جۇمىستاندىرۋ ارقىلى شينجياڭعا كومەكتەسۋ پارمەندى، ءونىمدى بولدى

　　□ انار بۇلت \ شينجياڭ گازەتىنىڭ ءتىلشىسى ءرايدا

”بۇل ارادا قىزمەت ىستەگەنىمە 2 جىل بولدى، گۋاڭجوۋدىڭ تەحنيكتەرىنەن حولۇڭگونىڭ ەگىمشىلىك جانە باسقارۋ تەحنيكاسىن ۇيرەندىم، قازىر 18 حولۇڭگو جىلىجايىن باسقارۋعا ءوزىم جاۋاپتىمىن“، - دەدى 9 - ايدىڭ 18 - كۇنى گۋاڭجوۋدىڭ شينجياڭعا كومەكتەسۋ قىزمەتى اترەتى قارجى قوسىپ كومەكتەسىپ سالعان كونە شار اۋدانى وعۇساق قالاشىعى وسى زامانعى اۋىل شارۋاشىلىعى كاسىپ سالاسى باقشاسى حولۇڭگو ەگىمشىلىك بازاسىندا چىنباع قىستاعىنىڭ تۇرعىنى امانگۇل روزى ريزا كوڭىلمەن.

10 جىلدان بەرى شينجياڭعا كومەكتەسەتىن ولكە، قالالار جۇمىستاندىرۋدى ەڭ ۇلكەن حالىق تۇرمىسى ينجەنەرياسى ەتۋگە تاباندى بولىپ، 15 مىڭنان استام كاسىپورىندى شينجياڭعا كەلىپ ىرگە تەبۋگە باۋراۋ ارقىلى 2 ميلليوننان استام ادامدى جۇمىستاندىردى. شينجياڭعا كومەكتەسەتىن ولكە، قالالار ءتۇيىندى جۇمىستاندىرۋ ارقىلى شينجياڭعا كومەكتەسۋ نىساندارىن اتقارىپ، بازارلانعان، قوعامدانعان جۇمىستاندىرۋ ارناسىن ۇزدىكسىز كەڭەيتىپ، ەڭبەككۇشتەردىڭ جۇمىستانۋ قابىلەتىن كوپ ساتىلى جوعارىلاتىپ، ءار ۇلت بۇقاراسىنىڭ ورنىقتى جۇمىستانۋىنا، كىرىستەرىن ۇزدىكسىز ارتتىرۋىنا دەم بەردى.

　　كاسىپ سالاسىن دامىتىپ، جۇمىستانۋدىڭ دارەجەسىن جوعارىلاتتى

”بۇرىن تۇيە باعۋدا تەك ەتىن جەۋدى عانا بىلۋشى ەدىك، كاسىپورىن كەلگەننەن كەيىن، ءبىز تاعى تۇيە ءسۇتىن ءوندىرۋ، ساتۋ ارقىلى قوماقتى كىرىس كىرگىزدىك“. شينجياڭ جۇڭتو بيو عىلىم - تەحنيكا شەكتى سەرىكتەستىگىنىڭ قىزمەتكەرى ويىمبەك ماۋدابەك بىلاي دەدى: بۇرىن وتباسىمىزدا 20 تۇيە بار ەدى، قازىر كوبەيىپ 200گە جەتتى، وسىنداي وزگەرىستى حىناننىڭ شينجياڭعا كومەكتەسۋىنەن بولە قاراۋعا بولمايدى.

