوشەلەردىڭ ەرەكشەلىگىن كورنەكتىلەندىرۋ جانە قورعاۋدا نانجيڭنەن كەلگەن قىزمەت گرۋپپاسى قايتا - قايتا ويلانىپ - تولعانۋ ارقىلى كەڭ كولەمدە پىكىر الىپ، التىشۋار كوشەسىن ”مۋزيكا شاعىن قالاشىعى“ ەتىپ تۇراقتاندىردى.
التىشۋار كوشەسىن بۇزىپ - شاقپاي - اق اۋەلگى بەينەسىن قالپىنا كەلتىردى، اسىرەسە، ونىڭ ىشكى مادەنيەتتىك ەلەمەنتتەرىن ساقتاپ قالدى. كوشە ورتاسىنداعى الاڭدا گارمون تىلشىگى بەينەسىندە جاسالعان ستەرەولى بەلگى جانە ات اربا مودەلىن قويدى. مۇسىندەلگەن گارمون تىلشىگىنەن شىنىندا گارمون ٴۇنى ەستىلگەندەي بولادى.
نانجيڭ قىزمەت گرۋپپاسىنىڭ دەن قويا جوبالاۋىندا التشۋار كوشەسىندە جۇرسەڭىز دۋماندى مۋزيكا ٴۇنى، ويناقى ٴبي ساياحاتشىلارعا ەرەكشە سەزىم سيلايدى. بۇل اراداعى گارمونمەن ورىندالعان مۋزيكا اۋەنى ۇنەمى تويلاردا، باس قوسۋلاردا ورىندالىپ عانا قالماي، ىلەدەن شىعىپ، بەيجيڭ، نانجيڭ سياقتى قالالاردا ورىندالدى. مۇنان سىرت، نانجيڭ قىزمەت گرۋپپاسى التىشۋار كوشەسىندەگى گارمون سارايىن سالۋعا كومەكتەسىپ 5 ميلليون 500 مىڭ يۋاننان استام قارجى قوسىپ، ”التىشۋار كوشەسىندەگى مۋزيكا اۋلاسىن“ سالدى، مۇندا دۇنيە جۇزىندەگى ەڭ ۇلكەن گارمون بار، ساياحاتشىلاردىڭ، ٴسوزسىز، كەلىپ تاماشالايتىن جەرىنە اينالعان. ”بۇدان تىس، ٴبىز تاعى مادەنيەت جاسامپازدىعى ونىمدەرىن اشۋعا قارجى قوسىپ، ساياحاتشىلاردىڭ ساياحات اسەرىن بايىتتىق“ دەپ تانىستىردى كورىنىس رايونىنىڭ قاتىستى جاۋاپتىسى.
التىشۋار كوشەسى كورىنىس ٴوڭىرىنىڭ وزگەشە قالا قۇرىلىمى مەن قويۋ ۇلتتىق سالت ـ سانا مادەنيەتىنە سۇيەنىش ەتە وتىرىپ، نانجيڭ قىزمەت گرۋپپاسى ٴار ۇلت تۇرعىندارىن وتباسىلاردى ارالاۋ، اۋلا اسحاناسى، ساۋدا دۇكەنى، قولونەر بۇيىمدارىن جاساۋ، سەيىل ـ سەرۋەن، كوڭىل اشۋ سياقتى ساياحات تيجارات قيمىلدارىنا قاتىناسۋعا باستاپ، ينتەرنەتتە تانىمالى 30 نەشە ورىندى قالىپتاستىرىپ، ٴتىپتى دە كوپ جەرگىلىكتى تۇرعىنداردىڭ ساياحاتقا ويىسىپ، ساياحاتتىڭ يگىلىگىن كورۋىنە مۇمكىندىك جاسادى.
