قول ۇستاسا العا ىلگەرىلەپ، قىزمەتتىڭ جاڭا جاعدايىن ۇزدىكسىز اشامىز

　　− 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى بۇكىل شينجياڭدا قىزۋ اڭىس قوزعادى

　□ انار بۇلت \ شينجياڭ گازەتىنىڭ تىلشىلەرى

9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى رايونىمىزداعى ءار ۇلت كادر، بۇقاراسى، ءارقايسى شينجياڭعا كومەكتەسۋ قىزمەتى الدىڭعى شەپ قولباسشىلىق شتابىندا، شينجياڭعا كومەكتەسەتىن كادر، دارىندىلار اراسىندا قىزۋ اڭىس قوزعادى. كوپشىلىك جابال بىلاي دەدى: يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، عىلمي جوسپارلاپ، جاڭا داۋىردەگى جاڭا جورىقتا شينجياڭعا باعىتتامالى كومەكتەسۋ قىزمەتىن تىڭعىلىقتى ىلگەرىلەتىپ، ۋاقىت كۇتىپ تۇرمايدى دەيتىن رۋحپەن قۇلشىنا قىزمەت ىستەپ، قول ۇستاسا ۇدەرە العا باسىپ، قىزمەتتىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرامىز.

　　شينجياڭعا باعىتتامالى كومەكتەسۋ قىزمەتىنىڭ كەلەلى ءمانىن ىشكەرىلەي يگەرەمىز

”مەن توتەنشە جىگەرلەندىم، ايرىقشا تەبىرەندىم. 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ ماڭىزدى بويسۇنۋ ولشەمى، ءبىزدىڭ بۇدان بىلايعى قىزمەتتەرىمىزگە ايقىن العا باسۋ بەتالىسىن كورسەتتى“، - دەدى ىلە قازاق اۆتونوميالى وبلىستىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ورىنباسار مەڭگەرۋشىسى، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى ۋنيۆەرسال گرۋپپاسىنىڭ ورىنباسار باستىعى نيڭ ۋي.

نيڭ ۋي بىلاي دەدى: بولاشاقتاعى قىزمەت بارىسىندا وزىندىك قىزمەت امالياتىمەن تىعىز ۇشتاستىرىپ، ءماجىلىس ورتاعا قويعان جۇمىستاندىرۋدى باعدار ەتكەن كاسىپ سالاسى جاعىنان شينجياڭعا كومەكتەسۋدى ۇزدىكسىز ىشكەرىلەي ىلگەرىلەتىپ، شينجياڭنىڭ ەرەكشەلىگىن، باسىمدىعىن بەينەلەيتىن وسىزاماندانعان كاسىپ سالاسى جۇيەسىن جەدەل قۇرۋ قىزمەت تالابى مەن كومەككە يە بولاتىن جەردىڭ قاجەتىن ۇشتاستىرىپ، جياڭسۋدىڭ ارتقى جاق بايلىعىمەن ۇشتاستىرىپ، وزىندىك جاۋاپكەرشىلىك ارقالاۋمەن ۇشتاستىرىپ، كوپىرلىك، دانەكەرلىك رولىمىزدى بەلسەنە ساۋلەلەندىرەمىز.

”پارتيا ورتالىق كوميتەتى ءۇرتىس 9 رەت ءماجىلىس اشىپ، شينجياڭعا كومەكتەسۋ قىزمەتىن ارناۋلى ورنالاستىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن، شينجياڭداعى ءار ۇلت كادرلارى مەن بۇقاراسىنا دەگەن ىقىلاستى قامقورلىعىن تولىق بەينەلەدى. ءبىز قالىڭ پارتيا مۇشەلەرى مەن كادرلار، جۇمىسشى - قىزمەتكەرلەر مەن بۇقارا شينجياڭعا كومەكتەسۋ قىزمەتىنىڭ سۇبەلى جەتىستىكتەرىنەن يگىلىكتەنۋمەن قاتار، الداعى شينجياڭعا كومەكتەسۋ قىزمەتىنە زور ءۇمىت ارتىپ وتىرمىز“، - دەدى بۋىرشىن اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ۋاڭ مين، - بيىل بۋىرشىن اۋدانى جارىس قيمىلدارىن بىرلەسىپ وتكىزۋ، ساۋداگەر شاقىرۋ بايلىقتارىنان تەڭ يگىلىكتەنۋ، ساياحات دارىندىلارىن ءوزارا اۋىستىرۋ، زەرتتەپ ۇيرەنىپ اۋىس - كۇيىس جاساسۋ، ءوزارا بايلانىس جاساۋ سياقتى جاقتاردا شينجياڭعا كومەكتەسۋشى ولكە، قالالارمەن ۇزدىكسىز ىشكەرىلەي سەلبەستىك جاسايدى. كادر دارىندىلار جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ، وقۋ - اعارتۋ جاعىنان شينجياڭعا كومەكتەسۋ سياقتى جاقتاردان باستاپ كىرىسىپ، ءبىر قىدىرۋ نەگىزدىك سيپاتتى، قامال الۋ سيپاتتى قىزمەت شارالارىن دالمە - ءدال، ناقتى جوبالاپ ىلگەرىلەتەدى.

