شىنجىننىڭ شينجياڭعا كومەكتەسۋى:

قاشقاردىڭ دامۋىنا ەرەكشە رايون كۇشىن قوستى

□ انار بۇلت \ شينجياڭ گازەتىنىڭ ءتىلشىسى سۇڭ ۋيگو

ءبىر قالا وتانىمىزدىڭ نانحاي تەڭىزىنىڭ جاعاسىنا ورنالاسقان، رەفورما جاساۋ، ەسىك اشۋدىڭ تەرەزەسى، رەفورما جاساۋ، ەسىك اشۋدىڭ دامۋ تاريحىن ۇزدىكسىز ەستەلىككە الۋدا؛ ال ەندى ءبىر قالا وتانىمىزدىڭ باتىس بولىگىندەگى شەكارا وڭىرگە ورنالاسقان، جىبەك جولىنداعى ماڭىزدى ساۋدا قالاسى. وسى ەكى قالا شينجياڭ سىندى ۇلكەن شاحمات تاقتاسىندا ماڭىزدى رول اتقارۋدا.

2020 - جىلى شينجياڭعا كومەكتەسەتىن 10 - توپتاعى كادر - دارىندىلار شينجياڭعا كەلگەننەن بەرى ەكى قالانىڭ دوستىعى ۇزدىكسىز تەرەڭدەدى، شىنجىن قالالىق پارتكوم مەن ۇكىمەت وسكەلەڭ ساياسي جاۋاپكەرشىلىكپەن جانە بورىشتىلىق سەزىممەن شينجياڭعا كومەكتەسۋ ىستەرىنە بۇرىن بولماعان تەبىنمەن ات سالىسىپ، قاشقار قالاسىنىڭ دامۋىنا ەرەكشە رايون كۇشىن قوستى.

كاسىپ سالاسىنىڭ دامۋ ومىرشەڭدىگى كۇشەيدى

رەفورما جاساۋ، ەسىك اشۋدىڭ تەرەزەسى بولعان شىنجىن قالاسى ەجەلدەن كاسىپ سالاسىن دامىتۋعا باسا ءمان بەرىپ كەلەدى، شينجياڭعا كومەكتەسۋ بارىسىندا دا وسىلاي ىستەدى.

شىنجىن قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەب قولباسشىلىق شتابى قاشقار قورعامالى باجىسىز اۋماق قىزمەتىن ىلگەرىلەتۋدى كۇش سالا قولداپ، شىنجىن يانتيانگاڭ توبى شەكتى سەرىكتەستىگى قورعامالى باجىسىز اۋماعىنىڭ جۇمىس جاساۋىنا جالپى بەتتىك جەتەكشىلىك ەتتى. قازىر اۋماقتا تىركەۋگە الىنعان كاسىپورىن 262گە، تىركەۋگە الىنعان قارجى 2 ميلليارد 570 ميلليون يۋانعا جەتىپ، 2022 - جىلى ورىنداعان ەكسپورت - يمپورت ساۋدا سوماسى 28 ميلليارد 200 ميلليون يۋانعا جەتىپ، سول تۇستاعىدان ％8. 661 ارتىپ، سىرتقى ساۋدانىڭ جالپى قۇنى مەن ارتۋ مولشەرى بۇكىل شينجياڭداعى 4 قورعامالى باجىسىز اۋماقتا 1 - ورىندا تۇردى.

