ما شيڭرۇي، يە جيانچۇن، ەركىن تۇنياز قاتىستى قيمىلدارعا قاتىناستى

8 ـ ايدىڭ 18 ـ كۇنىنەن 20 ـ كۇنىنە دەيىن جياڭشي ولكەلىك پارتكومنىڭ ورىنباسار شۋجيى، ولكە باستىعى يە جيانچۇن جياڭشي ولكەسى ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ٴتۇيىلىستىردى. سۋرەتتە: 8 ـ ايدىڭ 18 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ۇرىمجىدە ۋاكىلدەر ۇيىرمەسىندەگىلەرمەن كەزدەسۋدە.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 8-ايدىڭ 20-كۇنى ۇرىمجىدەن حابارلايدى. 8-ايدىڭ 18-كۇنىنەن 20-كۇنىنە دەيىن جياڭشي ولكەسى ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 8-كۇنى ۇرىمجىدە جياڭشي ولكەلىك پارتكومنىڭ ورىنباسار شۋجيى، ولكە باستىعى يە جيانچۇنمەن كەزدەسىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن تياناقتاندىرۋدى ارقاۋ ەتە وتىرىپ ىشكەرىلەي پىكىرلەسىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىندە جاڭا ىلگەرىلەۋشىلىكتەرگە قول جەتكىزۋدى، شينجياڭ مەن جياڭشيدىڭ تەرەڭدەي سەلبەستىك جاساسۋىندا جاڭا جاعداي اشۋدى قول ۇستاسا ىلگەرىلەتتى.

ما شيڭرۇي اۆتونوميالى رايوندىق پارتكوم، ۇكىمەت جانە بۇكىل شينجياڭداعى ٴار ۇلت حالقى اتىنان جياڭشي ولكەسى ۋاكىلدەر ۇيىرمەسىنىڭ كەلگەندىگىن قارسى الدى، جياڭشي ولكەسىنىڭ ۇزاق ۋاقىتتان بەرى شينجياڭ قىزمەتىنە بار كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە العىس ايتتى. ول بىلاي دەدى: جياڭشى ولكەسى باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋدى كەلەلى ساياسي مىندەت ەتىپ، كومەك قابىلداعان جەردىڭ قاجەتىمەن تىعىز بايلانىستىرا وتىرىپ ٴتۇرلى قىزمەتتىڭ تياناقتانۋىن، ناقتىلانۋىن ىلگەرىلەتىپ، شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوستى، شينجياڭداعى ٴار ۇلت حالقى شىن جۇرەكتەن العىس ايتادى. تاياۋ جىلداردان بەرى، جياڭشي ولكەسى نازاردى ”الدا ٴجۇرۋ، ەرلىكپەن العا ۇمتىلۋ، ىسكەرلىك كورسەتۋگە شەبەر بولۋ“ سىندى نىسانا تالابىنا مىقتاپ شوعىرلاندىرىپ، ”3 ۇلكەن بيىكتى“ تۇلعالاۋدى، ”5 ۇلكەن ستراتەگيانى“ اتقارۋدى ارقاۋ ەتە وتىرىپ جاۋاپكەرشىلىك ارقالاپ، ىسكەرلىك كورسەتىپ، جۇڭگو ۇلگىسىندەگى وسىزامانداندىرۋدىڭ جياڭشي تاراۋىن جازۋدا ۇزدىكسىز جاڭا بەينە ايگىلەدى. شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، جوعارى ساپالى دامۋدى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋعا قۇلشىندى. جاڭا جورىقتا ەكى ولكە ـ اۆتونوميالى رايوننىڭ باعىتتامالى كومەكتەسۋ قىزمەتىن تەرەڭدەتۋدى تۇتقا ەتىپ، شينجياڭ مەن جياڭشيدىڭ اۋىس ـ كۇيىسى مەن سەلبەستىگىنىڭ اناعۇرلىم تەرەڭ قاتپارعا قاراي كەڭەيۋىن ىلگەرىلەتۋىن ٴۇمىت ەتەمىن. دامۋ ستراتەگياسىن ٴتۇيىلىستىرۋدى كۇشەيتىپ، باسىمدىقتارى ارقىلى ٴبىرىن ـ ٴبىرى تولىقتاۋدى كۇشەيتىپ، جوعارى ساپالى دامۋدى ىلگەرىلەتۋدە، جاڭا دامۋ ارناسىنا قىزمەت وتەۋدە جانە ونىمەن توعىسۋدا ٴوزارا جەبەپ، بىرگە ىلگەرىلەۋ كەرەك. شينجياڭنىڭ ەنەرگيا بايلىعى كومەسكى كۇشىن ساۋلەلەندىرىپ، ەنەرگيا، ماڭىزدى كەن ونىمدەرى سياقتى سالالاردا سەلبەستىكتى كۇشەيتىپ، وسىزاماندانعان كاسىپ سالاسى جۇيەسىن بىرگە ورناتۋ كەرەك. ادامداردىڭ بارىس ـ كەلىسىن جانە مادەنيەت، ساياحات سياقتى سالالارداعى اۋىس ـ كۇيىستى كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەۋ كەرەك. شينجياڭ تۇلعالىق جاۋاپكەرشىلىكتى بەرىك ارقالاپ، قىزمەت وتەۋدى، قامتاماسىز ەتۋدى ىرىقتى تۇردە ويداعىداي ىستەپ، ٴتۇيىلىستىرۋدى، سايكەستىرۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن بار كۇشپەن ىلگەرىلەتەدى.

