چىن جينيڭ، ما شيڭرۇي، ەركىن تۇنياز، لي يفي قيمىلعا قاتىناستى

8 - ايدىڭ 27 - كۇنىنەن 28 - كۇنىنە دەيىن شاڭحاي قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 8 - ايدىڭ 27 - كۇنى شاڭحاي قالالىق پارتكومنىڭ شۋجيى چىن جينيڭ، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ياركەن اۋدانى مۇقام مادەنيەت جالعاستىرۋ ورتالىعىنا بارىپ، شينجياڭدى مادەنيەتپەن نارلەندىرۋ قىزمەتىنىڭ ورىستەتىلۋ جاعدايىن ۇعىستى.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 28 - كۇنى قاشقاردان حابارلايدى. 8 - ايدىڭ 27 - كۇنىنەن 28 - كۇنىنە دەيىن شاڭحاي قالالىق پارتكومنىڭ شۋجيى چىن جينيڭ شاڭحاي قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى جەر قىزمەت اڭگىمە ءماجىلىسىن وتكىزىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتى جانە شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ ۇزدىكسىز جوعارى ساپالى دامۋىن ىلگەرىلەتىپ، ەكى جەردىڭ اۋىس - كۇيىسى مەن سەلبەستىگىنىڭ ۇزدىكسىز تىڭ ساتىعا كوتەرىلۋىن جەبەدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قيمىلعا قاتىناستى.

شينجياڭداعى كەزىندە، شاڭحاي قالاسىنىڭ پارتيا، ۇكىمەت ۋاكىلدەر ۇيىرمەسى پوسكام اۋدانىنىڭ ەرەكشە وسى زامانعى حالىقتى بايىتۋ كاسىپ سالاسى باقشاسىنا، ياركەن اۋدانى رۇيحاۋ توقىماشىلىق شەكتى سەرىكتەستىگىنە بارىپ، كاسىپ سالاسى ارقىلى شينجياڭعا كومەكتەسۋ نىساندارىنىڭ ورىستەتىلۋ، ەرەكشە كاسىپ سالاسى ارقىلى شارۋالاردىڭ كىرىسىن ارتتىرۋىنا دەم بەرۋ قىزمەتىن تەكسەردى؛ پوسكام اۋدانى چاڭشوۋ سالت - سانا مادەنيەت قىستاعىندا مادەنيەت، ساياحات ارقىلى شينجياڭعا كومەكتەسىپ، اۋىل - قىستاقتى كوركەيتۋگە دەم بەرۋ جاعدايىن ۇعىسىپ، نەگىزگى ساتىداعى بۇقاراعا امانداسىپ، ولاردان حال سۇرادى؛ پوسكام اۋداندىق تەحنيك جۇمىسشىلار مەكتەبىنە، قاشقار ايماقتىق 2 - حالىق شيپاحاناسىنا بارىپ، وقۋ - اعارتۋ ارقىلى شينجياڭعا كومەكتەسۋ، ەمدەۋ ارقىلى شينجياڭعا كومەكتەسۋ قىزمەتىنىڭ ونىمدىلىگىنە تەكسەرۋ - زەرتتەۋ جۇرگىزدى؛ ياركەن اۋدانى مۇقام مادەنيەت جالعاستىرۋ ورتالىعىنا، قاشقار ايماقتىق راديو - تەلەۆيزيا ستانسياسىنا بارىپ، شينجياڭدى مادەنيەتپەن نارلەندىرۋ قىزمەتىنىڭ ورىستەتىلۋ جاعدايىن ۇعىستى. ۋاكىلدەر ۇيىرمەسى جانە شاڭحايدىڭ شينجياڭعا كومەكتەسۋ الدىڭعى شەپ قولباسشىلىق شتابىنا بارىپ شينجياڭعا كومەككە كەلگەن كادر - دارىندىلارعا امانداستى، ولاردان حال سۇرادى.