شينجياڭ جۇڭتو بيو عىلىم - تەحنيكا شەكتى سەرىكتەستىگى − حىنان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ ساۋداگەر شاقىرىپ قارجى ەنگىزگەن كاسىپورىن. 2016 - جىلى بۇل كاسىپورىن اراتۇرىك اۋدانىنا ىرگە تەۋىپ، جەرگىلىكتى ورىننىڭ وزگەشە تۇيە باعىمشىلىعى ءداستۇرى مەن جاراتىلىستىق ابزالدىلىعىنان پايدالانىپ تۇيە شارۋاشىلىعى كاسىپ سالاسىن دامىتتى. قازىر بۇل كاسىپورىن تۇيە باعىمشىلىعى بازاسى، تۇيە ءسۇتى تالقانى، تۇيە ءسۇتى ونىمدەرى، عىلمي زەرتتەۋ، مانەرلەۋ، ساتۋ ءبىر تۇلعالانعان دەربەس ءبىلىم مەنشىك ۇقىعىنا يە وسىزاماندانعان كاسىپورىن بولىپ قالىپتاستى.

”كاسىپورىن ورنىقتى وندىرىسكە قوسىلعاننان بەرى اراتۇرىك اۋدانىنان 40قا جۋىق كەدەيلىكتەن ارىلعان وتباسىن، سونداي - اق جەرگىلىكتى بۇقارانى ورنىقتى جۇمىستانۋعا قابىلدادى“، - دەدى شينجياڭ جۇڭتو بيو عىلىم - تەحنيكا شەكتى سەرىكتەستىگىنىڭ باس ديرەكتورى ۋاڭ لەي.

تيانشان الابىنا كوز جىبەرسەڭىز، ويىمبەك سياقتى شينجياڭعا كومەكتەسەتىن كاسىپورىندارعا سۇيەنىپ جۇمىستانۋدى جۇزەگە اسىرعان ادام ساناپ تاۋىسقىسىز.

2015 - جىلدان بەرى حىبەي ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى حىبەي بايىنعولين وبلىسىنىڭ ەكولوگيالىق كاسىپ سالاسى باقشاسى سياقتى شينجياڭعا كومەكتەسۋ نىساندارى قۇرىلىسىن تۇعىر ەتىپ، كاسىپ سالاسى ارقىلى جۇمىستانۋدى جەتەكتەيتىن 7 نىسانىن اتقارىپ، 3 ميلليارد 400 ميلليون يۋان قارجى قوسىپ، 16 مىڭنان استام ءار ۇلت بۇقاراسىنىڭ جۇمىستانۋىنا تىكەلەي جەتەكشىلىك ەتتى؛ تيانجين قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى شينجياڭعا كومەكتەسۋ نىساندارىندا الدىمەن جەرگىلىكتى بۇقارانىڭ جۇمىسقا ورنالاسۋ قاجەتىن ويلاستىرۋعا تاباندى بولىپ، كومەك قابىلداۋشى جەردەگى تيانجين ونەركاسىپ باقشاسىنا سۇيەنىپ، ەڭبەككۇش شوعىرلانعان كاسىپ سالالارىن زور كۇشپەن ەنگىزىپ، 7400دەن استام ءار ۇلت بۇقاراسىن سول جەردىڭ وزىندە جۇمىستاندىردى؛ لياۋنيڭنىڭ شينجياڭعا كومەكتەسۋ الدىڭعى شەپ قولباسشىلىق شتابى شينجياڭعا كومەكتەسۋ نىساندارىنىڭ جۇمىسقا قابىلداۋ قابىلەتىن ۇزدىكسىز جوعارىلاتىپ، جەرگىلىكتى ورىنداعى ەڭبەككۇشتەردى ”كىلت تاپسىرۋ“ نىسان قۇرىلىسىنا قاتىناسۋعا بەلسەنە قابىلداپ، 5000نان استام ادام (رەت) جۇمىستانۋعا تىكەلەي جەتەكشىلىك ەتتى...

بۇل كۇندەرى ءبىر - بىرلەگەن شينجياڭعا كومەكتەسۋ نىساندارى شينجياڭعا تامىر تارتىپ، ىرگە تەۋىپ، ءبىر - بىرلەگەن كاسىپ سالاسى شينجياڭدا ەڭسە كوتەرگەندىكتەن جەرگىلىكتى بۇقارا دا ورنىقتى قىزمەتكە يە بولدى، تۇرمىس دەڭگەيى ۇزدىكسىز جوعارىلادى.