يە جيانچۇن جياڭشي ولكەلىك پارتكوم، ولكەلىك ۇكىمەت جانە ولكەلىك پارتكومنىڭ شۋجيى يىن حۇڭ اتىنان شينجياڭ ۇيعۇر اۆتونوميالى رايونىنىڭ ۇزاق ۋاقىتتان بەرى جياڭشيگە كوڭىل ٴبولىپ، قولداۋ كورسەتىپ جانە كومەكتەسىپ كەلگەندىگىنە العىس ايتتى. ول بىلاي دەدى: تاياۋ جىلداردان بەرى شينجياڭ باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ جانە ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە ۇزدىكسىز جاڭا ىلگەرىلەۋشىلىكتەرگە قول جەتكىزدى، رەفورما، دامۋ، ورنىقتىلىق قىزمەتتەرىندە قول جەتكىزگەن اسا زور تابىستارى كىسىنى سۇيىندىرەدى. جياڭشي توڭكەرىستىك بايىرعى رايون رەتىندە، جاڭا داۋىردەگى شينجياڭعا باعىتتامالى كومەكتەسۋدىڭ ”ٴبىرىنشى دارەجەلى قىزمەتىن“ قۇلشىنا جاراتۋدى باستان ـ اياق نىسانا ەتىپ، قىزىلسۋ قىرعىز اۆتونوميالى وبلىسىنىڭ جانە اقتاۋ اۋدانىنىڭ ەكونوميكاسىنىڭ، قوعامىنىڭ جوعارى ساپالى دامۋىنا جياڭشيدىڭ كۇش ـ قۋاتىن ٴۇرتىس ارناۋعا قۇلشىنادى. ٴبىز باس شۋجي شي جينپيڭنىڭ باعىتتامالى كومەكتەسۋ قىزمەتىن تەرەڭدەتۋ جونىندەگى ماڭىزدى نۇسقاۋىنىڭ رۋحىن جاپپاي تياناقتاندىرىپ، شينجياڭعا باعىتتامالى كومەكتەسۋ قىزمەتىن ويداعىداي ىستەۋدەگى ساياسي جاۋاپكەرشىلىكتى باتىل ارقالاپ، 9 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىندەگى ورنالاستىرۋلارعا، تالاپتارعا جانە بىلتىرعى جياڭشي مەن شينجياڭ ەكى جەردىڭ باعىتتامالى كومەكتەسۋ قىزمەتى اڭگىمە ماجىلىسىندەگى تالاپتارعا ساي، نازاردى كاسىپ سالاسى جاعىنان شينجياڭعا كومەكتەسۋ، اقىل ـ پاراسات جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ، جۇمىستاندىرۋ جاعىنان شينجياڭعا كومەكتەسۋ، شينجياڭدى مادەنيەتپەن نارلەندىرۋ سياقتىلارعا شوعىرلاندىرىپ، جياڭشيدىڭ ارتىقشىلىعى ارقىلى قىزىلسۋ وبلىسىنىڭ جانە اقتاۋ اۋدانىنىڭ دامۋ قاجەتىمەن تولىق ٴتۇيىلىسىپ، ناقتى شارالار ارقىلى شينجياڭعا باعىتتامالى كومەكتەسۋ قىزمەتىنىڭ تەرەڭدەۋىن، ناقتىلانۋىن ىلگەرىلەتىپ، جياڭشي _ شينجياڭ سەلبەستىگىنىڭ جاڭا جاعدايىن ۇزدىكسىز اشامىز.

