انار بۇلت \ شينجياڭ گازەتىنىڭ ءتىلشىسى سۋ لۋپيڭ 9 - ايدىڭ 23 - كۇنى ۇرىمجىدەن حابارلايدى. 9 - ايدىڭ 22 - كۇنى 2023 - جىلعى مەملەكەتتىك دەنساۋلىق ساقتاۋ، سالاماتتىق جۇيەسىنىڭ شينجياڭعا كومەكتەسۋ قىزمەت ءماجىلىسى ۇرىمجىدە اشىلدى.

2012 - جىلدان بەرى ورتالىق جيىنى 44 ميلليارد 620 ميلليون يۋان قازىنادان اۋىستىرىلىپ تولەنەتىن قارجى ورنالاستىرىلىپ، جيىنى 12 ميلليارد 800 ميلليون يۋان ورتالىقتىڭ مەجە ەسەبى ىشىندەگى قارجىنى قوسىپ، 3494 نىسان اتقارىپ، شينجياڭنىڭ دەنساۋلىق ساقتاۋ، سالاماتتىق ىستەرىنىڭ دامۋىن قولداپ، ەمدەۋ بويىنشا قىزمەت وتەۋ قابىلەتىن جوعارىلاتۋعا ءونىمدى جەتەكتەدى.

ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شينجياڭعا كومەكتەسۋ قىزمەتى ورىستەتىلگەننەن بەرى، مەملەكەتتىك دەنساۋلىق ساقتاۋ، سالاماتتىق كوميتەتى مەن شينجياڭعا كومەكتەسەتىن ولكە، قالالار ءار جاقتاعى كۇشتەردى ۇيىمداستىرىپ، جۇمىلدىرىپ، ساياسات، قارجى، نىسان، كادر - دارىندى سياقتى جاقتاردا شينجياڭعا جان - جاقتى كومەكتەستى جانە قولداۋ كورسەتتى. 7 ولكە قالانى ىلگەرىندى - كەيىندى 996 ەمدەۋ دارىندىسىن شينجياڭنىڭ 7 قالا دارەجەلى حالىق شيپاحاناسىنا جانە بيڭتۋان 1 - شىسىنىڭ شيپاحاناسىنا كومەكتەسۋگە جىبەرۋگە ۇيىمداستىرىپ، 2066 جاڭا تەحنيكا، جاڭا نىسان ورىستەتىپ، جەرگىلىكتى ورىننىڭ 967 اقتاڭداعىن تولتىرىپ، كومەك قابىلداعان شيپاحانالاردىڭ قىزمەتكەرلەرىن 183 مىڭ ادام (رەت) باۋلىپ، كومەك قابىلداعان شيپاحانالاردىڭ ەمدەۋ بويىنشا قىزمەت وتەۋ قابىلەتى مەن باسقارۋ ورەسىن ءونىمدى جوعارىلاتتى. 2022 - جىلدىڭ سوڭىنا دەيىن، كومەك قابىلداعان 8 شيپاحانا ءپان سانىن 258گە كوبەيتىپ، ايماق، قالا دارەجەلى ءتۇيىندى ارناۋلى پاندەردى 98گە كوبەيتىپ، اۋىستىرىپ ەمدەۋ مولشەرىن ％54. 1تەن ％2. 1كە تومەندەتىپ، ءبىر توپ ءتۇيىندى پاندەر ”جوقتان بار بولۋ“، ”باردان ۇزدىك بولۋ“ سىندى بۇرىلىستى جۇزەگە اسىردى.