سونىمەن قاتار شىنجىننان كەلگەن شينجياڭعا كومەكتەسەتىن كۇشتەر قاشقار شىنجىن قالاسىندا "N+1" كوپ بولىپ شارۋاشىلىق قۇرۋ، جالپى قاۋىم جاڭالىق اشۋ بويىنشا بازا باسقارۋ ۇلگىسىن جاسامپازدىقپەن تۇلعالادى، جۇڭگو عىلىم - تەحنيكا وركەندەتۋ ورنىن شىنجىن − قاشقار عىلىم - تەحنيكادا جاڭالىق اشۋ ورتالىعىنىڭ جۇمىسىن جۇرگىزۋگە ەنگىزدى. قازىر 201 كاسىپورىن ىرگە تەۋىپ، جاڭالىق اشۋ، شارۋاشىلىق قۇرۋ ۇجىمى 37گە جەتتى. شىنجىن − قاشقار عىلىم - تەحنيكادا جاڭالىق اشۋ ورتالىعى اۆتونوميالى رايوننىڭ 2022 - جىلعى عىلىم - تەحنيكادا جاڭالىق اشۋ بويىنشا جالپىلىق باعالاۋىندا وڭتۇستىك شينجياڭ بويىنشا 1 - ورىندا بولدى. شىنجىن قالاسى شىنجىن − قاشقار سيفرلى ەكونوميكا (ەلەكتروندى ساۋدا) كاسىپ سالاسى ۇلگى كورسەتۋ بازاسى قۇرىلىسىن ۇزدىكسىز ىلگەرىلەتىپ، 29 اۋىل شارۋاشىلىعى ونىمدەرىن جىنتىكتەي وڭدەۋ جانە ەلەكتروندى ساۋدا ىستەرى كاسىپورنىن ەنگىزىپ، جالپى ساۋدا سوماسى 500 ميلليون يۋانعا جەتتى، قازىر مەملەكەت دارەجەلى ەلەكتروندى ساۋدادان ۇلگى كورسەتۋ بازاسىن قۇرۋعا قۇلشىنۋدا.

”قان قۇيۋ“ قاجەت، ونان دا ماڭىزدىسى، ”قان جاساۋ“ قاجەت. 2020 - جىلدان باستاپ شىنجىننىڭ شينجياڭعا كومەكتەسەتىن كادر - دارىندىلارى قاشقار ايماعىنىڭ ”10 ءىرى كاسىپ سالاسىن“ جەتىلدىرۋ ورنالاستىرۋىمەن تىعىز ۇشتاستىرا وتىرىپ، 3 جىلدان بەرى شينجياڭعا كومەكتەسۋگە 719 ميلليون يۋان قارجى ۇسىنىپ، كاسپ سالاسى جاعىندا شينجياڭعا كومەكتەسەتىن 37 نىسان ورنالاستىرىپ، كاسىپ سالاسى جاعىندا قولداۋ كورسەتۋ، كومەكتەسۋ ارقىلى جۇمىستانۋدى جەبەۋدە ناقتى ونىمدىلىككە قول جەتكىزدى. شىنجىن شينجياڭعا كومەكتەسۋ الدىڭعى شەب قولباسشىلىق شتابى قاشقاردىڭ ساۋداگەر شاقىرۋ تاراۋلارىن ”جاپپاي ساۋداگەر شاقىرۋ، ۇلكەن ساۋداگەر شاقىرۋ“ قيمىلىن ىشكەرىلەي ورىستەتۋگە سايكەستىرىپ، 3 جىلدان بەرى كومەك قابىلداعان جەرگە جيىنى 247 كاسىپ سالاسى نىسانىن، 31 ميلليارد 800 ميلليون يۋان قارجى قوسۋ نيەتناماسىن ەنگىزىپ، جاڭادان 23 مىڭ 700 ادامدى جۇمىستاندىردى.

