ما شيڭرۇي، ۋاڭ جۇڭلين، ەركىن تۇنياز، لي يفي قاتىستى قيمىلدارعا قاتىناستى

　　8 - ايدىڭ 30 - كۇنىنەن 9 - ايدىڭ 2 - كۇنىنە دەيىن حۋبەي ولكەلىك پارتكومنىڭ ورىنباسار شۋجيى، ولكە باستىعى ۋاڭ جۇڭلين حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 9 - ايدىڭ 1 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە ۋاكىلدەر ۇيىرمەسىندەگىلەرمەن كەزدەسۋدە.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ تىلشىلەرى لي ياڭ، ۋاڭ شيڭرۇي 9 - ايدىڭ 2 - كۇنى ۇرىمجىدەن حابارلايدى. 8 - ايدىڭ 30 - كۇنىنەن 9 - ايدىڭ 2 - كۇنىنە دەيىن حۋبەي ولكەلىك پارتكومنىڭ ورىنباسار شۋجيى، ولكە باستىعى ۋاڭ جۇڭلين حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 9 - ايدىڭ 1 - كۇنى ۇرىمجىدە ۋاكىلدەر ۇيىرمەسىندەگىلەرمەن كەزدەسىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، ەكى ولكە، اۆتونوميالى رايوننىڭ ساياسي جاۋاپكەرشىلىكتى باتىلدىقپەن مىقتاپ ارقالاۋىن جەبەپ، قىزمەت سەرپىنىن شىن مانىندە ارتتىرىپ، شينجياڭعا باعىتتامالى كومەكتەسۋ قىزمەتىنىڭ، ەكى ولكە، اۆتونوميالى رايوننىڭ اۋىس - كۇيىسىنىڭ، سەلبەستىگىنىڭ اناعۇرلىم زور ناتيجەگە قول جەتكىزۋىن ىلگەرىلەتتى. 8 - ايدىڭ 30 - كۇنى تۇستەن كەيىن، ەكى جەر بۇراتالا قالاسىندا حۋبەي ولكەسى . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسىن اشتى.

　　اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي كەزدەسۋگە قاتىناستى.

　　ما شيڭرۇي كەزدەسۋدە اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت حالقى اتىنان حۋبەي ولكەسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەدى: باس شۋجي شي جينپيڭ شينجياڭ قىزمەتىنە بارىنشا ءمان بەرىپ، اراعا ءبىر جىل سالىپ شينجياڭعا تاعى دا كەلىپ، ستراتەگيالىق جانە جالپى جاعداي بيىگىندە تۇرىپ شينجياڭنىڭ رەفورما، دامۋ، ورنىقتىلىق جاعدايىن باعامداپ، باعدار بەلگىلەدى، رول ۇستاپ، جول باستادى، ءبىز جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىك. شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ جاتقان شەشۋشى ساتتە، حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرۋى حۋبەي مەن شينجياڭ ەكى ولكە، اۆتونوميالى رايون جونىنەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بىرگە تياناقتاندىرۋىن، شينجياڭعا باعىتتامالى كومەكتەسۋدى جانە اۋىس - كۇيىستى، سەلبەستىكتى ونان ارى تەرەڭدەتۋىن پارمەندى جەبەۋ بولىپ تابىلادى. كەزەكتە حۋبەي بۇكىل ەلدەگى جاڭا دامۋ ارناسىن قالىپتاستىرۋدى الدىمەن اتقاراتىن رايوندى جەدەل قۇرىپ، ورتا بولىك ءوڭىرىنىڭ ەڭسە كوتەرۋىنىڭ ماڭىزدى ستراتەگيالىق تىرەك ءتۇيىنىن جەدەل ورناتۋدا، جيڭچۋدىڭ بايتاق دالاسىندا گۇلدەنىپ - كوركەيگەن كورىنىس جارىققا شىقتى. شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن مىقتى يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى جەدەل ىلگەرىلەتىپ، كورىكتى شينجياڭ قۇرۋ ماڭىزدى ستراتەگيالىق وراي مەزگىلىنە ءدوپ كەلدى. ەكى جاقتىڭ شينجياڭعا باعىتتامالى كومەكتەسۋدىڭ جان - جاقتىلى سەلبەستىككە قاراي كەڭەيۋىن بەلسەنە ىلگەرىلەتىپ، نازاردى ءتۇيىندى سالالارعا شوعىرلاندىرىپ، بىرەۋى ارقىلى ءبارىن يگەرەتىن ءتۇيىندى قىزمەتتەردى ىلگەرىلەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، ەكى ولكە، اۆتونوميالى رايوننىڭ باسىمدىقتار ارقىلى ءوزارا تولىقتاۋىن، ءتۇيىلىستىرۋىن ۇزدىكسىز ىلگەرىلەتىپ، اناعۇرلىم زور كولەمدەگى، اناعۇرلىم كەڭ سالاداعى، اناعۇرلىم تەرەڭ ساتىداعى ناقتى سەلبەستىكتى جۇزەگە اسىرىپ، جاڭا دامۋ ارناسىنا قىزمەت كورسەتۋ جانە ونىمەن توعىسۋ بارىسىندا اناعۇرلىم زور دامۋدى جۇزەگە اسىرۋىن ءۇمىت ەتەمىن.

