ما شيڭرۇي، جيڭ جۇنحاي، ءزۇمىرات وبۇل قيمىلعا قاتىناستى

8 - ايدىڭ 30 - كۇنىنەن 9 - ايدىڭ 2 - كۇنىنە دەيىن جيلين ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 8 - ايدىڭ 30 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، جيلين ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جيڭ جۇنحاي التاي قالاسىنداعى شۋەدۋ الەۋمەتتىك اۋماعىندا الەۋمەتتىك اۋماق نەگىزگى ساتى ۇيىمدىق شەبى قۇرىلىسىنا تەكسەرۋ - زەرتتەۋ جۇرگىزۋدە.

□سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 9 - ايدىڭ 2 - كۇنى التايدان حابارلايدى. تۇتاس شينجياڭ جوعارىدان تومەنگە دەيىن باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ جاتقان كەزدە، 8 - ايدىڭ 30 - كۇنىنەن 9 - ايدىڭ 2 - كۇنىنە دەيىن جيلين ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جيڭ جۇنحاي جيلين ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرۋدى ارقاۋ ەتىپ ىشكەرىلەي پىكىرلەسىپ، شينجياڭعا باعىتتامالى كومەكتەسۋدى جانە ەكى جەردىڭ اۋىس - كۇيىسىن، سەلبەستىگىن تەرەڭدەتۋدى، ناقتىلاندىرۋدى ىلگەرىلەتۋدى اقىلداستى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل قاتىستى قيمىلدارعا قاتىناستى.

8 - ايدىڭ 30 - كۇنى تۇستەن بۇرىن جيلين ولكەسى . شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسى التاي قالاسىندا اشىلدى. ما شيڭرۇي بىلاي دەدى: كەزەكتە شينجياڭداعى ءار ۇلت كادرلارى مەن بۇقاراسى باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ءىرى ءىس جانە ماڭىزدى ساياسي مىندەت ەتىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا كۇرەس باستاماسىندا كورىكتى شينجياڭ قۇرىلىسىن ىلگەرىلەتۋدە. جيلين ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزىپ، ءىس جۇزىندىك ارەكەتى ارقىلى باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرىپ، ءبىزدى توتەنشە جىگەرلەندىردى. ۇزاق ۋاقىتتان بەرى جيلين شينجياڭعا باعىتتامالى كومەكتەسۋدى ماڭىزدى ساياسي جاۋاپكەرشىلىك ەتىپ، شينجياڭنىڭ ءىسىن ءوز ىسىندەي تىندىرىپ، كومەك قابىلداعان جەرلەردىڭ قۇرىلىسىنا، دامۋىنا دەن قويا، كۇش سالا كومەكتەسىپ، شينجياڭنىڭ رەفورما، دامۋ، ورنىقتىلىق ىستەرىنە پارمەندى كومەك كورسەتتى، اۆتونوميالى رايوندىق پارتكوم، ۇكىمەت جانە ءار ۇلت بۇقاراسى شىن كوڭىلىمەن العىس ايتادى. جاڭا جورىقتا جيلين باس شۋجي شي جينپيڭ جۇكتەگەن ”جاڭا جاۋاپكەرشىلىك ارقالاۋ، جاڭا ناتيجە جاراتۋ، جاڭا ىسكەرلىك كورسەتۋ“ كەلەلى بورىشىن باتىل ارقالاپ، كوركەيتۋدىڭ، دامىتۋدىڭ ورلەۋ مەزگىلىنە كىرۋىن، جەدەل جولعا ءتۇسۋىن ىلگەرىلەتۋدە. شينجياڭ مەملەكەتتىڭ جالپى جاعدايىنداعى ستراتەگيالىق ورىن تۇراقتاندىرۋىن مىقتاپ يگەرىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، ەكى جاقتىڭ سەلبەستىگى جاڭا دامۋ ورايىنا جانە كەڭ ورىسكە ءدوپ كەلدى. ءبىز جيلين ولكەسىمەن قول ۇستاسا قۇلشىنىپ، نازاردى شينجياڭعا باعىتتامالى كومەكتەسۋدىڭ جوعارى ساپالى دامۋىنا شوعىرلاندىرىپ، نەگىز قالايتىن، ۇزاق بولاشاققا پايدالى، حالىق تۇرمىسىنا ءتيىمدى ۇلكەن، ماڭىزدى ىستەردى كۇش - قۋاتتى شوعىرلاندىرا وتىرىپ ىلگەرىلەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ەڭ ۇلكەن شەكتە ۇلعايتامىز. نازاردى سەلبەسىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى تەرەڭدەتۋگە شوعىرلاندىرىپ، وزىق جاساۋ كاسىبى، وسى زامانعى اۋىل شارۋاشىلىعى، جاڭا ەنەرگيا، ەمدەۋ، ءدارى - دارمەك سياقتى سالالارداعى سەلبەستىكتى كۇشەيتىپ، جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىنىڭ جوعارى ساپالى دامۋى سىناق رايونى قۇرىلىسىنىڭ جاڭا جولى جونىندە بەلسەنە ىزدەنىس جاساپ، ەكى جەردىڭ وقۋ - اعارتۋ، عىلىم - تەحنيكا سەلبەستىگىن ۇزدىكسىز ىلگەرىلەتىپ، جوعارى ساپالى دامۋعا اناعۇرلىم ويداعىداي قۋات ۇستەيمىز. نازاردى مادەنيەت ارقىلى شينجياڭدى نارلەندىرۋدى ىشكەرىلەي ىلگەرىلەتۋگە شوعىرلاندىرىپ، كادرلار مەن بۇقارانىڭ بارىس - كەلىسىن، ىقپالداستىعىن ونان ارى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن بىرگە ناقتى يگەرەمىز. شينجياڭ شينجياڭعا كومەكتەسۋ باسىمدىعىنان ويداعىداي پايدالانىپ، تۇيىلىستىرۋگە قىزمەت وتەۋ، قامتاماسىز ەتۋ قىزمەتىن كۇش سالا ويداعىداي ىستەپ، جيلين مەن شينجياڭ سەلبەستىگىنىڭ تاعى دا سۇبەلى جەمىس بەرۋىن ىلگەرىلەتەدى.

