حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى

　　ما شيڭرۇي، ني يۋەفىڭ، ەركىن تۇنياز، ءزۇمىرات وبۇل، لي يفي قيمىلعا قاتىناستى

9 - ايدىڭ 10 - كۇنىنەن 12 - كۇنىنە دەيىن، حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىنءتۇيىلىستىردى. سۋرەتتە: اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، حىبەي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ني يۋەفىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار لوپنۇر اۋدانىنىڭ گۇلباق قىستاعىندا نەگىزگى ساتى بۇقاراسىنا امانداسۋدا.

　　□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 9 - ايدىڭ 12 - كۇنى كورلادان حابارلايدى. تۇتاس شينجياڭ جوعارىدان تومەنگە دەيىن باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا جورىقتا كورىكتى شينجياڭ قۇرىلىسىن تىڭعىلىقتى ىلگەرىلەتكەن ماڭىزدى ساتتە، 9 - ايدىڭ 10 - كۇنىنەن 12 - كۇنىنە دەيىن، حىبەي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ني يۋەفىڭ حىبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىرىپ، ەكى ولكە، اۆتونوميالى رايوننىڭ اۋىس - كۇيىسىن، سەلبەستىگىن تەرەڭدەتىپ،ءىس جۇزىندىك ارەكەتتەرى ارقىلى باس شۋجيدىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتىستى قيمىلدارعا قاتىناستى.

9 - ايدىڭ 11 - كۇنى تۇستەن بۇرىن حىبەي ولكەسى. شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى كورلادا اشىلدى. ما شيڭرۇي بىلاي دەدى: باس شۋجي شي جينپيڭ اراعا ءبىر جىل سالىپ شينجياڭعا تاعى دا كەلىپ ءارى ماڭىزدى ءسوز سويلەپ، ءبىزدىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋىمىزگە، كورىكتى شينجياڭدى اناعۇرلىم ويداعىداي قۇرۋىمىزعا عىلمي باعدارناما ازىرلەدى ءارى شينجياڭعا باعىتتامالى كومەكتەسۋ قىزمەتىن تەرەڭدەتۋگە تىڭ دا قۋاتتى قوزعاۋشى كۇش ۇستەدى. حىبەي شينجياڭعا باعىتتامالى كومەكتەسۋدى باستان - اياق ماڭىزدى ورىنعا قويىپ، ”قان قۇيۋ“ مەن ”قان جاساۋدى“ قاتار جۇرگىزۋگە، قازىنا كۇشى مەن اقىل - پاراسات كۇشىنە تەڭ ءمان بەرۋگە، قاتتى بولشەك پەن جۇمساق بولشەكتى قاتار جۇرگىزۋگە تاباندى بولىپ، شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوستى، مەن اۆتونوميالى رايوندىق پارتكوم، ۇكىمەت، بيڭتۋان جانە تۇتاس شينجياڭداعى ءار ۇلت كادر - بۇقاراسى اتىنان شىن جۇرەكتەن العىس ايتامىن. كەزەكتە حىبەي مەن شينجياڭ ەكى جەر نازاردى باس شۋجي جۇكتەگەن ستراتەگيالىق ورىن تۇراقتاندىرۋعا شوعىرلاندىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، بايتاق حىبەي ولكەسىنىڭ ەكونوميكادا قۋاتتى ولكە، كورىكتى حىبەي قۇرىلىسىندا ۇزدىكسىز نىق قادام تاستادى، تيانشان الابىندا جوعارى ساپالى دامۋ تەبىنى كۇشەيىپ، كورىكتى شينجياڭ قۇرىلىسى تىڭعىلىقتى ىلگەرىلەتىلىپ، ەكى جەردىڭ اۋىس - كۇيىستى، سەلبەستىكتى تەرەڭدەتۋى جاڭا ورايعا ءدوپ كەلدى. ەكى جاقتىڭ شينجياڭعا باعىتتامالى كومەكتەسۋدى تەرەڭدەتۋدى تۇتقا ەتىپ، مەملەكەت ستراتەگياسىنا قول ۇستاسا قىزمەت وتەپ، بەيجيڭ − تيانجين − حىبەيدىڭ سايكەستى دامۋى، شيۇڭ - ان جاڭا رايونىنىڭ جوعارى ولشەمدى، جوعارى ساپالى قۇرىلىسى جانە جىبەك جولى ەكونوميكالىق بەلدەۋى وزەكتى رايونى قۇرىلىسى جونىندەگى اۋىس - كۇيىستى، ءتۇيىلىسۋدى تەرەڭدەتۋىن ءۇمىت ەتەمىن. كاسىپ سالاسىنىڭ دامۋىن قول ۇستاسا ىلگەرىلەتىپ، ەنەرگيا بايلىعى، كاسىپ سالاسى تەحنيكاسى سياقتى باسىمدىقتاردىڭ ىشكەرىلەي توعىسۋىن ىلگەرىلەتىپ، تۇعىردى كەڭەيتۋ، كاسىپ سالاسىن جەتىلدىرۋ، باقشا رايونىن قۇرۋ، نىسانداردى تياناقتاندىرۋ جاعىندا تىڭ تابىستارعا قول جەتكىزۋ كەرەك. ۇلتتار ىنتىماعىن قول ۇستاسا بەكەمدەپ، شينجياڭدى مادەنيەتپەن نارلەندىرۋ سىندى سارا ينجەنەريانى ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ جۇرەك تۇكپىرىنە تەرەڭ ۇيالاتۋ كەرەك. شينجياڭ نەگىزگى تۇلعالىق جاۋاپكەرشىلىكتى مىقتاپ ارقالاپ، سەلبەستىك مەحانيزمىن بەلسەنە كەمەلدەندىرىپ، ءتۇيىندى نىسانداردىڭ تياناقتانۋىن ىلگەرىلەتىپ، حىبەي مەن شينجياڭنىڭ سەلبەستىگىندە، دامۋىندا جاڭا جاعداي اشۋدى ىلگەرىلەتەدى.

