ما شيڭرۇي، حاۋ پىڭ، ەركىن تۇنياز، نۇرلان ءابىلماجىن، لي يفي قيمىلعا قاتىناستى

8 - ايدىڭ 29 - كۇنىنەن 31 - كۇنىنە دەيىن، لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 8 - ايدىڭ 29 - كۇنى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، لياۋنيڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى حاۋ پىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار سانجى قالاسىنا ورنالاسقان ەرەكشە ترانسفورماتور شينجياڭ ەلەكتر جەتكىزۋ، كەرنەۋ وزگەرتۋ عىلىم - تەحنيكا كاسىپ سالاسى باقشاسىندا كاسىپ سالاسىن دامىتۋ، عىلىم - تەحنيكادا جاڭالىق اشۋ قىزمەتتەرىنە تەكسەرۋ - زەرتتەۋ جۇرگىزۋدە.

□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 8 - ايدىڭ 31 - كۇنى ۇرىمجىدەن حابارلايدى. 8 - ايدىڭ 29 - كۇنىنەن 31 - كۇنىنە دەيىن، لياۋنيڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى حاۋ پىڭ لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى ولكە - اۆتونوميالى رايون اڭگىمە ءماجىلىسىن اشىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ جونىندە ىشكەرىلەي كەڭەسىپ، پىكىر اۋىستىرىپ، ەكى ولكە، اۆتونوميالى رايوننىڭ ناقتى ىستەر سەلبەستىگىن ىلگەرىلەتىپ، جاڭا جاعداي اشۋدى كوزدەپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ تىڭ ساتىعا كوتەرىلۋىن جەبەدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتىستى قيمىلعا قاتىناستى.