　　جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتامىز

ۇزاق ۋاقىتتان بەرى شاڭحايدان شينجياڭعا كومەككە كەلگەن كادرلار مەن دارىندىلار قاشقار مادەنيەتىنىڭ دامۋىنا كوڭىل ءبولدى، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ بارىسىندا شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى، جۇرت تىلەگىن ۇيىستىرۋدى نەگىز ەتۋگە تاباندى بولىپ، ”سىرتتان ەنگىزۋ“ مەن ”سىرتقا شىعارۋدى“ ۇشتاستىرۋعا تاباندى بولىپ، شاڭحاي − قاشقار ەكى جەردىڭ ارالاسۋىن، ىشتەسۋىن، توعىسۋىن ىشكەرىلەي ىلگەرىلەتتى.

”شاڭحايدان شينجياڭعا كومەككە كەلگەن كادر رەتىندە، ءوز قىزمەتىمدى تياناق ەتىپ، شىنايى سۇيىسپەنشىلىكپەن ۇلەس قوسامىن. ءتۇرلى فورماداعى قيمىلداردى ورىستەتۋ ارقىلى ۇلتتار ىنتىماعى مەن ەكونوميكالىق دامۋدى ىلگەرىلەتۋدىڭ قۇدىرەتتى بىرىككەن كۇشىن ۇيىستىرامىن“، - دەدى قاشقار ايماقتىق پارتكوم ۇگىت ءبولىمىنىڭ ورىنباسار باستىعى، شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى جۇمىسشى ۇيىمىنىڭ ءتوراعاسى ما جى.

9 - ايدىڭ 16 - كۇنى اتۇش قالاسىنا ورنالاسقان قىزىلسۋ وبلىسى جياڭسۋ كاسىپ سالاسى باقشاسى (اقشي اۋدانى ۋشي باقشاسى) باقشا رايونىن اشتى، باقشا رايونى باۋراعان تۇڭعىش كاسىپورىن رەتىندە، فيفىڭ اۆتوموبيل كاسىبى (قىزىلسۋ وبلىسى) شەكتى سەرىكتەستىگى ءبىر ۋاقىتتا جۇمىس باستادى. بۇل سەرىكتەستىك جالپى 10 ميلليون يۋان قارجى قوسىپ، 2023 - جىلى 6 - ايدا سىناق رەتىندە تيجارات باستادى، قازىر اقشي اۋدانىنان 35 جەرگىلىكتى قىزمەتكەر قابىلدادى، جىل سوڭىنا دەيىن ساتىلىم سوماسى 6 ميلليون يۋاننان اساتىندىعى، كەيىنگى نىساندار تۇگەلدەي سالىنىپ بولعاننان كەيىن، اقشي اۋدانىنان 80 جەرگىلىكتى قىزمەتكەردى جۇمىستانۋعا جەتەكتەيتىندىگى، جىلدىق ساتۋ سوماسى 30 ميلليون يۋانعا جەتەتىندىگى مەجەلەنۋدە.

