ما شيڭرۇي، جوۋ زۋ - ي، جاۋ لۇڭ، ەركىن تۇنياز قيمىلعا قاتىناستى

　10 - ايدىڭ 17 - كۇنىنەن 18 - كۇنىنە دەيىن فۋجيان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 10 - ايدىڭ 18 - كۇنى اۆتونوميالى رايوندىق پارتكومنىڭ شۋجيى ما شيڭرۇي، فۋجيان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جوۋ زۋ - ي، فۋجيان ولكەلىك پارتكومنىڭ ورىنباسار شۋجيى، ولكە باستىعى جاۋ لۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز سانجى قالاسىنداعى شينجياڭ اۋىل شارۋاشىلىق كورمە باقشاسىنا بارىپ، ەرەكشە اۋىل شارۋاشىلىعىن جانە فۋجيان مەن شينجياڭنىڭ اۋىل شارۋاشىلىق سەلبەستىگىنىڭ اياق الىسىن تەكسەردى.

　　□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 18 - كۇنى سانجىدان حابارلايدى. 10 - ايدىڭ 17 - كۇنىنەن 18 - كۇنىنە دەيىن فۋجيان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جوۋ زۋ - ي فۋجيان ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن جانە 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارى مەن تالاپتارىن دەن قويا تياناقتاندىرۋدى ارقاۋ ەتە وتىرىپ، ىشكەرىلەي قىزمەت تەكسەرىپ، تەكسەرۋ - زەرتتەۋ جۇرگىزىپ، اڭگىمە وتكىزىپ، پىكىر اۋىستىرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىن اناعۇرلىم جوعارى ساپامەن ورىستەتۋدى، جاڭا جورىقتا فۋجيان مەن شينجياڭنىڭ اۋىس - كۇيىسىنىڭ، سەلبەستىگىنىڭ اناعۇرلىم زور ونىمدىلىككە قول جەتكىزۋىن ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي، فۋجيان ولكەلىك پارتكومنىڭ ورىنباسار شۋجيى، ولكە باستىعى جاۋ لۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قيمىلعا قاتىناستى.

شينجياڭداعى كەزىندە فۋجيان ولكەسىنىڭ پارتيا، ۇكىمەت ۋاكىلدەر ۇيىرمەسى سانجى حۇيزۋ اۆتونوميالى وبلىسىنىڭ قۇتىبي اۋدانى ارشىليديان قالاشىعى ارشىليديان قىستاعىن ارالاپ، شينجياڭعا كومەكتەسۋدىڭ اۋىل - قىستاقتى گۇلدەندىرۋگە دەم بەرۋ ونىمدىلىگىن تەكسەرىپ، نەگىزگى ساتىداعى بۇقارانى ارالاپ، ولارعا امانداستى؛ قۇتىبي اۋدانىنىڭ شىجييۋان باقشاسىنىڭ قۇرىلىسىن باسقارۋ، ەكولوگيا جاعىنان حالىققا تيىمدىلىك جاساۋ قىزمەتىنە تەكسەرۋ - زەرتتەۋ جۇرگىزدى؛ شينجياڭ اۋىل شارۋاشىلىق كورمە باقشاسىنا بارىپ، ەرەكشە اۋىل شارۋاشىلىعىن جانە فۋجيان مەن شينجياڭنىڭ اۋىل شارۋاشىلىق سەلبەستىگىنىڭ اياق الىسىن تەكسەردى. ۋاكىلدەر ۇيىرمەسى جانە فۋجيان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنا بارىپ، شينجياڭعا كومەككە كەلگەن كادرلارعا، دارىندىلارعا امانداستى، ولاردان حال سۇرادى.