جيڭ جۇنحاي جيلين ولكەلىك پارتكوم، ولكەلىك ۇكىمەت اتىنان شينجياڭنىڭ ۇزاق ۋاقىتتان بەرى جيليننىڭ كوركەيتۋ، دامىتۋ ىستەرىنە قولداۋ كورسەتىپ، كومەك بەرىپ كەلگەندىگىنە، جيليننىڭ شينجياڭعا كومەكتەسكەن كادر - دارىندىلارىنا كوڭىل ءبولىپ، قامقورلىق جاساپ كەلگەندىگىنە شىن جۇرەكتەن العىس ايتتى. ول بىلاي دەدى: وسى جىلداردا شينجياڭ باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، وتانىمىز شەكارا ءوڭىرىنىڭ باياندى تىنىشتىعى مەن ەكونوميكاسىنىڭ جوعارى ساپالى دامۋىنىڭ جاڭا تاراۋىن قۇلشىنا جازدى، ءار جاقتاعى جەتىستىكتەرى ادامدى تاڭداي قاقتىرادى، سۇيىندىرەدى، ءبىر قىدىرۋ جاقسى تاجىريبەلەر، جاقسى ادىستەر ءبىزدىڭ مۇقيات ۇيرەنۋىمىزگە، ۇلگى الۋىمىزعا تاتيدى. شينجياڭعا باعىتتامالى كومەكتەسۋ − پارتيا ورتالىق كوميتەتىنىڭ جاساعان كەلەلى شەشىمى، ورنالاستىرۋى، جيلين، ءسوزسىز، ارقالاۋعا ءتيىستى كەلەلى ساياسي جاۋاپكەرشىلىك. ءبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن، اسىرەسە، باس شۋجي شي جينپيڭنىڭ 8 - ايدىڭ 26 - كۇنگى شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، ”شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ“ تالابىن مۇقيات تياناقتاندىرىپ، ”استە اينىماۋ“ سىندى جيليننىڭ شينجياڭعا كومەكتەسۋ رۋحىن ۇزدىكسىز اسقاقتاتىپ، ەڭ تاڭداۋلى دارىندىلاردى، ەڭ سايلاۋىت كۇشتەردى، ەڭ ساپالى بايلىقتاردى شينجياڭعا كومەكتەسۋ قىزمەتىنىڭ ءبىرىنشى شەبىنە جىبەرىپ، حالىق تۇرمىسى سالاسىندا نەگىز قالاۋ، ۇزاق بولاشاققا ءتيىمدى بولۋ، ولقىلىقتاردى تولىقتاۋ قىزمەتتەرىن كوبىرەك ىستەپ، التايدىڭ جەرگىلىكتى جاعدايعا قاراي ەرەكشەلىككە يە ەگىن، مال شارۋاشىلىعىن دامىتۋىنا ۇزدىكسىز كومەكتەسىپ، قازاق شيپاگەرلىگى، دارىگەرلىگى كاسىپ سالاسىن زورايتىپ، مادەنيەت - ساياحات جانە قار - مۇز كاسىپ سالاسىن الۋەتتەندىرىپ، جۇڭگو ۇلگىسىندەگى وسىزامانداندىرۋ بارىسىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋعا ءتىپتى دە زور ۇلەس قوسامىز. ەكى جاقتىڭ سەلبەستىكتى ونان ارى تەرەڭدەتىپ، قول ۇستاسا دامىپ، بولاشاقتى بىرگە جاراتىپ، اۋىس - كۇيىستىڭ، ىقپالداستىقتىڭ جاڭا ۇلگىسىن، كاسىپ سالاسىنىڭ ءبىرىن - ءبىرى تولىقتايتىن جاڭا ارناسىن، ەسىك اشۋدىڭ، ءوزارا جەبەۋدىڭ جاڭا تۇعىرىن، ساياحاتتا ءبىرىن - ءبىرى جەبەيتىن جاڭا بازار قالىپتاستىرۋدى جەبەپ، جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىنىڭ جوعارى ساپالى دامۋى سىناق رايونى قۇرىلىسىن كۇش بىرىكتىرە ىلگەرىلەتىپ، جيلين − شينجياڭ سەلبەستىگىنىڭ ”دارەجەسى وسىرىلگەن نۇسقاسىن“ كۇش سالا تۇلعالاپ، جاپپاي سوتسياليستىك وسىزاماندانعان مەملەكەت قۇرۋعا بىرگە كۇش - قۋات ارناۋىن ءۇمىت ەتەمىز.

