ما شيڭرۇي، جوۋ نايشياڭ، ەركىن تۇنياز، لي يفي، حى جۇڭيوۋ قاتىستى قيمىلدارعا قاتىناستى

10 - ايدىڭ 21 - كۇنىنەن 22 - كۇنىنە دەيىن شاندۇڭ ولكەلىك پارتكومنىڭ ورىنباسار شۋجيى، ولكە باستىعى جوۋ نايشياڭ شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 10 - ايدىڭ 21 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە ۋاكىلدەر ۇيىرمەسىندەگىلەرمەن كەزدەستى.

□ سۋرەتتى انار بۇلت \شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 10 - ايدىڭ 22 - كۇنى ۇرىمجىدەن حابارلايدى. 10 - ايدىڭ 21 - كۇنىنەن 22 - كۇنىنە دەيىن شاندۇڭ ولكەلىك پارتكومنىڭ ورىنباسار شۋجيى، ولكە باستىعى جوۋ نايشياڭ شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 10 - ايدىڭ 21 - كۇنى تۇستەن كەيىن ۇرىمجىدە ۋاكىلدەر ۇيىرمەسىندەگىلەرمەن كەزدەسىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى، 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارىن، تالاپتارىن تياناقتاندىرۋدى ارقاۋ ەتە وتىرىپ ىشكەرىلەي پىكىر اۋىستىرىپ، شينجياڭعا باعىتتامالى كومەكتەسۋ قىزمەتىنىڭ اناعۇرلىم جوعارى ساپالى ورىستەتىلۋىن، شاندۇڭ مەن شينجياڭنىڭ اۋىس - كۇيىسىنىڭ، سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋدى بىرگە جوسپارلادى.

اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ كەزدەسۋگە قاتىناستى.

ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادرلارى، بۇقاراسى اتىنان شاندۇڭ ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەپ اتاپ كورسەتتى: شاندۇڭ ولكەسى باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن دەن قويا دايەكتىلەندىرىپ، تياناقتاندىرىپ، كومەك قابىلداعان جەردىڭ دامۋىنا دەن قويا، سۇيىسپەنشىلىكپەن، كۇش سالا كومەكتەسىپ، حالىق تۇرمىسىن جاقسارتۋ، كاسىپ سالاسىن دامىتۋ، بۇقارانى جۇمىستاندىرۋ، شينجياڭدى مادەنيەتپەن نارلەندىرۋدى ىلگەرىلەتۋ جاعىندا بەلسەندى تابىستارعا قول جەتكىزىپ، شينجياڭنىڭ رەفورماسىن، دامۋىن، ورنىقتىلىعىن پارمەندى جەبەدى. ۇزاق ۋاقىتتان بەرى شاندۇڭ مەن شينجياڭ ەكى جەردەگى ادامداردىڭ بارىس - كەلىسى جيىلەپ، ەكونوميكالىق بايلانىسى تىعىز، ءتۇرلى سالاداعى اۋىس - كۇيىس، سەلبەستىك نەگىزى تاماشا بولدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەكى جەر دە تۇگەلدەي ماڭىزدى بورىش، مىندەت ارقالاپ وتىر ءارى اناعۇرلىم كەڭ سەلبەستىك اياسىنا ءدوپ كەلىپ وتىر. ەكى جەردىڭ باعىتتامالى كومەكتەسۋ قىزمەتى جونىندەگى پىكىر اۋىستىرۋدى، ءتۇيىلىستىرۋدى اناعۇرلىم كۇشەيتىپ، نازاردى وڭتۇستىك شينجياڭنىڭ ەرەكشە كاسىپ سالالارى، نەگىزدىك قۇرىلعى، نەگىزگى ساتى شەبى سياقتى جاقتارداعى ءالسىز بۋىندارعا دالمە - ءدال كۇش سالۋعا شوعىرلاندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋىن، باسىمدىقتارى ارقىلى ءبىرىن - ءبىرى تولىقتاۋدى جانە دامۋدىڭ ىقپالداستىعىن كۇشەيتىپ، ەكى جاقتىڭ كاسىپ سالاسى، عىلىم - تەحنيكا، ەنەرگيا، وڭىرلىك ورىن سياقتى جاقتارداعى باسىمدىعىن تولىق ساۋلەلەندىرىپ، كاسىپورىنداردىڭ قوس باعىتتا قارجى قوسۋىنا قولداۋ كورسەتىپ، كاسىپ سالاسى تىزبەگى، قامداۋ تىزبەگى سەلبەستىگىن كۇشەيتىپ، وسىزاماندانعان كاسىپ سالاسى جۇيەسىن جەدەل ورناتۋىن ءۇمىت ەتەمىن. ەسىك اشۋدى، دامۋدى قول ۇستاسا ىلگەرىلەتىپ، ”ءبىر بەلدەۋ، ءبىر جولدى“ بىرگە قۇراتىن مەملەكەتتەردىڭ بازارىنا بەلسەنە ءورىس اشىپ، جاڭا دامۋ ارناسىنا اناعۇرلىم ويداعىداي قىزمەت وتەۋ جانە ونىمەن توعىسۋ كەرەك، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، كادرلاردىڭ، بۇقارانىڭ بارىس - كەلىس، ىقپالداستىعىن كوپ ساتىلى جەبەپ، ۇزدىكسىز ارالاسۋ، ىشتەسۋ، توعىسۋ بارىسىندا جۇڭحۋا ۇلتى ورتاق تۇلعا تانىمىن بەرىك ورناتۋ كەرەك.