10 - ايدىڭ 17 - كۇنى تۇستەن كەيىن فۋجيان ولكەسى. شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسى سانجى قالاسىندا اشىلدى. ما شيڭرۇي بىلاي دەدى: فۋجيان ولكەسىنىڭ پارتيا، ۇكىمەت ۋاكىلدەر ۇيىرمەسى شالعاي جەردى الىسسىنباي، شينجياڭعا كەلىپ تەكسەرۋدە بولىپ، شينجياڭعا باعىتتامالى كومەكتەسۋ قىزمەتىن ىلگەرىلەتىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك ارەكەتتەرى ارقىلى دايەكتىلەندىردى، مەن اۆتونوميالى رايوندىق پارتكوم، ۇكىمەت جانە بۇكىل رايونداعى ءار ۇلت كادرلارى، بۇقاراسى اتىنان شىنايى قارسى الاتىنىمىزدى بىلدىرەمىن، فۋجيان ولكەسىنىڭ سانجىعا قالتقىسىز كومەكتەسكەندىگىنە، شينجياڭنىڭ رەفورماسىن، دامۋىن، ورنىقتىلىعىن پارمەندى جەبەگەندىگىنە شىن جۇرەكتەن العىس ايتامىن. فۋجيان − شي جينپيڭ جاڭا ءداۋىر جۇڭگوشا سوتسياليزم يدەياسى تۋىنداعان ماڭىزدى جەر جانە امالياتتا ايگىلەنگەن جەر. پارتيانىڭ جاسامپاز نازارياسىنىڭ جەتەكشىلىگىندە، فۋجيان ”ءتورت اناعۇرلىم زور“ ماڭىزدى تالابىن دەن قويا دايەكتىلەندىرىپ، جاڭا فۋجيان ۇلى جوباسىن زەيىن - زەردە، كۇش - قۋات ۇيىستىرا وتىرىپ تاماشا رەالدىققا اينالدىردى، فۋجياننىڭ بايتاق جەرىندە ومىرشەڭدىك كۇش قاۋلادى. شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋعا قۇلشىنۋدا. شينجياڭ مەن فۋجيان بىردەي ”ءبىر بەلدەۋ، ءبىر جول“ بويىنداعى وزەكتى رايون، مەملەكەتتىڭ ستراتەگيالىق جالپى جاعدايىنا قىزمەت وتەۋدىڭ جانە جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ بارلىعىندا ماڭىزدى جاۋاپكەرشىلىك ارقالاپ وتىر، ەكى جاقتىڭ سەلبەستىك اياسى كەڭ. ەكى ولكە، رايوننىڭ شينجياڭعا باعىتتامالى كومەكتەسۋدى تەرەڭدەتۋدى تۇتقا ەتىپ، كەڭ ءورىستى، تەرەڭ قاتپارلى سەلبەستىكتە اناعۇرلىم زور ونىمدىلىككە قول جەتكىزۋدى ۇزدىكسىز ىلگەرىلەتۋىن ءۇمىت ەتەمىن، كاسىپ سالاسى ىستەستىگىن تەرەڭدەتىپ، فۋجياننىڭ سيفرلى ەكونوميكا، جاسىل ەكونوميكا، مادەنيەت - ساياحات شارۋاشىلىعى سياقتىلارى مەن شينجياڭنىڭ ”8 ءىرى كاسىپ سالاسى شوعىرىنىڭ“ ارتىقشىلىقتار ارقىلى ءبىرىن - ءبىرى تولىقتاۋىن ىلگەرىلەتىپ، حالىقتىق شارۋاشىلىق سەلبەستىگىن كۇشەيتىپ، وسىزاماندانعان كاسىپ سالاسى جۇيەسىن ورناتۋ كەرەك، ەسىكتى اشىق ۇستاۋدى، دامۋدى بىرگە جەبەپ، ەكى ءىرى ”وزەكتى رايوننىڭ“ دامۋدى ءتۇيىلىستىرۋىن كۇشەيتىپ، سىرتقا قاراتىلعان ەكونوميكا - ساۋدا سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇراتىن مەملەكەتتەردىڭ بازارىن بىرگە اشىپ، حالىقارالىق سەلبەستىكتىڭ جاڭا باسىمدىعىن تۇلعالاۋ كەرەك، قول ۇستاسا حالىق تىلەگىن ۇيىستىرىپ، شينجياڭدى مادەنيەتپەن نارلەندىرۋدى تەرەڭدەتىپ، ەكى جەردىڭ اۋىس - كۇيىس جاساسۋىن، ءوزارا ساپاردا بولۋىن كۇشەيتىپ، جۇڭحۋا ۇلتى ورتاق تۇلعا تانىمىن نيەتتەس، ماقساتتاس بولا وتىرىپ بەرىك ورناتۋ كەرەك. شينجياڭ تۇلعالىق رولىن ساۋلەلەندىرىپ، شينجياڭعا كومەكتەسۋ بايلىعىن ءبىر تۇتاس جوسپارلاپ، ەكى جاقتىڭ سەلبەستىك تۇرلەرىنىڭ تياناقتانۋىن بار كۇشپەن قامتاماسىز ەتىپ، شينجياڭعا باعىتتامالى كومەكتەسۋدە جانە فۋجيان − شينجياڭ سەلبەستىگىندە تاعى دا جاڭا تاراۋ جازۋدى ىلگەرىلەتەدى.