شينجياڭداعى كەزىندە ۋاكىلدەر ۇيىرمەسى جياڭشي جاراتىلىستىق عىلىمدار داشۋەسى _ قىزىلسۋ وبلىسى ستراتەگيالىق بايلىق اشۋ جانە ودان پايدالانۋدى زەرتتەۋ ورنىن، قىزىلسۋ وبلىسى الەۋمەتتىك ٴامالي جاتتىعۋ بازاسىن، اقتاۋ اۋداندىق جيڭگاڭشان بالاباقشاسىن ىشكەرىلەي ارالاپ، عىلىم ـ تەحنيكا جاعىنان شينجياڭعا كومەكتەسۋ، جۇمىستاندىرۋ جاعىنان شينجياڭعا كومەكتەسۋ، وقۋ ـ اعارتۋ جاعىنان شينجياڭعا كومەكتەسۋ قىزمەتىنىڭ ونىمدىلىگىنە تەكسەرۋ جۇرگىزىپ، قىزىلسۋ جۇڭي شيپاحاناسى جاڭا شيپاحاناسى نىسانى قۇرىلىسىنىڭ اياق الىسىنا جانە اقتاۋ اۋداندىق حالىق شيپاحاناسىنا ەمدەۋ جاعىنان شينجياڭعا كومەكتەسۋ قىزمەتىنە جۇمىس باسىندا تەكسەرۋ جۇرگىزىپ، نانكاڭ ٴۇي جيھازدارى ايگىلى ماركالارى سارايىن، شينجياڭ شينليلاي چەمودان شەكتى سەرىكتەستىگىن، اقتاۋ اۋدانى جينحاڭ توقىماشىلىق سەرىكتەستىگىن ارالاپ، اقتاۋ اۋدانى بارىن اۋىلى شيڭحۋايۋان الەۋمەتتىك اۋماعىندا، قۇم قىستاعىنىڭ قويان ٴشوپ جىلى جايى مەن بۇلۇڭكول اۋىلىنىڭ حالىقتىق تۇسەلحانا نىسانىنا تەكسەرۋ جۇرگىزىپ، نەگىزگى ساتىداعى بۇقاراعا امانداسىپ، ولاردان حال سۇرادى. ۋاكىلدەر ۇيىرمەسى تاعى شينجياڭعا كومەككە كەلگەن كادر ـ دارىندىلارعا امانداسا بارىپ، شينجياڭداعى جياڭشيلىك كاسىپورىنشىلار ۋاكىلدەرىمەن كەزدەسىپ، قىزىلسۋ وبلىسىمەن باعىتتامالى كومەكتەسۋ قىزمەتى جونىندە اڭگىمە ٴماجىلىسىن اشتى.

جياڭشي ولكەسىنىڭ باسشىلارىنان رىن جۋفىڭ، لو شياۋيۇن، اۆتونوميالى رايوننىڭ باسشىلارىنان چىن ۋيجۇن، چىن ميڭگو ٴماردان مۇحيت، كۇڭ شيڭلۇڭ قاتىستى قيمىلدارعا قاتىناستى.