جياڭسۋ - ىلە ەكى جەردىڭ مەيىر - شاپاعاتى جەتكىزىلدى

شينجياڭعا كومەككە كەلگەن ماماندار ىلەدەگى ناۋقاس بالانىڭ ەمدەلۋىنە كومەكتەستى

سۋرەتتە: شينجياڭعا كومەككە كەلگەن ماماندار مەن ەمدەۋ ۇيىرمەسىندەگىلەر قۇلجا اۋەجايىندا ۋاڭ مىڭشين وتباسىمەن بىرگە سۋرەتكە تۇسۋدە.       سۋرەتتى ليۋ چيڭ تۇسىرگەن

(تىلشىلەرىمىز حى رۇڭ، چىن حايبين، ليۋ چيڭ حابارلايدى). 5 ـ ايدىڭ 8 ـ كۇنى تاڭەرتەڭ ”قايراتتان!“، ”ۇيىڭە  قايتىپ كەلۋىڭدى كۇتەمىز!“ دەگەن ىلە وبلىستىق دوستىق شيپاحاناسى بالالار بولىمىندەگى بارلىق ەمدەۋ قىزمەتكەرلەرىنىڭ ىزگى تىلەگىندە 5 جاستاعى ۋاڭ مىڭشين اكە ـ شەشەسىمەن بىرگە جياڭسۋعا ەمدەلۋگە اتتاندى. ٴبىر ٴۇيلى جان وتىرعان قۇتقارۋ اۆتوموبيلى قۇلجا اۋەجايىنا قاراي زىمىراپ كەلەدى... اۆتوموبيل دوڭگەلەگى العا زىرلاعان سايىن ۋاڭ مىڭشيننىڭ ومىرگە دەگەن سەنىمى بەكەمدەلە تۇسكەندەي.

ىلە وبلىستىق دوستىق شيپاحاناسى بالالار ٴبولىمىنىڭ مەڭگەرۋشىسى، جياڭسۋ ولكەسىنىڭ ەمدەۋ دارىندىلارىنان ”ۇيىرمە قۇراۋ ۇلگىسى“ بويىنشا 11 ـ توپتا شينجياڭعا كومەككە كەلگەن مامان ليۋ حۋدىڭ تانىستىرۋىنشا، ۋاڭ مىڭشين 2023 ـ جىلى 4 ـ ايدىڭ سوڭىندا ناۋقاستانىپ شيپاحاناعا جاتىپ ەمدەلگەندە، بالالاردىڭ باۋىر قابىنۋىنا قاتىستى قايتا جەتىلۋدىڭ توسىلۋى سيپاتتى قان ازدىق دەپ دياگنوز قويىلعان. قازىرگى ولشەم بويىنشا ايتقاندا، قارشاداي مىڭشيننىڭ اۋرۋ جاعدايى بىرتىندەپ اۋىر دارەجەدەگى قايتا جەتىلۋدىڭ توسىلۋى سيپاتتى قان ازدىق ناۋقاسىنا اينالادى. ليۋ حۋ: ۋاڭ مىڭشين قان پلاستينكاسى، گەموگلوبين ۇزدىكسىز تومەندەگەندىكتەن، سونداي - اق تۇيىرشىك كلەتكالاردىڭ جەتىسپەۋىنەن ۇن−ەمى اۋىر ينفەكسيالانۋ تۋىلعاندىقتان، قايتا - قايتا قان قۇيىپ ەمدەۋدى جانە شيپاحاناعا جاتىپ ينفەكسيالانۋعا قارسى ەمدەۋدى قاجەت ەتتى. ٴبىر جىلدان بەرى ٴبىر ٴۇيلى جان ٴۇرىمجى قالاسى مەن ق−ۇلجا قالاسى اراسىندا اۋرە - سارساڭعا ٴتۇسىپ، ناۋقاستى ەمدەتكەنىمەن دە، ”بالانىڭ ٴومىرى مەن دەنساۋلىعىنا كەز كەلگەن ۋاقىتتا حاۋىپ تونە بەردى“ دەدى. 

