يىن لي، ما شيڭرۇي، يىن يۇڭ، ەركىن تۇنياز، ءزۇمىرات وبۇل، لي يفي، حى جۇڭيوۋ قيمىلعا قاتىناستى

　　10 - ايدىڭ 19 - كۇنىنەن 21 - كۇنىنە دەيىن بەيجيڭ قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 10 - ايدىڭ 19 - كۇنى بەيجيڭ قالالىق پارتكومنىڭ شۋجيى يىن لي، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، بەيجيڭ قالالىق پارتكومنىڭ ورىنباسار شۋجيى، قالا باستىعى يىن يۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار بيڭتۋان 14 - شى 47 - تۋانىنىڭ ساقا اسكەرلەر رۋحى كورمە سارايىن ەكسكۋرسيالاۋدا.

　　□ سۋرەتتى انار بۇلت\شينجياڭ گازەتىنىڭ ءتىلشىسى لي رۇي تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 19 - كۇنىنەن 21 - كۇنىنە دەيىن بەيجيڭ قالالىق پارتكومنىڭ شۋجيى يىن لي بەيجيڭ قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارىن، تالاپتارىن دەن قويا تياناقتاندىرىپ، قىزمەت تەكسەرۋ، تەكسەرۋ - زەرتتەۋ، اڭگىمە وتكىزۋ، پىكىر اۋىستىرۋ، ت.ب قيمىلدارىن ىشكەرىلەي ورىستەتىپ، پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن اناعۇرلىم ناقتى شارالارمەن ىلگەرىلەتىپ، بەيجيڭ مەن شينجياڭنىڭ جان - جاقتى اۋىس - كۇيىسىندە، سەلبەستىگىندە ۇزدىكسىز جاڭا جاعداي اشۋدى ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، بەيجيڭ قالالىق پارتكومنىڭ ورىنباسار شۋجيى، قالا باستىعى يىن يۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قيمىلعا قاتىناستى.

شينجياڭداعى كەزىندە بەيجيڭ قالاسىنىڭ پارتيا، ۇكىمەت ۋاكىلدەر ۇيىرمەسى حوتان ايماعىن، بيڭتۋان 14 - شى كۇنيۇي قالاسىن جانە ءۇرىمجى قالاسىن ىشكەرىلەي ارالاپ، تەكسەرۋدە بولدى. ۋاكىلدەر ۇيىرمەسى 14 - شى 47 - تۋاننىڭ ساقا اسكەرلەر رۋحى كورمە سارايىن ەكسكۋرسيالاپ، بيڭتۋاننىڭ رەفورما، دامۋ جانە مادەنيەت قۇرىلىسى جاعدايىنا تەكسەرۋ - زەرتتەۋ جۇرگىزىپ، تۋان - الاڭنىڭ شىلان ورمانىنا بارىپ، ەرەكشە جەمىس ورمانى شارۋاشىلىعىنا تەكسەرۋ - زەرتتەۋ جۇرگىزدى؛ جيڭحى توقىماشىلىق سەرىكتەستىگىنىڭ كاسىپ سالاسىن دامىتۋ، جۇمىستاندىرۋدى جەبەۋ قىزمەتىنە تەكسەرۋ جۇرگىزدى، حوتان اۋداندىق حالىق شيپاحاناسىندا، حوتان قالاسى بەيجيڭ حايديان باستاۋىش مەكتەبىندە ەمدەۋ، وقۋ - اعارتۋ ارقىلى شينجياڭعا كومەكتەسۋ اياق الىسىنا تەكسەرۋ - زەرتتەۋ جۇرگىزدى، قاراقاش اۋدانىنىڭ توراڭعى ورمانى ەكولوگياسىن قورعاۋ، شولەيتتەنۋدەن جالپىلىق ساقتانۋ - تىزگىندەۋ جاعدايىن سول جەردە ۇعىستى، حوتان اۋدانى حانارىق قالاشىعىنىڭ داۋشياڭ قىستاعىندا اۋىل - قىستاقتى گۇلدەندىرۋ، نەگىزگى ساتى قۇرىلىسى قىزمەتتەرىنە تەكسەرۋ جۇرگىزىپ، نەگىزگى ساتىداعى بۇقاراعا امانداسا باردى. ءۇرىمجى قالاسىندا ۋاكىلدەر ۇيىرمەسى حالىقارالىق قۇرلىقتىق پورت اۋماعىن ىشكەرىلەي ارالاپ، ”ءبىر بەلدەۋ، ءبىر جول“ وزەكتى رايونى قۇرىلىسى قىزمەتىنە تەكسەرۋ جۇرگىزدى، بەيجيڭ بانكەسى ءۇرىمجى بولىمشە بانكەسىنە بارىپ، فينانس ارقىلى شينجياڭعا كومەكتەسۋ جەتىستىگىنە تەكسەرۋ - زەرتتەۋ جۇرگىزدى، اۆتونوميالى رايوندىق مۇراجايدى ەكسكۋرسيالاپ، مادەني ەسكەرتكىشتەردى قورعاۋ، ودان پايدالانۋ جانە شينجياڭدى مادەنيەتپەن نارلەندىرۋ قىزمەتىن ۇعىستى. ۋاكىلدەر ۇيىرمەسى تاعى جەكە - جەكە حوتاندا، ۇرىمجىدە شينجياڭعا كومەككە كەلگەن كادر - دارىندىلارعا امانداسا بارىپ، ولاردان حال سۇرادى.