جاڭا كەزەكتى شينجياڭعا كومەككە كەلگەن كادر - دارىندىلار ىلەگە كەلگەننەن كەيىن، التىشۋار كوشەسى ورتا كورىنىسىنىڭ دەڭگەيىن جوعارىلاتىپ، دارەجەسىن وسىرۋگە ەرەكشە ٴمان بەرىپ، سول جەردىڭ وزىندە تەكسەرۋ ـ زەرتتەۋ جۇرگىزۋ ارقىلى التىشۋار كوشەسىندە نەگىزگى كوشەنى انىق پارىقتاي الماۋ، تۇنگى كورىنىس جارىقتاندىرۋىنىڭ جاقسى بولماۋى، كورىنىستىڭ ورتا اۋانىنىڭ دۋماندى بولماۋى، ستيل ساپاسىنىڭ كەمەلدى بولماۋى، قاتىناستىڭ ىركىلىسسىز بولماۋى ماسەلەسى ٴالى دە ورىن تەۋىپ وتىرعانىن بايقايدى. ىلە وبلىستىق پارتكوم مەن ۇكىمەتتىڭ وسكەلەڭ ٴمان بەرۋىندە جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى، نانجيڭ قىزمەت گرۋپپاسى قۇلجا قالالىق پارتكوم، ۇكىمەتپەن كەڭەسۋ ارقىلى جياڭسۋ ولكەلىك جوسپارلاۋ - جوبالاۋ توبى شەكتى سەرىكتەستىگىن ەنگىزىپ، التىشۋار كوشەسىنىڭ ەرەكشەلىگىنە ساي، ”قۇلجا قالاسى التىشۋار كوشەسىنىڭ ورتا كورىنىسىنىڭ دارەجەسىن جوعارىلاتۋ ينجەنەرياسى جوباسىن“ جاساپ، ”نەگىزگى تاقىرىپتى ايقىنداۋ، نەگىزگى اۋەندى تۇراقتاندىرۋ، ٴۇش كوشەنى كورنەكتىلەندىرۋ“، ”كوپ ساتى بويىنشا كورنەكتىلەندىرۋ، تاقىرىپتى كورنەكتىلەندىرۋ، عىلىم - تەحنيكا سەزىمىن كورنەكتىلەندىرۋ“، ”كورىنىستەردى تۇتاستىرۋ، كونسەرت كورۋ، مۋزيكا تىڭداۋ“، ”ستەرەولىق جاقتان رەتتەۋ، سۋ جۇيەسىن رەتتەۋ، شاعىن بۇيىمداردى ورنالاستىرۋ“، ”جۇيەلىلەندىرۋ، ٴلاززاتتانا ساياحاتتاۋ، زەردەلىلەندىرۋ“ سىندى 5 ۇلكەن جاقتان دارەجەسىن جوعارىلاتۋ باعىتىن تۇراقتاندىرىپ، تاياۋ مەزگىلدەگى، ۇزاق مەزگىلدەگى نىسانانى ٴبىر تۇتاس جوسپارلاپ، نىسانعا اينالدىرىپ اتقارۋ، ينجەنەريالاندىرىپ ىلگەرىلەتۋ ارقىلى التىشۋار كوشەسىن بىرتىندەپ ىلەنىڭ مادەنيەت پەن ساياحاتتى توعىستىرا دامىتۋدان ۇلگى كورسەتۋ كوشەسىنە اينالدىرىپ، بۇقارانىڭ ”ساياحاتتىڭ يگىلىگىن كورۋىنە“ مۇمكىندىك جاسادى.
ٴىس جۇزىندە، ىلە مەن جياڭسۋ سوناۋ 2 مىڭ جىلدىڭ الدىندا - اق تەرەڭ بايلانىستا بولعان. التىشۋار كوشەسىنىڭ ٴبىر بۇرىشىمەن تۇتاسىپ جاتاتىن جياڭسۋ جولىندا حانجياگۇڭجۋ ەسكەرتكىش سارايى بار. بۇل ەسكەرتكىش سارايى جياڭسۋدىڭ ياڭجوۋ، شۇيجوۋىنان كەلگەن حان اۋلەتى حانىشالارى − ليۋ شيجۇن، ليۋ جيەيوۋدى ەسكە الۋ ٴۇشىن سالىنعان. جاڭا ەرادان بۇرىنعى 105 - جىلدان جاڭا ەرانىڭ 51 - جىلىنا دەيىن ولار ٴۇيسىن كۇنبيىنىڭ (مي، ۋاڭ) حانىمى رەتىندە قازىرگى ىلە وڭىرىندە تۇرمىس كەشىرىپ، ۇلتتاردىڭ توعىسۋى، شەكارا ٴوڭىرىنىڭ قالىپتاسۋى، جىبەك جولىنىڭ دامۋى، باتىس ٴوڭىر باسقاتتىعىنىڭ قۇرىلۋى ٴۇشىن كەلەلى تاريحي ۇلەس قوستى.
ەرەكشەلىككە يە حالىقتىق توسەلحانالارعا جياڭسۋ ەلەمەنتىن ٴسىڭىردى
”كوكتەم مەن جازدا ورىك گۇلى، جابايى شيە گۇلى، جابايى الما گۇلى، جابايى دولانا گۇلى اشىلىپ، قىستا قار گۇلى كورىك قوسادى. قورعاس اۋدانى ’قوس گۇل ەكونوميكاسىن‘ تۇلعالاپ، ساياحاتشىلاردىڭ كوكتەم مەن جازدا گۇل تاماشالاۋعا، قىستا قار شاڭعى تەبۋىنە مۇمكىندىك جاساپ، ٴداستۇرلى ساياحاتتىڭ سايابىر كەزىندەگى توقىراۋ جاعدايىن وزگەرتتى“ دەدى قورعاس اۋداندىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ قاتىستى جاۋاپتىسى.