　　باۋلۋدى كۇشەيتىپ، تەحنيكالىق شەبەرلىكتىڭ دەڭگەيىن جوعارىلاتتى

”وسى بىرنەشە جىلدا اپەكەم ەكەۋىمىز وسى زامانعى ءبىر زاۆودتا تەحنيكا ۇيرەندىك، قازىر ەسىك الدىنداعى كاسىپ سالاسى باقشاسىندا جۇمىس ىستەيمىز، ەرەكشە قولايلى. اپەكەم ەكەۋىمىز دە تەحنيكالىق تىرەكتىمىز. قازىر ءاربىرىمىزدىڭ ايلىق كىرىسىمىز 6000 يۋاننان استى، وتە جاقسى“، - دەدى ءۇيى قۇلجا اۋدانىندا تۇراتىن اينۇر يليجان. اينۇر مەن اپەكەسى ەكەۋىنىڭ وسى زامانعى زاۆودتا جۇمىسقا ورنالاسۋى جياڭسۋدىڭ شينجياڭعا باعىتتامالى كومەكتەسۋ قوسىنىنىڭ كومەگىنەن ايرىلا المايدى.

اجارلاندىرۋشى، شاشتاراز باۋلىدى، اۆتوكولىككە سىر بۇركەتىن ورتا دارەجەلى جۇمىسشى باۋلىدى... تاياۋدا ”حاڭجوۋ ۇستاسى“ ايگىلى ۇستا كەڭسەسى اقسۋ قالاسىندا ىركەس - تىركەس كۋرس اشىپ، نازاريالىق لەكسيا، امالياتتىق مەڭگەرۋ جانە مىسالدار ارقىلى تالقىلاۋ سياقتى كوپ ءتۇرلى وقىتۋ فورماسى ارقىلى كۋرسانتتاردىڭ كاسىپتىك تەحنيكالىق شەبەرلىك دەڭگەيىن جوعارىلاتتى.

حاڭجوۋدىڭ شينجياڭعا كومەكتەسۋ قولباسشىلىق شتابىنىڭ قولداۋىندا، 3 جىلدان بەرى ”حاڭجوۋ ۇستاسى“ ايگىلى ۇستاز كەڭسەسىنەن ماماندار ىلگەرىندى - كەيىندى 40 نەشە ادام (رەت) اقسۋعا كەلىپ جەتەكشىلىك ەتىپ، اقسۋ قالالىق تەحنيك جۇمىسشىلار مەكتەبىندەگى وقىتۋشى - وقۋشىلاردان، تەحنيكالىق شەبەرلىك جارىسى شاباندوزدارىنان 18 ادام حاڭجوۋعا بارىپ ءبىلىم تولىقتاپ، دەڭگەيىن ءوسىردى ءارى حاڭجوۋدان اقسۋ قالاسى تەحنيك جۇمىسشىلار مەكتەبى جوعارى تەحنيكالىق شەبەرلىك دارىندىلارىنىڭ ءبىلىم اسىرۋ بازاسىن ورنالاستىرىپ، كەڭسەنى سۇيەنىش ەتىپ جيىنى اۆتوكولىك رەمونتتايتىن جۇمىسشىدان 140 ادام، اجارلاندىرۋشىدان 320 ادام، شاشتارازدان 97 ادام تاربيەلەپ، اقسۋ قالاسىنداعى قاتىستى سالالار ءۇشىن جوعارى ساپالى كاسىپپەن شۇعىلدانۋشىلاردى باۋلىدى.

باۋلۋ جۇمىستانۋ قادامىنا ىلەستى، جۇمىستانۋ كاسىپ سالاسىنىڭ قادامىنا ىلەستى. شينجياڭعا كومەكتەسەتىن ءارقايسى ولكە، قالا كوپ ءتۇرلى ءتاسىل ارقىلى ءتۇرلى تەحنيكالىق شەبەرلىككە باۋلۋ كۋرستارىن اشىپ، كومەككە يە بولعان جەردەگى ءار ۇلت بۇقاراسىنىڭ جۇمىستانۋ، شارۋاشىلىق قۇرۋ ساپاسىن ۇزدىكسىز جوعارىلاتتى.

