ما شيڭرۇي، يىن حۇڭ، ەركىن تۇنياز، ءزۇمىرات وبۇل، جاڭ چۇنلين قيمىلعا قاتىناستى

8 - ايدىڭ 28 - كۇنىنەن 30 - كۇنىنە دەيىن، جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 8 - ايدىڭ 28 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، جياڭشي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى يىن حۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قىزىلسۋ كاسىپتىك تەحنيكالىق شۋەيۋانىندا شينجياڭ قومىز دوسباي ايگىلى ۇستاز شەبەرحاناسىندا قومىزدى جالعاستىرۋ جانە قورعاۋ جاعدايىن ۇعىسۋدا.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 28 - كۇنىنەن 30 - كۇنىنە دەيىن، جياڭشي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى يىن حۇڭ جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەردى، ءتۇيىلىستىردى، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن، پارتيا ورتالىق كوميتەتىنىڭ شينجياڭ قىزمەتى جانە شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرۋدى ارقاۋ ەتە وتىرىپ، ەكى ولكە، اۆتونوميالى رايون اڭگىمە ءماجىلىسىن وتكىزىپ، كومەك كورسەتۋشى، كومەك قابىلداۋشى ەكى جاق قاتىستى سەلبەستىك كەلىسىمىنە قول قويىپ، شينجياڭعا باعىتتامالى كومەكتەسۋ قىزمەتىنىڭ ءۇرتىس ىشكەرىلەي، ناقتى دامۋىن قول ۇستاسا ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قيمىلعا قاتىناستى.

8 - ايدىڭ 28 - كۇنى تۇستەن كەيىن جياڭشي ولكەسى . شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسى اتۇشتا اشىلدى. ما شيڭرۇي بىلاي دەدى: باس شۋجي شي جينپيڭنىڭ اراعا ءبىر جىل سالىپ، شينجياڭعا تاعى كەلىپ، اۆتونوميالى رايوننىڭ جانە بيڭتۋاننىڭ قىزمەت مالىمەتىن ارنايى تىڭداۋى ءارى ماڭىزدى ءسوز سويلەۋى ءبىزدىڭ كورىكتى شينجياڭدى اناعۇرلىم ويداعىداي قۇرۋىمىزعا، شينجياڭعا باعىتتامالى كومەكتەسۋ قىزمەتىن ىلگەرىلەتۋىمىزگە ايقىن العا باسۋ بەتالىسىن كورسەتتى. ۇزاق ۋاقىتتان بەرى جياڭشي ولكەسى شينجياڭعا باعىتتامالى كومەكتەسۋ قىزمەتىن ماڭىزدى ساياسي جاۋاپكەرشىلىك ەتىپ، حالىق تۇرمىسىن نەگىز ەتۋگە، كاسىپ سالاسىن ءتۇيىن ەتۋگە، جۇمىستاندىرۋدى الدىمەن ويلاسۋعا، جوبانى ارقاۋ ەتۋگە، دارىندىلاردى ماڭىزدى ورىنعا قويۋعا تاباندى بولىپ، كومەك قابىلداۋشى جەرگە بار كۇشپەن قولداۋ كورسەتىپ، كومەك بەرىپ، شينجياڭنىڭ رەفورماسىن، دامۋىن، ورنىقتىلىعىن پارمەندى ىلگەرىلەتتى، اۆتونوميالى رايوندىق پارتكوم، ۇكىمەت جانە تۇتاس رايونداعى ءار ۇلت حالقى مۇنى ەستەن شىعارمايدى، شىن جۇرەكتەن العىس ايتادى. كەزەكتە جياڭشي، شينجياڭ ەكى ولكە، اۆتونوميالى رايون دا دامۋدىڭ ماڭىزدى ستراتەگيالىق وراي مەزگىلىندە تۇر، اسىرەسە، جياڭشي ”3 ۇلكەن بيىكتى“ بار كۇشپەن تۇلعالاپ، ”5 ۇلكەن ستراتەگيانى“ اتقارىپ، جوعارى ساپالى دامۋدى بۇلجىماي ىلگەرىلەتۋدە، ەكى جەردىڭ سەلبەستىگى جاڭا ورايعا، جاڭا كەڭىستىككە ءدوپ كەلدى. جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ وسى رەت شينجياڭعا كەلىپ تەكسەرۋ جۇرگىزۋى ەكى ولكە، اۆتونوميالى رايون اۋىس - كۇيىسىن، سەلبەستىگىن پارمەندى جەبەيتىندىگى، شينجياڭعا باعىتتامالى كومەكتەسۋدىڭ تىڭ تابىسقا قول جەتكىزۋىن ىلگەرىلەتەتىندىگى ءشۇباسىز، ەكى جاقتىڭ سەلبەستىك مەحانيزمىن ونان ارى كەمەلدەندىرىپ، شينجياڭعا باعىتتامالى كومەكتەسۋدىڭ جوعارى ساپالى دامۋىن تىڭعىلىقتى ىلگەرىلەتىپ، اۋىس - كۇيىستىڭ، سەلبەستىكتىڭ تەرەڭدىگىن ۇزدىكسىز كەڭەيتۋىن ءۇمىت ەتەمىن. نەگىز قالاۋدى، ۇزاق بولاشاققا پايدالى بولۋدى كوزدە ۇستاپ، كومەك قابىلداعان جەرلەردىڭ ءىس جۇزىندىگىن تياناق ەتىپ، شينجياڭعا كومەكتەسۋ بايلىق كۇشىن بىرىكتىرىپ، ءبىر توپ ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ءتۇيىندى قىزمەتتى دالمە - ءدال ىلگەرىلەتىپ، ولقىلىقتاردى تولىقتاۋعا، ءالسىز تۇستاردى كۇشەيتۋگە كۇش ۇستەپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. ءوزارا تيىمدىلىك جاساۋدى، ءوزارا پايدا جەتكىزۋدى، تەڭ يگىلىككە كەنەلۋدى كوزدە ۇستاپ، باسىمدىققا يە كاسىپ سالالارى ىستەستىگىن تەرەڭدەتىپ، ساۋدا اۋىس - كۇيىسىن، سەلبەستىگىن كۇشەيتىپ، وزىندىك ەرەكشەلىككە يە وسىزاماندانعان كاسىپ سالاسى جۇيەسىن تۇلعالاپ، ىشكى قۇرلىقتىق وڭىرلەردىڭ رەفورما جاساۋىن، ەسىك اشۋىن، شەكارا بويىنداعى وڭىرلەردىڭ ەسىك اشىپ بىرلەسىپ ارەكەتتەنىپ دامۋىن كۇشەيتىپ، ەسىك اشۋدىڭ بيىگىن بىرگە قالىپتاستىرۋ كەرەك. ارالاسۋدى، ىشتەسۋدى، توعىسۋدى كوزدە ۇستاپ، ەكى جەردەگى ادامداردىڭ اۋىس - كۇيىسىن، بارىس - كەلىسىن، مادەنيەت پەن ساياحاتتىڭ ءوزارا تولىقتاپ، بىرگە ىلگەرىلەۋىن جەبەپ، شينجياڭدى مادەنيەتپەن نارلەندىرۋدى ىلگەرىلەتۋگە كۇش ۇستەپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن شىنايى يگەرۋ كەرەك. شينجياڭ الداعى جەردە بار كۇشپەن تاماشا شارت - جاعداي جاراتىپ، ۇلاستىرۋ، تياناقتاندىرۋ، كەڭەسۋ، ءتۇيىلىستىرۋ قىزمەتىن بەلسەنە ويداعىداي ىستەپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن اشۋىن ىلگەرىلەتەدى.