جوۋ زۋ - ي فۋجيان ولكەلىك پارتكوم، ولكەلىك ۇكىمەت اتىنان اۆتونوميالى رايوندىق پارتكومنىڭ، ۇكىمەتتىڭ ۇزاق ۋاقىتتان بەرى فۋجيان قىزمەتىنە بار كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەدى: باس شۋجي شي جينپيڭ فۋجياندا قىزمەت ىستەگەن كەزىندە شينجياڭعا كومەكتەسۋ قىزمەتىنە باسا ءمان بەرىپ، ءبىر قىدىرۋ ماڭىزدى ۇستانىمدار جانە كەلەلى اماليات باستاماسىن اشقان بولاتىن، بۇل ءبىزدىڭ شينجياڭعا باعىتتامالى كومەكتەسۋ قىزمەتىن ويداعىداي ىستەۋىمىزدەگى باعالى بايلىق جانە وزگەشە باسىمدىق. فۋجيان ماڭىزدى تاپسىرمانى ەستە بەرىك ساقتاپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، كومەك قابىلداعان جەردىڭ جوعارى ساپالى دامۋىنا جانە قوعامنىڭ تىنىشتىعىنا، ورنىقتىلىعىنا دەم بەرىپ، تىڭعىلىقتى ونىمدىلىككە قول جەتكىزدى. سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكالىق، قوعامدىق دامۋدا سۇبەلى تابىستارعا قول جەتكىزدى، ءبىز بۇعان شىن جۇرەكتەن سۇيىنەمىز. شينجياڭداعى قالىڭ كادرلاردىڭ، بۇقارانىڭ شەكارا وڭىرگە تامىر تارتقان، شەكارا وڭىرگە ءوزىن ارناعان رۋحاني قاسيەتى دەن قويا ۇيرەنۋگە تاتيدى. شينجياڭنىڭ سانجى وبلىسىنا باعىتتامالى كومەكتەسۋ پارتيا ورتالىق كوميتەتىنىڭ فۋجيانعا تاپسىرعان داڭقتى ساياسي مىندەتى، فۋجياننىڭ بۇلتارتپاس جاۋاپكەرشىلىگى جانە بورىشى. تالاي جىلدان بەرى ەكى ولكە، رايون باعىتتامالى كومەكتەسۋ بارىسىندا تەرەڭ سۇيىسپەنشىلىك ورناتىپ، سۇبەلى جەتىستىكتەرگە قول جەتكىزدى. فۋجيان شينجياڭعا باعىتتامالى كومەكتەسۋ قىزمەتىن ۇزدىكسىز دەن قويا، سۇيىسپەنشىلىكپەن، كۇش سالا ويداعىداي ىستەپ، شينجياڭمەن جاڭا داۋىردەگى جاڭا جورىقتا تىزە قوسا ەكپىندەي ىلگەرىلەيدى. ”ءبىر بەلدەۋ، ءبىر جول“ قۇرىلىسى سەلبەستىگىن اناعۇرلىم كۇشەيتىپ، قۇرلىقتاعى، تەڭىزدەگى، اۋەدەگى جانە ينتەرنەتتەگى جىبەك جولىن بىرگە كەڭەيتىپ، بىرلەسىپ ”سىرتقا شىعارىپ“ شەتەل بازارىن اشۋ؛ ەكى جاقتىڭ ەكونوميكا - ساۋدا اۋىس - كۇيىسىن تەرەڭدەتىپ، ءتۇرلى كورمە - ماجىلىستەر ارقىلى ساۋداگەر شاقىرىپ قارجى ەنگىزۋدى كەڭەيتىپ، فۋجياندىق ساۋداگەرلەردى شينجياڭعا كەلىپ تەكسەرۋدە بولىپ، كەڭەسىپ، قارجى قوسىپ، شارۋاشىلىعىن شالقىتۋعا جەتەكتەۋ، وعان قولداۋ كورسەتۋ؛ ساياحاتتى دامىتۋ سەلبەستىك دەڭگەيىن جوعارىلاتىپ، ساياحات بايلىعىن بىرگە اشىپ، ساياحات ينفورماتسياسىنىڭ، ساياحات كاسىپ سالاسىنىڭ، ساياحات بازارىنىڭ ءوزارا تيىمدىلىك جاساپ، ءبىر - بىرىنە پايدا جەتكىزۋىن جەبەۋ؛ ەكولوگيالىق قۇرىلىس پەن جاسىل دامۋدى بىرگە ىلگەرىلەتىپ، وزىق تاجىريبەلەردەن ءوزارا ۇيرەنىپ، ءوزارا ۇلگى الىپ، ەكى ولكە، رايوننىڭ اۋىس - كۇيىسىنىڭ، سەلبەستىگىنىڭ جاڭا تاراۋىن قول ۇستاسا جازۋ كەرەك.

اڭگىمە ماجىلىسىندە ەركىن تۇنياز اۆتونوميالى رايوننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايىن تانىستىردى، جاۋ لۇڭ فۋجيان ولكەسىنىڭ ەكونوميكالىق، قوعامدىق دامۋىن جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى.

فۋجيان ولكەسىنىڭ باسشىلارىنان شيڭ شانپيڭ، ۋ شيەلين، اۆتونوميالى رايوننىڭ باسشىلارىنان تيان شياڭلي، قادەن كابەن قيمىلعا قاتىناستى.