پارتيا 18 - قۇرىلتايىنان بەرى جياڭشي شينجياڭعا كومەكتەسىپ ءتۇرلى تەحنيكالىق شەبەرلىك بويىنشا 178 مىڭ 320 ادام رەت باۋلىدى، شارۋاشىلىق قۇرۋدى سۇيەمەلدەۋ، قولداۋ ينجەنەرياسىن اتقارىپ، جاڭادان شارۋاشىلىق قۇرعان جانە جۇمىستانۋعا جەتەكتەگەن ادام سانى 16 مىڭ 530 بولدى؛ 8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعاننان كەيىن، شاندۇڭ شينجياڭعا كومەكتەسىپ جيىنى ءتۇرلى كاسىپتىك تەحنيكالىق شەبەرلىككە باۋلۋ كۋرسىن 169 رەت اشىپ، كومەككە يە بولعان جەردەگى بۇقارانى 90 نەشە مىڭ ادام (رەت) باۋلىدى؛ 2020 - جىلدان بەرى فۋجياننىڭ شينجياڭعا كومەكتەسۋ الدىڭعى شەپ قولباسشىلىق شتابى ىلگەرىندى - كەيىندى سانجى حۇيزۋ اۆتونوميالى وبلىسىنىڭ جانە باعىتتامالى كومەككە يە بولاتىن اۋدان، قالالاردىڭ وتباسىلىق قىزمەت وتەۋ، شاشيان ۇساق - تۇيەك تاعامدارى، قولونەر بۇيىمدارىن جاساۋ سياقتى كاسىپتىك تەحنيكالىق شەبەرلىككە باۋلۋ جانە اۋىل - قىستاق قولدانىلمالى دارىندىلار كۋرسىن 132 رەت وتكىزىپ، جيىنى 11 مىڭنان استام ادام (رەت) باۋلىدى...

شينجياڭعا كومەكتەسەتىن ءارقايسى ولكە، قالا نازاردى جۇمىستانۋ تەحنيكالىق شەبەرلىگىن جانە دەڭگەيىن وسىرۋگە شوعىرلاندىرىپ، كومەككە يە بولعان جەردىڭ ءبىر توپ ورتا، جوعارى دارەجەلى كاسىپتىك مەكتەپتەردى جانە تەحينكالىق جۇمىسشى مەكتەپتەرىن قۇرۋىن قولداپ، قاراجاتپەن قامتاماسىزداندىرۋ، وقىتۋشىلاردى باۋلۋ سياقتى مەحانيزمدەردى اقاۋسىزداندىرىپ، كەمەلدەندىرىپ، ءار ۇلت بۇقاراسىن تەحنيكالىق شەبەرلىككە باۋلۋدى جان - جاقتى ىلگەرىلەتتى. شينجياڭعا كومەكتەسەتىن ءارقايسى ولكە، قالا كومەككە يە بولاتىن جەردىڭ كاسىپ سالاسى سۇرانىسىن، بۇقارانىڭ جۇمىستانۋ سۇرانىسىن نەگىز ەتىپ، باۋلۋ مازمۇنىن ۇزدىكسىز بايىتىپ، ءار ۇلت بۇقاراسىنىڭ جوعارى ساپالى جۇمىستانۋدى جۇزەگە اسىرۋى ءۇشىن تەحنيكالىق شەبەرلىك قامتاماسىزدىعىن ازىرلەدى.