10 - ايدىڭ 21 - كۇنى تۇستەن بۇرىن بەيجيڭ قالاسى. شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە اشىلدى. يىن لي اۆتونوميالى رايوندىق پارتكومنىڭ، ۇكىمەتتىڭ جانە بۇكىل رايونداعى قالىڭ كادرلاردىڭ، بۇقارانىڭ ۇزاق ۋاقىتتان بەرى بەيجيڭگە بار كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەدى: شينجياڭ قىزمەتىن ويداعىداي ىستەۋ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ كەلەلى جاعدايىنا سايادى، باس شۋجي شي جينپيڭ بۇعان ايرىقشا ءمان بەرىپ، ءبىر قىدىرۋ ماڭىزدى سوزدەر جاريالاپ، ءبىر قىدىرۋ ماڭىزدى نۇسقاۋلار بەرىپ، بەكىتۋلەر جازىپ، ستراتەگيالىق جانە جالپى جاعداي تۇرعىسىنان جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىردى. شينجياڭعا باعىتتامالى كومەكتەسۋ − شينجياڭ قىزمەتىنىڭ ماڭىزدى قۇرامداس بولىگى، بەيجيڭ باستاماشىلدىقپەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭعا باعىتتامالى كومەكتەسۋ قىزمەتىن ساياسي جانە جالپى جاعداي تۇرعىسىنان باعامداۋعا جانە جوسپارلاۋعا تاباندى بولىپ، اناعۇرلىم زور سەرپىنمەن، اناعۇرلىم دالمە - ءدال شارامەن، اناعۇرلىم قاتاڭ ستيلمەن شينجياڭعا باعىتتامالى كومەكتەسۋ قىزمەتتەرىن تىڭعىلىقتى، ويداعىداي ىستەيدى. شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، شينجياڭعا باعىتتامالى كومەكتەسۋ قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، بەيجيڭنىڭ عىلىم - تەحنيكا باسىمدىعىن ساۋلەلەندىرە وتىرىپ جاڭادان گۇلدەنگەن كاسىپ سالالارىن دامىتۋعا دەم بەرىپ، وقۋ - اعارتۋ ارقىلى شينجياڭعا كومەكتەسۋدى تەرەڭدەتىپ، حالىق تۇرمىسى ينجەنەرياسى قۇرىلىسىن تىڭعىلىقتى مىقتى يگەرۋ كەرەك. ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ”بەيجيڭدە ءۇيىم بار“ سياقتى قيمىلداردى ىشكەرىلەي ورىستەتىپ، ۇلتتار ىنتىماعى، العاباسارلىعى پراكتيكا بازاسىن ويداعىداي قۇرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ كەرەك. ”بيڭتۋان مەن جەرگىلىكتى ورىن ءبىر تۇتاس جۇيە“ دەگەنگە تاباندى بولىپ، جەرگىلىكتى ورىننىڭ ونەركاسىپتەندىرۋ، قالا - قالاشىقتاندىرۋ قۇرىلىسىنا دەم بەرۋ كەرەك. ”ءبىر بەلدەۋ، ءبىر جول“ قۇرىلىسىنا بىرگە قىزمەت وتەپ، جان - جاقتى، كوپ سالاداعى سەلبەستىكتى تەرەڭدەتىپ، كەشەندى قورعامالى باجى اۋماعى، ەركىن ساۋدا رايونى، حالىقارالىق زات اينالىم ارناسى جانە زات تاسىمال، جيناۋ - جونەلتۋ ورتالىعى قۇرىلىسى سياقتى جاقتاردا ىستەستىكتى كۇشەيتىپ، عىلىم - تەحنيكادا جاڭالىق اشۋ سەلبەستىگىن تەرەڭدەتىپ، ءوندىرۋ مەن ساتۋدى ۇشتاستىرۋ مەحانيزمىن كەمەلدەندىرىپ، مادەنيەت - ساياحات اۋىس - كۇيىسىن جەبەۋ كەرەك. باعىتتامالى كومەكتەسۋ قىزمەت مەحانيزمىن ءتىپتى دە كەمەلدەندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك. جوبا ارقىلى جەتەكشىلىك ەتۋدى كۇشەيتىپ، مىندەتتى اتقارۋ ۋاقىت كەستەسىن، جول كارتاسىن ايقىنداۋ كەرەك. قىزمەت جاۋاپكەرشىلىگىن قاتايتىپ، ”الدىڭعى جاقتا تۇتقا بولاتىن، ارتقى جاقتا تىرەك بولاتىن، الدىڭعى جاق پەن ارتقى جاق ءبىر تۇتاس جوسپارلاپ، بىرگە قيمىلدايتىن“ قىزمەت مەحانيزمىن تەرەڭدەتۋ كەرەك. قۋزاۋ - جەتەكشىلىك ەتۋدى، باعالاۋدى كۇشەيتىپ، قىزمەت شارالارىن كەمەلدەندىرۋ جانە ەگجەي - تەگجەيلىلەندىرۋ كەرەك. بازار مەحانيزمى رولىن تولىق ساۋلەلەندىرىپ، قوعامداعى كۇشتەردى شينجياڭعا باعىتتامالى كومەكتەسۋ قىزمەتىنە ات سالىسۋعا بەلسەنە جۇمىلدىرۋ كەرەك.

