تىلشىلەرىمىز ما چىڭلۋ، سۇن ي - نان حابارلايدى. 6 ـ ايدىڭ 15 ـ كۇنى جياڭسۋ ولكەسى سۋجوۋ قالاسىنىڭ ىلە وبلىسىنا (قورعاس، توعىزتاراۋ) باعىتتامالى كومەكتەسۋ بويىنشا جىلۋ اتاۋ، كەلىسىمگە قول قويۋ سالتى قۇلجا قالاسىندا وتكىزىلدى، جياڭسۋ ولكەلىك پارتكومنىڭ تۇراقتى مۇشەسى، سۋجوۋ قالالىق پارتكومنىڭ شۋجيى ليۋ شياۋتاۋ، ىلە وبلىستىق پارتكومنىڭ شۋجيى ياڭ شيۋلي قيمىلعا قاتىناستى.
”سۋجوۋدىڭ شينجياڭعا تەرەڭ سۇيىسپەنشىلىگى“ اتىنداعى جىلۋ اتاۋ سالتىندا سۋجوۋ قالاسى، جاڭجياگاڭ قالاسى جەكە - جەكە قورعاس قالاسى مەن توعىزتاراۋ اۋدانىنا قارجىلاي 6 ميلليون يۋان، زاتتاي ٴبىر ميلليون يۋان جىلۋ اتادى، سۋجوۋ قالالىق قايىر ـ ساحابات باس قوعامى، قىزىل كرەست قوعامى، دۇڭ ۋ اكتسيا سەرىكتەستىگى قورعاس قالاسىنا، توعىزتاراۋ اۋدانىنا 4 ميلليون يۋان زاتتاي (قارجىلاي) جىلۋ اتادى. سۋجوۋ قالاسى تاعى قورعاس قالاسى مەن توعىزتاراۋ اۋدانىنا جەكە - جەكە قۇنى ٴبىر ميلليون يۋاندىق ”سۋجوۋدا جاسالعان زەردەلى“ ونىمدەردى جىلۋعا اتادى.
وسىدان كەيىن، سۋجوۋ ـ ىلە ەكى جەردىڭ قاتىستى باسشىلارى ەلەكتروندىق ەكراندى ٴتۇرتىپ، ”جياڭسۋ ـ ىلە سۇيىسپەنشىلىگى . ٴبىر نيەتپەن جان - جاقتى توعىسۋ“ اتىنداعى سۋجوۋ - قورعاس مادەنيەت اۋىس ـ كۇيىس جىلى جەلىلەس قيمىلدارى مەن ”جياڭسۋ ـ ىلە سۇيىسپەنشىلىگى . جاڭجياگاڭ مەن توعىزتاراۋ جۇرەكتەس“ مادەنيەت ارقىلى شينجياڭدى نارلەندىرۋ، ”ٴبىر قالاشىقتا ٴبىر ٴونىم بولۋ“ جەلىلەس ينجەنەرياسىنىڭ شىمىلدىعىن اشتى.
”كاسىپ سالاسى بويىنشا شينجياڭعا كومەكتەسىپ، دامۋدى جەبەۋ“ نىساندارىنا قول قويۋ (باستاۋ) سالتىندا بەينە بايلانىسقا تىكە جالعانعان سۋجوۋداعى قيمىل الاڭىنان ليۋ شياۋتاۋ جۇڭگو - ەۆروپا كەزەكشى پويەزى (سۋجوۋ - قورعاس - دۋيسبۋرگ) تاسىمال مەن ساۋدانى توعىستىرۋ ارناۋلى پويەزىنىڭ رەسمي جولعا شىققاندىعىن جاريالادى. سول جەردىڭ وزىندە جالپى ٴبىر ميلليارد 70 ميلليون يۋان قارجى قوسىلعان ”كاسىپ سالاسى بويىنشا شينجياڭعا كومەكتەسىپ، دامۋدى جەبەۋ“ 8 نىسانعا قول قويىلدى، بۇل مادەنيەت، ساياحات، سيفرلى ەكونوميكا، شەكارا اتتاعان ەلەكتروندى ساۋدا، ەمدەۋ اسپاپتارى سياقتى سالالارعا سايادى.
وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشىسى جاۋ چيڭحۇڭ سالتتى باسقارعاندا ىلە وبلىستىق پارتكوم، ۇكىمەت جانە الدىڭعى شەپ قولباسشىلىق شتابى اتىنان سۋجوۋ جانە جاڭجياگاڭ قالالىق پارتكومنىڭ، قالالىق ۇكىمەتتىڭ ۇزاق ۋاقىتتان بەرى ىلە وبلىسىنىڭ ەكونوميكالىق، قوعامدىق ىستەرىنىڭ دامۋىنا بار ىنتا - پەيىلىمەن قولداۋ كورسەتىپ كەلگەنىنە، اسىرەسە، وسى رەت سۋجوۋ قالالىق پارتيا، ۇكىمەت ۋاكىلدەر ۇيىرمەسىنىڭ ىلەگە كەلىپ تەكسەرۋ جۇرگىزىپ، سەلبەستىك جاساپ، مەيىر باعىشتاعانىنا شىن كوڭىلدەن العىس ايتتى! ول بىلاي دەدى: وسى رەتكى شوعىرلى جىلۋ اتاۋ جانە نىساندارعا قول قويۋ، سونداي ـ اق سۋجوۋ ـ ىلە ەكى جەردەگى كادرلار مەن بۇقارا ٴبىر ـ بىرىنە قارايلاسىپ، ٴوزارا كومەكتەسىپ، ىلە وبلىسىنىڭ حالىق تۇرمىسىن جاقسارتۋدى، اۋىل ـ قىستاقتى گۇلدەندىرۋدى جانە كاسىپ سالاسىنىڭ دارەجەسىن جوعارىلاتۋدى پارمەندى ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن جەدەلدەتۋگە تىڭ قوزعاۋشى كۇش قوسىپ، جاڭا داۋىردەگى شينجياڭعا باعىتتامالى كومەكتەسۋدە ”جياڭسۋ ـ ىلە سۇيىسپەنشىلىگىنىڭ“ جاڭا تاراۋىن بىرگە جازىپ، ٴوڭىردىڭ سايكەستى دامۋىن، بىرگە بايۋىن جەبەۋگە اناعۇرلىم زور ۇلەس قوستى.
سۋجوۋ قالاسىنىڭ باسشىلارىنان چي سۇڭ، ۋاڭ ياڭ، شىن مي، جوۋ داچيڭ، ىلە وبلىسىنىڭ باسشىلارىنان قايرات اشىك ۇلى، فىڭ جو، ما تاۋ، سۋجوۋ - ىلە ەكى جەردىڭ قاتىستى تاراۋلارىنداعى (ورىندار) جاۋاپتى جولداستار، ٴبىر ٴبولىم كاسىپورىنشىلاردىڭ ۋاكىلدەرى سالتقا قاتىناستى.
شەكارا اتتاعان ەلەكتروندى ساۋدا كاسىپ باقشاسىنا قارجى قوسىپ سەلبەسۋ نيەت كەلىسىمى بويىنشا شاڭحاي ياۋلان ينفورماتسيا عىلىم ـ تەحنيكا شەكتى سەرىكتەستىگى، شاڭحاي حۋادۇن كەڭەس بەرۋ، باسقارۋ شەكتى سەرىكتەستىگى، قورعاس جانفىڭ حالىقارالىق ساۋدا شەكتى سەرىكتەستىكتەرىنىڭ سۋشين كاسىپ ورنالاستىرۋ دانەكەرىنە ىرگە تەبۋى جونىندە شوعىرلى كەلىسىمگە قول قويدى.
سۇن ي - نان فوتوسى