انار بۇلت \ شينجياڭ گازەتىنىڭ ءتىلشىسى ءرايدا 9 - ايدىڭ 22 - كۇنى قاشقاردان حابارلايدى. 9 - ايدىڭ 21 - كۇنى حىنان ولكەسى. شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى قاشقاردا اشىلدى.

حىنان ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى سۇن شوۋگاڭ ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ءماجىلىستى باسقاردى ءارى ءسوز سويلەدى.

سۇن شوۋگاڭ حىنان ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنىڭ ەكونوميكالىق، قوعامدىق دامۋدا قول جەتكىزگەن كەلەلى تابىستارىن قۇتتىقتايتىندىعىن ءبىلدىردى، اۆتونوميالى رايون مەن بيڭتۋاننىڭ ۇزاق ۋاقىتتان بەرى حىناننىڭ قىزمەتىنە كوڭىل ءبولىپ، كومەك كورسەتكەندىگىنە جانە حىناننىڭ شينجياڭعا كومەكتەسۋ قىزمەتىنە ءمان بەرىپ، قولداۋ كورسەتكەندىگىنە العىس ايتتى. ول بىلاي دەدى: الداعى جەردە 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، حىناننىڭ باسىمدىعىن تولىق ساۋلەلەندىرىپ، ”14 - بەسجىلدىقتاعى“ شينجياڭعا كومەكتەسۋ جوباسىن ورتا مەزگىلدىك باعالاۋ جانە ساپالىلاندىرۋ، رەتتەۋ قىزمەتىن ورىستەتىپ، شينجياڭعا كومەكتەسۋ نىساندارىنان ءبىر توبىن سالالاپ، تياناقتاندىرىپ، قىزمەتتى ىلگەرىلەتۋ مەحانيزمىن ۇزدىكسىز كەمەلدەندىرىپ، شينجياڭدى ورنىقتىرۋعا، شينجياڭدى باسقارۋعا، شينجياڭدى گۇلدەندىرۋگە حىنان ۇلەسىن قوسامىز.

چىن ۋيجۇن بىلاي دەدى: 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى جەڭىسپەن اشىلعان ساتتە، حىنان ولكەسىنە توتە قاراستى قاتىستى تاراۋلاردىڭ، قاتىستى كاسىپورىنداردىڭ شينجياڭعا كەلىپ شينجياڭعا كومەكتەسۋ قىزمەتىن بىرگە اقىلداسۋى حىنان ولكەلىك پارتكومنىڭ، ولكەلىك ۇكىمەتتىڭ شينجياڭعا كومەكتەسۋ قىزمەتىنە وسكەلەڭ ءمان بەرەتىندىگىن تولىق ايگىلەدى. ۇزاق ۋاقىتتان بەرى حىنان ولكەسى حالىق تۇرمىسى جاعىنان شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، جۇمىستاندىرۋ جاعىنان شينجياڭعا كومەكتەسۋ، مادەنيەت جاعىنان شينجياڭعا كومەكتەسۋ سياقتى ءتۇيىندى مىندەتتەردى مىقتاپ ارقاۋ ەتىپ، قۇمىل قالاسىنىڭ جانە بيڭتۋان 13 - شىنىڭ، اۋەلى، بۇكىل رايوننىڭ ەكونوميكاسىنىڭ دامۋىن، حالىق تۇرمىسىنىڭ جاقسارۋىن، ۇلتتار ىنتىماعىن، قوعام ورنىقتىلىعىن پارمەندى جەبەدى. جاڭا باستامادا ەكى ولكە، رايون اراسىنداعى اۋىس - كۇيىستى جانە سەلبەستىكتى اناعۇرلىم كۇشەيتىپ، بىرگە دامۋدى جۇزەگە اسىرىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا جاڭا ۇلەس قوسۋدى ءۇمىت ەتەمىن.

اۆتونوميالى رايوننىڭ جانە بيڭتۋاننىڭ باسشىلارىنان ازەز مۇسا، حا زىڭيوۋ ماجىلىسكە قاتىناستى.