ما شيڭرۇي بىلاي دەدى: شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ماڭىزدى ساتتە بەيجيڭ قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، قىزمەتتى ءتۇيىلىستىرىپ، شينجياڭداعى ءار ۇلت حالقىنا دەگەن تەرەڭ دوستىق سۇيىسپەنشىلىگىن جەتكىزىپ، استانانىڭ رەفورماسىنىڭ، دامۋىنىڭ قۇندى تاجىريبەلەرىن اكەلدى، مەن اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادرلارى، بۇقاراسى اتىنان قىزۋ قارسى الاتىنىمىزدى بىلدىرەمىن جانە شىن جۇرەكتەن العىس ايتامىن. ۇزاق ۋاقىتتان بەرى بەيجيڭ شينجياڭعا باعىتتامالى كومەكتەسۋدى ماڭىزدى ساياسي جاۋاپكەرشىلىك ەتىپ، ورەلى ولشەمگە تاباندى بولىپ، حوتان ايماعى مەن بيڭتۋان 14 - شىسىنا جوعارى ساپادا، جوعارى ونىمدىلىكپەن كومەكتەسىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوستى، ءار ۇلت حالقى جۇرەك جاردى العىس ايتادى، كوكەيلەرىندە بەرىك ساقتايدى. جاڭا جورىققا قادام تاستاعاندا بەيجيڭ قالاسى ءوزىنىڭ ستراتەگيالىق ورنىمەن تىعىز بايلانىستىرىپ، حالىقارادا بىرەگەي جاراسىمدى، قونىسقا جايلى قالانى بار كۇشپەن قۇرىپ، بەيجيڭ − تيانجين − حىبەيدىڭ سايكەستى دامۋىن تەرەڭدەي ىلگەرىلەتىپ، ”بەس ءىرى شارا“ بىرلەسىپ ارەكەتتەنىپ جاڭا دامۋ ارناسىنا قىزمەت وتەپ جانە ونىمەن توعىسىپ، جالپىلىق ناقتى قۋاتى مەن حالىقارالىق ىقپالى تىڭ ساتىعا كوتەرىلدى. شينجياڭ پارتيانىڭ جاڭا داۋىردەگى شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، ءتۇرلى قىزمەتتە تىڭ ونىمدىلىكتەرگە قول جەتكىزدى. ەكى جەردىڭ شينجياڭعا باعىتتامالى كومەكتەسۋ قىزمەتىن بىرگە ويداعىداي ىستەۋ نەگىزىندە جان - جاقتى اۋىس - كۇيىس، سەلبەستىك جاساسۋدىڭ جاڭا جاعدايىن قول ۇستاسا اشۋىن ءۇمىت ەتەمىن. كاسىپ سالالارىن ءتۇيىلىستىرۋدى، جاڭالىق