”ساياحاتشىلاردى جەرگىلىكتى ورىندا ساياحاتتاۋعا باۋراۋ ٴۇشىن جۇڭحۋا فۋشوۋشان كورىنىس رايونى بار ونەرىن سالىپ، ساياحاتشىلاردى ساياحاتتاۋعا باۋرادى. ساياحاتتىڭ قاۋىرت مەزگىلىندەگى ساياحاتشىلاردىڭ %70 ى شينجياڭنىڭ سىرتىنان كەلەدى، تاۋ ەتەگىندەگى تاۋحۋا قىستاعىنداعى حالىقتىق تۇسەلحاناسىنىڭ قوناق قابىلداۋ مولشەرى قازىر كۇنىنە 400 ادامعا جەتەدى، تاياۋ ماڭعا سالىنعان ’جۇلدىز تاماشالاۋ شاتىرى‘ حالىقتىق تۇسەلحاناسى بيىل 6 - ايدا عانا اشىلىپ قوناق قابىلدادى، وسىلايشا ٴبىز توڭىرەكتەگى اس ـ سۋ، جاتىن ورىن، ساياحات، ساۋدا - ساتتىق كاسىپتەرىنىڭ ورنالاسۋىن كەمەلدەندىرۋ ارقىلى ساياحاتشى باۋرادىق“ دەدى ساياحات مەكەمەسىنىڭ جاۋاپتىسى.
تاۋحۋا قىستاعىنداعى 20 نەشە اق قابىرعالى، سۇرعىلت توبەلى قۇرىلىستىڭ كوك اسپان استىندا ەرەكشە كوز تارتىپ، ”ۋشي اسەرى“ دەگەن چاڭجياڭنىڭ وڭتۇستىك جاعالاۋى ۇلگىسىندەگى اۋلا ەسىمى تىلشىنىڭ نازارىن اۋداردى. بۇل ارانىڭ قىستاق تۇرعىندارى كوزدى اشىپ - جۇمعانشا ”حالىقتىق تۇسەلحانانىڭ قوجايىنىنا“ اينالىپ، ىرگەدە جۇمىستانۋدى جۇزەگە اسىردى. قازىر تاۋحۋا قىستاعىنىڭ ەرەكشەلىككە يە حالىقتىق تۇسەلحاناسى جەرگىلىكتى ورىنداعى 40 نەشە ادامنىڭ جۇمىستانۋىنا كومەكتەسىپ، بۇكىل قىستاق تۇرعىندارىنىڭ كىسى باسىندىق جىلدىق ورتاشا كىرىسى 2000 يۋان جوعارىلادى. ”ۋشي اسەرى“ حالىقتىق تۇسەلحاناسىنىڭ قوجايىنى ياڭ يۇيلان قوناق بولمەسىن تازالاپ جاتىر، قازىر ول وسى حالىقتىق تۇسەلحانادان جىلىنا شامامەن 50 مىڭ يۋان كىرىس كىرگىزەدى، ”ٴومىر بويى ەگىنشى بولدىم، ەگىن ەگۋدەن سىرت تاعى ’ساياحاتتان يگىلىكتەنە‘ الامىن دەپ ويلاماعان ەدىم“ دەدى ول. داشيگۋ اۋىلى تاۋحۋا قىستاعىنىڭ قاتىستى جاۋاپتىسى بىلاي دەدى: ”جياڭسۋ ولكەسى ىلەنىڭ دامۋىنا باستان ـ اياق بار كۇشپەن كومەكتەسىپ كەلەدى، بۇقارا وسى ’جياڭسۋ - ىلە سۇيىسپەنشىلىگىن‘ ساعىنا ەسكە الادى، جەرگىلىكتى ورىندا ەرەكشەلىككە يە حالىقتىق تۇسەلحانانى دامىتۋمەن بىرگە، جياڭسۋ فاكتورىن دا وعان ٴسىڭىردى“.
