”جياڭسۋ - ىلە سۇيىسپەنشىلىگى“ بويىنشا 5 ٴىرى ينجەنەريا ىشكەرىلەي اتقارىلدى

بيىل جياڭسۋ ولكەسى ىلە وبلىسىنا توتە قاراستى ورىندار مەن بيڭتۋان 4 ـ شىسىنا، 7 ـ شىسىنا باعىتتامالى كومەكتەسىپ، 108 نىساندى ورنالاستىرۋدى جوسپارلادى

سۋرەتتە: نىلقى اۋداندىق 5 ـ ورتا مەكتەپ (ياڭحۋ ورتا مەكتەبى) نىسانىنىڭ جۇمىس باسى.      سۋرەتتى ليۋ چۇنشيڭ تۇسىرگەن.

تىشىلەرىمىز ليۋ چۇنچيڭ، لي تاۋ حابارلايدى. 3 - ايدىڭ 30 - كۇنى ٴتىلشىنىڭ نىلقى اۋدانىندا وتكىزىلگەن 2024 ـ جىلى جياڭسۋ ولكەسىنىڭ شينجياڭنىڭ ىلە وبلىسىنا توتە قاراستى ورىندارىنا جانە بيڭتۋان 4 ـ شىسىنا، 7 ـ شىسىنا باعىتتامالى كومەكتەسۋ نىسان قۇرىلىسىن جۇمىس باسىندا ىلگەرىلەتۋ ماجىلىسىنەن ۇعىسۋىنشا، بيىل جياڭسۋ ولكەسى ىلە وبلىسىنا توتە قاراستى ورىندار مەن بيڭتۋان 4 ـ شىسىنا، 7 ـ شىسىنا باعىتتامالى كومەكتەسىپ، 108 نىسان، 332 تارماق نىسان ورنالاستىرىپ، شينجياڭعا باعىتتامالى كومەكتەسۋ قارجىسىنان 2 ميلليارد 85 ميلليون 160 مىڭ يۋان ورنالاستىرۋدى جوسپارلاعان.

ىلگەرىلەتۋ ٴماجىلىسى وتكىزىلگەن ورىن اتقارىلۋ الدىندا تۇرعان نىلقى اۋداندىق 5 - ورتا مەكتەپ (ياڭحۋ ورتا مەكتەبى) نىسانى. بۇل نىسانعا شينجياڭعا باعىتتامالى كومەكتەسۋ قارجىسىنان جالپى 101 ميلليون يۋان قارجى قوسىلعان، قۇرىلىس مەرزىمى ٴبىر جارىم جىل، 2024 ـ جىلى 40 ميلليون 600 مىڭ يۋان قارجى ورنالاستىرۋ جوسپارلانعان. وقىتۋ عيماراتى، جالپىلىق عيمارات، اسحانا، جاتاق سياقتىلار، سونداي - اق سايكەستى دەنە تاربيە الاڭى، جابدىق ٴۇيى جانە قاتىستى قوسالقى قۇرىلعىلار جاڭادان سالىنادى، پايدالانىلاتىن جەر اۋماعى 57 مىڭ 783 شارشى مەتر، جالپى قۇرىلىس كولەمى 24 مىڭ 855.93 شارشى مەتر بولادى. نىسان سالىنىپ ىسكە قوسىلعاننان كەيىن، اۋدان قالاشىعىنداعى مەكتەپتەردىڭ قازىرگى كلاستاعى وقۋشى سانى، مەكتەپتەگى وقۋشى سانى نورمادان اسىپ كەتۋ قۇبىلىسىن باسەڭدەتىپ، لاستاي قالاشىعى، مىس قالاشىعى، قاراتوبە اۋىلى سىندى 3 اۋىل ـ قالاشىقتاعى ورتالاۋ مەكتەپ وقۋشىلارىن قابىلداپ، ٴتىپتى دە كوپ وقۋشىلاردىڭ وقۋ قاجەتىن قاناعاتتاندىرىپ، جەرگىلىكتى ورىنداعى ورتا، باستاۋىش مەكتەپتەردىڭ ورنالاسۋىن ونان ارى كەمەلدەندىرىپ، اۋدان ٴوڭىرى وقۋ - اعارتۋىنىڭ ساپالى، بىركەلكى بولۋى مەن وقۋ - اعارتۋدىڭ وسىزاماندانىپ دامۋىن جەدەل ىلگەرىلەتەدى.

وقۋ ـ اعارتۋ ارقىلى حالىققا تيىمدىلىك جاساۋ نىساندارىنىڭ ٴبىر - بىرلەپ تياناقتانۋى وقۋ ـ اعارتۋ ارقىلى شينجياڭعا كومەكتەسۋدى حالىق تۇرمىسى ينجەنەرياسىنا، حالىق تىلەگى ينجەنەرياسىنا اينالدىردى. سوڭعى جىلدارى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى كومەك قابىلداۋشى ورىنعا وقۋ ـ اعارتۋ ارقىلى شينجياڭعا كومەكتەسۋ قارجىسىن قوسىپ، نىسان قۇرىلىسىن اتقارىپ، قاتتى بولشەك، جۇمساق بولشەكتى قاتار دامىتىپ، ”قان قۇيۋ“ مەن ”قان جاساۋعا“ تەڭ ٴمان بەرىپ، تۇتاس تىزبەكتى ”ۇيىرمە قۇرۋ ۇلگىسىندەگى“ شينجياڭعا كومەكتەسۋدى ورىستەتىپ، تاماشا ناتيجەگە قول جەتكىزدى.