شىنجىن − قاشقار توتە قاتىنايتىن اۋە لەنياسىن، وڭتۇستىك شينجياڭ تاس جولى جەدەل تاسىمالىن اشىپ، جۇڭگو − قىرعىزستان − وزبەكستان − شىنجىن − گۋاڭجوۋ − قاشقار قوس اينالىمدى كوپ ۇلگىدەگى بىرلەسكەن تاسىمال كەزەكشى پويەزدەرىنىڭ قاتىناۋىن ۇدايىلاندىرا ىلگەرىلەتتى... شىنجىن شينجياڭعا كومەكتەسۋ الدىڭعى شەب قولباسشىلىق شتابى قاشقار قالاسىنىڭ ەكونوميكالىق، قوعامدىق دامۋىن ۇزدىكسىز ىلگەرىلەتىپ، "N+1+1" اۋىل شارۋاشىلىعى ونىمدەرىن ساتۋ ۇلگىسىن تەرەڭدەتىپ، بايگويۋانمەن بىرلەسىپ، ”شينجياڭ جەمىس - جيدەك مەرەكەسى“ سياقتى جەلىلەس قيمىلداردى ءۇرتىس ورىستەتىپ، قاشقاردىڭ اۋىل شارۋاشىلىعى ونىمدەرىنىڭ گۋاڭدۇڭ − شياڭگاڭ − اۋمىن ۇلكەن شىعاناق رايونى بازارىمەن ىشكەرىلەي توعىسۋىن تۇرلىشە شارانى قاتار قولدانا وتىرىپ ىلگەرىلەتىپ، 3 جىلدان بەرى تۇتىنۋ ارقىلى كومەكتەسۋ، سۇيەمەلدەۋ بويىنشا 81 مىڭ توننا ءونىمدى كومەكتەسىپ ساتىپ، سوماسى ءبىر ميلليارد 720 ميلليون يۋانعا جەتتى.

دارىندى جەتىلدىرۋى تەبىندى بولدى

ەمدەۋ جاعىنان شينجياڭعا كومەكتەستى، وقۋ - اعارتۋ جاعىنان شينجياڭعا كومەكتەستى، عىلىم - تەحنيكا دارىندىلارى ۇيىرمە قۇراپ شينجياڭعا كومەكتەستى... 2020 - جىلدان بەرى شىنجىن شينجياڭعا كومەكتەسۋ الدىڭعى شەب قولباسشىلىق شتابى ءتىپتى دە كوپ، ءتىپتى دە ۇزدىك دارىندىلار قوسىنىن قاشقار قالاسىنا ۇزدىكسىز جىبەرىپ تۇردى.

پارمەندى ساياساتتىق جەتەكشىلىك ەتۋدە جانە شينجياڭعا كومەكتەسەتىن دارىندىلاردىڭ ۇزدىكسىز قۇلشىنۋىندا، دارىندىلار جاعىنان شينجياڭعا كومەكتەسۋ قىزمەتىندە ءبىر - بىرلەگەن تابىستارعا قول جەتتى: ەمدەۋ جاعىنان شينجياڭعا كومەكتەسۋ ۇجىمى ءبىر توپ شۇعىل، قيىن، قاتەرلى، اۋىر ەمدەۋ مىندەتىن ورىنداپ، 52 جاڭا تەحنيكا، جاڭا نىسان ورىستەتىپ، 9 عىلمي زەرتتەۋ نىسانىن بەكىتۋدەن وتكىزدى؛ وقۋ - اعارتۋ جاعىنان شينجياڭعا كومەكتەسۋ ۇجىمى جەرگىلىكتى ورىنداعى 640 نەشە وقىتۋشىعا كومەكتەسىپ، جەتەكتەپ، 32 مىڭنان استام (رەت) وقىتۋشى تاربيەلەدى، شىنجىن تاجىريبە مەكتەبى قاشقار تاجىريبە مەكتەبىمەن ىرىقتى تۇردە جۇپ قۇراپ، بىرگە قۇرىپ ءارى ۇزدىك وقىتۋشىلاردى قاشقارعا تاڭداپ جىبەرىپ، وقىتۋ دەڭگەيىن جوعارىلاتۋعا جاپپاي كومەكتەستى؛ عىلىم - تەحنيكا دارىندىلارىنىڭ شينجياڭعا كومەكتەسۋ توبى عىلمي زەرتتەۋ جاعىندا ۇيرەتۋ، كومەكتەسۋ، جەتەكتەۋ فورماسىمەن 400دەن استام قاتىستى تەحنيك تاربيەلەدى. شىنجىن شينجياڭعا كومەكتەسۋ الدىڭعى شەپ قولباسشىلىق شتابى شىنجىن كوممۋنيستىك جاستار وداعى قالالىق كوميتەتىمەن سەلبەسىپ، ۇدايىلانعان دارىندىلار ەرىكتى قىزمەت وتەۋ مەحانيزمىن ورناتىپ، شىنجىننىڭ جوعارى مەكتەپتەرىمەن بىرلەسىپ كاسىپتىك دارىندىلار، داشۋە وقۋشىلارى ەرىكتىلەرىن قاشقارعا بارىپ كومەكتەسۋ، قىزمەت وتەۋ ورىستەتۋگە جينادى، تاڭداپ قابىلدادى.