　　ۋاڭ جۇڭلين كەزدەسۋ جانە اڭگىمەلەسۋ كەزىندە حۋبەي ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنىڭ حۋبەيدىڭ ىندەتتەن ساقتانۋ - تىزگىندەۋىنە، ىندەتتەن كەيىنگى قايتا سەرپىلۋىنە جانە ەكونوميكانى، قوعامدى جوعارى ساپالى دامىتۋىنا كورسەتكەن قولداۋىنا، كومەگىنە العىس ايتتى. ول بىلاي دەدى: سوڭعى جىلدارى اۆتونوميالى رايون مەن بيڭتۋان باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ، باياندى تىنىشتىق پەن جوعارى ساپالى دامۋدىڭ كورنەكتى ناتيجەلەرگە قول جەتكىزۋىن ىلگەرىلەتتى، تاجىريبەلەرى، ادىستەرى ءبىزدىڭ ۇيرەنۋىمىزگە، ۇلگى الۋىمىزعا تاتيدى. شينجياڭنىڭ بۇراتالا موڭعۇل اۆتونوميالى وبلىسى مەن بيڭتۋان 5 - شىسىنىڭ شۋاڭحى قالاسىنا باعىتتامالى كومەكتەسۋ حۋبەيدىڭ باس تارتۋعا كەلمەيتىن كەلەلى ساياسي جاۋاپكەرشىلىگى. ءبىز باس شۋجي شي جينپيڭنىڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ قاجەتىمەن تىعىز بايلانىستىرىپ، حۋبەيدىڭ قۋاتىن ساۋلەلەندىرىپ، شينجياڭنىڭ باتىسقا ەسىك اشۋدىڭ العى شەبىن قالىپتاستىرۋ، ءتۇيىندى كاسىپ سالالارى شوعىرىن قۇرۋ، عىلىم - تەحنيكادا جاڭالىق اشۋ جانە قوعامدىق ىستەردى دامىتۋ سياقتى قاجەتتەرىمەن تەرەڭ ءتۇيىلىستىرىپ، اقىل - پاراسات جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ، شينجياڭدى مادەنيەتپەن نارلەندىرۋ قىزمەتتەرىن ەگجەي - تەگجەيلى، ناقتى ىستەپ، اناعۇرلىم كوپ نىشاندىق جەتىستىكتەر قالىپتاستىرىپ، كورىكتى شينجياڭدى جەدەل قۇرۋعا حۋبەيدىڭ كۇش - قۋاتىن ارنايمىز.

　　ەركىن تۇنياز اڭگىمە كەزىندە بىلاي دەدى: شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ورنى بار، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ كەلەلى جاعدايىنا سايادى. جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋ باۋىرلاس ولكە، رايون، قالالاردىڭ زور كۇشپەن قولداۋىنان ايرىلا المايدى. ۇزاق ۋاقىتتان بەرى حۋبەي ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋ قىزمەتىن باستان - اياق ماڭىزدى جاۋاپكەرشىلىك ساناپ، ماڭىزدى ورىنعا قويىپ، حۋبەيدىڭ قولىنان كەلگەنىنشە شينجياڭنىڭ قاجەتىنە كومەكتەسىپ، شينجياڭعا كومەكتەسۋ سەرپىنىن كۇشەيتىپ، شينجياڭعا كومەكتەسۋ سالالارىن كەڭەيتىپ، شينجياڭعا كومەكتەسۋ تاسىلىنە جاڭالىق ەنگىزىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، حۋبەي ەرەكشەلىگىن ايگىلەيتىن، شينجياڭنىڭ ءىس جۇزىندىك جاعدايىنا ۇيلەسەتىن شينجياڭعا كومەكتەسۋ جولىمەن ءجۇرىپ، وتان ۇلى شاڭىراعىنىڭ مەيىرىن شينجياڭداعى ءار ۇلت حالقىنىڭ جۇرەگىنە جەتكىزىپ، حۋبەي - شينجياڭ ەكى جەر ”بەرەكەلى شاڭىراعىنىڭ“ اسەم سيمفونياسىن جازىپ، شينجياڭنىڭ رەفورماسىنا، دامۋىنا، ورنىقتىلىعىنا ماڭىزدى ۇلەس قوستى. ءبىز وسى رەتكى اڭگىمە ءماجىلىسىن وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ونان ارى جەتە ۇيرەنىپ، جەتە يگەرىپ، شىنايى تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ستراتەگيالىق ءتۇيىلىستىرۋدى تەرەڭدەتىپ، سەلبەستىكتى، اۋىس - كۇيىستى كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە اناعۇرلىم زور ۇلەس قوسامىز.

