ما شيڭرۇي، شۇي چين، لياڭ حۇيليڭ، ەركىن تۇنياز، ءزۇمىرات وبۇل، لي يفي، حى جۇڭيوۋ قيمىلعا قاتىناستى

10 - ايدىڭ 10 - كۇنىنەن 12 - كۇنىنە دەيىن، حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 10 - ايدىڭ 11 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، حيلۇڭجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شۇي چين، حيلۇڭجياڭ ولكەلىك پارتكومنىڭ ورىنباسار شۋجيى، ولكە باستىعى لياڭ حۇيليڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز التاي كاسىپتىك وقۋ - اعارتۋ باقشا رايونىندا وقۋ - اعارتۋ جاعىنان شينجياڭعا كومەكتەسۋدىڭ ناتيجەسىنە تەكسەرۋ - زەرتتەۋ جۇرگىزۋدە.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 12 - كۇنى التايدان حابارلايدى. 10 - ايدىڭ 10 - كۇنىنەن 12 - كۇنىنە دەيىن، حيلۇڭجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شۇي چين حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىرىپ، ىشكەرىلەي تەكسەرىپ، تەكسەرۋ - زەرتتەۋ جۇرگىزىپ، قىزمەت اڭگىمە ءماجىلىسىن اشىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ءىس جۇزىندىك ارەكەتىمەن دايەكتىلەندىرىپ، باس شۋجيدىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن جانە 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن تياناقتاندىرىپ، اناعۇرلىم ناقتى شارالار ارقىلى جاڭا داۋىردەگى شينجياڭعا باعىتتامالى كومەكتەسۋ قىزمەتىن اناعۇرلىم جوعارى ساپامەن ورىستەتۋدى ىلگەرىلەتىپ، ەكى ولكە - رايوننىڭ اۋىس - كۇيىسىنىڭ، سەلبەستىگىنىڭ جاڭا جاعدايىن قول ۇستاسا اشتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، حيلۇڭجياڭ ولكەلىك پارتكومنىڭ ورىنباسار شۋجيى، ولكە باستىعى لياڭ حۇيليڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.

10 - ايدىڭ 10 - كۇنى تۇستەن كەيىن حيلۇڭجياڭ ولكەسى · شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە اشىلدى. ما شيڭرۇي بىلاي دەدى: شينجياڭدا باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ جاتقان ماڭىزدى ساتتە، حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ تەكسەرۋ - زەرتتەۋ جۇرگىزۋى حيلۇڭجياڭ ولكەسىنىڭ شينجياڭعا كومەكتەسۋ قىزمەتىنە وسكەلەڭ ءمان بەرەتىندىگىن جانە شينجياڭ حالقىنا دەگەن تەرەڭ دوستىق سۇيىسپەنشىلىگىن ايگىلەدى، مەن اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادر - بۇقاراسى اتىنان ۋاكىلدەر ۇيىرمەسىندەگىلەردى شىنايى قارسى الامىن. ۇزاق ۋاقىتتان بەرى حيلۇڭجياڭ ولكەلىك پارتكوم، ولكەلىك ۇكىمەت شينجياڭعا كومەكتەسۋ قىزمەتىن ماڭىزدى ساياسي جاۋاپكەرشىلىك رەتىندە قاراپ، دارىندى، قارجى، نىسان جاقتارىنان التاي ايماعىنا جانە بيڭتۋان 10 - شىسىنا زور كۇشپەن قولداۋ كورسەتىپ، شينجياڭنىڭ رەفورماسىنا، دامۋىنا، ورنىقتىلىعىنا بەلسەندى ۇلەس قوستى، شينجياڭداعى ءار ۇلت كادر - بۇقاراسى بۇعان شىن جۇرەكتەن العىس ايتادى، ونى كوكەيىندە ساقتايدى. كەزەكتە حيلۇڭجياڭ باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، شىعىس سولتۇستىكتى جاپپاي گۇلدەندىرۋ ورايىن يگەرىپ، ”ءۇش بازا، ءبىر قالتقى، ءبىر بيىكتى“ كۇش سالا قۇرىپ، قارا توپىراقتى ءوڭىردىڭ گۇلدەنىپ، دامىعان قۋانارلىق بەينەسىن ايگىلەۋدە. شينجياڭ تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن كۇش سالا ىلگەرىلەتۋدە. ەكى ولكە − رايوننىڭ وسى رەتكى تەكسەرۋدى، ءتۇيىلىستىرۋدى وراي ەتىپ، شينجياڭعا كومەكتەسۋ تۇعىرى دانەكەرىنەن ويداعىداي پايدالانىپ، سەلبەسۋدىڭ ۇزاق ءونىمدى مەحانيزمىن اقاۋسىزداندىرىپ، جاڭا دامۋ ارناسىنا قىزمەت وتەۋدى جانە توعىسۋدى، جوعارى ساپالى دامۋدى ىلگەرىلەتۋدى ارقاۋ ەتە وتىرىپ، حيلۇڭجياڭنىڭ جابدىق جاساۋ، عىلىم - تەحنيكادا جاڭالىق اشۋ، جوعارى دارەجەلى وقۋ - اعارتۋ، وسى زامانعى ەگىن، مال شارۋاشىلىعى سياقتى باسىمدىقتارىن ساۋلەلەندىرىپ، كاسىپ سالاسى دامۋىنىڭ قۋاتىن، دارەجەسىن بىرگە جوعارىلاتۋدى ءۇمىت ەتەمىن. ”ءبىر بەلدەۋ، ءبىر جول“ قۇرىلىسىنىڭ ەسىك اشۋىن، سەلبەستىگىن تەرەڭدەتىپ، حالىقارالىق بازاردى قول ۇستاسا بىرگە اشىپ، اشىق ەكونوميكانىڭ دەڭگەيىن ۇزدىكسىز جوعارىلاتۋ كەرەك. شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ءار ۇلت كادر - بۇقاراسىنىڭ جان - جاقتى ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. شينجياڭ تۇلعالىق جاۋاپكەرشىلىكتى شىنايى ارقالاپ، شينجياڭعا كومەكتەسۋدىڭ ءتۇيىندى قىزمەتتەرىن جانە ەكى جاقتى سەلبەستىك ىستەرىن ناقتاپ تياناقتاندىرىپ، ەكى ولكە − رايوننىڭ اۋىس - كۇيىسىنىڭ، سەلبەستىگىنىڭ جاڭا تاراۋىن جازۋ كەرەك.