　　قىزمەت ورنىقتى بولىپ، باقىت كورسەتكىشى جوعارىلادى

تاياۋدا ياركەن اۋدانىنداعى شينجياڭ شياۋفىڭ اۋىل شارۋاشىلىعى جاسامپازدىعى، دامۋ شەكتى سەرىكتەستىگىنىڭ ءوندىرىس سەحىندا، ماشينالار گۇرىلدەپ، جۇمىسشىلار ءتارتىپ بويىنشا جۇمىس ىستەپ جاتتى. عىلىم - تەحنيكا جاسامپازدىعىنان پايدالانىپ، ءاربىر تال بادام بادام مايى، بادام كامپيتى سياقتى 20 نەشە ءتۇرلى ونىمگە اينالدى.

”قازىر قىزمەتىمىز ورنىقتى، كىرىسىمىز دە جامان ەمەس، ەرەكشە باقىتتى سەزىنەمىن“، - دەدى وسى سەرىكتەستىكتىڭ قىزمەتكەرى ءدىلنار روزى.

ءدىلناردىڭ ءۇيى ياركەن اۋدانىندا، وقۋ تاۋىسقاننان كەيىن قىزمەتى تىم ورنىقتى بولمادى، 2020 - جىلى مەكتەپتەگى مۇعالىمى مەن شينجياڭعا كومەكتەسۋشى كادرلاردىڭ تانىستىرۋىمەن شياۋفىڭ اۋىل شارۋاشىلىعى سەرىكتەستىگىنە كەلىپ پراكتيكا ىستەگەننەن كەيىن، ول وسى ارادا ۇزاق ۋاقىت دامۋ تالعامىن جاسادى. شوگەل دە پىسىق بولعاندىقتان ول تەز ارادا سەرىكتەستىكتىڭ ءوندىرىس جاۋاپتىسى مىندەتىنە تاعايىندالدى.

”مەنىڭ بۇل ارادا قىزمەت ىستەگەنىمە 4 جىل بولدى، شاڭحايلىق وقىتۋشىنىڭ جەتەكشىلىگىندە، مەن ەلەكتروندى جابدىقتاردى مەڭگەرۋدى ۇيرەنىپ، ءاربىر ءتۇرلى ءونىمدى جاساۋ ءتارتىبىن يگەرىپ، ەشتەڭە بىلمەيتىن ’اق قاعازدان‘ ءوندىرىس سەحىنىڭ جاۋاپتىسىنا اينالدىم“، - دەدى ءدىلنار، - قازىر وتباسىمىزداعىلار جاڭا عيمارات ۇيگە كوشىپ كىردى، اۆتوكولىك ساتىپ الدى، ەندىگى نىسانام وتباسىمداعىلاردى ەرتىپ شاڭحايعا ساياحاتتاي بارۋ.

مەيلى كاسىپ سالاسىنىڭ دامۋى جۇمىستانۋدى جەتەكتەسىن، الدە تەحنيكالىق شەبەرلىككە باۋلۋ جۇمىستانۋ ساپاسىن جوعارىلاتسىن، اقىرعى ەسەپتە مۇنىڭ يگىلىگىن شينجياڭداعى ءار ۇلت بۇقاراسى كوردى.

شارۋا مامەتايسا اۋلا كوپ تولدەيتىن قوي باعىمشىلىعى تەحنيكاسىن ۇيرەنىپ، تۇرمىسى بارعان سايىن جاقساردى؛ رايلام ءماتتۇرسۇن ەسىگىنىڭ الدىنداعى حۇڭشيڭ ىركى (توبى) شينجياڭ حۇڭرۇڭ جەڭىل ونەركاسىپ شەكتى سەرىكتەستىگىنە جۇمىسقا ورنالاسىپ، ورنىقتى كىرىسى بار بولدى؛ ءومار مامەت حۋبەيدىڭ شينجياڭعا كومەكتەسۋىنىڭ قولداۋىندا قىستاقتان ەرەن بازار اشىپ، جۇك اۆتوكولىگىن ساتىپ الدى، ءۇيىن جوندەتتى...

ورنىقتى جۇمىستانۋ ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىقتىرىپ، اناعۇرلىم قامتاماسىزداندىرىپ، اناعۇرلىم باياندى ەتتى.