يىن حۇڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايوندىق پارتكوم، ۇكىمەت جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ”5 ۇلكەن ستراتەگيالىق ورىن تۇراقتاندىرۋىن“ مۇقيات تياناقتاندىرىپ، باياندى تىنىشتىققا ساياساتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە تىڭ ىلگەرىلەۋشىلىكتەرگە ۇزدىكسىز قول جەتكىزدى. جياڭشي ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە باستان - اياق وسكەلەڭ ءمان بەرىپ، ”شينجياڭعا كومەكتەسۋ دەگەنىمىز جياڭشيدى كوركەيتۋ“ دەگەن ۇستانىم ورناتىپ، ورتالىقتىڭ تالابىنا ۇيلەسەتىن، قىزىلسۋ وبلىسىنىڭ جانە اقتاۋدىڭ ءىس جۇزىندىگىنە ساي كەلەتىن، جياڭشي ەرەكشەلىگىنە باي شينجياڭعا كومەكتەسۋدىڭ جاڭا جولىن اشتى. قىزىلسۋ وبلىسىنىڭ اقتاۋ اۋدانىنا باعىتتامالى كومەكتەسۋ قىزمەتىن ويداعىداي ىستەۋ پارتيا ورتالىق كوميتەتىنىڭ جياڭشيعا جۇكتەگەن ساياسي مىندەتى ءارى جياڭشيدىڭ بۇلتارماس داڭقتى بورىشى. ءبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بورىش ارقالاۋدى كۇشەيتىپ، شينجياڭعا باعىتتامالى كومەكتەسۋ كەلەلى ساياسي جاۋاپكەرشىلىگىن باتىل ارقالاپ، دالمە - ءدال كۇش سالۋعا تاباندى بولىپ، باياندى دامۋعا باسا ءمان بەرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ اناعۇرلىم زور تابىسقا قول جەتكىزۋىن قۇلشىنا ىلگەرىلەتەمىز. حالىق تۇرمىسى جاعىنان شينجياڭعا كومەكتەسۋدى جاپپاي ىلگەرىلەتىپ، وقۋ - اعارتۋ، ەمدەۋ سياقتى حالىق تۇرمىسى ناقتى ىستەرىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ ويداعىداي بىتىرەمىز؛ كاسىپ سالاسى ارقىلى شينجياڭعا كومەكتەسۋدى ناقتى ىلگەرىلەتىپ، جياڭشي مەن قىزىلسۋ وبلىسىنىڭ ەنەرگيا، كەن ونىمدەرى، ءۇي جيھازدارى كاسىپ سالاسى سياقتى سالالارداعى سەلبەستىگىن تەرەڭدەتىپ، جەرگىلىكتى ورىننىڭ ەرەكشەلىككە، باسىمدىققا يە كاسىپ سالالارىن دامىتۋىن، زورايتۋىن قولدايمىز؛ دارىندىلار، اقىل - پاراسات جاعىنان شينجياڭعا كومەكتەسۋدى كەڭەيتىپ، دارىندىلاردىڭ ”ۇيىرمە قۇراۋ فورماسىندا“ شينجياڭعا كومەكتەسۋىن ىلگەرىلەتىپ، جوعارى دەڭگەيلى، تۇراقتاپ تۇراتىن دارىندىلار قوسىنىن سومدايمىز؛ جۇمىستاندىرۋ جاعىنان شينجياڭعا كومەكتەسۋدى تىڭعىلىقتى ىلگەرىلەتىپ، شەبەرلىك جاعىنان كومەكتەسۋدى - سۇيەمەلدەۋدى بەلسەنە ورىستەتىپ، جۇمىستانۋ قابىلەتىن جوعارىلاتىپ، جياڭشي - شينجياڭ ەڭبەككۇش ىستەستىگىن ىلگەرىلەتەمىز؛ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، جياڭشيدىڭ قىزىل بايلىق باسىمدىعىن ساۋلەلەندىرىپ، ”ۇلتتار ىنتىماعىنىڭ بەرەكەلى شاڭىراعى“ قيمىلى مەحانيزمىن كەمەلدەندىرەمىز. جوعارى ساپالى شينجياڭعا كومەكتەسۋشى كادر - دارىندىلار قوسىنىن بار كۇشپەن شىڭداپ، جاڭا داۋىردەگى شينجياڭعا باعىتتامالى كومەكتەسۋدىڭ ”ەڭ تاڭداۋلى قىزمەتىن“ قۇلشىنا جاراتامىز.