”اقشي اۋدانىنا ىرگە تەبۋدە شينجياڭعا كومەكتەسۋدىڭ شىعىس جەلىنەن پايدالاندىق. الداعى دامۋ بارىسىندا ءبىز 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ءتىپتى دە كوپ بۇقارانى جۇمىستانۋعا جەتەكتەپ، كاسىپورىندار مەن جەرگىلىكتى ورىنداعى ءار ۇلت بۇقاراسىنىڭ بىرگە بايۋىن جۇزەگە اسىرامىز“، - دەدى فيفىڭ اۆتوموبيل كاسىبى (قىزىلسۋ وبلىسى) شەكتى سەرىكتەستىگىنىڭ باس ديرەكتورى تۋ چيفىڭ.

　　العىس سەزىمىن ەكپىندەي ىلگەرىلەۋدىڭ كۇش - قۋاتىنا اينالدىرامىز

”سوڭعى جىلدارى شينجياڭعا كومەكتەسۋ قىزمەتى سۇبەلى تابىستارعا قول جەتكىزىپ، ماناس اۋدانىنىڭ حالىق تۇرمىسىن جاقسارتۋىنا، ەكونوميكالىق دامۋىنا قۋاتتى قوزعاۋشى كۇش ۇستەدى. ماناس اۋدانىنداعى ءار ۇلت پەرزەنتتەرى العىسقا تولى سەزىممەن ۇدەرە العا تارتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرادى“. ماناس اۋداندىق پارتكومنىڭ شۋجيى ليۋ چياڭ بىلاي دەدى: بۇدان كەيىن ماناس اۋدانى بايلىق باسىمدىعىن ساۋلەلەندىرىپ، جاڭا ەنەرگيا، كومىر - حيميا ونەركاسىبى، توقىماشىلىق، كيىم - كەشەك، اۋىل شارۋاشىلىعى قوسىمشا ونىمدەرىن مانەرلەۋ، جالپى وڭىرلىك ساياحات، ساۋدا، زات اينالىمى سىندى 6 ءتۇيىندى كاسىپ سالاسىن كۇش سالا ىلگەرىلەتىپ، جۇڭگونىڭ ءمولدىر قاس تاسى قالاسى، جۇڭگونىڭ ءجۇزىم شارابى قالاسى، مەملەكەتتىك سازدىق باقشاسى، مەملەكەتتىك ورمان باقشاسى سىندى ”4 تانىسقىنى“ ايگىلەپ، مەملەكەتتىك اۋىل - قىستاقتى گۇلدەندىرۋدەن ۇلگى كورسەتەتىن اۋدان، شينجياڭنىڭ جالپى وڭىرلىك ساياحاتتان ۇلگى كورسەتەتىن اۋدان، مەملەكەتتىك اۋىل شارۋاشىلىعىن وسىزامانداندىرۋدان ۇلگى كورسەتەتىن رايون قۇرۋعا كۇش سالا قۇلشىنادى.

”شينجياڭعا كومەككە كەلگەن كادرلاردىڭ شەكارا وڭىرگە تامىر تارتىپ، قالتقىسىز ۇلەس قوسۋ رۋحى نەگىزگى ساتىداعى اۋىل - قالاشىق كادر، بۇقاراسىن ەرلىكپەن العا باسۋعا جىگەرلەندىردى. سوڭعى جىلدارى ءبىز بىرگە كەدەيلىكتەن ارىلتۋدان قامال الىپ، نىساندى يگەرىپ، قوسىن قۇرىپ، حالىق تۇرمىسىن قامتاماسىز ەتىپ، بۇيا اۋىلى سىندى ىرىستى توپىراقتا شينجياڭعا كومەككە كەلگەن كادرلاردىڭ كۇرەس ءىزىن قالدىردىق“. لوپ اۋدانى بۇيا اۋىلدىق پارتكومنىڭ شۋجيى گو جىچياڭ بىلاي دەدى: بۇيا اۋىلىنداعى ءار ۇلت كادر، بۇقاراسى العىس سەزىمىن ۇدەرە العا تارتاتىن كۇشكە اينالدىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، قاراستى اۋماقتاعى ءار ۇلت بۇقاراسىنىڭ ءوزارا قارايلاسىپ، بىرگە دامۋىنا مۇمكىندىك جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ جاڭا تاراۋىن قۇلشىنا جازادى.

(ءتىلشى ءرايدا، قاتىناسقان تىلشىلەر جاڭ تيڭ، بارشا تەگىس، سۇڭ ۋيگو، ەرىكتى تىلشىلەر حۋاڭ يىنلۇڭ، جۋ ۋىنبين، جاڭ يانچاۋ)