ني يۋەفىڭ بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ورىنعا يە، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ كەلەلى جاعدايىنا سايادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت، بيڭتۋان جانە تۇتاس شينجياڭداعى ءار ۇلت كادر، بۇقاراسى شينجياڭ قىزمەتى باس نىساناسىن مىقتاپ يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى ونىمدىلىككە قول جەتكىزدى، توپتاعان تاجىريبەلەرى، ادىستەرى حىبەيدىڭ مۇقيات ۇيرەنۋىنە، ۇلگى الۋىنا تاتيدى. حىبەيدىڭ جەر - جەرى، تاراۋلارى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، شينجياڭعا باعىتتامالى كومەكتەسۋدى ”ەكىنى تۇراقتاندىرۋدى“ تاباندىلىقپەن قولداۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتى ەتىپ، ساياسي سانالىلىقتى، يدەيالىق سانالىلىقتى، ارەكەت سانالىلىعىن ۇزدىكسىز كۇشەيتىپ، بايىنعولين وبلىسىنىڭ، بيڭتۋان 2 - شىسىنىڭ ءىس جۇزىندىك قاجەتىمەن تىعىز ءتۇيىلىستىرىپ، حالىق تۇرمىسى جاعىندا شينجياڭعا كومەكتەسۋدى، كاسىپ سالاسى جاعىندا شينجياڭعا كومەكتەسۋدى، دارىندىلار جاعىندا شينجياڭعا كومەكتەسۋدى جانە شينجياڭدى مادەنيەتپەن نارلەندىرۋدى ىشكەرىلەي اتقارىپ، شينجياڭعا باعىتتامالى كومەكتەسۋ قىزمەتىنىڭ تىڭ ساتىعا كوتەرىلۋىن تىڭعىلىقتى ىلگەرىلەتۋى كەرەك. بەيجيڭ − تيانجين − حىبەيدىڭ سايكەستى دامۋى، شيۇڭ - ان جاڭا رايونى قۇرىلىسىنىڭ دامۋى، ”ءبىر بەلدەۋ، ءبىر جول“ وزەكتى رايونى قۇرىلىسى سياقتى كەلەلى ورايلاردى مىقتى ۇستاپ جانە ودان پايدالانىپ، ەكى جەردىڭ سەلبەستىك مەحانيزمىن اناعۇرلىم كەمەلدەندىرىپ، ەكونوميكا - ساۋدا سەلبەستىگىن، مادەنيەت - ساياحات سەلبەستىگىن، ەكولوگيالىق سەلبەستىكتى ۇزدىكسىز تەرەڭدەتىپ، جوعارى ساپالى دامۋدى قول ۇستاسا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا بەلسەندى ۇلەس قوسۋ كەرەك.

