ٴتىلشىمىز لي جيان حابارلايدى. قايتكەندە ايگىلى ادەبي شىعارمالاردان جازۋ شەبەرلىگىن قابىلداۋعا بولادى؟ تاياۋدا ”نانجيڭنىڭ شينجياڭعا باعىتتامالى كومەكتەسۋ ادەبيەت - كوركەمونەر ەرىكتى قىزمەت وتەۋ قيمىلى“ قۇلجا قالالىق 3 - ورتا مەكتەپتە وتكىزىلدى، جياڭسۋ ولكەلىك جازۋشىلار قوعامى ٴتوراعالار القاسىنىڭ مۇشەسى، ولكەلىك توراپ جازۋشىلارى قوعامىنىڭ ورىنباسار ٴتوراعاسى جاڭ كاي وقۋشىلارعا ”ايگىلى جازۋشىلار ايگىلى شىعارمانى سويلەۋ − ايگىلى ادەبي شىعارمالار بىزگە جازۋ شەبەرلىگىن ۇيرەتەدى“ اتتى ادەبي لەكسيا جاسادى.

”ٴاربىر اڭگىمەنىڭ قۇرىلىمى ۇقساس بولمايدى، ۇيلەسىمدى قۇرىلىم اڭگىمەنى ٴتىپتى دە شيراتىپ، ادامدى وزىنە باۋرايدى“. لەكسيادا جاڭ كاي دۇنيە جۇزىندەگى ايگىلى ادەبي تۋىندىلاردى مىسالعا الىپ، تۇرلىشە ادەبي تۋىندىلارداعى اڭگىمە قۇرىلىمىنا تالداۋ جاسادى.

”شال مەن تەڭىزدى“ مىسالعا الىپ، قايشىلىق، قاقتىعىس، ناتيجە سىندى ٴۇش باسقىش ٴادىسى، ”تەڭىز قىزىن“ مىسالعا الىپ، ۋاقيعانىڭ باستالۋى، شيلەنىسۋى،  بۇرىلىس ٴتۇيىنى، اقىرلاسۋى سىندى ٴتورت باسقىش ٴادىسى، سونداي - اق ەكەۋىنە ورتاق نىسانا، كەدەرگى، قۇلشىنىس، ناتيجە، بۇرىلىس، توسىن جاعداي، ناتيجە سىندى جەتى باسقىش قۇرىلىم ٴادىسى ارقىلى وقۋشىلاردى پايدالانۋعا بولاتىن جازۋشىلىق وي جەلىسىمەن قامدادى.

لەكسيا بارىسىندا جاڭ كاي وقۋشىلاردى ”جەتى باسقىش ٴادىسى“ ارقىلى ”ەگەي اسپاز بولۋ“ حيكاياسىن جازۋعا ۇسىنىس ەتتى. وقۋشىلار قيالعا تىزگىن بەرىپ، ٴوز بىلگەندەرمەن سيۆجەت جاساپ، قىزۋ مەرەيگە شومدى. ٴتىپتى، كەيبىر وقۋشىلار قازىرگى جاعدايمەن ۇشتاستىرىپ، ەگەي اسپاز بولۋ نىساناسى جانە ساياحات سىندى قولامتالى ٴتۇيىندى ۇشتاستىرىپ، اتا مەكەنىن ۇگىتتەۋ، ىلەنى گۇلدەندىرۋ تىلەگىن ٴبىلدىردى.

لەكسيا اياقتاعان سوڭ تولىق ورتا 1 - جىلدىعىنىڭ وقۋشىسى جاۋ شۋان بىلاي دەدى: ”بۇگىنگى ساباقتا مۇعالىم ٴتۇرلى جاسامپازدىق قۇرىلىمداردى تىلگە تيەك ەتىپ، جاسامپازدىق قىزعىندىلىعىمدى قوزعادى. بۇدان سىرت، مۇعالىمنىڭ ايتقان ٴادىسى مەن جونىنەن العاندا ٴبىر ٴتۇرلى كىتاپ وقۋداعى تىڭ شابىت، كىتاپ وقۋ ماعان كوپتەگەن رۋحاني جۇبانىش جانە كۇش - قۋات باعىشتايدى. مۇعالىم ايتقان ادىسپەن بۇرىن وقىعان تۋىندىلارعا قايتادان ٴۇڭىلىپ، ٴوزىمنىڭ جازۋ ورەمدى جوعارىلاتۋدى ٴۇمىت ەتەمىن“.

سۋرەتتە: وقۋشىلار ناق مايداندا وي جۇگىرتىپ، اڭگىمە جازۋدا.

سۋرەتتى لي جيان تۇسىرگەن