2022 - جىلى 6 - ايدا ”پىڭچىڭ اكادەميكتىڭ شينجياڭ ساپارى“ سياقتى جەلىلەس قيمىلداردى ۇيىمداستىرىپ ورىستەتتى، جۇڭگو ينجەنەريا اكادەمياسىنىڭ اكادەميگى گاۋ ۋىن قاتارلى 11 اكادەميك ەكى توپقا ءبولىنىپ قاشقارعا كەلىپ، جاساندى زەردە، ساندى مالىمەتتىك ەسەپتەۋ قابىلەتى، بيولوگيالىق ءدارى - دارمەك سياقتى الدىڭعى لەكتەگى عىلىم - تەحنيكانىڭ دامۋ بەتالىسى جونىندە جەتەكشىلىك ەتىپ، پىكىر اۋىستىردى؛ تىڭشۇن، جۇڭگو اۋىل شارۋاشىلىق عىلىم اكادەمياسى سياقتى قۇرىلىمداردىڭ قاشقار اۋىل شارۋاشىلىق عىلىم - تەحنيكادا جاڭالىق اشۋ ورتالىعى سياقتى نىسان قۇرىلىستارىن ورىستەتۋىن زور كۇشپەن ىلگەرىلەتىپ، قولداۋ كورسەتتى؛ قاشقار داشۋەسىنىڭ كاسىپتىك تولىق كۋرس وقۋ - اعارتۋى دۇڭچىڭ مەكتەپ رايونى قۇرىلىسىنا زور كۇشپەن قولداۋ كورسەتىپ، قاشقار داشۋەسى ساياحات شۋەيۋانىنىڭ قۇرىلۋىنا جانە ءپان قۇرىلىسىنا قولداۋ كورسەتتى. قاشقاردىڭ قوعامدىق، ەكونوميكالىق دامۋىنا دارىندىلار جاعىنان ۇزدىكسىز پارمەندى تىرەك ازىرلەدى.

2022 - جىلى 7 - ايدا شىنجىن قالالىق دارىندىلار زەرتتەۋ - ۇيرەنۋ بازاسى (قاشقار) قۇرىلدى ءارى شىنجىن − قاشقار دارىندىلار زەرتتەۋ - ۇيرەنۋ ورنىن قۇرۋ قىزمەتىن باستادى. شىنجىن − قاشقار ەكى جەردىڭ بىرگە ىلگەرىلەتۋىندە، شىنجىن − قاشقار دارىندىلار قىزمەتىنىڭ ىقپالداستىق بايلانىس تۇعىرى مەن مەحانيزم قۇرىلىسى شىت جاڭا كەزەڭگە قادام تاستاپ، شىنجىن مەن قاشقار قوس باعىتتى دارىندىلار اۋىس - كۇيىسى مەن دامىپ جەتىلۋىنىڭ ۇدايىلانعان، باياندى ۋاقىت - كەڭىستىك تۋنەلىن سالدى.

مادەنيەتتى جالعاستىرۋدىڭ مايەگى ارتا ءتۇستى

قازىرگە دەيىن ”پامير ءۇنى· 2022 تۇڭعىش كەزەكتى حالىقارالىق ۇلتتار مۋزيكا فەستيۆالىنا“ قاتىناسقان كوپتەگەن ادامدار پامير ۇستىرتىندەگى ۇيقىسىز تۇندەردى، ۋاقىت پەن كەڭىستىكتەن اتتاپ وتكەن تارتىمدى بىرگە ورىنداعان قويىلىمداردى، قۇلاققا تانىس كلاسسيكالىق كۇيلەردى ماڭگى ۇمىتا المايدى. وسى وزگەشە تارتىمدى مۋزيكا فەستيۆالى جاڭا داۋىردەگى شىنجىن مادەنيەتىنىڭ شينجياڭدى نارلەندىرۋ جەتىستىكتەرىنىڭ جاندى بەينەسى.