كەلەلى نىسانداردى ناقتى يگەرىپ، دامۋدىڭ ىرگە تاسىن بەكەمدەدى. نىلقى اۋداندىق پارتكومنىڭ شۋجيى ما جيان بىلاي دەپ تانىستىردى: نىلقى اۋداندىق 5 ـ ورتا مەكتەپ (ياڭحۋ ورتا مەكتەبى) نىسانىنىڭ جۇمىس باستاۋى اۋدانىمىزدىڭ 2024 ـ جىلعى 1 ـ توقسانداعى ٴتۇيىندى نىساندارىنىڭ شوعىرلى جۇمىس باستاۋىنىڭ شىمىلدىعىن اشتى. وسى رەت شوعىرلى جۇمىس باستاۋ نىلقى اۋدانىنداعى 44 نىسانعا سايادى، جالپى 32 ميلليارد 481 ميلليون يۋان قارجى قوسىلادى، بيىل 10 ميلليارد 419 ميلليون يۋان قارجى قوسۋ جوسپارلانعان، بۇل قالا قۇرىلىسىنا، نەگىزدىك قۇرىلعىلار، حالىق تۇرمىسىن قامتاماسىزداندىرۋ، كاسىپ سالاسىنىڭ دامۋى سىندى كوپ سالاعا سايادى. بۇل نىسانداردىڭ كولەمى كەڭ، تەحنيكالىق دەڭگەيى جوعارى، مەجەدەگى ونىمدىلىگى جاقسى، كاسىپ سالاسىمەن بايلانىستىرۋ شاماسى مىعىم بولىپ، اۋدانىمىزدىڭ ەكونوميكالىق قۇرىلىمىن ساپالىلاندىرۋعا، حالىق تۇرمىسى شارت ـ جاعدايىن جاقسارتۋعا جاڭا باسىمدىق جاراتىپ، جاڭا قوزعاۋشى كۇش قوسادى.

بيىل جياڭسۋ ولكەسىنىڭ ىلە وبلىسىنا توتە قاراستى ورىندار مەن بيڭتۋان 4 ـ شىسىنا، 7 ـ شىسىنا باعىتتامالى كومەكتەسەتىن نىساندار مەن قارجىلار نەگىزگى ساتىعا جانە حالىق تۇرمىسىنا اناعۇرلىم بەيىمدەلدى. مۇنىڭ ىشىندە حالىق تۇرمىسى نىسانى 268 گە، حالىق تۇرمىسى نىسان قارجىسىنىڭ سالىستىرماسى  %86.52 كە، نەگىزگى ساتى نىسانى 307 گە، نەگىزگى ساتى نىسان قارجىسىنىڭ سالىستىرماسى %91.02 كە جەتتى. وسى رەت شوعىرلى جۇمىس باستاعان (جۇمىستى قالپىنا كەلتىرگەن) 306 نىسانعا شينجياڭعا باعىتتامالى كومەكتەسۋ قارجىسىنان جىلىنا ٴبىر ميلليارد 858 ميلليون 340 مىڭ يۋان قارجى قوسىلدى.

جياڭسۋدىڭ ىلەگە كومەكتەسۋ الدىڭعى شەپ قولباسشىلىق شتابى نازاردى ” جياڭسۋ - ىلە سۇيىسپەنشىلىگىندەگى“ 5 ٴىرى ينجەنەريانى ىشكەرىلەي اتقارۋعا شوعىرلاندىرىپ، 30 ٴتۇرلى ارەكەت جوسپارىن ەگجەي ـ تەگجەيلى تياناقتاندىرىپ، 2024 ـ جىلى كاسىپ سالاسى ارقىلى جەتەكشىلىك ەتۋ، وقۋ ـ اعارتۋ، دەنساۋلىق ساقتاۋ جاعىندا ساپانى جوعارىلاتۋ، كادرلاردى تاربيەلەۋ، ۇلتتاردىڭ توعىسۋى، جۇرەكتەردى مادەنيەتپەن نارلەندىرۋ سىندى 5 ۇلكەن سالاداعى 108 ٴتۇرلى ىلەگە كومەكتەسۋ نىسانىنىڭ جىلدىق جوسپارىن ورنالاستىرىپ، حالىق تۇرمىسىن جاقسارتاتىن، جۇرت تىلەگىن ۇيىستىراتىن، جوعارى ساپالى دامۋدى جەبەيتىن ٴبىر توپ تاڭداۋلى ينجەنەريانى كۇش سالا قالىپتاستىرادى.