شۇي چين حيلۇڭجياڭ ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى حيلۇڭجياڭعا زور كۇشپەن قولداۋ كورسەتكەنىنە، حيلۇڭجياڭنىڭ شينجياڭعا كومەكتەسۋگە كەلگەن كادر، دارىندىلارىنا كوڭىل بولگەندىگىنە، قامقورلىق جاساعاندىعىنا العىس ايتتى. ول بىلاي دەدى: شينجياڭ باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىردى، تيانشان الابىنىڭ تىنىش تا بەرەكەلى بولۋى، كورىكتى شينجياڭنىڭ كۇن سايىن جاڭارا ءتۇسۋى جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ دانا دا دۇرىس ەكەندىگىن تولىق دالەلدەدى، جۇڭگوشا سوتسياليزم ءتۇزىمىنىڭ كورنەكتى ابزالدىلىعىن تولىق ايگىلەدى، ”ەكىنى تۇراقتاندىرۋدىڭ“ شەشۋشى ءمانىن تولىق كورسەتتى. كەزەكتە ولكەمىز باس شۋجي شي جينپيڭنىڭ حيلۇڭجياڭدى كوزدەن كەشىرگەن كەزدەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جاپپاي ۇيرەنىپ، دايەكتىلەندىرىپ، تياناقتاندىرىپ، مەملەكەتتىڭ دامۋ كەلەلى جاعدايىنداعى ستراتەگيالىق ورنىن مىقتاپ يگەرىپ، جوعارى ساپالى دامۋدى، باياندى گۇلدەندىرۋدى تىڭعىلىقتى ىلگەرىلەتۋدە. جاڭا جورىقتا ءبىز شينجياڭنىڭ دامۋ تاجىريبەلەرىنەن مۇقيات ۇيرەنىپ، ۇلگى الىپ، باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن بىرگە دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ كەلەلى ساياسي جاۋاپكەرشىلىگىن باتىل ارقالاپ، شينجياڭنىڭ قاجەتىمەن تىعىز بايلانىستىرىپ، حيلۇڭجياڭنىڭ بارلىق كۇشىن ىسكە قوسىپ، كاسىپ سالاسى جاعىنان شينجياڭعا كومەكتەسۋدى، وقۋ - اعارتۋ جاعىنان شينجياڭعا كومەكتەسۋدى، دارىندى جاعىنان شينجياڭعا كومەكتەسۋدى جانە حالىق تۇرمىسى جاعىنان شينجياڭعا كومەكتەسۋدى ىشكەرىلەي اتقارىپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن ۇزدىكسىز اشامىز؛ باتىس بولىكتى قاۋىرت اشۋ مەن شىعىس سولتۇستىكتى جاپپاي گۇلدەندىرۋ ستراتەگياسىن ءتۇيىلىستىرۋدى قول ۇستاسا ىلگەرىلەتىپ، باتىسقا ەسىك اشۋدىڭ الدىڭعى شەبى مەن سولتۇستىككە ەسىك اشۋدىڭ جاڭا بيىگىن تۇتاستىرىپ، ءوزارا ىقپالداستىرىپ، ”8 ءىرى كاسىپ سالاسى شوعىرى“ مەن ”4567“ وسى زامانعى كاسىپ سالاسى جۇيەسىن ورگانيكالى ۇشتاستىرىپ، وسى زامان اۋىل شارۋاشىلىعى، ازىق - تۇلىك ونەركاسىبى، مادەنيەت - ساياحات سياقتى سالالارداعى ناقتى سەلبەستىكتى كۇشەيتىپ، جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت وتەپ جانە ونىمەن توعىسىپ، جوعارى ساپالى دامۋدى جانە وسىزامانداندىرۋ قۇرىلىسىن جەدەل ىلگەرىلەتەمىز؛ جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، گۋمانيتارلىق سالاداعى ىستەستىكتى، ىقپالداستىقتى تەرەڭدەتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، وتانىمىزدىڭ شەكارا ءوڭىرىن بىرگە گۇلدەندىرۋگە، دامىتۋعا، باياندى تىنىشتىققا اناعۇرلىم زور ۇلەس قوسامىز.

