ۋاڭ جىڭپۋ، ەركىن تۇنياز، حى جۇڭيوۋ قيمىلعا قاتىناستى

انار بۇلت \ شينجياڭ گازەتىنىڭ ٴتىلشىسى لي ياڭ 8 ـ ايدىڭ 29 ـ كۇنى كورلادان حابارلايدى. 8 ـ ايدىڭ 27 ـ كۇنىنەن 29 ـ كۇنىنە دەيىن حىبەي ولكەلىك پارتكومنىڭ ورىنباسار شۋجيى، ولكە باستىعى ۋاڭ جىڭپۋ حىبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەرىپ، ٴتۇيىلىستىرىپ، حىبەي مەن شينجياڭنىڭ سەلبەستىگىن، اۋىس ـ كۇيىسىن ىشكەرىلەي ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ قاتىستى قيمىلدارعا قاتىناستى.

8 ـ ايدىڭ 28 ـ كۇنى تۇستەن بۇرىن حىبەي ولكەسى ● شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ٴماجىلىسى كورلا قالاسىندا اشىلدى. ەركىن تۇنياز اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونىمىزداعى ٴار ۇلت كادرلارى مەن بۇقاراسى اتىنان حىبەي ولكەسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعانىنا جانە قالتقىسىز كومەكتەسكەنىنە شىن جۇرەكتەن العىس ايتتى. ول بىلاي دەدى: سوڭعى جىلدارى حىبەي ولكەلىك پارتكوم، ولكەلىك ۇكىمەت باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن باستان ـ اياق ماڭىزدى ساياسي جاۋاپكەرشىلىك ەتىپ، حىبەيدىڭ ەرەكشەلىگىن ايگىلەيتىن، كومەك قابىلداۋشى جەردىڭ ٴىس جۇزىندىك جاعدايىنا ۇيلەسەتىن شينجياڭعا كومەكتەسۋ جولىمەن ٴجۇردى. قازىر شينجياڭنىڭ رەفورماسى مەن دامۋى جاڭا تاريحي باستامادا تۇر، 2 ولكە، اۆتونوميالى رايوننىڭ كاسىپ سالاسى سەلبەستىگىن ونان ارى تەرەڭدەتىپ، وزدەرىنىڭ ەرەكشەلىگىن، باسىمدىعىن ايگىلەيتىن وسىزاماندانعان كاسىپ سالاسى جۇيەسىن قۇرۋىن؛ ەنەرگيا بايلىعى سالاسىنداعى سەلبەستىكتى تەرەڭدەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، ەنەرگيانىڭ جاسىل، تومەن كومىر قىشقىل گازدى تيپ جاڭالاۋىن ىلگەرىلەتۋگە بىرگە ۇلەس قوسۋىن؛ جوعارى دەڭگەيلى سىرتقا ەسىك اشۋ سەلبەستىگىن تەرەڭدەتىپ، ەكى جەردىڭ قۇرلىق، تەڭىز شەكارا وتكەلدەرىنىڭ تۇتاسۋىن كۇشەيتىپ، حىبەي تەڭىز پورتتارىنىڭ يقۋاتىنىڭ شينجياڭ شەكارا وتكەلدەرىنە قاراي كەڭەيۋىن جەدەلدەتۋىن؛ ەكى جەردىڭ گۋمانيتارلىق اۋىس ـ كۇيىسىن تەرەڭدەتىپ، مادەنيەت، ساياحات، وقۋ ـ اعارتۋ، عىلىم ـ تەحنيكا، ەمدەۋ، دەنساۋلىق ساقتاۋ سياقتى سالالارداعى سەلبەستىكتى كۇشەيتىپ، ۇنەمى بارىس ـ كەلىس جاساپ، دوستىقتى كۇشەيتۋىن ٴۇمىت ەتەمىن.