ءماجىلىس مىنالاردى باسا دارىپتەدى: جاڭا داۋىردەگى دەنساۋلىق ساقتاۋ، سالاماتتىق جاعىنان شينجياڭعا كومەكتەسۋ قىزمەتىن ويداعىداي ىستەۋ ءۇشىن، ەمدەۋ بايلىعىن ورنالاستىرۋدى كۇشەيتىپ جانە ساپالىلاندىرىپ، بەيىمدەلۋ، قولداۋ سەرپىنىن ونان ارى ارتتىرىپ، ەمدەۋ - دەنساۋلىق ساقتاۋ قۇرىلىمدارىنىڭ قۇرىلعى شارت - جاعدايىن ونان ارى جاقسارتۋ؛ ساپالى ەمدەۋ بايلىعىن تومەنگە ءتۇسىرۋدى ۇزدىكسىز ىلگەرىلەتىپ، ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شينجياڭعا كومەكتەسۋ قىزمەتىن ونان ارى ىلگەرىلەتىپ، ”شيپاحانالار بولىمدەردى كوتەرمەگە الۋ“ بويىنشا كومەكتەسۋ قىزمەتى مەحانيزمىن ۇزدىكسىز ساپالىلاندىرىپ، نازاردى شۇعىل ەمدەۋ - شۇعىل قۇتقارۋعا، سالماقتى اۋرۋلار مەديتسيناسىنا جانە ەرەكشە، ءتۇيىندى ارناۋلى پاندەر قۇرىلىسىنا شوعىرلاندىرىپ، ۇيرەتۋ، كومەكتەسۋ، جەتەكتەۋ سەرپىنىن ارتتىرىپ، كومەك قابىلداعان ءارقايسى شيپاحانالاردىڭ ەمدەۋ بويىنشا قىزمەت وتەۋ قابىلەتى مەن باسقارۋ ورەسىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.

ءماجىلىس مىنالاردى تالاپ ەتتى: تاپشى دارىندىلار مەن نەگىزگى ساتى ەمدەۋ دارىندىلارىن جەتىلدىرۋ، باۋلۋ سەرپىنىن ونان ارى ارتتىرىپ، شينجياڭعا كومەكتەسەتىن ولكە، قالالاردىڭ اقىل - پاراسات باسىمدىعىن تولىق ساۋلەلەندىرىپ، ءپان قۇرىلىسى مەن دارىندىلاردى باۋلۋدى قادامداس ىلگەرىلەتىپ، قوس باعىتتى اۋىس - كۇيىستى، ەكى جەردە باۋلۋدى، جۇمىس ورنىنا ىلەستىرە مىندەتكە ءىلىپ شىنىقتىرۋ سەرپىنىن ارتتىرۋ كەرەك. دەنساۋلىق ساقتاۋ، سالاماتتىق دارىندىلارىن يكەمدى كومەكتەسۋگە جىگەرلەندىرىپ، ەمدەۋ بىرىككەن تۇلعاسى، ماماندار قىزمەت پۋنكتى، تانىمالى شيپاگەرلەر قىزمەت پۋنكتى سياقتىلار ارقىلى قاشىقتان ەمدەۋ، كەڭستىكتەگى ساباقحانا، ينتەرنەتتىك تىكە تاراتۋ سياقتى ينفورماتسيالاندىرۋ تاسىلدەرىن قولدانىپ، كومەكتەسەتىن وڭىرلەردىڭ ساپالى بايلىعىن كومەك قابىلداعان جەرلەردىڭ نەگىزگى ساتىلارىنا ۇزارتىپ، تۇراقتى ەمدەۋ دارىندىلارى قوسىنىن تۇلعالاۋ كەرەك.

ءماجىلىس مىنالاردى تالاپ ەتتى: اۆتونوميالى رايوندىق دەنساۋلىق ساقتاۋ، سالاماتتىق كوميتەتى، شينجياڭ ءوندىرىس - قۇرىلىس بيڭتۋانى دەنساۋلىق ساقتاۋ، سالاماتتىق كوميتەتى تۇلعالىق جاۋاپكەرشىلىكتى كۇشەيتىپ، قىزمەت وتەۋ تانىمىن كۇشەيتىپ، قامتاماسىزداندىرۋ قۋاتىن جوعارىلاتىپ، كومەك قابىلدايتىن ورىننىڭ ىرىقتىلىقپەن تۇيىلىسۋىنە جەتەكشىلىك ەتىپ، كومەكتەسۋشى، كومەك قابىلداۋشى ەكى جاقتىڭ تىعىز ۇشتاسۋىن ىلگەرىلەتىپ، دەنساۋلىق ساقتاۋ، سالاماتتىق جاعىنان شينجياڭعا كومەكتەسۋ قىزمەتىنىڭ تياناقتانۋىن كۇش بىرىكتىرە ىلگەرىلەتۋ كەرەك.