8 - ايدىڭ 29 - كۇنى تۇستەن كەيىن لياۋنيڭ ولكەسى · شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە اشىلدى. ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونداعى ءار ۇلت كادرلارى مەن بۇقاراسى اتىنان لياۋنيڭ ولكەسىنىڭ ۇزاق ۋاقىتتان بەرى شينجياڭ قىزمەتىن بارىنشا قولداعاندىعىنا جانە قالتقىسىز كومەك كورسەتكەندىگىنە شىن جۇرەكتەن العىس ايتتى. ول بىلاي دەدى: شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان شەشۋشى ساتتە، لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزىپ، باس شۋجيدىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ شەشىمدەرىن، ورنالاستىرۋلارىن ءىس جۇزىندىك ارەكەتتەرىمەن دايەكتىلەندىرۋى لياۋنيڭ، شينجياڭ ەكى جەردىڭ تەرەڭ دوستىق سۇيىسپەنشىلىگىن تولىق ايگىلەدى. تاياۋ جىلداردان بەرى لياۋنيڭ نازاردى پارتيا 20 - قۇرىلتايىنىڭ شەشىمدەرىن، ورنالاستىرۋلارىن تياناقتاندىرۋعا شوعىرلاندىرىپ، توتەنشە شارالار ارقىلى جاڭا داۋىردەگى دۇڭبەيدى گۇلدەندىرۋ، لياۋنيڭدى گۇلدەندىرۋ ”لياۋشىن شايقاسىن“ ويداعىداي جۇرگىزىپ، جەڭىسكە جەتىپ، لياۋنيڭدى جاپپاي گۇلدەندىرۋدە نىق قادام باسۋدى ىلگەرىلەتتى. لياۋنيڭ شينجياڭعا باعىتتامالى كومەكتەسۋ قىزمەتىنە وسكەلەڭ ءمان بەرىپ، كومەك قابىلداعان جەرلەرگە ىنتا - ىقىلاسىن ارناپ، بار كۇشپەن كومەكتەسىپ، شينجياڭنىڭ رەفورماسىنا، دامۋىنا، ورنىقتىلىعىنا ماڭىزدى ۇلەس قوستى. ەكى ولكە، اۆتونوميالى رايوننىڭ باس شۋجيدىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن بىرگە ويداعىداي تياناقتاندىرىپ، شينجياڭعا باعىتتامالى كومەكتەسۋدىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، ەكى جاقتىڭ اۋىس - كۇيىسىنىڭ، سەلبەستىگىنىڭ اناعۇرلىم كوپ جەتىستىككە قول جەتكىزۋىن، وسىزامانداندىرۋ قۇرىلىسىنىڭ اناعۇرلىم زور قادام باسۋىن جەبەۋىن ءۇمىت ەتەمىن. ستراتەگيالىق ءتۇيىلىسۋدى كۇشەيتىپ، ىشكەرىلەي ءوزارا تولىقتاۋدى، سەلبەسىپ، تەڭ يگىلىككە كەنەلۋدى كۇشەيتىپ، جوعارى ساپالى دامۋدى قول ۇستاسا ىلگەرىلەتىپ، جاڭا دامۋ ارناسىنا قىزمەت وتەۋ جانە توعىسۋ كەرەك. كاسىپ سالاسى سەلبەستىگىن كۇشەيتىپ، لياۋنيڭنىڭ جابدىق جاساۋ، نازىك حيميا ونەركاسىبى سياقتى باسىمدىققا يە كاسىپ سالالارىن كومەك قابىلداعان جەرلەردىڭ ەكونوميكالىق دامۋىمەن ءونىمدى ۇشتاستىرۋدى جەبەپ، وزىندىك ەرەكشەلىكتى، باسىمدىقتى ايگىلەيتىن وسى زامانعى كاسىپ سالاسى جۇيەسىن قۇرۋ كەرەك. ەسىك اشۋدى، ىستەستىكتى كۇشەيتىپ، نازاردى ”ءبىر بەلدەۋ، ءبىر جول“ قۇرىلىسىنا شوعىرلاندىرىپ، تارباعاتاي ءتۇيىندى وركەندەتۋ، ەسىك اشۋ سىناق رايونى مەن باقتى شەكارا وتكەلىن جوعارى ساپالى قۇرۋدى، دامىتۋدى ىلگەرىلەتىپ، جوعارى دەڭگەيدە سىرتقا ەسىك اشۋدى ءۇرتىس كەڭەيتۋ كەرەك. گۋمانيتارلىق اۋىس - كۇيىستى كۇشەيتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ەكى جەردەگى كادرلار مەن بۇقارانىڭ ىقپالداستىعىن، بارىس - كەلىسىن جيىلەتىپ، جۇڭحۋا ۇلتى ورتاق تۇلعا تانىمىن بىرگە بەرىك ورناتۋ كەرەك. شينجياڭ الداعى جەردە نەگىزگى تۇلعالىق جاۋاپكەرشىلىگىن شىنايى وتەپ، قىزمەت وتەۋدى، قامتاماسىز ەتۋدى ويداعىداي ىستەپ، لياۋنيڭنىڭ بار پەيىلىن ارناپ كومەك كورسەتۋىن كورىكتى شينجياڭ قۇرۋدىڭ ءىس جۇزىندىك تابىسىنا اينالدىرۋى كەرەك.

