جاڭ گوچيڭ شينجياڭدا ورتالىق كاسىپورىندارىنىڭ شينجياڭنىڭ دامۋىن قولداۋعا قاتىستى قىزمەتتەرىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ورتالىق كاسىپورىندارىنىڭ شينجياڭعا كومەك كورسەتۋىن اناعۇرلىم جوعارى ساپالى ىلگەرىلەتىپ، كورىكتى شينجياڭ قۇرىلىسىنا اناعۇرلىم ويداعىداي كۇش ۇستەۋ كەرەك

شينحۋا اگەنتتىگىنىڭ 11 - ايدىڭ 22 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ تاياۋدا شينجياڭدا ورتالىق كاسىپورىندارىنىڭ شينجياڭنىڭ دامۋىن قولداۋعا قاتىستى قىزمەتتەرىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارى بويىنشا جاڭا ءداۋىردىڭ جاڭا جورىعىنداعى ورتالىق كاسىپورىندارىنىڭ شينجياڭعا كومەكتەسۋ قىزمەتىن اناعۇرلىم زور تەبىنمەن، اناعۇرلىم ناقتى شارامەن، اناعۇرلىم جوعارى ساپامەن ويداعىداي ىستەپ، شينجياڭنىڭ جاڭا دامۋ ارناسىنا اناعۇرلىم ويداعىداي قىزمەت وتەۋىنە جانە ونىمەن توعىسۋىنا كۇش ۇستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ دا اناعۇرلىم زور ۇلەس قوسۋ كەرەك.

11 - ايدىڭ 20 - كۇنىنەن 22 - كۇنىنە دەيىن جاڭ گوچيڭ ءۇرىمجى قالاسىنا، سانجى وبلىسىنا، قاشقار ايماعىنا جانە ۋجياچۇي قالاسىنا بارىپ، جابدىق جاساۋ، توقىماشىلىق، كيىم - كەشەك، ەنەرگيا، ەلەكتر قۋاتى سياقتى سالالارمەن كاسىپورىنداردى ىشكەرىلەي ارالاپ، ءوندىرىس - تيجارات جاعدايىن تاپتەشتەي سۇراستىرىپ، كومەكتەسۋ - سۇيەمەلدەۋ، كومەكتەسىپ قۇرۋ نىساندارىنىڭ اياق الىسىن جۇمىس باسىندا ۇعىسىپ، ورتالىق كاسىپورىندارىنىڭ شينجياڭعا كومەكتەسۋشى كادرلارىنا جانە ءبىرىنشى شەپتەگى جۇمىسشى - قىزمەتكەرلەرىنە امانداستى، ولاردان حال سۇرادى. ول بىلاي دەپ اتاپ كورسەتتى: تاياۋ جىلداردان بەرى ورتالىق كاسىپورىندارىنىڭ شينجياڭعا كومەكتەسۋ قىزمەتى كورنەكتى ونىمدىلىككە قول جەتكىزدى، نازاردى ورنىقتىلىقتى جەبەۋگە، حالىق تۇرمىسىن جاقسارتۋعا، جۇرت تىلەگىن توعىستىرۋعا شوعىرلاندىرىپ، شينجياڭعا كومەكتەسۋ قىزمەتىنىڭ ونىمدىلىگىن ۇزدىكسىز بەكەمدەپ، شينجياڭعا كومەكتەسۋدىڭ جالپىلىق ونىمدىلىگىن ءۇرتىس جوعارىلاتۋ كەرەك. شينجياڭنىڭ ءىس جۇزىندىگىمەن جانە ورتالىق كاسىپورىندارىنىڭ ارتىقشىلىعىمەن ۇشتاستىرىپ، كاسىپ سالاسى جاعىنان شينجياڭعا كومەكتەسۋ تەبىنىن ارتتىرىپ، شينجياڭنىڭ ەرەكشە، باسىمدىققا يە كاسىپ سالالارىن جەتىلدىرۋىنە، زورايتۋىنا كۇش ۇستەپ، جاڭادان كوركەيگەن كاسىپ سالالارىن بەلسەنە دامىتىپ، جاڭاشا ونەركاسىپتەندىرۋدى جەدەل ىلگەرىلەتىپ، ەرەكشەلىكتى جانە باسىمدىقتى ايگىلەيتىن وسىزاماندانعان كاسىپ سالاسى جۇيەسىن قۇرۋ كەرەك. شينجياڭ كاسىپورىندارىمەن جان - جاقتى، كوپ سالالى، تەرەڭ قاباتتى سەلبەستىكتى بەلسەنە ورىستەتىپ، شينجياڭ كاسىپورىندارىنىڭ كاسىپ سالاسى تىزبەگىنە، قامداۋ تىزبەگىنە تەرەڭ توعىسۋىن جەبەپ، شينجياڭنىڭ باسەكەلىك قۋاتقا يە اناعۇرلىم كوپ ارنايىلانعان، كەمەلدەنگەن، ەرەكشەلەنگەن، جاڭاشالانعان كاسىپورىنداردى جەتىلدىرۋىن قولداۋ كەرەك. ءتۇيىن بەلگىلەپ كومەكتەسۋ - سۇيەمەلدەۋدى جانە باعىتتامالى كومەكتەسۋدى تىڭعىلىقتى ويداعىداي ىستەپ، نازاردى جەرگىلىكتى ورىننىڭ بۇقارانىڭ شۇعىل، قيىن، ۋايىمداعان، ءزارۋ كورنەكتى ماسەلەلەرىنە شوعىرلاندىرىپ، وڭاي تياناقتاناتىن، قامتىمى كەڭ، يگىلىكتەنۋشىلەرى كوپ ءبىر توپ ناقتى نىسانداردى ورنالاستىرىپ، اتقارىپ، نەگىزدىك قۇرىلعىلاردى كەمەلدەندىرۋىنە، الەۋمەتتىك قىزمەت وتەۋدى جاقسارتۋىنا، جۇمىستانۋ ورايىن جاراتۋىنا كومەكتەسىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى جەبەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ءار ۇلت بۇقاراسىن جۇڭحۋا ۇلتى ورتاق تۇلعا تانىمىن شىن مانىندە بەرىك ورناتۋعا جەتەكتەۋ كەرەك.