3 جىلدا شىنجىن شينجياڭعا كومەكتەسۋ الدىڭعى شەپ قولباسشىلىق شتابى قاشقار قالاسىندا ايقىن داۋىرلىك تاقىرىپ پەن ۇلتتىق ەرەكشەلىككە يە ءبىر توپ مادەنيەت ونىمدەرىن اشىپ، ”ءداۋىر ونەگەسى“ تاجىك شەكارا كۇزەتشىسى لاچين بايەكەنىڭ قاھارماندىق ىزگى ىستەرى مۋزيكالىق تەاترىن جازۋعا بار كۇشپەن قولداۋ كورسەتىپ، وڭتۇستىك شينجياڭنىڭ كوپ نەگىزدى مادەنيەتىن ايگىلەيتىن مور بۇتحاناسىنىڭ ەسكى جۇرت باقشاسىن قۇرۋعا قولداۋ كورسەتىپ، شىنجىن گازەتشىلىك توبىمەن، گيمالاي Appىمەن بىرلەسىپ ”قىزىل انار وتاندىق ءىلىم قولداعى اسىلىن“ بىرگە اشىپ، شىنجىننىڭ قاتىستى قۇرىلىمدارى مەن كاسىپورىندارىن مەملەكەتتە ءبىر تۇتاس قولدانىلاتىن تىلدە وقۋ اسپابىنان 15 مىڭنان استامىن بالالارعا جىلۋعا اتاپ تاراتىپ بەرۋگە جۇمىلدىردى، وتاندىق ءىلىم مادەنيەتىمەن نارلەندىرۋدى ستەرەولدى، توقتاۋسىز ورىستەتۋدى بار كۇشپەن ىلگەرىلەتتى.

قاشقار داشۋەسىنە شىنجىنداعى ايگىلى قالا ءمۇسىنى «ۇمتىلۋدى» جىلۋعا اتاپ، شىنجىن مەن قاشقاردىڭ قول ۇستاسا وتىرىپ ەسىك اشۋدىڭ، جاڭالىق جاراتۋدىڭ، وركەنيەتتىڭ جاڭا ءورىسىن بىرگە اشقاندىعىن ايگىلەدى؛ قاشقار قالاسى پاحتاكلا اۋىلىندا ”100 جىلدىق قاشقار سارايى“ قىزىل وتانشىلدىق تاربيە بازاسىن قۇرۋعا قولداۋ كورسەتىپ، قاشقار قالاسىنداعى 55 ورتا، باستاۋىش مەكتەپتە جاستار مەن ورەندەردىڭ وتاندىق ءىلىم، تەاتر كوركەمونەر ۇيىمدارىن قۇرۋدى ىلگەرىلەتۋگە قولداۋ كورسەتتى.

3 جىلدىق شينجياڭعا كومەكتەسۋ جولىندا قاشقارداعى 210 مىڭنان استام ءار ۇلت جاس ءوسپىرىم وقۋشىلار حات ارقىلى شىنجىنداعى وقۋشىلارمەن جۇپ قۇرادى. ”ۇلتتار ىنتىماعىنىڭ بەرەكەلى شاڭىراعى“ جەلىلەس قيمىلىن ۇدايىلاندىرىپ ىلگەرىلەتىپ، ىلگەرىندى - كەيىندى شىنجىن مەن قاشقار ەكى جەردەگى 225 وتباسىن جۇپ قۇراپ، تۋىس بولۋعا ۇيىمداستىردى. ولار نە وڭتۇستىك تەڭىز جاعالاۋىنا، نە باتىس وڭىردەگى بايىرعى قالاعا ساياحاتتاي باردى، ەكى جەردەگى تۋىستار شات كۇلكى ىشىندە تەرەڭ دوستىق ورناتىپ، تاۋ مەن تەڭىزدى ەندەي وتكەن سۇيىسپەنشىلىكتى تاماشا حيكاياعا اينالدىردى.