حاۋ پىڭ لياۋنيڭ ولكەلىك پارتكوم، ولكەلىك ۇكىمەت اتىنان شينجياڭنىڭ ۇزاق ۋاقىتتان بەرى لياۋنيڭنىڭ گۇلدەنۋىنە، دامۋىنا بار كۇشپەن قولداۋ كورسەتكەندىگىنە، لياۋنيڭنىڭ شينجياڭعا كومەكتەسۋشى كادرلارى مەن دارىندىلارىنا كوڭىل ءبولىپ، ايالاعاندىعىنا شىن جۇرەكتەن العىس ايتاتىندىعىن ءبىلدىردى. ول بىلاي دەدى: تاياۋ جىلداردان بەرى اۆتونوميالى رايون مەن بيڭتۋان پارتكومى باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ”مەملەكەتتىڭ زور ءىسىن“ كوكەيدە ءتۇيۋ ساياسي جاۋاپكەرشىلىگىمەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتتى، تيانشان الابىندا تىنىش تا بەرەكەلى، قارىشتاپ دامىعان جاڭا بەينە جارىققا شىقتى، دامۋ جەتىستىكتەرىنەن ءبىز تەرەڭ شابىت الدىق. لياۋنيڭ الداعى جەردە باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ ساياسي جاۋاپكەرشىلىگىن باتىلدىقپەن ويداعىداي ارقالاپ، شينجياڭعا باعىتتامالى كومەكتەسۋ قىزمەتىن لياۋنيڭنىڭ وسىزامانداندىرۋ قۇرىلىسى جالپى جاعدايىندا ماڭىزدى ورىنعا قويىپ، شينجياڭعا باعىتتامالى كومەكتەسۋ قىزمەتتەرىن جان - جاقتى، ويداعىداي ىستەيدى. حالىق تۇرمىسى جاعىنان شينجياڭعا كومەكتەسۋدى ىلگەرىلەتىپ، وقۋ - اعارتۋ، ەمدەۋ - دەنساۋلىق ساقتاۋ سياقتى حالىق تۇرمىسى ناقتى ىستەرىن ويداعىداي ىستەپ، كەدەيلىكتەن ارىلتۋدان قامال الۋ جەتىستىگىن بەكەمدەيدى؛ اقىل - پاراسات جاعىنان شينجياڭعا كومەكتەسۋدى ىلگەرىلەتىپ، شينجياڭعا كومەكتەسۋشى كادر - دارىندىلاردى تاڭداپ جىبەرۋدى ءۇرتىس ويداعىداي يگەرەدى؛ كاسىپ سالاسى جاعىنان شينجياڭعا كومەكتەسۋدى ىلگەرىلەتىپ، وزىق جابدىق جاساۋ، مۇناي حيميا ونەركاسىبى، مەتاللۋرگيا جاڭا ماتەريالدارى سياقتى جاقتاردا كاسىپ سالاسى ىستەستىگى مەن نىسان ورنالاسىمىن ساپالىلاندىرىپ، تارباعاتاي مەملەكەتتىك ءتۇيىندى وركەندەتۋ، ەسىك اشۋ سىناق رايونى قۇرىلىسىنا كۇش ۇستەيدى؛ شينجياڭدى مادەنيەتپەن نارلەندىرۋدى ىشكەرىلەي اتقارىپ، مادەنيەتتىك اۋىس - كۇيىس قيمىلدارىن ۇزدىكسىز بايىتادى جانە وندا جاڭالىق اشادى. لياۋنيڭ مەن شينجياڭ مەملەكەتتىڭ شىعىس، باتىس شەكارا وڭىرىنە ورنالاسقان، ەسىك اشۋ باسىمدىعىنىڭ، كاسىپ سالاسى باسىمدىعىنىڭ ءوزارا تولىقتاۋ سيپاتى كۇشتى، ەكى جەردىڭ سەلبەستىكتى، اۋىس - كۇيىستى جاپپاي كۇشەيتىپ، سەلبەستىك مەحانيزمىن ۇزدىكسىز كەمەلدەندىرىپ، كاسىپ سالاسىن دامىتۋ، ارنا قۇرىلىسى، ساۋدا - زات اينالىمى، مادەنيەت - ساياحات سياقتى جاقتاردا سەلبەستىك اياسىن كەڭەيتىپ، ەكى جەردىڭ قول ۇستاسا بىرگە العا باسۋىن ىلگەرىلەتىپ، وسىزاماندانعان كاسىپ سالاسى جۇيەسىن بىرگە ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋعا تەرەڭ توعىسىپ، جاڭا دامۋ ارناسىنا اناعۇرلىم ويداعىداي قىزمەت وتەۋىن جانە توعىسۋىن ءۇمىت ەتەمىن.

اڭگىمە ماجىلىستە قاتىستى باسشىلار جەكە - جەكە اۆتونوميالى رايون مەن بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ جاعدايىن، لياۋنيڭ ولكەسىنىڭ ەكونوميكالىق، قوعامدىق دامۋ جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى، ونان كەيىن جىلۋ اتاۋ سالتى وتكىزىلدى.