اڭگىمە ماجىلىستە ەكى جاقتىڭ قاتىستى باسشىلارى جەكە - جەكە اۆتونوميالى رايوننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى، جياڭشي ولكەسىنىڭ ەكونوميكالىق، قوعامدىق دامۋ جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى. جياڭشي ولكەسىندەگى قاتىستى تاراۋلار، جوعارى مەكتەپتەر، مەملەكەتتىك ءتۇيىندى تاجىريبەحانالار، رايون - اۋداندار قىزىلسۋ قىرعىز اۆتونوميالى وبلىسىمەن جانە قاتىستى اۋدان - قالالارمەن، كاسىپورىندارمەن كاسىپ سالاسى نىساندارى، ءتۇيىندى قىزمەتتەر سەلبەستىك كەلىسىمىنە قول قويدى. ءماجىلىس تاعى جىلۋ اتاۋ سالتىن وتكىزدى.

شينجياڭداعى كەزىندە جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى قىزىلسۋ كاسىپتىك تەحنيكالىق شۋەيۋانىن، قىزىلسۋ وبلىسى جياڭشي تاجىريبە ورتا مەكتەبىن، اقتاۋ اۋدانى رۇيجين بالاباقشاسىن ارالاپ، وقۋ - اعارتۋ ارقىلى شينجياڭعا كومەكتەسۋ قىزمەتى تابىسىن تەكسەردى، قىزىلسۋ جۇڭ - ي شيپاحاناسىنىڭ جاڭا شيپاحانا نىسانى قۇرىلىسى اياق الىسىن جانە اقتاۋ اۋداندىق حالىق شيپاحاناسىندا ەمدەۋ جاعىنان شينجياڭعا كومەكتەسۋ قىزمەتىن سول جەردىڭ وزىندە تەكسەرىپ كوردى، اقتاۋ اۋدانى كۇنلۇن جيايۋان الەۋمەتتىك اۋماعىنا جانە موگۋ شاعىن قالاشىعىنا بارىپ، كەدەيلەردى قونىس جاڭالاپ سۇيەمەلدەۋ بويىنشا كوشىرۋ جەتىستىگىن بەكەمدەۋ جانە ەرەكشەلىككە يە كاسىپ سالالارىن جەتىلدىرۋ، دامىتۋ جاعدايىنا تەكسەرۋ - زەرتتەۋ جۇرگىزدى، نەگىزگى ساتى بۇقاراسىنا امانداستى جانە ولاردان حال سۇرادى. ۋاكىلدەر ۇيىرمەسى تاعى جياڭشي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنا بارىپ، شينجياڭعا كومەكتەسۋشى كادر - دارىندىلارعا امانداستى.

جياڭشي ولكەسىنىڭ باسشىلارىنان لي حۇڭجۇن، رىن جۋفىڭ، اۆتونوميالى رايوننىڭ باسشىلارىنان چىن ۋيجۇن، قادەن كابەن قيمىلعا قاتىناستى.