اشۋ ىستەستىگىن تەرەڭدەتىپ، بەيجيڭنىڭ دارىندى، عىلىم - تەحنيكا، كاپيتال باسىمدىعىنىڭ شينجياڭنىڭ بايلىق، وڭىرلىك ورىن باسىمدىعىمەن ورگانيكالى ۇشتاسۋىن ىلگەرىلەتىپ، وسىزاماندانعان كاسىپ سالاسى دامۋىنىڭ قۋاتىن، دارەجەسىن جوعارىلاتۋىن؛ نىسان ارقىلى جەتەكتەۋگە تاباندى بولىپ، حالىق تۇرمىسىنا تيىمدىلىك جاساپ، باياندى دامۋ قابىلەتى كۇشتى، جەتەكتەۋ، باستاۋ ونىمدىلىگى جاقسى ءبىر توپ كەلەلى نىسانداردىڭ تياناقتانىپ قۇرىلىس جۇرگىزۋىن بار كۇشپەن ىلگەرىلەتىپ، اۋىل - قىستاقتى گۇلدەندىرۋدى ىشكەرىلەي ىلگەرىلەتۋىن؛ شىنايى مويىنداۋدى بار كۇشپەن كۇشەيتىپ، جۇرت تىلەگىن بار كۇشپەن ۇيىستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن تىڭعىلىقتى يگەرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ارالاسۋ، ىشتەسۋ، توعىسۋ قيمىلىن ۇدايىلاندىرا ورىستەتىپ، جۇڭگو پەيىلىن، جۇڭحۋا رۋحىن ۇزدىكسىز بەرىك ورناتۋىن ءۇمىت ەتەمىن؛ شينجياڭ تۇلعالىق رولىن ساۋلەلەندىرىپ، فاكتورلارمەن، قىزمەت وتەۋمەن قامتاماسىز ەتۋدى كۇشەيتىپ، شينجياڭعا باعىتتامالى كومەكتەسۋ، بەيجيڭ − شينجياڭ سەلبەستىگى ءتۇيىندى قىزمەتتەرىنىڭ تياناقتانىپ، ونىمدىلىك كورسەتۋىن بار كۇشپەن ىلگەرىلەتەدى.

اڭگىمە ماجىلىسىندە ەركىن تۇنياز، لي يفي جەكە - جەكە اۆتونوميالى رايوننىڭ، بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايىن تانىستىردى، يىن يۇڭ بەيجيڭ قالاسىنىڭ ەكونوميكالىق، قوعامدىق دامۋىن جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى.

بەيجيڭ قالاسىنىڭ باسشىلارىنان سۇن مەيجۇن، جاۋ لەي، ليۋ يۇيحۇي قيمىلعا قاتىناستى. اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، قادەن كابەن، شۋە بين، لي جىنگو، جاڭ ۋىنشىڭ، دوۋ حۇڭيان قاتىستى قيمىلدارعا قاتىناستى.