ۇلان - بايتاق نارات اقوزەن جايلاۋىنان وزىندىك ەرەكشەلىككە يە قازانشى ۇلتتىق سالت - سانا ساياحات رايونىنا دەيىن، عاجاپقا تولى داشيگوۋ فۋشوۋشانعا دەيىن، ودان ارى قاراي ... ىلەنىڭ كورىنىسى كوز سۇرىندىرىپ، ساياحات بايلىق ابزالدىلىعى باسىم. بىرنەشە جىلدان بەرى، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى ىلە وزەنى اڭعارىن دۇنيە جۇزىلىك دەڭگەيدەگى ساياحات نىسانالى جەرى ەتىپ قۇرىپ شىعۋ نىساناسىن ارقاۋ ەتىپ، مادەنيەت، ساياحات ىستەرىن دامىتۋ ارناۋلى قارجىسىن ورنالاستىرۋعا قولداۋ كورسەتىپ، ىلە مادەنيەت، ساياحات كاسىىپ سالاسىن جوعارى ساپالى دامىتۋدىڭ 3 جىلدىق ارەكەت جوسپارىن جوعارى دەڭگەيدە جاساپ، نارات كورىنىس رايونىن، كەڭساي - سايرام كورىنىس رايونىن كەڭەيتىپ، جاڭالاپ، دارەجەسىن جوعارىلاتۋدى بەلسەنە ىلگەرىلەتىپ، جۇڭگو ىلە تۇلپارى حالىقارالىق ساياحات مەرەكەسى، چوڭ قۇشتاي حالىقارالىق باياۋ تۇرمىس قالاسى سياقتى ساياحات ماركاسىن جاراتىپ، كورىنىس، ٴونىم، قالا، قالاشىقتار ٴبىر تۇلعالانىپ دامىعان دۇنيە جۇزىلىك دەڭگەيدەگى ساياحات تانىسقىسىن ونان ارى جانداندىرماقشى. ساياحاتتاعى كەلەلى نىساندارعا قولداۋدى كۇشەيتىپ، ۋشي ليڭشان توبى حالىقارالىق ساحاراداعى حالىقتىق تۇسەلحانا قىستاعى − قايىڭدى ساي . نيانحۋاۋان، سونداي ـ اق حالىقارالىق دەمالىس، كۇتىنۋ ورنى − نارات . نيانحۋاۋان، دۇنيە جۇزىلىك تاۋ ساياحاتى كوزەۋلى ورنى − المالى، ايگىلى شينشۋەليان اڭعارىنىڭ قار شاڭعى الاڭى جانە قايىڭدى ساي قار ـ مۇز سايران باقشاسىن جوبالاپ قۇردى. قولايلى دا تەز اۋە ٴدالىزىن كۇش سالا قۇرىپ، نانجيڭ، ۋشي، جىڭجوۋ، نيڭبودان قۇلجا، موڭعۇلكۇرە، ۇرىمجىگە دەيىنگى اۋە لەنيالارىن اشۋعا قولداۋ كورسەتىپ، تۇنەۋگە بولاتىن كەزەكشى ۇشاق بازاسىن قۇرماقشى. ”جياڭسۋلىقتار ىلەنى ساياحاتتاۋ“ ارەكەت جوسپارىن اتقارىپ، شينجياڭعا ساياحاتتاي باراتىن ۇشاق ۇيىرمەلەرىن، ساياحات ارناۋلى پويەزدەرىن 200 رەتتەن استام ۇيىمداستىرىپ، رەت - سانى بويىنشا 100 مىڭنان استام ساياحاتشى تاسىمالدادى، جياڭسۋدان شينجياڭعا ساياحاتتاي كەلگەن ساياحاتشىلار رەت - سانى بويىنشا 10 ميلليوننان استى. مەملەكەتتىك جالپى وڭىرلىك ساياحاتتان ۇلگى كورسەتۋ رايونىنان بىرەۋىن، اۆتونوميالى رايون دارەجەلى تۇتاس وڭىرلىك ساياحاتتان ۇلگى كورسەتۋ رايونىنان ەكەۋىن ٴساتتى قۇرۋعا قولداۋ كورسەتىپ، ىلە ساياحات كاسىبى سالاسىنىڭ نەگىزگى كورسەتكىشتەرى بۇكىل شينجياڭنىڭ الدىڭعى قاتارىنان ورىن الۋىن جەبەدى. ىلە ساياحات كاسىبى سالاسىنىڭ نەگىزگى كورسەتكىشتەرى بۇكىل شينجياڭنىڭ الدىڭعى لەگىندە تۇرۋى ەكونوميكانىڭ دامۋىن ىلگەرىلەتۋدە، ۇلتتار ىنتىماعىن جەبەۋدە بەلسەندى رول اتقارىپ، مادەنيەت، ساياحات مينيسترلىگىنىڭ، اۆتونوميالى رايوننىڭ نەگىزگى باسشىلارىنىڭ تولىق تۇراقتاندىرۋىنا يە بولدى.