وبلىستىق دوستىق شيپاحاناسىنداعى مامانداردىڭ ەمدەۋىمەن ناۋقاس بالانىڭ اۋرۋ جاعدايى ۋاقىتشا ورنىقتى بولدى. ”اۋرۋ سوڭىن جاقسارتۋ جانە تۇبەگەيلى ەمدەۋ ماقساتىنا جەتۋ ٴۇشىن، ۋاڭ مىڭشيندى بوگدە گەننەن قان جاسايتىن جەلىلى كلەتكانى كوشىرۋ ارقىلى ەمدەۋ شۇعىل قاجەت بولدى“. بۇل ليۋ حۋدىڭ جوباسى. ليۋ حۋ دەرەۋ ارتقى شەپ سۋجوۋ داشۋەسىنە قاراستى بالالار شيپاحاناسىمەن بايلانىس جاسايدى، شيپاحانا باسشىلارىنىڭ، قان ٴبولىمى باسشىلارىنىڭ وسكەلەڭ ٴمان بەرۋىندە شيپاحانا جاق الدىمەن ناۋقاس بالاعا ناۋقاس بولمەسىن ورنالاستىرىپ، كاسىپتىك ەمدەۋ ۇجىمىن دايىندادى ٴارى ەگجەي - تەگجەيلى وپەراتسيا جوسپارىن جاسادى.

ۇعىسۋعا قاراعاندا، قارشاداي مىڭشيننىڭ وتكەن ٴبىر جىلداعى ەمدەلۋ قاراجاتى 400 مىڭ يۋاننان اسقان. بالانىڭ جالعاستى ەمدەلۋىنە ٴالى دە نەشە ٴجۇز مىڭ يۋان قاجەت ەدى، مۇنداي قوماقتى اقشانى ازىرلەۋ ٴبىر قاراپايىم وتباسى ٴۇشىن وڭايعا سوقپايتىن - دى...

باقىتقا جاراي مەيىر باعىشتالدى!

ىلە وبلىستىق دوستىق شيپاحاناسى پارتكومىنىڭ شۋجيى، ورىنباسار شيپاحانا باستىعى جاڭ ۋىنگى تىلشىگە بىلاي دەدى: وسى رەتكى مەيىر باعىشتاۋ بارىسىندا جياڭسۋ ـ ىلە ەكى جەردەگى شيپاحانالار قارشاداي مىڭشيننىڭ ٴومىرىن جالعاستىرۋ جولىندا وراسان زور قۇلشىنىستار جاسادى: وپەراتسيا قاراجاتىن نەگىزىنەن سۋجوۋ داشۋەسىنە قاراستى بالالار شيپاحاناسى ۇستىنە السا؛ وبلىستىق دوستىق شيپاحاناسىنىڭ بالالار بولىمىندەگى بارلىق ەمدەۋ قىزمەتكەرلەرى ارت ـ ارتىنان جىلۋ اتاپ، مەيىر باعىشتادى؛ سونىمەن بىرگە، ”اييوۋ قايىرىمدىلىق قورى“، ”بەيجيڭ شين ياڭگۋاڭ قايىرىمدىلىق قورى“ سياقتىلار كوپ جاقتى جىلۋ جيناپ،  قارشاداي مىڭشيننىڭ وپەراتسياسىنىڭ ٴساتتى جاسالۋىنا شىنايى كەپىلدىك ەتتى... وسى رەتكى مەيىر باعىشتاۋدى تىلگە العاندا، ليۋ حۋ بىلاي دەدى: شينجياڭعا كومەككە كەلگەن بالالار قان ٴبولىمىنىڭ شيپاگەرى رەتىندە، ”مەن قان اۋرۋىنا شالدىققان ٴاربىر بالانىڭ ٴونىمدى ەمدەلۋىن ٴۇمىت ەتەمىن“.

 وسى 5 - ايدا جياڭسۋ مەن ىلەدەگى ەمدەۋ قىزمەتكەرلەرىنىڭ شۋاقتى مەيىرى ۋاڭ مىڭشيننىڭ وتباسىنداعىلارعا شۇلەن شۇعىلاسىن توكتى. ”ەمدەۋ قىزمەتكەرلەرىنىڭ قامقور كوڭىلىنە، بالامىزعا سالامات عۇمىر سيلاعان ەسەلى ەڭبەكتەرىنە العىس ايتامىن“ دەدى ناۋقاس بالانىڭ شەشەسى جو ۋيۋي تەبىرەنىستى كوڭىلمەن. ٴبىز سۋجوۋدان قارشاداي مىڭشينگە ٴتان قۋانىشتى حاباردىڭ  تەزىرەك كەلۋىن كۇتۋدەمىز!