شينجياڭداعى كەزىندە، جاڭ گوچيڭ تاعى نەگىزگى ساتىنىڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنە بارىپ مىندەت اتقارۋ، شايقاسقا دايىندالۋ جانە قوسىن قۇرىلىسى جاعدايىن تەكسەرىپ - زەرتتەدى، ۇعىستى. ول بىلاي دەپ باسا دارىپتەدى: شينجياڭنىڭ اپات، شىرعالاڭ ەرەكشەلىگىنە مەڭزەس، ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ جانە شۇعىل جاعدايعا توتەپ بەرۋدى باسقارۋ، نەگىزگى ساتىنىڭ نەگىزدىك قۇرىلىسىن كۇش سالا كۇشەيتىپ، كەزەكشى بولۋ، كۇزەتتە تۇرۋ ءتۇزىمىن قاتاڭ تياناقتاندىرىپ، كۇندەلىكتى باقىلاۋ - باسقارۋ بويىنشا زاڭ اتقارۋدى جانە كومەسكى كىناراتتاردى ءبىر - بىرلەپ تەكسەرۋدى كۇشەيتىپ، شۇعىل جاعدايعا توتەپ بەرۋ ناقتى شايقاستىق جاتتىعۋىن ۇدايىلاندىرا ورىستەتىپ، ەلەۋلى حاۋىپسىزدىك حاۋىپ - قاتەرىنەن ساقتانۋ جانە وعان توتەپ بەرۋ قابىلەتىن جوعارىلاتىپ، ءار ۇلت بۇقاراسىنىڭ ءومىرى مەن مال - مۇلىك حاۋىپسىزدىگىن كۇش سالا قامتاماسىز ەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا حاۋىپسىز، ورنىقتى ورتا جاراتۋ كەرەك.