اڭگىمە ماجىلىسىندە قاتىستى باسشىلار جەكە - جەكە اۆتونوميالى رايوننىڭ رەفورما، دامۋ، ورنىقتىلىق ىستەرىن جانە باعىتتامالى كومەكتەسۋ قىزمەتىنىڭ جاعدايىن، جيلين ولكەسىنىڭ ەكونوميكالىق، قوعامدىق دامۋى مەن شينجياڭعا باعىتتامالى كومەكتەسۋ قىزمەتىنىڭ جاعدايىن تانىستىردى. جيلين ولكەسى، چاڭچۇن قالاسى، ت. ب التاي ايماعىنا جانە قاتىستى اۋدان - قالالارعا تارتۋ سيلادى.

شينجياڭداعى كەزىندە جيلين ولكەسىنىڭ پارتيا، ۇكىمەت ۋاكىلدەر ۇيىرمەسى التاي كاسىپتىك تەحنيكالىق شۋەيۋانىنا جانە بۋىرشىن اۋداندىق جوعارى دارەجەلى ورتا مەكتەبىنە ىشكەرىلەي بارىپ، وقۋ - اعارتۋ جاعىندا شينجياڭعا كومەكتەسۋ قىزمەتىنىڭ ونىمدىلىگىن تەكسەردى؛ التاي ايماقتىق جۇڭي شيپاحاناسىنا بارىپ ەمدەۋ جاعىندا شينجياڭعا كومەكتەسۋ جانە جۇڭي، ۇلتتار شيپاگەرلىگى ىستەرىنىڭ دامۋ جاعدايىن تەكسەردى؛ التاي قالاسى شۋەدۋ الەۋمەتتىك اۋماعىنا جانە قابا اۋدانى شىبار قالاشىعى جيلين جاڭا قىستاعىنا بارىپ، الەۋمەتتىك اۋماقتىڭ نەگىزگى ساتى ۇيىمدىق شەبى قۇرىلىسى مەن مالشىلاردى وتىرىقتاندىرۋ ينجەنەرياسىنا تەكسەرۋ - زەرتتەۋ جۇرگىزىپ، نەگىزگى ساتىداعى بۇقاراعا امانداستى، حال سۇرادى؛ التاي قالاسىنداعى جيليننىڭ شينجياڭعا كومەكتەسكەن وسى زامانعى اۋىل شارۋاشىلىعى كورمە باقشا نىسانىن سول جەردىڭ وزىندە كوردى؛ جەمەنەي اۋدانىنداعى تۇڭتياندۇڭ ەسكى جۇرتىنىڭ ارحەولوگيالىق قىزمەت پۋنكتى جانە بۋىرشىن اۋدانىنداعى جۇڭگو − سوۆەت وداعى سۋ تاسىمالى ەسكەرتكىش سارايىن ەكسكۋرسيالاپ، تەكسەرىپ، مادەنيەت ەسكەرتكىشتەرىن قورعاۋ، شينجياڭدى مادەنيەتپەن نارلەندىرۋ قىزمەتىن ۇعىستى؛ جەمەنەي اۋدانى حالىقارالىق ساۋدا - ساتتىق بازارىنا بارىپ، اۆتوكولىكتەردىڭ ەكسپورت ەتىلۋ جاعدايىن كوردى. ۋاكىلدەر ۇيىرمەسى تاعى جيلين ولكەسىنىڭ شينجياڭعا كومەكتەسكەن كادر - دارىندىلارىنا امانداسا باردى ءارى ولارمەن اڭگىمە ءماجىلىس وتكىزدى.

جيلين ولكەسىنىڭ باسشىلارىنان ساي دۇڭ، جاڭ ىنحۇي، لي ۋي قيمىلعا قاتىناستى. اۆتونوميالى رايوننىڭ باسشىلارىنان چىن ۋيجۇن، ەلزات احمەتجان، قادەن كابەن، ۋاڭ گاڭ، پۋ شۋەمەي قاتىستى قيمىلدارعا قاتىناستى.