شينجياڭداعى كەزىندە لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى قالاسىنا، سانجى قالاسىنا، تارباعاتاي ايماعىنا جانە بيڭتۋان 8 - شى شىحىزى قالاسىنا، 9 - شى بايياڭ قالاسىنا بارىپ جۇمىس باسىندا تەكسەرۋ - زەرتتەۋ جۇرگىزدى. ۋاكىلدەر ۇيىرمەسى سانجى ەرەكشە ترانسفورماتور ەلەكتر جەتكىزۋ، كەرنەۋ وزگەرتۋ كاسىپ سالاسى باقشاسىن جانە شىحىزى تيانيە توبىن، حۋايۋان اۋەجايىن ىشكەرىلەي ارالاپ، كاسىپ سالاسىن دامىتۋ، عىلىم - تەحنيكادا جاڭالىق اشۋ قىزمەتىن جانە ەكى جاقتى سەلبەستىك نىساندارىنىڭ اياق الىسىن تەكسەرىپ - زەرتتەدى؛ شاۋەشەك قالاسىنداعى الەۋمەتتىك اۋماق وتانشىلدىق تاربيە بازاسىن تەكسەرىپ، نەگىزگى ساتىداعى وزاتتارعا، ۇلگىلەرگە جانە بۇقارا ۋاكىلدەرىنە امانداستى؛ تارباعاتاي ايماقتىق حالىق شيپاحاناسىنا، تارباعاتاي كاسىپتىك تەحنيكالىق شۋەيۋانىنا جانە بيڭتۋان 9 - شى شيپاحاناسىنا، شياۋبايياڭ ورتا مەكتەبىنە، سونداي - اق لياۋنيڭ ولكەسىنىڭ اۋىل شارۋاشىلىق عىلىمى اكادەمياسىنىڭ تارباعاتاي بولىمشە اكادەمياسىنا بارىپ ەمدەۋ، وقۋ - اعارتۋ، اۋىل شارۋاشىلىق عىلىم - تەحنيكاسى جاعىنان شينجياڭعا كومەكتەسۋ قىزمەتىن تەكسەرىپ - زەرتتەدى؛ تارباعاتاي ءتۇيىندى وركەندەتۋ، ەسىك اشۋ سىناق رايونىنىڭ جوبا كورمەسىن، لياۋنيڭ − شينجياڭ كاسىپ سالاسى باقشاسىن جانە بيڭتۋان 9 - شى 163 - تۋانىنىڭ جاڭالىق اشۋ، شارۋاشىلىق قۇرۋ عيماراتىنىڭ قۇرىلىس جۇرگىزۋ، ىسكە قوسىلۋ، كاسىپ سالاسىنىڭ سەلبەسە دامۋ جاعدايىن سول جەردىڭ وزىندە تەكسەردى؛ اۆتونوميالى رايوندىق مۇراجايدى، شينجياڭ بيڭتۋان اسكەري تىڭ يگەرۋ مۇراجايىن جانە شاۋەشەك قالاسىنىڭ جاڭا داۋىردەگى وركەنيەت امالياتى ورتالىعىن ەكسكۋرسيالاپ، تەكسەرىپ - زەرتتەپ، شينجياڭدى مادەنيەتپەن نارلەندىرۋ قىزمەتى جاعدايىن ۇعىستى. ۋاكىلدەر ۇيىرمەسى تاعى لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنا بارىپ، شينجياڭعا كومەكتەسۋشى كادر - دارىندىلارعا امانداستى جانە ولاردان حال سۇرادى ءارى اڭگىمە ءماجىلىسىن اشتى.

لياۋنيڭ ولكەسىنىڭ باسشىلارىنان ۋاڭ شينۋي، ۋاڭ جيان، شيۇڭ ماۋپيڭ، جياڭ تيانباۋ، حو بۋگاڭ، اۆتونوميالى رايون مەن بيڭتۋاننىڭ باسشىلارىنان جاڭ جۋ، چىن ۋيجۇن، قادەن كابەن، شۋە بين، ۋاڭ گاڭ، جاڭ ۋىنشىڭ، حا زىڭيوۋ قيمىلعا قاتىناستى.