اڭگىمە ماجىلىسىندە، ەكى جەردىڭ قاتىستى باسشىلارى اۆتونوميالى رايوننىڭ جانە بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەت جاعدايىن، حىبەي ولكەسىنىڭ ەكونوميكالىق، قوعامدىق دامۋ جانە شينجياڭعا باعىتتامالى كومەكتەسۋ قىزمەت جاعدايىن جەكە - جەكە تانىستىردى. حىبەي ولكەلىك وقۋ - اعارتۋ مەڭگەرمەسى، مادەنيەت - ساياحات مەڭگەرمەسى، دەنساۋلىق ساقتاۋ، سالاماتتىق كوميتەتى، عىلىم - تەحنيكا قوعامى بايىنعولين موڭعۇل اۆتونوميالى وبلىسىمەن، بيڭتۋان 2 - شى تيەمىنگۋان قالاسىمەن شينجياڭعا كومەكتەسۋ سەلبەستىگىن تەرەڭدەتۋ جۇلگەلىك كەلىسىمىنە قول قويدى، كومەك قابىلداعان وبلىس، قالالار جانە بيڭتۋاننىڭ شى، قالالارىنىڭ قاتىستى تاراۋلارى، باقشا رايونى حىبەي ولكەسىنىڭ قاتىستى كاسىپورىندارىمەن نىسانعا قارجى قوسۋ سەلبەستىك كەلىسىمىنە قول قويدى. ماجىلىستە تاعى جىلۋ اتاۋ قيمىلى وتكىزىلدى.

شينجياڭداعى كەزىندە حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى لوپنۇر اۋدانى داشي قىستاعىنىڭ وتانشىلدىق تاربيە بازاسىنا كەلىپ، باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن قايتا ەسكە الىپ، لوپنۇر اۋدانى گۇلباق قىستاعى مەن ىنتىماق قالاشىعىنداعى ازىقتىق ساڭىراۋقۇلاق كاسىپ سالاسى باقشاسىنا بارىپ اۋىل - قىستاقتى گۇلدەندىرۋ، شارۋالاردىڭ كىرىسىن ارتتىرۋعا كومەكتەسۋ ونىمدىلىگىنە تەكسەرۋ - زەرتتەۋ جۇرگىزىپ، نەگىزگى ساتىداعى بۇقاراعا امانداستى؛ شينجياڭ شيڭمەي كەن كاسىبى جانە كورلا شاڭكۋ جوعارى، جاڭا تەحنيكا رايونى مۇناي، مۇناي حيميا كاسىپ سالاسى باقشاسىنىڭ ەلەكتروليز مەتال ماگني، ەتاننان ەتيل ءوندىرۋ نىسانىن تەكسەرىپ، ەنەرگيا بايلىعىن كادەگە جاراتىپ پايدالانۋ، عىلىم - تەحنيكادا جاڭالىق اشۋ جاعدايىن ۇعىستى؛ كورلا قالالىق 23 - ورتا مەكتەپ پەن تيەمىنگۋان كاسىپتىك تەحنيكالىق شۋەيۋانىندا وقۋ - اعارتۋ جاعىنان شينجياڭعا كومەكتەسۋدى، تيەمىنگۋان قالالىق حالىق شيپاحاناسىندا ەمدەۋ جاعىنان شينجياڭعا كومەكتەسۋ قىزمەتى اياق الىسىن كوزدەن كەشىردى؛ بايىنعولين وبلىستىق مۇراجاي مەن تيەمىنگۋان قالالىق توڭكەرىستىك تاريحي ەسكەرتكىش سارايىن ەكسكۋرسيالاپ، شينجياڭدى مادەنيەتپەن نارلەندىرۋ قىزمەتىن ۇعىستى؛ كونچى وزەنىنىڭ ەكولوگياسىن قورعاۋ، قالپىنا كەلتىرۋ ونىمدىلىگىن جۇمىس باسىندا تەكسەردى. ۋاكىلدەر ۇيىرمەسى تاعى حىبەي ولكەسىنەن شينجياڭعا كومەككە كەلگەن كادر - دارىندىلارعا امانداستى ءارى اڭگىمە ءماجىلىسىن اشتى.

حىبەي ولكەسىنىڭ باسشىلارىنان جاڭ چاۋچاۋ، كى جۇن، ۋ ۋيدۇڭ، يان پىڭچىڭ، جاڭ چىڭجۇڭ، ۋ شياۋحۋا، كاڭ يانمين قيمىلعا قاتىناستى. اۆتونوميالى رايون مەن بيڭتۋاننىڭ باسشىلارىنان چىن ۋيجۇن، قادەن كابەن، مۇقيات جارمۇقامەت، ياڭ يۇڭ، جاڭ ۋىنشىڭ قاتىستى قيمىلدارعا قاتىناستى.