　　اڭگىمە ماجىلىسىندە، قاتىستى باسشىلار جەكە - جەكە اۆتونوميالى رايوننىڭ جانە بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ احۋالىن، حۋبەي ولكەسىنىڭ ەكونوميكالىق، قوعامدىق دامۋى جانە شينجياڭعا باعىتتامالى كومەكتەسۋ قىزمەتى احۋالىن تانىستىرىپ، ەكى جاق كومەك اتاۋ سالتىن وتكىزدى.

　　شينجياڭداعى كەزىندە حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسى بۇراتالا قالاسىنا، الاتاۋ ساعاسى قالاسىنا جانە بيڭتۋان 5 - شىسىنىڭ شۋاڭحى قالاسىنا كەلىپ جۇمىس باسىندا تەكسەرۋ - زەرتتەۋ جۇرگىزدى. ۋاكىلدەر ۇيىرمەسى بۇراتالا وبلىستىق حالىق شيپاحاناسىنا كەلىپ، ەمدەۋ - دەنساۋلىق ساقتاۋ بويىنشا شينجياڭعا كومەكتەسۋ قىزمەتىنە تەكسەرۋ جۇرگىزدى؛ الاتاۋ ساعاسى تەمىر جولى حالىقارالىق بىرلەسكەن تاسىمال عيماراتىندا، الاتاۋ ساعاسى مەملەكەت قاقپاسى مەن تاس جول شەكارا وتكەلىندە، بۇراتالا شەكارالىق ەكونوميكالىق سەلبەستىك اۋماعىندا، سىرتقا ەسىك اشۋ قىزمەتىنە تەكسەرۋ - زەرتتەۋ جۇرگىزىپ، شينجياڭعا كومەكتەسەتىن كاسىپورىنداردىڭ ءوندىرىس، تيجارات احۋالىن تەكسەردى؛ 5 - شى جوعارى دارەجەلى ورتا مەكتەبىندە جانە حۋاڭگاڭ ورتا مەكتەبىنىڭ 5 - شى بولىمشە مەكتەبىندە، وقىتۋ قۇرىلعىلارىنىڭ سالىنۋ احۋالىن تەكسەرىپ، شينجياڭعا كومەكتەسەتىن وقىتۋشىلارعا امانداستى جانە ولاردان حال سۇرادى؛ بۇراتالا قالاسى شياۋيىڭپان قالاشىعىنىڭ مالشىلاردى وتىرىقتاندىرۋ تۇيىنىنە كەلىپ، شەكارانى گۇلدەندىرىپ، مالشىلاردى بايىتۋ بويىنشا كومەكتەسىپ سالۋ نىساندارىن كوردى، سونداي - اق وتباسىلارىن ارالاپ، حال سۇرادى؛ سايرام كولىندە مادەنيەت - ساياحات بويىنشا شينجياڭعا كومەكتەسۋ قىزمەتىن تەكسەرىپ، ەكولوگيالىق ورتانىڭ قورعالۋ احۋالىنا تەكسەرۋ - زەرتتەۋ جۇرگىزدى. ۋاكىلدەر ۇيىرمەسى تاعى حۋبەي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىن ارالاپ، شينجياڭعا كومەكتەسەتىن كادرلارعا، دارىندىلارعا امانداستى جانە ولاردان حال سۇرادى.

　　حۋ بەي ولكەسىنىڭ باسشىلارىنان جاڭ ۋنبيڭ، ۋ حايتاۋ قيمىلعا قاتىناستى.

　　اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، چىن ۋيجۇن، ۋاڭ جيانشين، قادەن كابەن، شۋە بين، قايسار ابدىكەرىم، لي جىنگو، لي يۇڭحۇڭ قاتارلىلار قاتىستى قيمىلدارعا قاتىناستى.