ما شيڭرۇي، ەركىن تۇنياز لين ۋ جانە ونىڭ ساپارلاستارىمەن كەزدەستى

　　لي يفي كەزدەسۋگە قاتىناستى

　　9 - ايدىڭ 2 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە شاندۇڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى لين ۋ جانە ونىڭ ساپارلاستارىمەن كەزدەستى.

　　□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 3 - كۇنى ۇرىمجىدەن حابارلايدى. 9 - ايدىڭ 2 - كۇنى تۇستەن كەيىن اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە شاندۇڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى لين ۋ جانە ونىڭ ساپارلاستارىمەن كەزدەسىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ونان ارى ارتتىرۋدى ىلگەرىلەتىپ، ەكى جاقتىڭ جان - جاقتى، كوپ ساتىلى، كەڭ سالالى اۋىس - كۇيىسىن، سەلبەستىگىن تەرەڭدەتتى.

اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي كەزدەسۋگە قاتىناستى.

ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل شينجياڭداعى ءار ۇلت حالقى اتىنان شاندۇڭ ولكەسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا جانە قالتقىسىز كومەك كورسەتكەندىگىنە شىن جۇرەكتەن العىس ايتتى. ول بىلاي دەدى: باس شۋجي شي جينپيڭ شاندۇڭ قىزمەتىنە جانە شينجياڭ قىزمەتىنە باسا ءمان بەرەدى ءارى زور ءۇمىت ارتادى. باس شۋجي اراعا ءبىر جىل سالىپ شينجياڭعا تاعى كەلىپ، اۆتونوميالى رايوننىڭ جانە بيڭتۋاننىڭ قىزمەت مالىمەتىن ارنايى تىڭداپ ءارى ماڭىزدى ءسوز سويلەپ، ءبىزدىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋىمىزگە، جاڭا جاعدايداعى شينجياڭ قىزمەتىن ويداعىداي ىستەۋىمىزگە تاعى دا عىلمي جەتەكشىلىك ازىرلەدى، ءبىز بۇعان ايىرىقشا العىس ايتامىز، ايىرىقشا جىگەرلەندىك. شاندۇڭ ولكەسى ”الدا ءجۇرىپ، جاڭا جاعداي اشۋ“ داڭقتى بورىشىن ىشكەرىلەي تياناقتاندىرۋدىڭ، جاڭا داۋىردەگى سوتسياليستىك وسىزاماندانعان قۋاتتى ولكە قۇرىلىسىن تىڭعىلىقتى ىلگەرىلەتۋدىڭ جاندى امالياتى بارىسىندا باستان - اياق شينجياڭعا باعىتتامالى كومەكتەسۋ ساياسي جاۋاپكەرشىلىگىن مىقتاپ ارقالاپ، ”بەس ۇلكەن ماركا ينجەنەرياسىن“ توڭىرەكتەي ءتۇرلى قىزمەتتەردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ دامۋىنا ماڭىزدى ۇلەس قوستى ءارى ەكى ولكە، اۆتونوميالى رايوننىڭ سەلبەستىكتى تەرەڭدەتۋىنە، بىرگە دامۋىنا بەرىك نەگىز قالادى. ەكى جاقتىڭ شينجياڭعا باعىتتامالى كومەكتەسۋدىڭ جوعارى ساپالى دامۋىن دانەكەر ەتىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋدى جەدەلدەتىپ، ەنەرگيا، سۋ يگىلىگى، توقىماشىلىق، كيىم - كەشەك، جابدىق جاساۋ، وزىق حيميا ونەركاسىبى، وسى زامانعى اۋىل شارۋاشىلىعى سياقتى سالالارداعى سەلبەستىكتى كۇشەيتىپ، ”قوناعۋار شاندۇڭنىڭ“ جانە ”كورىكتى شينجياڭنىڭ“ مادەنيەتىنىڭ، ساياحاتىنىڭ ءوزارا توعىسۋىن جەبەپ، شينجياڭدى مادەنيەتپەن نارلەندىرۋدى تەرەڭدەتىپ، ورتا ازيا سياقتى شەتەل بازارلارىندا بەلسەندىلىكپەن ءورىس اشىپ، جوعارى ساپالى دامۋدىڭ تىڭ ونىمدىلىگىن قول ۇستاسا ىلگەرىلەتۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ ۇلەس قوسۋىن ءۇمىت ەتەمىز.

لين ۋ شاندۇڭ ولكەلىك پارتكوم، ولكەلىك ۇكىمەت اتىنان اۆتونوميالى رايوندىق پارتكومنىڭ، ۇكىمەتتىڭ جانە بيڭتۋاننىڭ ۇزاق ۋاقىتتان بەرى شاندۇڭ قىزمەتىنە كوڭىل ءبولىپ، قولداۋ كورسەتكەندىگىنە، شاندۇڭنىڭ شينجياڭعا كومەكتەسەتىن، بيڭتۋانعا كومەكتەسەتىن كادرلارىنا قامقورلىق جاساعاندىعىنا، كوڭىل بولگەندىگىنە شىن جۇرەكتەن العىس ايتتى. لين ۋ بىلاي دەدى: سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭ ەكونوميكالىق، قوعامدىق دامۋدا كورنەكتى تابىسقا قول جەتكىزىپ، قوعامدىق كەلەلى جاعدايدىڭ ورنىقتىلىعىن ساقتادى. شينجياڭعا باعىتتامالى كومەكتەسۋ − باس شۋجي شي جينپيڭنىڭ، پارتيا ورتالىق كوميتەتىنىڭ شاندۇڭعا تاپسىرعان كەلەلى ساياسي مىندەتى، ءبىزدىڭ بۇلتارتپاس ساياسي جاۋاپكەرشىلىگىمىز. تاياۋدا باس شۋجي اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن ارنايى تىڭداپ، شينجياڭنىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى ءارى شينجياڭنىڭ كەلەسى قادامداعى قىزمەتتەرىنە ورنالاستىرۋ جاسادى، بۇل ءبىزدىڭ شينجياڭعا كومەكتەسۋ، بيڭتۋانعا كومەكتەسۋ قىزمەتىن ويداعىداي ىستەۋىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. ءبىز باس شۋجي شي جينپيڭنىڭ ماڭىزدى نۇسقاۋلارىن، تالاپتارىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، شينجياڭعا باعىتتامالى كومەكتەسۋ كەلەلى ساياسي جاۋاپكەرشىلىگىن باتىل مىقتاپ ارقالاپ، شينجياڭنىڭ ءىس جۇزىندىك قاجەتىمەن تىعىز ۇشتاستىرىپ، نازاردى كاسىپ سالاسى، حالىق تۇرمىسى، دارىندىلار، مادەنيەت، وقۋ - اعارتۋ سياقتى ءتۇيىندى سالالارعا شوعىرلاندىرىپ، باعىتتامالى كومەكتەسۋ تەبىنىن ارتتىرىپ، شاندۇڭنىڭ باسىمدىعىن تولىق ساۋلەلەندىرىپ، شينجياڭداعى ءار ۇلت كادر - بۇقاراسىمەن بىرگە قۇلشىنىپ، شاندۇڭ مەن شينجياڭ سەلبەستىگىنىڭ تاعى دا سۇبەلى جەمىس بەرۋىن ىلگەرىلەتەمىز.

شاندۇڭ ولكەسىنىڭ باسشىسى جاڭ حايبو، اۆتونوميالى رايون باسشىسلارىنان جاڭ جۋ، چىن ۋيجۇن، قادەن كابەن، شۋە بين كەزدەسۋگە قاتىناستى.