ەرىكتى ٴتىلشى جاڭ يۋان حابارلايدى. جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابىنىڭ بەلسەنە جەبەۋىندە 8 - ايدىڭ 9 - كۇنى ياڭجوۋ داشۋەسى كۇنەس اۋدانىمەن، چاپچال سىبە اۆتونوميالى اۋدانىمەن جانە قورعاس اۋدانىمەن قۇلجا قالاسىندا ياڭجوۋ داشۋەسىنىڭ ىلە وبلىسىنداعى مەكتەپتەرمەن، جەرگىلىكتى ورىندارمەن سەلبەستىك جاساسۋ جانە كەلىسىمگە قول قويۋ، ماڭدايشالىق اشۋ سالتىن وتكىزدى. ياڭجوۋ داشۋەسىنىڭ باستىعى ديڭ جياننيڭ، مەكتەپتىڭ ورىنباسار باستىعى ساي يىڭۋي، مەكتەپ پارتكومىنىڭ بۇرىنعى شۋجيى ياۋ گۋانشين، بۇرىنعى ورىنباسار شۋجيى يە بايسىن، ىلە وبلىستىق پارتكومنىڭ ورىنباسار شۋجيى، جياڭسۋدىڭ ىلەگە كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى جاۋ چيڭحۇڭ قاتارلىلار كەلىسىمگە قول قويۋ، ماڭدايشالىق اشۋ سالتىنا قاتىناستى.

قول قويۋ سالتىندا چاپچال اۋدانى مەن ياڭجوۋ داشۋەسى «چاپچال اۋدانىنىڭ اۋىل شارۋاشىلىعىن جوبالاۋ كەلىسىمىنە»، «سيفرلاندىرىلعان، ولشەمدەندىرىلگەن كۇرىش ەگۋدەن جانە كۇرىش سورتىن ساپالىلاندىرۋدان ۇلگى كورسەتۋ، جالپىلاستىرۋ كەلىسىمىنە»، «كۇنەس اۋدانى مەن ياڭجوۋ داشۋەسى «سيفرلاندىرىلعان، ولشەمدەندىرىلگەن اۋىل شارۋاشىلىعى عىلىم - تەحنيكاسىنان ۇلگى كورسەتۋ، جالپىلاستىرۋ سەلبەستىك كەلىسىمىنە»، قورعاس اۋدانى مەن ياڭجوۋ داشۋەسى «ياڭجوۋ داشۋەسىنىڭ (ىلە) اۋىل - قىستاقتى گۇلدەندىرۋدى زەرتتەۋ ورنىن بىرگە قۇرۋ سەلبەستىك كەلىسىمىنە» قول قويدى.

ىلە − شينجياڭنىڭ اۋىل شارۋاشىلىعىنداعى ٴىرى وبلىس، ەرەكشە جاراتىلىستىق بايلىق ابزالدىعىنا يە ٴارى بۇكىل شينجياڭداعى ماڭىزدى استىق، مايلى داقىل، كوكونىس ٴوندىرۋ بازاسى. جاقىنعى جىلداردان بەرى ىلە وبلىسىنىڭ اۋىل شارۋاشىلىعى، اۋىل - قىستاق قىزمەتى وبلىستىق پارتكوم مەن ۇكىمەتتىڭ پارمەندى باسشىلىعىندا وسى زامانعى اۋىل شارۋاشىلىعى ٴوندىرىسى جۇيەسىن، تيجارات جۇيەسىن، كاسىپ سالاسى جۇيەسىن قۇرۋدى نىسانا، استىقتان مول ٴونىم الۋدى ٴتۇيىن، ”جەردەن قالاي پايدالانۋ“، ”ادامدار قايدا بارۋ“، ”كاسىپ سالاسىن قالاي قۇرۋ“ دەگەندى قامال الۋ ٴتۇيىنى ەتىپ، بايلىق ابزالدىعىن تولىق ساۋلەلەندىرىپ، تۇقىم جانە ەگىستىك جەر سىندى ەكى ٴتۇيىندى مىقتى يگەرۋدى كورنەكتىلەندىرىپ، استىق ٴوندىرىس قۋاتىن جوعارىلاتۋ مەن استىقتان مول ٴونىم الۋدىڭ 3 جىلدىق قيمىلىن ىشكەرىلەي ورىستەتىپ، تۇيىندەر ارقىلى كولەمگە جەتەكشىلىك ەتىپ، بىرلىك ٴونىمدى جوعارىلاتىپ، جالپى ٴونىمدى ارتتىرىپ، اۋىل شارۋاشىلىعىنىڭ شوعىرلى ٴوندىرىسىن، كولەمدەنگەن تيجاراتىن، كاسىپ سالالانىپ دامۋىن ىلگەرىلەتىپ، اۋىل شارۋاشىلىعى، اۋىل - قىستاق ەكونوميكاسىندا تاماشا دامۋ جاعدايىن ساقتاپ، بۇكىل وبلىستىڭ ەكونوميكاسى مەن قوعامىنىڭ دامۋ جالپى جاعدايىن ورنىقتىرۋعا بەرىك نەگىز قالادى.

ياڭجوۋ داشۋەسى − جياڭسۋ ولكەسىنە قاراستى ٴتۇيىندى جوعارى مەكتەپ. جاقىنعى جىلداردان بەرى بۇل مەكتەپ اۋىل شارۋاشىلىعىن الۋەتتەندىرۋدى، گۇلدەندىرۋدى ٴوز مىندەتى ەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ مەن اۋىل - قىستاقتى گۇلدەندىرۋ قاجەتىنە ىرىقتىلىقپەن ۇشتاسىپ، اۋىل شارۋاشىلىعىندا جاڭالىق اشاتىن تاڭداۋلى، امبەباپ ىسكەر دارىندىلاردى كۇش سالا جەتىلدىرىپ، ەلىمىزدىڭ ەگىس داقىلدارى وندىرىسىندەگى كەلەلى نازاريالىق جانە ٴىس جۇزىندىك ماسەلەلەردى تىعىز ارقاۋ ەتە وتىرىپ، عىلمي زەرتتەۋدەن قامال الۋ ارەكەتىن ورىستەتىپ جانە جەتىستىكتەردى كادەگە جاراتىپ، تالاي رەت مەملەكەتتىڭ جانە ولكە، مينيستر دارەجەلى ورىنداردىڭ ماداقتاۋىنا يە بولدى. 

ەكى جاقتىڭ اناعۇرلىم كەڭ سالادا، اناعۇرلىم تەرەڭ ساتىدا، اناعۇرلىم جوعارى دەڭگەيدە مەكتەپ پەن جەرگىلىكتى ورىنداردىڭ سەلبەستىگىن باستاۋى ٴداۋىردىڭ دامۋىنا سايكەسۋ شاراسى ٴارى ٴوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋ شاراسى بولىپ، بولاشاعى زور. 

سالتتا جاۋ چيڭحۇڭ جانە ديڭ جياننيڭ قاتارلى باسشىلار جەكە - جەكە ياڭجوۋ داشۋەسى (ىلە) اۋىل - قىستاقتى گۇلدەندىرۋدى زەرتتەۋ ورنىنىڭ، ياڭجوۋ داشۋەسى كۇرىش ەگۋ جانە تۇقىم سورتىن ساپالىلاندىرۋ ينجەنەريا - تەحنيكا ورتالىعىنىڭ، ياڭجوۋ داشۋەسى اۋىل شارۋاشىلىعى ماشينالارىنان ۇلگى كورسەتۋ، جالپىلاستىرۋ ورتالىعىنىڭ ماڭدايشالىعىن اشتى.