اڭگىمە ماجىلىستە ەركىن تۇنياز، لي يفي جەكە - جەكە اۆتونوميالى رايوننىڭ، بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايىن تانىستىردى. لياڭ حۇيليڭ حيلۇڭجياڭنىڭ ەكونوميكالىق، قوعامدىق دامۋىن جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى. التاي ايماعى حيلۇڭجياڭ ولكەلىك اۋىل شارۋاشىلىعى، اۋىل - قىستاق مەڭگەرمەسىمەن، اۋىل شارۋاشىلىق عىلىم اكادەمياسىمەن، بەيداحۋاڭ تىڭ يگەرۋ توبىمەن سەلبەستىك كەلىسىمىنە قول قويدى. ماجىلىستە تاعى جىلۋ اتاۋ سالتى وتكىزىلدى.

شينجياڭداعى كەزىندە حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى حالىقارالىق قۇرلىقتىق پورت اۋماعىن ىشكەرىلەي ارالاپ، ساۋدا - زات اينالىمىن، باتىسقا ەسىك اشۋ قىزمەتىن تەكسەردى. التاي ايماعىنا جانە بيڭتۋان 10 - شىسى بەيتۇن قالاسىنا بارعاندا ۋاكىلدەر ۇيىرمەسىندەگىلەر التاي كاسىپتىك وقۋ - اعارتۋ باقشا رايونىنا بارىپ، وقۋ - اعارتۋ بويىنشا شينجياڭعا كومەكتەسۋدىڭ ناتيجەسىنە تەكسەرۋ - زەرتتەۋ جۇرگىزدى، جياڭجۇنشان قار شاڭعى الاڭى قۇرىلىسىنىڭ جۇمىس جۇرگىزۋ جانە قار - مۇز ەكونوميكاسىن دامىتۋ جاعدايىن سول جەردىڭ وزىندە تەكسەرىپ كوردى، التاي استرونوميا سارايىنىڭ اشىلۋ قيمىلىنا قاتىناستى ءارى عىلىم جالپىلاستىرۋ قىزمەتىن تەكسەردى، 10 - شىنىڭ 183 - تۋانىنداعى لۇڭجياڭ قۇرىلعىلى اۋىل شارۋاشىلىعى بازاسىندا، وسى زامانعى اۋىل شارۋاشىلىعى كاسىپ سالاسى باقشاسىندا سۋ ونىمدەرى باعىمشىلىعى جانە جاس جۇگەرىنى مانەرلەۋ كاسىپ سالاسىن تەكسەردى، بۋرىلتوعاي اۋدانى كوكاعاش اۋىلى اقوتكەل قىستاعىنا ىشكەرىلەي بارىپ، شينجياڭعا كومەكتەسۋ نىساندارى ارقىلى اۋىل - قىستاقتى گۇلدەندىرۋ اياق الىسىنا دەم بەرۋ جاعدايىنا تەكسەرۋ - زەرتتەۋ جۇرگىزىپ، نەگىزگى ساتىداعى بۇقارانى ارالاپ، ولاردان حال سۇرادى. ۋاكىلدەر ۇيىرمەسىندەگىلەر تاعى شينجياڭعا كومەكتەسەتىن كادر، دارىندىلارعا امانداسىپ، التاي ايماعىمەن جانە بيڭتۋان 10 - شىسىمەن باعىتتامالى كومەكتەسۋ قىزمەتى اڭگىمە ءماجىلىسىن اشتى.

حيلۇڭجياڭ ولكەسىنىڭ باسشىلارىنان ياڭ بو، يۇي حۇڭتاۋ، جاڭ ياجۇڭ قيمىلعا قاتىناستى. اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، چىن ۋيجۇن، قادەن كابەن، شۋە بين، جاڭ ۋىنشىڭ، حا زىڭيوۋ، گاۋ جيميڭ، دۋ حۇڭيان قاتىستى قيمىلدارعا قاتىناستى.