ۋاڭ جىڭپۋ حىبەي ولكەلىك پارتكوم، ولكەلىك ۇكىمەت اتىنان شينجياڭ حالقىنا ىقىلاسپەن سالەم جولدادى. ول بىلاي دەدى: سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت قالىڭ كادرلار مەن بۇقارانى ىنتىماقتاستىرىپ جانە باستاپ، ەرلىكپەن العا باسىپ، ٴتۇرلى ىستەردە تىڭ دا كەلەلى تابىستارعا قول جەتكىزدى. حىبەي باس شۋجي شي جينپيڭنىڭ ماڭىزدى نۇسقاۋى مەن پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇزدىكسىز ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، شينجياڭنىڭ قاجەتىن تياناق ەتىپ، حىبەيدىڭ قابىلەتىن ساۋلەلەندىرىپ، كاسىپ سالاسى جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ، اقىل ـ پاراسات جاعىنان شينجياڭعا كومەكتەسۋ جانە شينجياڭدى مادەنيەتپەن نارلەندىرۋ قىزمەتىن اناعۇرلىم ويداعىداي ىستەپ، كاسىپ سالاسى باقشا رايونىن قۇرۋ ـ باسقارۋ، ەمدەۋ، دەنساۋلىق ساقتاۋ، نەگىزدىك وقۋ ـ اعارتۋ سياقتى سالالارداعى قابىلەت دەڭگەيىن جوعارىلاتۋعا كومەكتەسەدى. ناقتى ىستەر سەلبەستىگىن تەرەڭدەتىپ، بەيجيڭ ـ تيانجين ـ حىبەيدىڭ سايكەستى دامۋى، شيۇڭ ـ ان جاڭا رايونى قۇرىلىسى جانە جىبەك جولى ەكونوميكالىق بەلدەۋى وزەكتى رايونى قۇرىلىسى سياقتى كەلەلى ورايلاردى مىقتى يگەرىپ، ەكونوميكا ـ ساۋدا، مادەنيەت ـ ساياحات، حالىق تۇرمىسى، اۋىل شارۋاشىلىعى، ەنەرگيا، زات اينالىمى، كەن ونىمدەرى سياقتى سالالاردا سەلبەستىك جاساسىپ تەڭ يگىلىككە كەنەلۋدى ۇزدىكسىز ىلگەرىلەتىپ، حىبەي مەن شينجياڭ ەكى جەردىڭ جوعارى ساپالى دامۋىنىڭ تىڭ تاراۋىن قۇلشىنا جازادى.

اڭگىمە ماجىلىسىندە قاتىستى باسشىلار اۆتونوميالى رايون مەن بيڭتۋاننىڭ ەكونوميكالىق، قوعامدىق دامۋ جاعدايىن، حىبەي ولكەسىنىڭ ەكونوميكالىق، قوعامدىق دامۋىنىڭ جانە شينجياڭعا باعىتتامالى كومەكتەسۋ قىزمەتىنىڭ جاعدايىن جەكە ـ جەكە تانىستىردى، ەكى جاق تارتۋ ۇسىنۋ سالتىن وتكىزدى.

شينجياڭداعى كەزىندە، حىبەي ولكەسىنىڭ پارتيا، ۇكىمەت ۋاكىلدەر ۇيىرمەسى كورلا قالاسىنا، يانجي حۇيزۋ اۆتونوميالى اۋدانىنا، باعراش اۋدانىنا جانە تيەمىنگۋان قالاسىنا بارىپ، كاسىپورىن، مەكتەپ، اۋىل ـ قىستاق، شيپاحانا سياقتىلاردى ارالاپ، شينجياڭعا باعىتتامالى كومەكتەسۋ نىسان قۇرىلىستارىنىڭ ىلگەرىلەۋ جاعدايىن تەكسەرىپ، نەگىزگى ساتىداعى بۇقارانى ارالاپ، شينجياڭعا كومەككە كەلگەن كادر، دارىندىلارعا امانداستى جانە ولاردان حال سۇرادى ٴارى اڭگىمە ٴماجىلىسىن وتكىزدى.

حىبەي ولكەسىنىڭ باسشىلارىنان چىن پيڭ، جاڭ گۋجياڭ، اۆتونوميالى رايون مەن بيڭتۋاننىڭ باسشىلارىنان قايسار ابدۇكەرىم، باتۋ، حا زىڭيوۋ، لي شۇي قاتىستى قيمىلدارعا قاتىناستى.