8 - ايدىڭ 28 - كۇنى تۇستەن بۇرىن شاڭحاي قالاسى · شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسى قاشقار قالاسىندا اشىلدى. چىن جينيڭ شاڭحاي قالالىق پارتكوم، قالالىق ۇكىمەت اتىنان شينجياڭنىڭ ۇزاق ۋاقىتتان بەرى شاڭحايدىڭ دامۋىنا قولداۋ كورسەتىپ، كومەكتەسىپ كەلگەندىگىنە، شاڭحايدىڭ شينجياڭعا كومەككە كەلگەن كادر - دارىندىلارىنا كوڭىل بولگەندىگىنە، قامقورلىق جاساعاندىعىنا العىس ايتتى. ول بىلاي دەدى: شينجياڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ورتالىقتىڭ شەشىمدەرىن، ورنالاستىرۋلارىن قاز - قالپىندا تياناقتاندىرىپ، ”مەملەكەتتىڭ ءىرى ءىسىن“ كوكەيدە ساقتاۋداي ساياسي جاۋاپكەرشىلىكپەن ءبىر نيەتپەن ىنتىماقتاسىپ، اسقاق جىگەرمەن قايراتتانا ۇمتىلىپ، وتاننىڭ شەكارا ءوڭىرىنىڭ باياندى تىنىشتىعى مەن ەكونوميكانىڭ جوعارى ساپالى دامۋىنىڭ جاڭا تاراۋىن قۇلشىنا جازدى. شينجياڭداعى قالىڭ كادرلار مەن بۇقارانىڭ شەكارا وڭىرگە تامىر تارتىپ، شەكارا وڭىرگە ءوزىن ارناۋداي رۋحاني قاسيەتى شاڭحايدىڭ مۇقيات ۇيرەنۋىنە تاتيدى. شينجياڭعا باعىتتامالى كومەكتەسۋ − پارتيا ورتالىق كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن نەگىزگە الا وتىرىپ جاساعان ماڭىزدى ستراتەگيالىق شەشىمى. قاشقاردىڭ 4 اۋدانى مەن قارامايلى قالاسىنا باعىتتامالى كومەكتەسۋ پارتيا ورتالىق كوميتەتى شاڭحايعا تاپسىرعان داڭقتى ساياسي مىندەت، شاڭحايدىڭ بۇلتارماس جاۋاپكەرشىلىگى جانە بورىشى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، بىرگە بايۋدى تىڭعىلىقتى ىلگەرىلەتۋدى جاڭا باستاما ەتىپ، شينجياڭعا باعىتتامالى كومەكتەسۋ قىزمەتتەرىن ويداعىداي جوسپارلاپ جانە ىلگەرىلەتىپ، شينجياڭنىڭ باياندى تىنىشتىعى مەن جوعارى ساپالى دامۋىن ىلگەرىلەتۋگە شاڭحايدىڭ تيەسىلى ۇلەسىن قوسۋعا قۇلشىنۋىمىز كەرەك. كەدەيلىكتەن ارىلتۋدان قامال الۋ جەتىستىكتەرىن ويداعىداي بەكەمدەپ، نەگىزگى ساتىعا جانە حالىق تۇرمىسىنا بەيىمدەلۋ سەرپىنىن ارتتىرىپ، ەگىنشى - مالشىلاردىڭ دامۋ ىشكى قوزعاۋشى كۇشىن قاۋلاتۋعا ءمان بەرۋ كەرەك؛ اۋىل - قىستاقتى جاپپاي گۇلدەندىرۋدى ويداعىداي ىلگەرىلەتىپ، ”قان جاساۋ يقۋاتىن“ ۇزدىكسىز كۇشەيتىپ، باستاماشى كاسىپورىنداردىڭ جەتەكتەۋ رولىن اناعۇرلىم ويداعىداي ساۋلەلەندىرىپ، جەرگىلىكتى ورىننىڭ ەرەكشە كاسىپ سالاسىن الۋەتتەندىرۋىنە، كاسىپ سالاسى ەكولوگياسىن قالىپتاستىرۋىنا دەم بەرىپ، وقۋ - اعارتۋدا، ەمدەۋدە ”ۇيىرمە قۇراۋ ۇلگىسىمەن“ شينجياڭعا كومەكتەسۋ سەرپىنىن ۇزدىكسىز ارتتىرۋ كەرەك؛ ارالاسۋدى، ىشتەسۋدى، توعىسۋدى ويداعىداي تياناقتاندىرىپ، شينجياڭدى مادەنيەتپەن نارلەندىرۋ رولىن اناعۇرلىم ويداعىداي ساۋلەلەندىرىپ، ەكى جەردەگى حالىقتىڭ جۇرەكتەرىن جالعاستىرۋىنا، سۇيىسپەنشىلىكتەرىن توعىستىرۋىنا مۇمكىندىك جاساۋ كەرەك. ەكى جەردىڭ وزدەرىنىڭ ورنىن تۇراقتاندىرۋى بويىنشا مەملەكەت حاۋىپسىزدىگى مەن ۇلتتار ىنتىماعىن قورعاۋ جاعىندا سەلبەستىكتى كۇشەيتىپ، مەملەكەتتىڭ كەلەلى ستراتەگياسىن تياناقتاندىرۋ جاعىندا سايكەسۋدى كۇشەيتىپ، ەل ىشىندەگى بىرلىككە كەلگەن ۇلكەن بازار قۇرۋ جاعىندا ۇشتاسۋدى كۇشەيتىپ، ”ءبىر بەلدەۋ، ءبىر جول“ قۇرىلىسىنا بىرگە قىزمەت وتەۋ بارىسىندا باسىمدىقتارى ارقىلى ءبىرىن - ءبىرى تولىقتاۋدىڭ كىرىسۋ ءتۇيىنىن ءدال تاۋىپ، كاسىپ سالاسى، ەنەرگيا، مادەنيەت، ساياحات، ساۋدا سياقتى سالالارداعى سەلبەستىكتى تەرەڭدەتىپ، شاڭحاي − شينجياڭ سەلبەستىگىنىڭ تىڭ ساتىعا كوتەرىلۋىن قول ۇستاسا ىلگەرىلەتۋىن ءۇمىت ەتەمىن.

ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونىمىزداعى ءار ۇلت كادرلارى مەن بۇقاراسى اتىنان شاڭحاي قالاسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەدى: باس شۋجي شي جينپيڭ اراعا ءبىر جىل سالىپ شينجياڭعا تاعى كەلىپ، اۆتونوميالى رايون مەن بيڭتۋاننىڭ قىزمەت مالىمەتىن ارنايى تىڭدادى ءارى ماڭىزدى ءسوز سويلەدى، بۇل ءبىزدىڭ جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋىمىزعا، شينجياڭعا باعىتتامالى كومەكتەسۋ قىزمەتىن ويداعىداي ىستەۋىمىزگە قۇدىرەتتى قوزعاۋشى كۇش ۇستەدى. سوڭعى جىلدارى شاڭحاي قالاسى شي جينپيڭ جولداستى ۇيتقى ەتكەن پارتيا ورتالىق كوميتەتى جۇكتەگەن بورىش پەن مىندەتتى ىشكەرىلەي تياناقتاندىرىپ، ”5 ورتالىقتى“ تىعىز ارقاۋ ەتىپ، ”4 ۇلكەن فۋنكتسيانى“ ۇزدىكسىز كۇشەيتىپ، دۇنيە جۇزىلىك ىقپالعا يە سوتسياليستىك وسىزاماندانعان حالىقارالىق ءىرى قالا قۇرۋ جاڭا جاعدايىنىڭ جارىققا شىعۋىن ىلگەرىلەتتى. اسىرەسە، شاڭحاي شينجياڭعا باعىتتامالى كومەكتەسۋدى ماڭىزدى ساياسي جاۋاپكەرشىلىك ەتىپ، شاڭحايدىڭ جالپىلىق فۋنكتسيالىق باسىمدىعىن قاشقاردىڭ وڭىرلىك ورىن بايلىق ارتىقشىلىعىمەن تىعىز ۇشتاستىرۋدى ىلگەرىلەتىپ، كومەك قابىلداۋشى جەردىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋىن كۇش سالا ىلگەرىلەتىپ، شينجياڭنىڭ رەفورماسىنا، دامۋىنا، ورنىقتىلىعىنا بەلسەندى ۇلەس قوستى. ەكى جاقتىڭ باس شۋجيدىڭ، پارتيا ورتالىق كوميتەتىنىڭ ءۇمىتىن، ماڭىزدى تاپسىرماسىن ەستە بەرىك ساقتاپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، ەكى جەردىڭ اۋىس - كۇيىسى مەن سەلبەستىگىنىڭ ىشكەرىلەي دامۋىن ىلگەرىلەتىپ، جاڭا جورىقتا اۋىس - كۇيىس پەن سەلبەستىكتىڭ، تەڭ يگىلىككە كەنەلىپ دامۋدىڭ تىڭ داستانىن جازۋىن ءۇمىت ەتەمىن. پارتيا مەن مەملەكەت قىزمەتىنىڭ جالپى جاعدايىنا قىزمەت وتەۋدى ارقاۋ ەتىپ، ستراتەگيالىق ۇشتاسۋدى، دامۋدىڭ ىقپالداستىعىن تەرەڭدەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، نازاردى ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، ۇزدىكسىز كۇش سالۋ كەرەك. جاڭا دامۋ ارناسىنا قىزمەت وتەۋ جانە ونىمەن توعىسۋدى تياناق ەتىپ، ”ءبىر بەلدەۋ، ءبىر جول“ قۇرىلىسىن ارقاۋ ەتىپ، ەسىك اشۋ سەلبەستىگىن، كاسىپ سالاسى سەلبەستىگىن، تۇتىنۋ ىستەستىگىن كۇشەيتىپ، جوعارى دەڭگەيدە سىرتقا ەسىك اشۋدىڭ بيىگىن قالىپتاستىرىپ، عىلىم - تەحنيكادا جاڭالىق اشۋ ارقىلى وسىزاماندانعان كاسىپ سالاسى جۇيەسى قۇرىلىسىنا جەتەكشىلىك ەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. ۇلتتار ىنتىماعى كەلەلى جاعدايىن بەكەمدەۋدى، دامىتۋدى كوزدە ۇستاپ، شينجياڭدى مادەنيەتپەن نارلەندىرۋدى تەرەڭدەتىپ، مادەنيەت، ساياحات سەلبەستىگىن كۇشەيتىپ، ەكى جەردەگى كادرلار مەن بۇقارانىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بىرگە بەكەمدەۋ كەرەك. شينجياڭ تۇلعالىق رولىن ويداعىداي ساۋلەلەندىرىپ، پىكىرلەسۋدى، ۇشتاسۋدى جانە قىزمەت وتەۋدى قامتاماسىز ەتۋدى بار كۇشپەن ويداعىداي ىستەپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتەدى.

اڭگىمە ماجىلىسىندە شاڭحاي قالاسى شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنداعى، قارامايلى قالاسىنا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنداعى نەگىزگى جاۋاپتى جولداستار شاڭحاي قالاسىنىڭ شينجياڭعا كومەكتەسۋ، قارامايلى قالاسىنا كومەكتەسۋ قىزمەتى جاعدايىنان جەكە - جەكە مالىمەت بەردى، قاشقار ايماعىنداعى نەگىزگى جاۋاپتى جولداستار قاشقاردىڭ رەفورما، دامۋ، ورنىقتىلىق جانە كومەككە يە بولۋ جاعدايىنان مالىمەت بەردى.

شاڭحاي قالاسىنىڭ باسشىلارىنان جۋ جىسۇڭ، لي جىڭ، ليۋ دو، اۆتونوميالى رايون باسشىلارىنان چىن ۋيجۇن، قادەن كابەن قيمىلعا قاتىناستى.