جوۋ نايشياڭ بىلاي دەپ اتاپ كورسەتتى: شينجياڭعا باعىتتامالى كومەكتەسۋ − باس شۋجي شي جينپيڭ، پارتيا ورتالىق كوميتەتى شاندۇڭعا تاپسىرعان كەلەلى ساياسي مىندەت، شاندۇڭ مەن شينجياڭ اۋىس - كۇيىستى، سەلبەستىكتى كۇشەيتەتىن ماڭىزدى تۇعىر. سوڭعى جىلدارى شاندۇڭ ولكەسى باس شۋجي شي جينپيڭنىڭ ماڭىزدى نۇسقاۋلارىن، تالاپتارىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دەن قويا تياناقتاندىرىپ، جەرگىلىكتى پارتكومدارعا، ۇكىمەتتەرگە جانە كادرلارعا، بۇقاراعا تىعىز سۇيەنىپ، حالىق تۇرمىسى ىستەرى، كاسىپ سالاسىن دامىتۋ سياقتى جاقتاردا ءبىر توپ نىساندى اتقارىپ، ءبىر توپ ناقتى ءىستى تىندىرىپ، ەكى جاقتى سەلبەستىكتە سۇبەلى جەتىستىكتەرگە قول جەتكىزدى، ءبىز شينجياڭعا باعىتتامالى كومەكتەسۋ قىزمەتىن ويداعىداي ىستەۋدىڭ كەلەلى ءمانىن ساياسي تۇرعىدان، ستراتەگيالىق تۇرعىدان، جالپى جاعداي تۇرعىسىنان، ءسوز جوق، جەتە تانىپ، كەلەلى ساياسي جاۋاپكەرشىلىكتى باتىل ارقالاپ، شينجياڭنىڭ قاجەتىمەن دالمە - ءدال ءتۇيىلىسىپ، شاندۇڭنىڭ باسىمدىعىن تولىق ساۋلەلەندىرىپ، كاسىپ سالاسى ارقىلى شينجياڭعا كومەكتەسۋ، وقۋ - اعارتۋ ارقىلى شينجياڭعا كومەكتەسۋ، كادر - دارىندىلار ارقىلى شينجياڭعا كومەكتەسۋ، شينجياڭدى مادەنيەتپەن نارلەندىرۋ، ارالاسۋ، ىشتەسۋ، توعىسۋ سياقتى قىزمەتتەردى ۇزدىكسىز ىلگەرىلەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن بار كۇشپەن جوعارىلاتامىز. شاندۇڭ جاسىل، تومەن كومىر قىشقىل گازدى جوعارى ساپالى دامۋ الدىمەن اتقارىلاتىن رايون قۇرىلىسىن جەدەل ىلگەرىلەتۋدە، ەكى ولكە، رايوننىڭ ”ءبىر بەلدەۋ، ءبىر جولدى“ بىرگە قۇرۋعا تەرەڭ توعىسىپ، جاسىل كاسىپ سالاسى، تازا ەنەرگيا، ساۋدا، زات اينالىمى سياقتى جاقتارداعى سەلبەستىكتى اناعۇرلىم كۇشەيتىپ، تەڭ يگىلىككە كەنەلىپ دامۋدى اناعۇرلىم ويداعىداي جۇزەگە اسىرۋىن ءۇمىت ەتەمىن.

شينجياڭداعى كەزىندە شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى سول جەردە قاشقار ايماقتىق جۇڭ ي شيپاحاناسىندا، جاڭاءشار اۋدانىنىڭ ”كوكونىس شاتتىعى“ وسى زامانعى، جوعارى ءونىمدى اۋىل شارۋاشىلىعىنان ۇلگى كورسەتۋ باقشاسىندا تەكسەرۋ - زەرتتەۋ جۇرگىزىپ، ەمدەۋ جاعىنان شينجياڭعا كومەكتەسۋدىڭ ونىمدىلىگى جانە وسى زامانعى اۋىل شارۋاشىلىعى نىسان قۇرىلىسى، شارۋالاردىڭ كىرىستى ارتتىرۋىنا كومەكتەسۋ سياقتى قىزمەتتەردى ىشكەرىلەي ۇعىستى؛ بيڭتۋان 12 - شىسىندا شاندۇڭ جوعارى جىلدامدىقتى شينجياڭ حالىقارالىق زات اينالىم كاسىپ سالاسى باقشاسىنا، توۋتۇنحى ەگىس الاڭى تۇڭحى شيڭفۋچىڭ الەۋمەتتىك اۋماعىنىڭ پارتيا مۇشەلەرىنە، بۇقاراعا قىزمەت وتەۋ ورتالىعىنا تەكسەرۋ - زەرتتەۋ جۇرگىزىپ، زات اينالىمىن، ساۋدانى دامىتۋ جانە نەگىزگى ساتى پارتيا قۇرىلىسى، بۇقاراعا قىزمەت وتەۋ قىزمەتىنە تەكسەرۋ جۇرگىزدى. ۋاكىلدەر ۇيىرمەسى تاعى شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى قولباسشىلىق شتابىن ارالاپ، شينجياڭعا كومەكتەسەتىن كادر - دارىندىلارعا امانداسىپ، ولاردان حال سۇرادى.

شاندۇڭ ولكەسىنىڭ باسشىلارىنان سۇڭ جۇنجي، اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، قادەن كابەن، سۇن حۇڭمەي، ليۋ سۋشى، ليۋ جيانميڭ، لي شۇي قاتىستى قيمىلدارعا قاتىناستى.